មន្រ្តីមូលដ្ឋានបានឱ្យដឹងថា ប្តី និងប្រពន្ធចុងបានឈ្លោះប្រកែកគ្នាបន្តិចបន្តួច បែរជាធ្វើឱ្យប្តីមានតួនាទីជានាយប៉ុស្តិ៍រដ្ឋបាល ផ្ទុះកំហឹងក៏ដកកាំភ្លើងខ្លីម៉ាក K៥៤ បាញ់ប្រពន្ធចុង​៤ គ្រាប់។ តែផ្ទុះ២គ្រាប់ ត្រូវចំក្បាល ១ គ្រាប់ និង ក ១គ្រាប់ បណ្តាលឱ្យស្ត្រីរូបនោះដួលស្លាប់តែម្តង។

ហេតុការណ៍នេះបានកើតឡើងនៅមុខវត្តផាត់សណ្តោង ឃុំព្នៅទី១ ស្រុកស៊ីធរកណ្តាល ខេត្តព្រៃវែង កាលពីពេលថ្មីៗនេះ។

ជនសង្ស័យឈ្មោះ ម៉ៅ សុវណ្ណហុង អាយុ ៥៣ ឆ្នាំ ជានាយប៉ុស្តិ៍នគរបាលឃុំព្នៅទី១ នៅភូមិផាត់សណ្តោង ខេត្តព្រៃវែង ។ ចំណែកស្រ្តីដែលស្លាប់ឈ្មោះ សុខ មួយ អាយុ ៥១ ឆ្នាំ នៅភូមិឃុំជាមួយគ្នា។ 

ក្រោយកើតហេតុ បុរសដែលបាញ់ប្រពន្ធក៏ត្រូវសមត្ថកិច្ចចាប់ខ្លួនភ្លាមៗ។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលស្រុកស៊ីធរកណ្តាល ដើម្បីបន្តនីតិវិធី៕

អត្ថបទ៖ សៅគ្រី

The post សមត្ថកិច្ច ចាប់ខ្លួនមេប៉ុស្តិ៍ឃុំព្នៅទី១ បានភ្លាមៗ ក្រោយបាញ់សម្លាប់ប្រពន្ធចុង appeared first on Kampuchea Thmey Daily.