ចំពោះវត្តមានតារារៀមច្បងរូបនេះ ពេជ្រ សូលីកា រៀបរាប់ថា ខ្លួនស្គាល់តារាចម្រៀង យក់ ថិតរដ្ឋា តាំងពីមិនទាន់ចូលបឋមសិក្សា ដោយហេតុនេះហើយ ក្នុងឱកាសថ្ងៃសំខាន់របស់ខ្លួន ពោលគឺ ព្រឹត្តិការណ៍ប្រគំតន្ត្រី TWILIGHT THE FIRST CONCERT ពិតជាមិនអាចខ្វះវត្តមានតារាចម្រៀងដែលពេញដោយសមត្ថភាព យក់ ថិតរដ្ឋា ឡើយ

អ្នកនាងថា “ខ្ញុំត្រូវការ idol ដ៏ពិសេសរបស់ខ្ញុំ មកចូលរួមថ្ងៃសំខាន់នេះ” ។ នេះបើតាមវីដេអូឃ្លីបមួយ ដែលត្រូវបានទម្លាយចេញពីព្រឹត្តិការណ៍ប្រគំតន្ត្រីដ៏អស្ចារ្យកាលពីរាត្រី ថ្ងៃទី២២ កុម្ភៈ ។

គួរជម្រាបថា តារចម្រៀងទាំង ២ដួង អាចចាត់ទុកបានថា ជារាជិនីមនោសញ្ចេតនាដូចគ្នា គ្រាន់តែខុសជំនាន់ប៉ុណ្ណោះ។ តួយ៉ាង បើក្រឡេកមើលទៅប្រមាណជាជាង ២០ឆ្នាំមុន មនុស្សក្នុងស្រទាប់យុវវ័យ ចម្រៀងមនោសញ្ចេតនារបស់ យក់ ថិតរដ្ឋា បានឆក់យកដួងចិត្តអ្នកស្តាប់មិនតិចបទនោះទេ ខណៈចម្រៀងភាគច្រើន នៅតែមានអ្នកចងចាំនិងអាចច្រៀងតាម។

មិនខុសគ្នានោះទេ បើមើលមកបច្ចុប្បន្ន ពេជ្រ សូលីកា នៅតែឈរលើលំដាប់តារាមនោសញ្ចេតនា ទាំងសំឡេងនិងសម្រស់ នៅតែអាចប្រជែងប្រជាប្រិយភាពក្នុងសម័យកាលចម្រៀងទំនើប មិនចាញ់តារារះថ្មីនោះឡើយ៕

The post ពេជ្រ សូលីកា និយាយពាក្យក្នុងចិត្ត ធ្វើឱ្យរៀមច្បង យក់ ថិតរដ្ឋា រំភើបស្រស់ទឹកភ្នែកលើឆាក appeared first on Kampuchea Thmey Daily.

រម្លឹកដល់រឿងធ្លាប់ច្រៀងដួលលើឆាកប្រគំតន្រ្តី តារាចម្រៀង យក់ ឋិតរដ្ឋា បានរៀបរាប់ថាវាជាបទពិសោធមួយសម្រាប់ជីវិតដែលនៅតែចងចាំមិនភ្លេច។ អ្នកនាង យក់ ឋិតរដ្ឋា បានរៀបរាប់ថា “Share ម្តងទៀតទុកជាការចងចាំដ៏ល្អមួយសម្រាប់ជីវិតជាតារាចម្រៀងមួយរូប ទោះជាក្នុងកាល:ទេស:អ្វី ក៏ត្រូវតែតាំងស្មារតីដោះស្រាយ”។

អ្នកនាង យក់ ថិតរដ្ឋា ថា “ឈឺចាប់មួយលានដងសម្រាប់ខ្ញុំពេលកំពុងបំពេញភារ:កិច្ចអត់ឈឺអី្វតិចសោះត្រឹមឈាមជង្គង់ប៉ុណ្ណឹង ព្រោះបានកម្លាំងចិត្តពីបងប្អូនអ្នកគាំទ្រត្រូវតែបន្តទៀតឱ្យបានចប់ដើមចប់ចុង តែនៅក្រោយឆាកវិញ យំផងឈឺផង ញ័រជើងផងឡូយតែនៅមុខគេទេ“។

តារាចម្រៀងជើងចាស់អ្នកនាង យក់ ឋិតរដ្ឋា កន្លងមកត្រូវបានគេចាំថាបន្ទាប់ពីនាងបានសាងឈ្មោះល្បីលើវិថីសិល្ប:មួយរយ:មកនោះគឺតារាស្រីរូបនេះក៏បា នដកខ្លួនចេញពីអាជីពចម្រៀងជា ច្រើនឆ្នាំដោយទៅសម្ងំបើកអាជីពរកស៊ីផ្ទាល់ខ្លួនស្ទើភ្លេចសិល្ប:ទៅហើ យ។

ទោះបីយ៉ាងណាមិញក្រោយរសាត់ឆ្ងាយពីសិល្ប:អ ស់មួយសន្ទុះធំអ្នកនាង យក់ ឋិតរដ្ឋា ក៏លេចវត្តមានឡើងវិញជាមួយការប្រកាសវិលចូលវិស័យចម្រៀងដែលខ្លួនធ្លាប់បោះបង់យូឆ្នាំកន្លងទៅហើយ។ ទន្ទឹមគ្នានោះដែរ អ្នកនាង យក់ ថិតរដ្ឋាក៏បានស្នើរដល់មហាជនបន្តជួយផ្តល់ជាកម្លាំងចិត្ត និងគាំទ្រវត្តមានរបស់ខ្លួន តាមរយ:ឆាកតន្ត្រីឬបទចម្រៀងថ្មីៗខ្លួនផងដែរ៕ អត្ថបទ៖ ចាន់រ៉ា

The post ធ្លាប់ដួលលើឆាក! យក់ ថិតរដ្ឋា យករឿងនេះទុកជាមេរៀនតឿនស្មារតី ទោះកាលៈទេសៈអ្វី ត្រូវនឹងធឹងដោះស្រាយ appeared first on Kampuchea Thmey Daily.