ដ្បិតគ្មានការទម្លាយព័ត៌មានលម្អិតអំពីរឿងនេះ ប៉ុន្តែអ្នកកាសែតនៅលើយន្តហោះ បានឲ្យដឹងថា ភ្លើងនៅក្នុងបន្ទប់របស់អ្នកសារព័ត៌មានបានរលត់មួយភ្លែត បន្ទាប់ពីយន្តហោះហោះឡើងបានបន្តិច។ លុះពេលយន្តហោះ ហោះបានប្រហែលកន្លះម៉ោង អ្នកសារព័ត៌មានទាំងអស់ ត្រូវគេប្រាប់ថា យន្តហោះនឹងបកត្រឡប់ក្រោយវិញ។ 

យ៉ាងណាក្តី លោកត្រាំ បានឡើងយន្តហោះមួយគ្រឿងទៀត ហើយធ្វើដំណើរទៅកាន់ប្រទេសស្វីស ធម្មតា។

លោក ត្រាំ ធ្លាប់សម្តែងការខកចិត្តចំពោះការពន្យារពេលក្នុងការផ្តល់យន្តហោះ 747-8 ចំនួនពីរ​គ្រឿង ដើម្បីបម្រើ​ការ​ជាយន្តហោះ Air Force One ថ្មី ព្រោះ Air Force One ប្រើសព្វថ្ងៃហាក់ចាស់ណាស់ទៅហើយ។

ក្រោយមកមានសេចក្តីរាយការណ៍ថា លោកត្រាំ ព្រមទទួលយកយន្តហោះ Boeing 747-8 ដ៏​ប្រណិត​មួយ​គ្រឿង​​ពី​ខ្សែ​រាជវង្សកាតា ក្នុង​​បំណង​យក​ទៅ​បម្រើការ​បណ្តោះអាសន្នជា​យន្តហោះ Air Force One។

យន្តហោះ​នេះ មានតម្លៃប្រហែល ៤០០​លានដុល្លារ និងត្រូវបានគេដាក់ឈ្មោះថា «រាជវាំង​លើ​អាកាស (Flying Palace)»។ វា​នឹងត្រូវប្រើប្រាស់​ជាបណ្ដោះ​អាសន្ន​សម្រាប់​ដឹក​ប្រធានាធិបតី​អាមេរិក ខណៈ​យន្តហោះ​ Air Force One ផ្លូវការ​​ដែល​ផលិត​ដោយ​ក្រុមហ៊ុន Boeing ត្រូវ​បាន​​ពន្យារ​​ពេល​​ដឹក​ជញ្ជូន។

បន្ទាប់ពី​ចប់​អាណត្តិ លោក ត្រាំ គ្រោងនឹងផ្ទេរយន្តហោះ​ដែល​ជា​អំណោយ​របស់​​កាតា​នេះ​ទៅ​ឲ្យ​​អង្គការ​មូលនិធិបណ្ណាល័យប្រធានាធិបតី៕

អត្ថបទ៖ សុខ សុវណ្ណ

The post Air Force One ដឹកលោកត្រាំ ទៅស្វីស មានបញ្ហាប្រព័ន្ធអគ្គិសនីលើអាកាស ត្រូវហោះបកទៅ វ៉ាស៊ីនតោនវិញ appeared first on Kampuchea Thmey Daily.

ប៉ុន្តែទោះជាយ៉ាងណា វាមិនមែនជាការផ្លាស់ប្ដូរទាំងស្រុងពីម៉ូដែលចាស់នោះទេ ពោលវាគ្រាន់តែខុសគ្នាពីម៉ូដែលមុនតែប៉ុន្មានកន្លែងប៉ុណ្ណោះ ហើយចំណុចដែលត្រូវកែកុននោះរួមមាន៖

• ផ្នែកខាងក្រោមយន្តហោះដែលមានពណ៌ខៀវខ្ចី នឹងត្រូវលាបពណ៌ខៀវចាស់ជំនួសវិញ

• ម៉ាស៊ីនយន្តហោះក៏នឹងប្រើពណ៌ខៀវចាស់ផងដែរ ដែលបានប្រើរួចហើយនៅក្នុងតំបន់កាប៊ីនយន្តហោះ

• ផ្នែកដែកប៉ូលានៅខាងក្រោមយន្តហោះ ត្រូវបានដកចេញ និងជំនួសដោយលោហធាតុអាលុយមីញ៉ូម ព្រោះវាការពារភាពច្រែះ

ទន្ទឹមនោះ ការកែកុននេះក៏នឹងត្រូវបានអាប់ដេតបន្តិចបន្តួចផងដែរ ទៅតាមតួរបស់យន្តហោះថ្មីប្រភេទ Boeing 747-8i ដែលមានទំហំធំជាងយន្តហោះចាស់ ។

គួរបញ្ជាក់ថា ដំបូងឡើយ យន្តហោះ Air Force One គឺមានពណ៌ក្រហម ស និងខៀវខ្ចី ខណៈបន្ទាប់ពីការកែកុនថ្មីនេះហើយ យន្តហោះខ្នាតយក្សមួយនេះនឹងអាចចាប់ផ្ដើមប្រតិបត្តិការលើកទី ១ របស់ខ្លួននៅឆ្នាំ ២០២៧ ខណៈលើកទី ២ គឺនៅឆ្នាំ ២០២៨ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អាមេរិក ចង់ឃើញ រុស្ស៊ី ចាញ់សង្គ្រាម អ៊ុយក្រែន

The post អាមេរិក កែកុនយន្តហោះដឹកប្រធានាធិបតី Air Force One appeared first on Kampuchea Thmey Daily.

ប្រធានាធិបតីអាមេរិកអាយុ៧៨ឆ្នាំរូបនេះ បានជំពប់ជើងដួល៣ដង នៅពេលដែលលោកឡើងជណ្តើរយន្តហោះនៅឯមូលដ្ឋាន Joint Base Andrews ក្នុងរដ្ឋ Maryland។

ប្រធានាធិបតីវ័យចំណាស់ជាងគេបំផុតក្នុងប្រវត្តិសាស្រ្តសហរដ្ឋអាមេរិករូបនេះ បានព្យាយាមក្រោកឡើងវិញបន្ទាប់ពីការដួល។

នៅពេលចូលក្នុងយន្តហោះ អនុលេខាធិការសារព័ត៌មានសេតវិមានលោកស្រី Karine Jean-Pierre បានប្រាប់ក្រុមអ្នកកាសែតថា លោកមានសុខភាពល្អ១០០ភាគរយ ហើយត្រៀមខ្លួនសម្រាប់ដំណើរទស្សនកិច្ចរបស់លោកនៅក្នុងទីក្រុង Atlanta។

លោកស្រីក៏បាននិយាយផងដែរថា “ខ្យល់នៅខាងក្រៅល្អណាស់។ វាមានខ្យល់ខ្លាំង។ ខ្ញុំស្ទើរតែមិនអាចឡើងជណ្តើរដោយខ្លួនឯងបាន”។

ខ្យល់គឺមានល្បឿន៣០គីឡូម៉ែត្រក្នុងមួយម៉ោង នៅឯមូលដ្ឋាន Joint Base Andrews ខណៈពេលដែលលោកប្រធានាធិបតីកំពុងឡើងជិះយន្តហោះ។

គួរបញ្ជាក់ថា លោកនិងអនុប្រធានាធិបតីលោកស្រី Kamala Harris កំពុងធ្វើដំណើរទៅកាន់ទីក្រុង Atlanta នៃរដ្ឋ Georgia ដើម្បីជួបសហគមន៍ដែលរងគ្រោះដោយការបាញ់ប្រហារកាលពីថ្ងៃពុធ ដែលបណ្តាលឲ្យមនុស្ស៨នាក់ស្លាប់៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ លោក Joe Biden ជំពប់ជើងដួលច្រើនដង ខណៈពេលឡើងយន្តហោះប្រធានាធិបតី (មានវីដេអូ)

The post សេតវិមាន បន្ទោស ខ្យល់ ដែលធ្វើឲ្យលោក Biden ជំពប់ជើងដួលលើជណ្តើរយន្តហោះ Air Force One appeared first on Kampuchea Thmey Daily.