អាមេរិក កែកុនយន្តហោះដឹកប្រធានាធិបតី Air Force One

Air Force One គឺជាយន្តហោះបំពាក់ទៅដោយប្រព័ន្ធសុវត្ថិភាព និងការពារយ៉ាងសម្ងាត់សម្រាប់ដឹកប្រធានាធិបតីសហរដ្ឋអាមេរិក ខណៈកាលពីពេលថ្មីៗនេះ លោកប្រធានាធិបតី Joe Biden បានសម្រេចកែកុនយន្តហោះខ្នាតយក្សមួយនេះ ទៅជា Air Force One ជំនាន់ថ្មី ។

ប៉ុន្តែទោះជាយ៉ាងណា វាមិនមែនជាការផ្លាស់ប្ដូរទាំងស្រុងពីម៉ូដែលចាស់នោះទេ ពោលវាគ្រាន់តែខុសគ្នាពីម៉ូដែលមុនតែប៉ុន្មានកន្លែងប៉ុណ្ណោះ ហើយចំណុចដែលត្រូវកែកុននោះរួមមាន៖

• ផ្នែកខាងក្រោមយន្តហោះដែលមានពណ៌ខៀវខ្ចី នឹងត្រូវលាបពណ៌ខៀវចាស់ជំនួសវិញ

• ម៉ាស៊ីនយន្តហោះក៏នឹងប្រើពណ៌ខៀវចាស់ផងដែរ ដែលបានប្រើរួចហើយនៅក្នុងតំបន់កាប៊ីនយន្តហោះ

• ផ្នែកដែកប៉ូលានៅខាងក្រោមយន្តហោះ ត្រូវបានដកចេញ និងជំនួសដោយលោហធាតុអាលុយមីញ៉ូម ព្រោះវាការពារភាពច្រែះ

ទន្ទឹមនោះ ការកែកុននេះក៏នឹងត្រូវបានអាប់ដេតបន្តិចបន្តួចផងដែរ ទៅតាមតួរបស់យន្តហោះថ្មីប្រភេទ Boeing 747-8i ដែលមានទំហំធំជាងយន្តហោះចាស់ ។

គួរបញ្ជាក់ថា ដំបូងឡើយ យន្តហោះ Air Force One គឺមានពណ៌ក្រហម ស និងខៀវខ្ចី ខណៈបន្ទាប់ពីការកែកុនថ្មីនេះហើយ យន្តហោះខ្នាតយក្សមួយនេះនឹងអាចចាប់ផ្ដើមប្រតិបត្តិការលើកទី ១ របស់ខ្លួននៅឆ្នាំ ២០២៧ ខណៈលើកទី ២ គឺនៅឆ្នាំ ២០២៨ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អាមេរិក ចង់ឃើញ រុស្ស៊ី ចាញ់សង្គ្រាម អ៊ុយក្រែន