កន្លងទៅថ្មីៗនេះ លោកជំទាវអ្នកឧក ញ៉ា ម៉ៅ ចំណាន ប្រធានសមាគមសិល្បករខ្មែរ បានបរិច្ចាគថវិកាផ្ទាល់ខ្លួនចំនួន ៥ លានរៀលនិងថវិកាសមាគម ៨០ម៉ឺនរៀល ជួយសម្រួលការលំបាករបស់លោក យូឌីស្កូ ដែលកំពុងសម្រាកព្យាបាលជំងឺនៅប្រទេសឥណ្ឌា។ តែយ៉ាងណា ដើម្បីរក្សាអាយុជីវិតរបស់លោកបាន គឺមានតែការវះកាត់ប្តូរក្រលៀនប៉ុណ្ណោះ។

តាមរយៈសារពីទំព័រហ្វេសប៊ុកសមាគមសិល្បករខ្មែរ នៅថ្ងៃទី០៥ ខែកុម្ភៈ ឆ្នាំ២០២៦ បានអំពាវនាវថា នៅក្នុងគ្រាដ៏លំបាកនេះ សមាគមសិល្បករខ្មែរសូមអំពាវនាវដល់សប្បុរសជនជាទីគោរព ជាពិសេសសិល្បករ និងអ្នកស្រលាញ់វិស័យសិល្បៈ សូមមេត្តាចូលរួមបរិច្ចាគថវិកាតាមសទ្ធា និងទឹកចិត្តមេត្តាករុណា ដើម្បីជួយសម្រាលការលំបាកក្នុងដំណាក់កាលព្យាបាលជំងឺរបស់លោក យូឌីស្កូ ដែលកំពុងសម្រាកព្យាបាលនៅប្រទេសឥណ្ឌា។

សមាគមសិល្បករខ្មែរ ចាត់ទុកថា ការចូលរួមរបស់លោកអ្នកមិនត្រឹមតែជាជំនួយផ្នែកហិរញ្ញវត្ថុប៉ុណ្ណោះទេ ប៉ុន្តែជាកម្លាំងចិត្តដ៏ធំធេង ជួយបង្កើនសេចក្តីសង្ឃឹម និងភាពក្លាហានឱ្យសិល្បកររូបនេះ អាចឆ្លងកាត់វគ្គពិបាកនេះទៅបានដោយសុវត្ថិភាព។

គួរបញ្ជាក់ថា លោកយូឌីស្កូ បានធ្លាក់ខ្លួនឈឺជាទម្ងន់ជាថ្មីម្តងទៀតពាក់ព័ន្ធជំងឺខូចគ្រលៀន ហើយកំពុងត្រូវការថវិកាលាងឈាមជាប្រចាំនៅមន្ទីរពេទ្យប្រទេសឥណ្ឌា៕

The post សមាគមសិល្បករខ្មែរ អំពាវនាវដល់សប្បុរសជន និងអ្នកសិល្បៈ ផ្តល់ឱកាសរស់មួយឱ្យ យូឌីស្កូ ខណៈត្រូវការថវិកាដើម្បីវះកាត់ប្តូរក្រលៀន appeared first on Kampuchea Thmey Daily.

តាមរយៈសារពីគណនីហ្វេសប៊ុក លោក អុឹម ជីវ៉ា នាព្រឹកថ្ងៃព្រហស្បត្តិ៍នេះ បានរៀបរាប់ថា “ដំណឹងបន្ទាន់ លោក យូ ឌីស្កូ ត្រូវបញ្ជូលទៅប្រទេសឥណ្ឌាជាបន្ទាន់ដេាយសារជាតិពុលឡេីងខ្លាំងកម្រិតធ្ងន់! សំឡេងបង បានប្រាប់ថា ល័ក្ខអូន បងគ្មានអ្វីទៀតទេ សល់តែ៥០ភាគរយនៃក្តីសង្ឃឹមនៅពេលនេះ”។

សារដដែលនេះ បន្តថា “ខ្ញុំមិនអាចឈរមេីលបងដេាយដង្ហេីមហត់មួយនេះបានទេ ខ្ញុំនឹងលេីកដៃសុំពីមិត្តភ័ក្រ្តនិងរាប់អានខ្ញុំដូចគ្នាឱ្យជួយសង្រេា្គះបងម្នាក់បន្តិចៗនេះជាការដេីរកជំនួយលេីកទី២ របស់ខ្ញុំសម្រាប់បង ពេលវេលាលឿនពេកហេីយកំពុងលាងឈាមប្រាក់មិនគ្រប់គ្រាន់ សំឡេងយំរបស់បងកំពុងដក់ក្នុងខួរក្បាលរបស់ខ្ញុំ ហេីយពាក្យថា ជួយបងផងអូន គាត់គ្មានឱពុកម្តាយទេ កំព្រា”។

លោក អុឹម ជីវ៉ា បន្តថា លោកនឹងលេីកដៃសុំពីមិត្តភ័ក្តិនិងអ្នករាប់អានលោកដូចគ្នា ឱ្យជួយសង្គ្រោះលោកយូឌីស្កូម្នាក់បន្តិចៗ ខណៈនេះជាការដេីរកជំនួយលេីកទី២របស់លោកហើយដែរ សម្រាប់លោក យូឌីស្កូ។ លោកថា “ពេលវេលាលឿនពេកហេីយ កំពុងលាងឈាមប្រាក់មិនគ្រប់គ្រាន់ សំឡេងយំរបស់បងកំពុងដកក្នុងខួរក្បាលរបស់ខ្ញុំហេីយពាក្យថាជួយបងផងអូន គាត់គ្មានឱពុកម្តាយទេ កំព្រា”។

គួររម្លឹកថា ទស្សនិកជនបានដឹងហើយថាតារាសម្តែងប្រុស យូឌីស្កូ កាលពីប្រមាណ៨ឆ្នាំមុនបានធ្លាក់ខ្លួនឈឺជំងឺធ្ងន់ធ្ងរដោយសារខូចក្រលៀននឹងបានចេញ ទៅព្យាបាលបន្តនៅប្រទេសឥណ្ឌាដើម្បីធ្វើកាព្យាបា លវះកាត់ប្ដូរក្រលៀនថ្មីរហូតទទួលបានជោគជ័យ។

បន្ទាប់ពីឆ្លងកាត់នៃការធ្លាក់ខ្លួនឈឺជំងឺធ្ងន់ធ្ងរនឹងកា ចសាហាវ(ខូចក្រលៀន)តារាសម្តែង យូ ឌីស្កូ កន្លង មកក៏ធ្លាប់បានចែករំលែកបទពិសោធន៍ដ៏លំបាកនៃជំងឺដ៏កាចសាហាវមួយនេះ។មិនតែប៉ុណ្ណោះលោកប ញ្ជាល់ថាអ្នកកើតជំងឺដ៏កាច់សាហាវនេះគឺរស់គ្រាន់តែដើម្បីកំដរការស្លាប់តែប៉ុណ្ណោះបើគ្មានលុយប្តូរគ្រលៀននោះទេ៕ ដោយ៖ ចាន់រ៉ា

The post លោក យូឌីស្កូ ត្រូវបញ្ជូលទៅប្រទេសឥណ្ឌាបន្ទាន់ដេាយសារជាតិពុលឡេីងខ្លាំងកម្រិតធ្ងន់ appeared first on Kampuchea Thmey Daily.