រដ្ឋសភាកូរ៉េខាងត្បូង Archives - Kampuchea Thmey Daily

លោក Yoon បន្តប្រយុទ្ធ ខណៈបក្សប្រឆាំងចោទ ថា លោកបញ្ឆេះអ្នកគាំទ្រឲ្យជ្រុលនិយម

Rann Reuy — Thu, 02 Jan 2025 04:10:17 +0000

ប្រឈមមុខការចាប់ខ្លួនដោយសារតែការបដិសេធទៅឆ្លើយបំភ្លឺចំពោះដីកាកោះយ៉ាងហោច២លើករួចមក ប្រធានាធិបតីកូរ៉េខាងត្បូងដែលត្រូវព្យួរអំណាច លោក Yoon Suk Yeol នៅថ្ងៃទី១ខែមករាឆ្នាំ២០២៥ បានចេញសេចក្តីប្រកាសបញ្ជាក់ជំហរចំពោះអ្នកគាំទ្រថា«នឹងប្រយុទ្ធដល់ទីបញ្ចប់» ប៉ុន្តែក្រុមបក្សដឹកនាំសភាវិញថា លោកកំពុងញុះញង់អ្នកគាំទ្រឲ្យមានភាពជ្រុលនិយម។

សាររបស់លោក Yoon Suk Yeol បែបនេះត្រូវបានបញ្ជាក់ជាលើកទី២ ដោយលើកទី១គឺនៅមុនសភាកូរ៉េខាងត្បូងបោះឆ្នោតទម្លាក់កាលពីថ្ងៃទី១៤ខែធ្នូ និងលើកនេះជាលើកទី២ សម្រាប់ខ្លឹមសារមិនប្រែប្រួលក្នុងការប្រយុទ្ធដើម្បីការពារអំណាចប្រធានាធិបតីរបស់លោក បន្ទាប់ពីរង្គោះរង្កើក្រោយលោកបានប្រកាសឲ្យប្រើច្បាប់អាជ្ញាសឹកកាលថ្ងៃទី៣ខែធ្នូដែលមានអាយុកាលត្រឹមតែប៉ុន្មានម៉ោង។

ទីភ្នាក់ងារព័ត៌មានរ៉យទ័រ បានដកស្រង់ខ្លឹមសារលិខិតដែលលោក Yoon ផ្ញើជូនអ្នកគាំទ្ររបស់គាត់ដែលតវ៉ាចំពោះផែនការស៊ើបអង្កេតរបស់រដ្ឋអាជ្ញា និងក្រុមស៊ើបអង្កេតពិសេសដែលបង្កើតឡើងដោយរដ្ឋសភា។

ខ្លឹមសារលិខិតដែលរ៉យទ័រដកស្រង់ដូចបាននិយាយថា៖«ខ្ញុំមើលការផ្សាយផ្ទាល់លើ Youtube ដែលអ្នកទាំងអស់គ្នាកំពុងប្រឹងប្រែងធ្វើ។ ខ្ញុំនឹងប្រយុទ្ធរហូតដល់ទីបញ្ចប់ដើម្បីការពារប្រទេសនេះជាមួយអ្នកទាំងអស់គ្នា»។

គណបក្សប្រជាធិបតេយ្យដែលជាបក្សប្រឆាំងដែលមានការគ្រប់គ្រងភាគច្រើននៅក្នុងសភា និងបានដឹកនាំការចោទប្រកាន់លោក Yoon កាលពីថ្ងៃទី១៤ខែធ្នូ បាននិយាយថា លិខិតនោះបង្ហាញថា Yoon ជាមនុស្សវង្វេងស្មារតី ហើយនៅតែប្តេជ្ញាចិត្តដើម្បីសម្រេចមហិច្ឆតា«ការបះបោរ» របស់គាត់ ដោយសំដៅទៅលើការប្រកាសប្រើច្បាប់អាជ្ញាសឹក។

អ្នកនាំពាក្យគណបក្សប្រជាធិបតេយ្យ លោក Jo Seoung-lae បាននិយាយនៅក្នុងសេចក្តីថ្លែងការណ៍មួយថា «ដូចជាការព្យាយាមបះបោរមិនគ្រប់គ្រាន់ទេ ឥឡូវនេះគាត់កំពុងញុះញង់អ្នកគាំទ្ររបស់គាត់ឱ្យមានការប៉ះទង្គិចជ្រុលនិយម»។

តុលាការកាលពីថ្ងៃទី៣១ខែធ្នូបានអនុម័តដីកាចាប់ខ្លួនលោក Yoon ដែលអាចធ្វើឱ្យគាត់ក្លាយជាប្រធានាធិបតីអង្គុយដំបូងគេដែលត្រូវបានឃុំខ្លួនជាផ្នែកមួយនៃការស៊ើបអង្កេតលើការចោទប្រកាន់ថាគាត់ជាមេក្លោងបះបោរដោយព្យាយាមដាក់ច្បាប់អាជ្ញាសឹក។

ការិយាល័យស៊ើបអង្កេតអំពើពុករលួយសម្រាប់មន្ត្រីជាន់ខ្ពស់ (CIO) ដែលកំពុងដឹកនាំក្រុមស៊ើបអង្កេតរួមគ្នា ដែលរួមមានប៉ូលីស និងព្រះរាជអាជ្ញា មានពេលរហូតដល់ថ្ងៃទី៦ខែមករា ដើម្បីអនុវត្តដីកាចាប់ខ្លួន។

វាមិនច្បាស់ទេថានៅពេលណា និងរបៀបដែលវានឹងធ្វើឱ្យការចាប់ខ្លួន និងថាតើកងកម្លាំងសន្តិសុខប្រធានាធិបតី ដែលបានរារាំងការចូលដំណើរការដោយអ្នកស៊ើបអង្កេតដែលមានដីកាស្វែងរកទៅកាន់ការិយាល័យ និងលំនៅឋានផ្លូវការរបស់ Yoon នឹងព្យាយាមបញ្ឈប់ការប៉ុនប៉ងចាប់ខ្លួននេះឬអត់។

ជាមួយគ្នានេះ តុលាការធម្មនុញ្ញកូរ៉េខាងត្បូងក៏កំពុងដំណើរការរឿងក្តីចោទប្រកាន់ទម្លាក់អំណាចលោក Yoon ផងដែរ។ កាលពីថ្ងៃសុក្រសប្តាហ៍មុន ចៅក្រម២រូបនៃតុលាការធម្មនុញ្ញ បានបើកដំណើរការស្តាប់អង្គសេចក្តីដំបូង។ តុលាការធម្មនុញ្ញ នឹងបើកសវនាការលើកទីពីរនៅថ្ងៃទី៣ខែមករា។

Yoon ត្រូវបានព្យួរពីតួនាទីជាប្រធានាធិបតី កាលថ្ងៃទី១៤ខែធ្នូ២០២៤ ហើយ អំណាចបានធ្លាក់ទៅលើ នាយករដ្ឋមន្ត្រី Han Duck-soo សម្រាប់កាន់តំណែងជាប្រធានាធិបតីស្តីទី។ ១៣ថ្ងៃក្រោយមក គឺនៅថ្ងៃទី២៧ខែធ្នូ២០២៤ រដ្ឋសភាបានបោះឆ្នោតទម្លាក់លោក Han Duck-soo ហើយបច្ចុប្បន្ន រដ្ឋមន្ត្រីហិរញ្ញវត្ថុ Choi Sang-mok បានចូលកាន់តំណែងជាប្រធានាធិបតីស្តីទីរហូតដល់លទ្ធផលនៃសវនាការ។

ប្រសិនបើតុលាការធម្មនុញ្ញរក្សាការចោទប្រកាន់របស់រដ្ឋសភាកូរ៉េដែលគ្រប់គ្រងស្ទើរតែ២ភាគ៣ចំពោះការចោទប្រកាន់ប្រឆាំងលោក លោក Yoon នោះការបោះឆ្នោតប្រធានាធិបតីថ្មីនឹងត្រូវធ្វើឡើងក្នុងរង្វង់រយៈពេល៦០ថ្ងៃក្រោយតុលាការសម្រេច៕

ដោយ រ៉ាន់ រើយ

មេដឹកនាំបក្សប្រជាធិបតេយ្យដ៏មានអំណាចនៅក្នុងរដ្ឋសភា លោក Lee Jae-Myung។

The post លោក Yoon បន្តប្រយុទ្ធ ខណៈបក្សប្រឆាំងចោទ ថា លោកបញ្ឆេះអ្នកគាំទ្រឲ្យជ្រុលនិយម appeared first on Kampuchea Thmey Daily.

សមាជិកសភាបក្សPPP ប្តូរជំហរជំទាស់លោក Yoon ក្រោយការសុំទោស

Rann Reuy — Sat, 07 Dec 2024 10:52:23 +0000

សមាជិសភានៃគណបក្សអំណាចប្រជាជន (PPP) ដែលកំពុងកាន់អំណាចរបស់លោកប្រធានាធិបតី Yoon Suk Yeol បានប្តូរជំហរភ្លាមៗពីការតាំងចិត្តចូលរួមបោះឆ្នោតដកហូតអំណាចប្រធានាធិបតី ក្រោយលោក ប្រធានាធិបតី ប្រកាសសុំទោសនៅមុនការបោះឆ្នោតតែប៉ុន្មានម៉ោង។

លោក Cho Kyung-tae បង្ហាញពីជំហរដែលលោកមិនបោះឆ្នោតគាំទ្រច្បាប់ដកដំណែងប្រធានាធិបតី

យោងតាម BBC សមាជិកសភានៃគណបក្សកាន់អំណាចម្នាក់ លោក Cho Kyung-tae បាននិយាយក្នុងនាមជាសមាជិកសភាដែលបានដើរចេញពីកិច្ចប្រជុំដំបូងថា៖ «ខ្ញុំបានប្តេជ្ញាចិត្តយល់ព្រមបោះឆ្នោតលើច្បាប់ដកហូតដំណែងរហូតដល់ថ្ងៃម្សិលមិញ ព្រោះគ្មានដំណឹងអ្វីសោះពីការិយាល័យប្រធានាធិបតីនិងការសំទោសជាសាធារណៈចំពោះច្បាប់អាជ្ញាសឹកនោះ ឬវិធានការបន្តបន្ទាប់ទៀត។ យ៉ាងណាមិញ ខ្ញុំបានឮថាគាត់ប្រកាសសុំទោសជាសាធារណៈថ្ងៃនេះ»។

យោងតាម BBC ដដែលរហូតដល់ពេលនេះ មានសមាជិកសភា៣រូបពីគណបក្សកាន់អំណាចបានត្រឡប់ចូលទៅបោះឆ្នោតគាំទ្រការដកដំណែងប្រធានាធិបតីពីអំណាច ខណៈរដ្ឋសភាត្រូវការតែ៥សំឡេងទៀតប៉ុណ្ណោះដើម្បីគ្រប់កូរ៉ុមដកដំណែងប្រធានាធិបតី៕

The post សមាជិកសភាបក្សPPP ប្តូរជំហរជំទាស់លោក Yoon ក្រោយការសុំទោស appeared first on Kampuchea Thmey Daily.

ប្រធានសភាកូរ៉េស្នើឲ្យសមាជិកសភាបក្សកាន់អំណាចដែលចាកចេញត្រឡប់ទៅបោះឆ្នោតប្រឆាំងលោក Yoon

Rann Reuy — Sat, 07 Dec 2024 10:08:59 +0000

សមាជិកសភានៃគណបក្សប្រជាធិបតេយ្យដែលជាគណបក្សប្រឆាំងគ្រប់គ្រងសំឡេងភាគច្រើននៅក្នុងសភា បន្តបោះឆ្នោតគាំទ្រការចោទប្រកាន់ប្រឆាំងលោកប្រធានាធិបតី Yoon Suk Yeol ដោយសារតែការប្រកាសច្បាប់អាជ្ញាសឹកដ៏ចម្រូងចម្រាស់ ហើយសមាជិកសភារបស់បក្សកាន់អំណាចដើរចាកចេញពីកៅអីប្រជុំ ប្រធានរដ្ឋសភា លោក Woo Won-shik នៃគណបក្សប្រជាធិបតេយ្យបានថ្លែងដោយស្នើឱ្យសមាជិកគណបក្សអំណាចប្រជាជនដែលកំពុងកាន់អំណាចដែលបានដើរចេញមុននេះត្រឡប់ទៅបោះឆ្នោតវិញ។

ភ្នាក់ងារសារព័ត៌មាន BBC ដែលប្រចាំការនៅរដ្ឋសភាកូរ៉េ បានស្រង់សម្តី លោក Woo Won-shik ដូចបបានថ្លែងថា៖«សាធារណរដ្ឋកូរ៉េគឺជាលទ្ធិប្រជាធិបតេយ្យដែលធ្វើឡើងដោយឈាមនិងទឹកភ្នែករបស់ប្រជាជន។ តើអ្នកមិនខ្លាចនឹងការវិនិច្ឆ័យដោយប្រវត្តិសាស្ត្រ ដោយប្រជាជន និងពិភពលោកទេឬ?»

លោកបានបន្ថែមថា៖«សូមចូលរួមក្នុងការបោះឆ្នោត នោះជារបៀបដែលអ្នកការពារលទ្ធិប្រជាធិបតេយ្យរបស់យើង»។

រដ្ឋសភាកូរ៉េទើបតែបរាជ័យមុននេះក្នុងការបោះឆ្នោតលើការតែងតាំងក្រុមស៊ើបអង្កេតលើករណីរបស់លោកស្រី Kim Keon-hee ដោយខ្វះកូរ៉ុម២ភាគ៣នៃសមាជិកសភាសរុប៣០០សំឡេង៕

ដោយ រ៉ាន់ រើយ

The post ប្រធានសភាកូរ៉េស្នើឲ្យសមាជិកសភាបក្សកាន់អំណាចដែលចាកចេញត្រឡប់ទៅបោះឆ្នោតប្រឆាំងលោក Yoon appeared first on Kampuchea Thmey Daily.

រដ្ឋសភា​កូរ៉េខាងត្បូង​ Archives - Kampuchea Thmey Daily

លោក Yoon ​បន្តប្រយុទ្ធ ខណៈបក្ស​ប្រឆាំង​ចោទ ថា លោក​បញ្ឆេះ​អ្នក​គាំទ្រ​​​ឲ្យ​ជ្រុល​និយម​

សមាជិក​សភា​​បក្ស​PPP ​ប្តូរ​ជំហរ​ជំទាស់​លោក Yoon ក្រោយ​ការ​សុំទោស​

ប្រធាន​​សភាកូរ៉េ​​ស្នើ​ឲ្យ​សមាជិក​សភា​បក្ស​កាន់​អំណាច​ដែល​ចាក​ចេញ​​​ត្រឡប់​ទៅ​បោះឆ្នោត​ប្រឆាំង​លោក Yoon

រដ្ឋសភាកូរ៉េខាងត្បូង Archives - Kampuchea Thmey Daily

លោក Yoon បន្តប្រយុទ្ធ ខណៈបក្សប្រឆាំងចោទ ថា លោកបញ្ឆេះអ្នកគាំទ្រឲ្យជ្រុលនិយម

សមាជិកសភាបក្សPPP ប្តូរជំហរជំទាស់លោក Yoon ក្រោយការសុំទោស

ប្រធានសភាកូរ៉េស្នើឲ្យសមាជិកសភាបក្សកាន់អំណាចដែលចាកចេញត្រឡប់ទៅបោះឆ្នោតប្រឆាំងលោក Yoon