ព័ត៌មានអន្ដរជាតិ

សមាជិកសភាបក្សPPP ប្តូរជំហរជំទាស់លោក Yoon ក្រោយការសុំទោស

បានផុស

២ years មុន

នៅ

ថ្ងៃសៅរ៍ ៧ ធ្នូ ២០២៤

ដោយ

សមាជិសភានៃគណបក្សអំណាចប្រជាជន (PPP) ដែលកំពុងកាន់អំណាចរបស់លោកប្រធានាធិបតី Yoon Suk Yeol បានប្តូរជំហរភ្លាមៗពីការតាំងចិត្តចូលរួមបោះឆ្នោតដកហូតអំណាចប្រធានាធិបតី ក្រោយលោក ប្រធានាធិបតី ប្រកាសសុំទោសនៅមុនការបោះឆ្នោតតែប៉ុន្មានម៉ោង។

លោក Cho Kyung-tae បង្ហាញពីជំហរដែលលោកមិនបោះឆ្នោតគាំទ្រច្បាប់ដកដំណែងប្រធានាធិបតី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម BBC សមាជិកសភានៃគណបក្សកាន់អំណាចម្នាក់ លោក Cho Kyung-tae បាននិយាយក្នុងនាមជាសមាជិកសភាដែលបានដើរចេញពីកិច្ចប្រជុំដំបូងថា៖ «ខ្ញុំបានប្តេជ្ញាចិត្តយល់ព្រមបោះឆ្នោតលើច្បាប់ដកហូតដំណែងរហូតដល់ថ្ងៃម្សិលមិញ ព្រោះគ្មានដំណឹងអ្វីសោះពីការិយាល័យប្រធានាធិបតីនិងការសំទោសជាសាធារណៈចំពោះច្បាប់អាជ្ញាសឹកនោះ ឬវិធានការបន្តបន្ទាប់ទៀត។ យ៉ាងណាមិញ ខ្ញុំបានឮថាគាត់ប្រកាសសុំទោសជាសាធារណៈថ្ងៃនេះ»។

យោងតាម BBC ដដែលរហូតដល់ពេលនេះ មានសមាជិកសភា៣រូបពីគណបក្សកាន់អំណាចបានត្រឡប់ចូលទៅបោះឆ្នោតគាំទ្រការដកដំណែងប្រធានាធិបតីពីអំណាច ខណៈរដ្ឋសភាត្រូវការតែ៥សំឡេងទៀតប៉ុណ្ណោះដើម្បីគ្រប់កូរ៉ុមដកដំណែងប្រធានាធិបតី៕