រញ្ជួយដីនេះកើតឡើងដំបូងនៅម៉ោង ៨ព្រឹក (ម៉ោងនៅអាមេរិក) ដោយកម្លាំងរញ្ជួយ ៤រ៉ិចទ័រប៉ុណ្ណោះ ជាមួយជម្រៅ៦.២គីឡូម៉ែត្រ មានចំណុចកណ្តាលនៅតំបន់មួយដែលមានចម្ងាយប្រហែល ៥៧គីឡូម៉ែត្រភាគឦសានទីក្រុង Valmy។

ការរញ្ជួយទី២មានកម្លាំង២.៩រ៉ិចទ័រ ជម្រៅ៧គីឡូម៉ែត្រ នៅចម្ងាយប្រហែល៦៧គីឡូម៉ែត្រពីភ្នំ Battle ខណៈការរញ្ជួយទី៣ មានកម្លាំង៣.៤រ៉ិចទ័រ និងការរញ្ជួយទី៤មានកម្លាំង២.២រ៉ិចទ័រ។

ដ្បិតថាការរញ្ជួយទាំងនេះ មិនមានជាកម្រិតធ្ងន់ក៏ដោយ ប៉ុន្តែវាបានធ្វើឲ្យញ័រដល់តំបន់ Great Basin ហើយក្រុមអ្នកវិទ្យាសាស្រ្តបានព្រមានដល់ពលរដ្ឋឲ្យត្រៀមខ្លួននឹងសកម្មភាពរញ្ជួយនាពេលខាងមុខ ព្រោះថា អាចនឹងមានព្រឹត្តិការណ៍ធំជាងនេះកើតឡើង។

ទោះបីជាយ៉ាងណាក៏ដោយ នេះមិនមែនរឿងចម្លែកទេដែលរដ្ឋ Nevada កើតរញ្ជួយដី ព្រោះថា រដ្ឋនេះតែងមានការរញ្ជួយតូចៗរាប់ពាន់លើកក្នុងមួយឆ្នាំៗ។

នៅថ្ងៃទី៩ខែធ្នូឆ្នាំ២០២៤ ភាគខាងជើងរដ្ឋនេះ បានជួបគ្រោះរញ្ជួយដីកម្រិត៥.៧រ៉ិចទ័រ ដែលនោះជាកម្លាំងរញ្ជួយខ្លាំងបំផុតគិតចាប់តាំងពីថ្ងៃទី១៥ខែឧសភាឆ្នាំ២០២០មក នៅពេលរញ្ជួយដីកម្រិត៦.៥រ៉ិចទ័រ វាយប្រហារតំបន់ជួរភ្នំ Monte Cristo Range។

យ៉ាងណាមិញ ការរញ្ជួយថ្មីនេះកើតឡើងស្របពេលប្រទេសមីយ៉ាន់ម៉ា កំពុងរងទុក្ខជាទម្ងន់ដោយសារតែគ្រោះរញ្ជួយដីកម្រិតធ្ងន់៧.៧រ៉ិចទ័រដែលវាយប្រហារទីក្រុង Mandalay បណ្តាលឲ្យមនុស្សស្លាប់កើនដល់ជិត ៣ពាន់នាក់ (គិតត្រឹមថ្ងៃចន្ទ) ហើយឥទ្ធិពលរបស់វា ជះដល់រាជធានីបាងកកនៃប្រទេសថៃ បណ្តាលឲ្យមនុស្ស១៨នាក់ បាត់បង់ជីវិត៕

អត្ថបទ៖ សុខ សុវណ្ណ

ចុចអាន៖ ​តំបន់​ទេសចរណ៍​ល្បី​​ «បឹង Inle» នៅ​មីយ៉ាន់​ម៉ា មាន​​អ្នកស្លាប់​កើន​ដល់៨៩​នាក់​ក្នុងគ្រោះរញ្ជួយដី​​

The post រដ្ឋ Nevada អាមេរិក កើតរញ្ជួយដី ៤លើកផ្ទួនៗ appeared first on Kampuchea Thmey Daily.

យោងតាមការរាប់របស់សារព័ត៌មាន The Associated Press បានបង្ហាញថា ប្រសិនបើលោក Biden ឈ្នះក្នុងរដ្ឋនេះ លោកនឹងទទួលបានសំឡេងតំណាងបោះឆ្នោតចំនួន២៧០ដែលចាំបាច់ដើម្បីឈ្នះតំណែងជាប្រធានាធិបតី។

អតីតអគ្គរដ្ឋអាជ្ញានៃគណបក្សសាធារណរដ្ឋប្រចាំរដ្ឋ Nevada លោក Adam Laxalt បាននិយាយនៅក្នុងសន្និសីទសារព័ត៌មានដែលរៀបចំឡើងដោយយុទ្ធនាការរបស់លោក Trump ថា ក្រុមប្រធានាធិបតីជឿថា មនុស្សរាប់ពាន់នាក់បានបោះឆ្នោតដោយក្លែងបន្លំតាមអ៊ីមែល។

លោក Laxalt និយាយថា “យើងជឿជាក់យ៉ាងមុតមាំថា មានអ្នកបោះឆ្នោតជាច្រើននៅក្នុងក្រុមអ្នកផ្ញើសារអេឡិចត្រូនិកនេះដែលមិនមែនជាអ្នកបោះឆ្នោតត្រឹមត្រូវ។ យើងក៏មានទំនុកចិត្តផងដែរថា មានមនុស្សរាប់ពាន់នាក់ដែលសន្លឹកឆ្នោតរបស់ពួកគេត្រូវបានគេយកចេញពីតំបន់ Clark ក្នុងអំឡុងពេលមានជំងឺរាតត្បាត”។

តំបន់នេះរាប់បញ្ចូលទាំងទីក្រុង Las Vegas ដែលជាទីក្រុងមានប្រជាជនច្រើនបំផុតរបស់រដ្ឋផងដែរ។

នៅពេលអ្នកយកព័ត៌មានសួរថាតើយុទ្ធនាការនេះមានភស្តុតាងអ្វីខ្លះចំពោះការចោទប្រកាន់អំពីការបន្លំអ្នកបោះឆ្នោត មន្រ្តីយុទ្ធនាការបានបដិសេធផ្តល់ចម្លើយ។

គួរបញ្ជាក់ថា បណ្តឹងនេះត្រូវបានដាក់នៅតុលាការតំបន់ Las Vegas៕

ប្រែសម្រួលដោយ៖ Vann Vann

ប្រភព៖ Anadolu

The post ក្រុមលោក Trump ប្តឹងឲ្យបញ្ឈប់ការរាប់សន្លឹកឆ្នោតនៅរដ្ឋ Nevada appeared first on Kampuchea Thmey Daily.

នៅឯសន្និសីទសារព័ត៌មានមួយនៅទីក្រុង Clark County ដែលជាទីក្រុងធំបំផុតនៃរដ្ឋ Las Vegas អ្នកតវ៉ាបានលោតពីមុខកាមេរ៉ាដោយស្រែកថា “ក្រុមគ្រួសារឧក្រិដ្ឋកម្ម Biden កំពុងលួចការបោះឆ្នោតនេះ ។ បណ្តាញសារព័ត៌មានកំពុងផ្សព្វផ្សាយពីវា!” ។

ទន្ទឹមនោះមន្រ្តីរដ្ឋបាននិយាយថា មិនមានលទ្ធផលទៀតទេនៅថ្ងៃពុធ ប៉ុន្តែការរាប់សន្លឹកឆ្នោតនឹងត្រូវប្រកាសនៅយប់ថ្ងៃព្រហស្បតិ៍ ។

គួរបញ្ជាក់ថា ប៉ុន្មានឆ្នាំចុងក្រោយនេះប្រជាជនរដ្ឋ Nevada បានបោះឆ្នោតគាំទ្រគណបក្សប្រជាធិបតេយ្យ ប៉ុន្តែក៏បានគាំទ្រដល់គណបក្សសាធារណរដ្ឋរបស់លោក George W Bush កាលពីឆ្នាំ ២០០០ និងឆ្នាំ ២០០៤ ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ លោក Joe Biden និយាយថា លោកបានឈ្នះសម្លេងឆ្នោតច្រើនជាងបេក្ខជនណាៗទាំងអស់

ចុចអាន ៖ លោក Trump​ ដាក់ពាក្យបណ្តឹងមួយទៀតឲ្យបញ្ឈប់ការរាប់សន្លឹកឆ្នោតនៅរដ្ឋ Georgia

The post ភាពតានតឹងកំពុងកើនឡើងខ្លាំងនៅរដ្ឋ Nevada ដែលកំណត់ការចាញ់ឈ្នះ appeared first on Kampuchea Thmey Daily.