ព័ត៌មានអន្ដរជាតិ
រដ្ឋ Nevada អាមេរិក កើតរញ្ជួយដី ៤លើកផ្ទួនៗ
កាលពីថ្ងៃចន្ទទី៣១ខែមីនាឆ្នាំ២០២៥ រដ្ឋ Nevada នៃសហរដ្ឋអាមេរិក កើតមានការរញ្ជួយដីចំនួន៤លើកផ្ទួនៗ ប៉ុន្តែក្នុងកម្រិតស្រាលប៉ុណ្ណោះ។ យ៉ាងណាក្រុមអ្នកវិទ្យាសាស្រ្តព្រមានថា រដ្ឋនេះអាចនឹងជួបសកម្មភាពរញ្ជួយជាបន្តទៀតនៅសប្តាហ៍ក្រោយ។

រញ្ជួយដីនេះកើតឡើងដំបូងនៅម៉ោង ៨ព្រឹក (ម៉ោងនៅអាមេរិក) ដោយកម្លាំងរញ្ជួយ ៤រ៉ិចទ័រប៉ុណ្ណោះ ជាមួយជម្រៅ៦.២គីឡូម៉ែត្រ មានចំណុចកណ្តាលនៅតំបន់មួយដែលមានចម្ងាយប្រហែល ៥៧គីឡូម៉ែត្រភាគឦសានទីក្រុង Valmy។
ការរញ្ជួយទី២មានកម្លាំង២.៩រ៉ិចទ័រ ជម្រៅ៧គីឡូម៉ែត្រ នៅចម្ងាយប្រហែល៦៧គីឡូម៉ែត្រពីភ្នំ Battle ខណៈការរញ្ជួយទី៣ មានកម្លាំង៣.៤រ៉ិចទ័រ និងការរញ្ជួយទី៤មានកម្លាំង២.២រ៉ិចទ័រ។

ដ្បិតថាការរញ្ជួយទាំងនេះ មិនមានជាកម្រិតធ្ងន់ក៏ដោយ ប៉ុន្តែវាបានធ្វើឲ្យញ័រដល់តំបន់ Great Basin ហើយក្រុមអ្នកវិទ្យាសាស្រ្តបានព្រមានដល់ពលរដ្ឋឲ្យត្រៀមខ្លួននឹងសកម្មភាពរញ្ជួយនាពេលខាងមុខ ព្រោះថា អាចនឹងមានព្រឹត្តិការណ៍ធំជាងនេះកើតឡើង។
ទោះបីជាយ៉ាងណាក៏ដោយ នេះមិនមែនរឿងចម្លែកទេដែលរដ្ឋ Nevada កើតរញ្ជួយដី ព្រោះថា រដ្ឋនេះតែងមានការរញ្ជួយតូចៗរាប់ពាន់លើកក្នុងមួយឆ្នាំៗ។

នៅថ្ងៃទី៩ខែធ្នូឆ្នាំ២០២៤ ភាគខាងជើងរដ្ឋនេះ បានជួបគ្រោះរញ្ជួយដីកម្រិត៥.៧រ៉ិចទ័រ ដែលនោះជាកម្លាំងរញ្ជួយខ្លាំងបំផុតគិតចាប់តាំងពីថ្ងៃទី១៥ខែឧសភាឆ្នាំ២០២០មក នៅពេលរញ្ជួយដីកម្រិត៦.៥រ៉ិចទ័រ វាយប្រហារតំបន់ជួរភ្នំ Monte Cristo Range។
យ៉ាងណាមិញ ការរញ្ជួយថ្មីនេះកើតឡើងស្របពេលប្រទេសមីយ៉ាន់ម៉ា កំពុងរងទុក្ខជាទម្ងន់ដោយសារតែគ្រោះរញ្ជួយដីកម្រិតធ្ងន់៧.៧រ៉ិចទ័រដែលវាយប្រហារទីក្រុង Mandalay បណ្តាលឲ្យមនុស្សស្លាប់កើនដល់ជិត ៣ពាន់នាក់ (គិតត្រឹមថ្ងៃចន្ទ) ហើយឥទ្ធិពលរបស់វា ជះដល់រាជធានីបាងកកនៃប្រទេសថៃ បណ្តាលឲ្យមនុស្ស១៨នាក់ បាត់បង់ជីវិត៕
អត្ថបទ៖ សុខ សុវណ្ណ
ចុចអាន៖ តំបន់ទេសចរណ៍ល្បី «បឹង Inle» នៅមីយ៉ាន់ម៉ា មានអ្នកស្លាប់កើនដល់៨៩នាក់ក្នុងគ្រោះរញ្ជួយដី

-
ព័ត៌មានជាតិ៧ ថ្ងៃ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
សេចក្ដីជូនដំណឹង៧ ថ្ងៃ ago
ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
នយោបាយ៧ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ២០ ម៉ោង ago
ក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
-
នយោបាយ២ ថ្ងៃ ago
កម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
ព័ត៌មានជាតិ១ សប្តាហ៍ ago
វិទ្យាល័យព្រះសីហនុ ក្នុងខេត្តកំពង់ចាម ត្រូវបានទទួលស្គាល់គុណភាពអប់រំកម្រិតអន្តរជាតិ
-
ព័ត៌មានអន្ដរជាតិ២ ថ្ងៃ ago
ត្រី Oarfish បង្ហាញវត្តមាននៅប្រទេស អូស្រ្តាលី
-
ព័ត៌មានជាតិ៥ ថ្ងៃ ago
កម្ពុជា បន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ ខណៈកម្ដៅ៣៧°C