គួរបញ្ជាក់ថា រយៈពេលប៉ុន្មានខែកន្លងទៅនេះ គឺមានការផ្លាស់ប្ដូរនាយការិយាល័យចរាចរណ៍ផ្លូវគោកខេត្តបាត់ដំបង ដោយបានបន្សល់នូវរឿងអាស្រូវជាច្រើន ដែលនាយការិយាល័យចាស់បានប្រព្រឹត្ត ហើយបច្ចុប្បន្ន នាយការិយាល័យចាស់ដែលមានឈ្មោះ ចាន់ សុធី ត្រូវបានក្រសួងមហាផ្ទៃផ្លាស់ប្ដូរ ហើយត្រូវបង្ហាញមុខរាល់ម៉ោងធ្វើការនៅក្នុងការិយាល័យបុគ្គលិក នៅស្នងការដ្ឋាននគរបាលខេត្តបាត់ដំបង ព្រមទាំងបានតែងតាំងលោក ម៉ែន បូរី ឱ្យឡើងជំនួសទៅជានាយការិយាល័យស្ដីទី នៃការិយាល័យនគរបាលចរាចរណ៍ផ្លូវគោកខេត្ត។

តាមប្រភពច្បាស់ការមួយបានទម្លាយថា រឿងអាស្រូវនេះត្រូវបានអូសបន្លាយពេលតាំងពីនាយការិយាល័យចាស់នៅគ្រប់គ្រង រហូតមកដល់ពេលនេះគឺរឿងអាស្រូវនេះនៅតែដំណើរការជាធម្មតា ព្រោះសូម្បីតែស្នងការរងទទួលផែនសណ្ដាប់ធ្នាប់ ក៏មិនដែលដឹកនាំកម្លាំងចុះឃាត់រថយន្តកែច្នៃ និងរថយន្តដែលបើកចូលក្រុងដែលមានបំពាក់ logo សម្រាប់ចំណាំនោះដែរ។

ប្រភពច្បាស់ការដែលសុំមិនបញ្ចេញឈ្មោះបានបន្ថែមថា រថយន្តដែលមានការលើកលែងទំនងជាមានការដាក់ខែគឺជារថយន្តដែលមានបំពាក់ស្លាកនៅពីមុខកញ្ចក់ ដូចជា DN. SS. LMH. KH. TH. TS. K. P. R. HC. SL. BC. និង MK ជាដើម។ ក្រៅពីរថយន្តដែលមានពាក់ស្លាកនៅកញ្ចក់ទាំងប៉ុន្មានខាងលើនេះ ក៏នៅមានរថយន្តរបស់ក្រុមហ៊ុននានាជាច្រើនទៀតនៅក្នុងខេត្ត ដែលជាប្រភេទរថយន្តមិនគ្រប់លក្ខណៈ ដូចជា ក្រុមហ៊ុនដឹកគ្រឿងសំណង់ រថយន្តដឹកទឹកកក រថយន្តដឹកដី រថយន្តដឹកអង្កាម និងរថយន្តប្រភេទកែច្នៃផ្សេងៗទៀត បើជាប្រភេទរថយន្តខុសលក្ខណៈបច្ចេកទេស គឺគ្មានកម្លាំងចរាចរណ៍ណាមួយធ្វើការឃាត់ និងនាំយកចូលទៅកាន់ការិយាល័យដើម្បីធ្វើការផាកពិន័យ នោះឡើយ ដែលបច្ចុប្បន្នរថយន្តទាំងនេះកំពុងធ្វើចរាចរណ៍ពេញក្រុងបាត់ដំបងយ៉ាងអនាធិបតេយ្យ។

តាមរយៈទូរសព្ទ លោក ប៉ូវ វណ្ណឌី ស្នងការរងទទួលផែនជាប្រធានផែនសណ្ដាប់ធ្នាប់ (ការិយាល័យចរាចរណ៍ផ្លូវគោក.ការិយាល័យចរាចរណ៍ផ្លូវទឹក.ការិយាល័យទេសចរណ៍.ការិយាល័យបេតិកភណ្ឌ និង ការិយាល័យសណ្ដាប់ធ្នាប់) មិនអាចសុំការបំភ្លឺបានទេ ដោយលោកថាជាប់រវល់។

លោក ម៉ែន បូរី នាយការិយាល័យស្ដីទី នៃការិយាល័យចលាចរណ៍ផ្លូវគោកខេត្តបាត់ដំបង បានបញ្ជាក់ប្រាប់កម្ពុជាថ្មីថា ចាប់តាំងពីលោកត្រូវបានប្រកាសតែងតាំងជានាយការិយាល័យស្ដីទីមួយរយៈនេះរួចមក គឺលោកពុំមានសិទ្ធិបញ្ជាមន្ត្រីចរាចរណ៍ឲ្យចុះទៅធ្វើការចាប់រថយន្តកែច្នៃ សំពីងសំពោង ឬរថយន្តធំចូលក្នុងក្រុងនោះឡើយ ដែលបច្ចុប្បន្នលោកមានសិទ្ធិត្រឹមតែការងាររដ្ឋបាលនៅក្នុងការិយាល័យប៉ុណ្ណោះ ហេតុដូច្នេះរាល់ការដឹកនាំបង្ក្រាប គឺស្ថិតនៅលើលោកស្នងការរង ឯរូបលោកគឺមិនដឹងអ្វីនោះទេ។

យ៉ាងណាក៏ដោយក៏មានមតិមហាជនជាច្រើន បានធ្វើការរិះគន់ទៅលើចំណាត់ការរបស់សមត្ថកិច្ចទៅលើក្រុមរថយន្តដែលបើកឆ្លងកាត់ និងចូលក្រុងដោយសេរី ហាក់គ្មានការអើពើអំពីការបង្ក្រាបរថយន្តទាំងនេះបន្តិចណាសោះ៕

អត្ថបទ៖ សោ និយមរ័ត្ន

The post ធ្លាយរឿងរថយន្តដឹកទំនិញទំនងបង់ខែ ដែលប៉ូលិសចរាចរណ៍ខេត្តបាត់ដំបង មិនបង្ក្រាប appeared first on Kampuchea Thmey Daily.

លោក ឧត្តមសេនីយ៍ទោ ហេង រតនា ស្នងការរងទទួលផែនចរាចរណ៍ នៃស្នងការដ្ឋាននគរបាលរាជធានីភ្នំពេញបានលើកឡើងថា ទោះបីជាមានការអប់រំអស់រយះជាង៣ខែមកហើយក៏ដោយ តែម្ចាស់យាន្ត និងបណ្តាក្រុមហ៊ុនមួយចំនួន នៅតែបណ្តោយឲ្យរថយន្តដឹកជញ្ជូនធុនធំរបស់ខ្លួន ធ្វើលំហូរចរាចរចូលក្នុងភូមិសាស្ត្ររាជធានីភ្នំពេញ មុនម៉ោងអនុញ្ញាតយ៉ាងច្រើនដដែល។

កាលពីថ្ងៃទី១២ ខែមករា ឆ្នាំ២០២៦ ដោយអនុវត្តតាមបទបញ្ជា និងគោលការណ៍ណែនាំរបស់លោក ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងនគរបាលការិយាល័យចរាចរណ៍ផ្លូវគោក ដឹកនាំដោយលោកឧត្តមសេនីយ៍ទោ ហេង រតនា ស្នងការរងទទួលផែនការងារនគរបាលចរាចរណ៍ បានបន្តចុះអនុវត្តន៍ការរឹតបន្តឹងច្បាប់ តាមរយៈការចាប់ឃាត់រាល់រថយន្តធុនធំទាំងឡាយ ដែលនៅតែបន្តល្មើសបើកបរចូលក្នុងភូមិសាស្ត្ររាជធានីភ្នំពេញ មុនម៉ោងពេលអនុញ្ញាត ពោលមុនម៉ោង២១យប់ យកមកធ្វើកិច្ចសន្យាអប់រំណែនាំ។

កម្លាំងសមត្ថកិច្ចបានចាប់ឃាត់រថយន្តធុនធំជាច្រើនគ្រឿង នៅតាមបណ្តាគោលដៅទាំងអស់របស់សមត្ថកិច្ចក្នុងរាជធានីភ្នំពេញ ដោយក្នុងនោះ សមត្ថកិច្ចក៏បានបន្តចាប់ឃាត់រថយន្តធុនធំដែលធ្លាប់បានល្មើសការចរាចរចូលខុសម៉ោង និងធ្លាប់បានធ្វើកិច្ចសន្យាម្តងរួចមកហើយដែរ ពោលគឺម្ចាស់យាន្តមិនស្តាប់ និងគោរពតាមការណែនាំរបស់សមត្ថកិច្ច។

ក្នុងនោះដែរ សង្កេតឃើញថាគ្រប់រថយន្តគឺមានឡូហ្គូ បិតលើកញ្ចក់ក្បាលរថយន្ត ដូចជា KH . CT ជាដើម លោកស្នងការរងក៏បានសួរទៅម្ចាស់រថយន្តថា ឡូហ្គូនោះ បិតមិនឲ្យប៉ូលីសចាប់ឬ យ៉ាងណា?

ជាចុងក្រោយ កម្លាំងសមត្ថកិច្ច សំណូមពរដល់បណ្ថាក្រុមហ៊ុន រថយន្តធុនធំ បញ្ឈប់ការធ្វើលំហូចរាចរណ៍ចូលក្នុងភូមិសាស្រ្តរាជធានីភ្នំពេញមុនម៉ោងកំណត់របស់ អាជ្ញាធរ ដោតការអនុវត្តន៍នេះ គឺមានគោលដៅខ្ពស់សំដៅធានាសុខសុវត្ថិភាពលើដងផ្លូវសាធារណៈ និងកាត់បន្ថយបានពីគ្រោះថ្នាក់ចរាចរណ៍ ដែលជាកត្តាចម្បងក្នុងការបំផ្លាញទ្រព្យសម្បត្តិ និងសម្លាប់អាយុជីវិតពលរដ្ឋ៕អត្ថបទ៖ សុភា

The post រថយន្តធុនធំធើ្វចរាចរណ៍ចូលរាជធានីភ្នំពេញ មិនគោរពតាមកិច្ចសន្យារបស់នគរបាល រថយន្តខ្លះមានបិតឡូហ្គូសំគាល់ appeared first on Kampuchea Thmey Daily.

តាមការលើកឡើងរបស់ក្រុមតៃកុងរថយន្តដែលបានចូលរួមក្នុងការតវ៉ានេះ បញ្ជាក់ថា កន្លែងត្រួតពិនិត្យគយនៅចំណុចនេះ តម្រូវឱ្យពួកគេបង់ប្រាក់ចំនួន ៧០,០០០រៀល ក្នុងមួយឡានជាច្រើនខែ ឆ្នាំមកហើយ ហើយក៏មិនបានចេញវិក្កយបត្របញ្ជាក់តម្រូវបង់លើសេវាអ្វីនោះដែរ ដែលធ្វើឱ្យពួកគាត់ពិបាក់នឹងបានប្រាក់ចំណេញ។ ដូច្នេះហើយទើបក្រុមអ្នកបើកបរបានសំណូមពរឱ្យមន្ត្រីគយប្រចាំការនៅទីនោះ បន្ធូរបន្ថយតម្លៃមកត្រឹមតែ ៣០,០០០ រៀល ទៅ ៤០,០០០ រៀលប៉ុណ្ណោះ ដើម្បីឱ្យសមស្របទៅនឹងស្ថានភាពចំណូល និងការចំណាយផ្សេងៗរបស់ពួកគេ។

ក្រោយស្ថានភាពនៅកន្លែងកើតហេតុនៃការតវ៉ានេះ បានធ្វើឱ្យមានការចាប់អារម្មណ៍យ៉ាងខ្លាំងពីសំណាក់អ្នកដំណើរតាមដងផ្លូវជាតិលេខ២ ទើបមន្ត្រីគយបានសំណូមពរទៅក្រុមតៃកុងរថយន្តចាត់តំណាងខ្លួនទៅសម្របសម្រួលគ្នារកដំណោះស្រាយដែលគួរទទួលយកបានទាំងអស់គ្នា និងបានឱ្យក្រុមរថយន្តរំសាយការប្រមូលផ្តុំ បើករថយន្តទៅផ្ទះវិញរៀងៗខ្លួន រង់ចាំការដោះស្រាយគ្នានៅពេលក្រោយ។

ក្រុមអ្នកដឹកទំនិញបង្ហាញក្តីសង្ឃឹមថា ថ្នាក់ដឹកនាំស្ថាប័នគយ និងអាជ្ញាធរដែលពាក់ព័ន្ធ នឹងជួយដោះស្រាយពួកគាត់ជាក់ជាមិនខាន៕

អត្ថបទ៖ វីរៈ

The post ក្រុមរថយន្តដឹកទំនិញប្រមូលផ្តុំគ្នាតវ៉ានៅមុខស្នាក់ការ​គយ ខេត្តតាកែវ ដោយសារមន្ត្រី​គយ​តម្រូវឲ្យបង់ប្រាក់ក្បាលឡានខ្ពស់ពេក appeared first on Kampuchea Thmey Daily.