រូបព្រះពុទ្ធដែលមានឈ្មោះថា “Avalokiteshwara Padamapani” ត្រូវបានគេលួចពីប្រាសាទ Devisthan Kundalpur ក្នុងរដ្ឋ Bihar ហើយត្រូវបានរត់ពន្ធចេញពីប្រទេសឥណ្ឌានៅដើមទសវត្សរ៍ឆ្នាំ ២០០០ ។

មន្ត្រីស្ទាបស្ទង់បុរាណវិទ្យានៃប្រទេសឥណ្ឌា (ASI) បានប្រាប់សារព័ត៌មាន New Indian Express ថា “រូបសំណាកធ្វើពីថ្មខ្មៅតំណាងឲ្យព្រះពុទ្ធកាន់ដើមផ្កាឈូកនៅដៃឆ្វេង និងមានស្ត្រី ២ នាក់អង្គុយនៅជិតជើងព្រះពុទ្ធ” ។

មន្ត្រី ASI បាននិយាយថា រូបព្រះដែលគេលួចនោះត្រូវបានរចនាឡើងអស់រយៈពេលជិត ១,២០០ ឆ្នាំមកហើយនៅក្នុងប្រាសាទ Devisthan Kundalpur ហើយបានបង្ហាញតិចដងប៉ុណ្ណោះក្នុងទីផ្សារសិល្បៈនៅប្រទេសបារាំង មុនពេលរូបសំណាកនេះត្រូវបានគេកំណត់អត្តសញ្ញាណនៅទីក្រុង Milan ដោយគម្រោង India Pride និង Art Recovery International ក្នុងទីក្រុងឡុងដ៍ ។

យោងតាមក្រសួងវប្បធម៌ឥណ្ឌាបានឲ្យដឹងថា ក្នុងរយៈពេល ៧ ឆ្នាំចុងក្រោយ វត្ថុបុរាណ និងរូបសំណាកចំនួន ១៥៧ ត្រូវបានប្រគល់ជូននាយករដ្ឋមន្ត្រីឥណ្ឌាលោក Narendra Modi នៅទីក្រុងញូវយ៉កកាលពីឆ្នាំមុន ក្នុងអំឡុងពេលដំណើរទស្សនកិច្ចរបស់លោកទៅកាន់សហរដ្ឋអាមេរិក ។ វត្ថុបុរាណទាំងនេះរួមមានរូបចម្លាក់ដែលទាក់ទងនឹងសាសនាហិណ្ឌូ ព្រះពុទ្ធសាសនា សាសនាជេន និងសាសនាជាច្រើនទៀតជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ កូរ៉េ​ខាងជើង ចេញកាក់ប្រាក់ថ្មីក្នុងថ្ងៃខួបកំណើត គីម ជុងអ៊ីល

The post រកឃើញរូបសំណាកព្រះពុទ្ធដែលបាត់អស់រយៈពេលជាច្រើនទសវត្សរ៍នៅ អ៊ីតាលី appeared first on Kampuchea Thmey Daily.

ប្រាសាទ Nanzion មានទីតាំងនៅទីក្រុង Sasaguri ខេត្ត Fukuoka ប្រទេសជប៉ុន ជាកន្លែងទេសចរណ៍អបិយជំនឿបែបព្រះពុទ្ធសាសនា ដែលមានរូបសំណាកព្រះពុទ្ធអង្គធ្វើពីស្ពាន់ធំជាងគេលើលោក។

កាលពីដំបូងប្រាសាទ Nanzion បានសង់នៅលើភ្នំ Koya ខេត្ត Wakayama ភាគខាងត្បូងនៃប្រទេស ប៉ុន្តែក្រោយមកអាជ្ញាធរបានស្នើឱ្យរុះរើប្ដូរទីតាំងនៅឆ្នាំ ១៨៨៦ ។ ដោយមានការដឹកនាំដោយព្រះសង្ឃនៅក្រុង Sasaguri គឺតេជគុណ Hayashi Satoshium ប្រាសាទ Nanzion បានប្ដូរកន្លែងក្នុងឆ្នាំ ១៨៩៩ ហើយបានក្លាយជាទីសក្ការបូជាសំខាន់ក្នុងចំណោមទាំងទីតាំងទាំង​ ៨៨ នៅទីក្រុង Sasaguri។

មួយឆ្នាំៗប្រាសាទ Nanzion ទាក់ទាញភ្ញៀវទេសចរជាងមួយលាននាក់ទៅទស្សនាដោយសារតែរូបសំណាកព្រះពុទ្ធស្ពាន់ធំជាងគេលើលោកនេះឯង។ រូបសំណាកព្រះពុទ្ធផ្ទុំមានឈ្មោះជាភាសាជប៉ុនថា Nehanzo ឬ Shakanehanzo ដែលមានន័យថា និព្វាន តំណាងឱ្យពេលព្រះពុទ្ធទ្រង់ចូលបរិនិព្វាន។ រូបសំណាក Nehanzo បានកសាងរួចរាល់នៅឆ្នាំ ១៩៩៥ មានកម្ពស់ ១១ ម៉ែត្រ បណ្ដោយ ៤១ ម៉ែត្រ ទម្ងន់ប្រមាណ ៣០០ តោន ឯព្រហស្តកាន់ខ្សែ ៥ ពណ៌។

ជារៀងរាល់ឆ្នាំពុទ្ធសាសនិករាប់រយនាក់រមែងទៅជួបជុំគ្នាដើម្បីសម្អាតរូបសំណាកដ៏ធំនេះដោយប្រើស្លឹកឫស្សី ហើយរាល់ឆ្នាំទីនោះក៏តែងតែមានការធ្វើធម្មយាត្រាទ្រង់ទ្រាយធំពុំដែលអាក់ខានឡើយ។

ក្រៅពីរូបសំណាកស្ពាន់ធំបំផុត ប្រាសាទ Nanzion នៅមានរូបសំណាកព្រះផ្សេងៗជាច្រើនអង្គទៀតសម្រាប់គោរពបូជា។ នៅទីនោះក៏មានចេតិយតូចៗ (nokotsudo) ប្រមាណ ៤៣១៥ សម្រាប់ដាក់ធាតុអ្នកដែលស្លាប់គ្មានសាច់ញាតិផងដែរ។

ប្រាសាទ Nanzion សាងសង់ឡើងក្នុងគោលបំណង ទីមួយបើកចំហសម្រាប់និកាយទាំងអស់នៃព្រះពុទ្ធសាសនា រួមទាំងសាសនិកស៊ីនតូផងដែរ។ ទី ២ ពឹងផ្អែកលើចំណូលរបស់ភ្ញៀវទេសចរដើម្បីកសាងចេតិយសម្រាប់តម្កល់ឆ្អឹងជនអនាថាដែលអនិច្ចកម្ម។

ប្រជាជនម្ចាស់ស្រុក ក៏ដូចជាអ្នកដំណើរពុទ្ធសាសនិកមានជំនឿមុតមាំណាស់លើរូបសំណាក Nehanzo ឱ្យតែទៅដល់ទីនោះពួកគេមិនដែលភ្លេចបួងសួងសុំសេចក្ដីសុខសប្បាយនោះទេ៕

ប្រែសម្រួល៖ សន្យា

ប្រភព៖ Wikipedia

ចុចអាន៖ ចង់​ទៅ​ប្រទេស​ជប៉ុន ​គួរ​ដឹង ​១០ ​ចំណុច​នេះ​ជា​មុន​សិន

ចុចអាន៖ ចម្លែក​ណាស់!​ ​ទី​សក្ការ​បូជា​មួយ​នៅ​ជប៉ុន​ មានសត្វ​ឆ្មាជា​ព្រះ​សង្ឃ​

The post ធ្លាប់ដឹងអត់! ​រូបសំណាកព្រះពុទ្ធស្ពាន់ធំជាងគេលើលោកសង់នៅឯណា? appeared first on Kampuchea Thmey Daily.