ប្រភពដដែលបញ្ជាក់ថា កម្មវិធី “មួយម៉ឺនអាល័យ” ដែលចម្រុះដោយសិល្បករគ្រប់ជំនាន់រៀបចំឡើងរយៈពេលបីថ្ងៃ គឺចាប់ពីថ្ងៃទី ២២ ២៣ និងថ្ងៃទី ២៤ ខែវិច្ឆិកា ឆ្នាំ២០២៤ នៅមជ្ឈមណ្ឌលសហប្រតិបត្តិការកម្ពុជាកូរ៉េ (CKCC) ក្នុងបរិវេណសាកលវិទ្យាល័យភូមិន្ទភ្នំពេញ។

នៅលើផេកផ្លូវការរបស់ក្រុមព្រះសុរិយាបានឲ្យដឹងទៀតថា រឿង”កាកី” ភាពយន្តខ្មែរ ដែលត្រូវបានជួយសង្រ្គោះកាលពីឆ្នាំ២០១៨ ពីប្រទេសថៃយកមកកាន់មាតុភូមិវិញ នឹងត្រូវចាក់បញ្ចាំងជាថ្មីម្តងទៀត នៅក្នុងកម្មវិធីមួយម៉ឺនអាល័យ លើកទី៨ ។ គេរំពឹងថា កម្មវិធីនេះនឹងទទួលបានការគាំទ្រច្រើនពីសំណាក់ទស្សនិកជន និងសិល្បករ-សិល្បការិនីខ្មែរយ៉ាងផុសផុល។

សូមជម្រាបដែរថា កម្មវិធី “មួយម៉ឺនអាល័យ” លេីកទី៨ ​ឆ្នាំ២០២៤ ដែលនឹងរៀបចំចាក់បញ្ចាំងនៅមជ្ឈមណ្ឌលសហប្រតិបត្តិការកម្ពុជាកូរ៉េ (CKCC) ក្នុងបរិវេណសាកលវិទ្យាល័យភូមិន្ទភ្នំពេញ ចុងសប្តាហ៍នេះ គឺមិនគិតថ្លៃនោះទេ៕ អត្ថបទ៖ ចាន់រ៉ា

The post ភាពយន្តខ្មែររឿង “កាកី” ត្រៀមចាក់បញ្ចាំងជាថ្មីម្តងទៀត ក្នុងកម្មវិធីមួយម៉ឺនអាល័យ លើកទី៨ និងបើកឱ្យទស្សនាឥតគិតថ្លៃ appeared first on Kampuchea Thmey Daily.