ភ្នាក់ងាររបស់គាត់បាននិយាយកាលពីថ្ងៃអាទិត្យថា តារាសម្តែងជនជាតិអង់គ្លេសដែលឈ្នះពានរង្វាន់លោក Bernard Hill ដែលមានអាយុ ៧៩ ឆ្នាំ​​ ត្រូវបានគេស្គាល់ថាជាតួក្នុងរឿង The Lord Of The Rings និង Titanic បានទទួលមរណភាពហើយ​ កាលពីព្រឹកថ្ងៃអាទិត្យ ខែឧសភា។

ក្រុមហ៊ុនគ្រប់គ្រងរបស់គាត់ Optimism Entertainment ក៏បានចេញសេចក្តីថ្លែងការណ៍មួយដោយនិយាយថា Hill គឺជា “សុភាពបុរសពិត និងជាសិល្បករដែលមានទេពកោសល្យបំផុតសម្រាប់ក្រុមការងារ” ។

គាត់បានទទួលពានរង្វាន់សម្រាប់តួនាទីរបស់គាត់ជាស្តេច Theoden ក្នុងរឿង The Lord of the Rings trilogy និងបានដើរតួជា Captain Edward Smith នៅក្នុងខ្សែភាពយន្ត Titanic ដែលឈ្នះពានរង្វាន់អូស្ការឆ្នាំ ១៩៩៧ ។ មនុស្ស​ជា​ទី​ស្រលាញ់ និង​អ្នក​គាំទ្រ​ក៏​កាន់​ទុក្ខ​ដល់ Hill តាម​បណ្ដាញ​សង្គម​បន្ទាប់​ពី​ដំណឹង​មរណភាព​របស់​គាត់។

សូមជម្រាបជូនដែរថា តារាសម្តែង Bernard Hill កើតថ្ងៃទី ១៧ ខែធ្នូឆ្នាំ ១៩៤៤ នៅ Manchester ចក្រភពអង់គ្លេស លោកបានធំធាត់នៅក្នុងគ្រួសារអ្នកជីករ៉ែ​ប៉ុន្តែបានរកឃើញផ្លូវរបស់គាត់ទៅសាលារៀននិងឆាកអន្តរជាតិទៅវិញ។ ភាពល្បីល្បាញរបស់ Hill បានលាតសន្ធឹងពេញស្រះនៅទសវត្សរ៍ឆ្នាំ ១៩៨០ និងឆ្នាំ ៩០ជាមួយនឹងតួនាទីនៅក្នុងជីវប្រវត្តិរឿង “Gandhi” ដែលសម្តែងដោយ Sir Ben Kingsley និងភាពយន្តបែបសកម្មភាព “The Ghost and the Darkness” ទល់មុខ Val Kilmer និង Michael Douglas ។ ចំណែកឯតួសម្តែងមួយចំនួនអាចអះអាងថា លោកបានធ្វើការលើខ្សែភាពយន្តល្បីៗដូចជា “Titanic” និង “The Lord of the Rings: The Return of the King” ដែលម្នាក់ៗទទួលបានពានរង្វាន់ Academy ចំនួន ១៣ និង ១១ រៀងៗខ្លួន៕

អត្ថបទ៖ សាង ស្រីល័ក្ខ

ចុចអាន៖យីហោ Popflex លក់ដាច់គ្មានសល់ ក្រោយ Taylor Swift ស្លៀកបង្ហាញមិនប៉ុន្មាននាទី

The post តួ Titanic លោក Bernard Hill ទទួលមរណភាពក្នុងអាយុ ៧៩ ឆ្នាំ appeared first on Kampuchea Thmey Daily.

នៅក្នុងបទសម្ភាសន៍ជាមួយទូរទស្សន៍ CNN នៅថ្ងៃចន្ទ ទី ១៩ ខែមិថុនា លោក James Cameron ដែលជា​អ្នកដឹកនាំរឿង Titanic និងបាន​មុជទឹក ៣៣ដងកន្លែងដែល​កប៉ាល់​នេះ​ស្ថិតនៅ​នោះបានរិះគន់ការធ្វេសប្រហែសរបស់ OceanGate ។

ជា​ចម្បង​ក្នុងចំណោមការរិះគន់របស់លោក Cameron គឺថាវិធីរបស់ OceanGate ក្នុងការកសាងយាន Titan ចេញពី​សរសៃ​កាបូន​គឺ​មិនសមរម្យស្រាប់ទៅហើយ “មនុស្សនៅ OceanGate មិនបានចងចាំមេរៀន​របស់កប៉ាល់ទីតានិកទេ ខ្ញុំគិតថាវាជាគំនិត​អាក្រក់ណាស់​ក្នុងការធ្វើឲ្យ​យានដូចដែលពួកគេបានធ្វើ អ្វីដែលគួរឲ្យ​សោកស្ដាយនោះគឺថា ឧបទ្ទវហេតុនេះ​អាចត្រូវបានចៀសវាងបាន។”

លើសពីនេះ នាយក Cameron បាននិយាយថា យាននេះគួរតែឆ្លងកាត់ដំណើរការសាកល្បង និងវិញ្ញាបនប័ត្រដែលមានឈ្មោះធំៗ ដូចជាក្រសួងដឹកជញ្ជូនរបស់សហរដ្ឋអាមេរិកជាដើម។ ប៉ុន្តែ Titan មិន​បាន​ធ្វើ​ទេ។ លោកបានប្រាប់ CNN ថា “ខ្ញុំគិតថាវាមិនសមហេតុផលទេ​ដែល​ក្រុម​នេះ​មិន​បាន​ឆ្លង​កាត់​ដំណើរការ​ដ៏​តឹងរ៉ឹង​នោះ” ។

អ្នកដឹកនាំរឿងដែលឈ្នះពានរង្វាន់ Oscar បាននិយាយថា គាត់មិនភ្ញាក់ផ្អើលទេដែលបាន​ឭ​អំពីសោកនាដកម្ម Titan ​កំពុងផ្ទុះ។ នៅពេលដែលគាត់បានឭ​ជាលើកដំបូងអំពីសំឡេង​ខ្លាំងៗដែលទំនងជាបណ្តាលមកពី​កប៉ាល់ Titan ផ្ទុះ គាត់បានទាក់ទងក្រុមអ្នកមុជទឹករបស់គាត់ ហើយ​បានដឹងថាកប៉ាល់នោះបាត់បង់ការទាក់ទងភ្លាមៗ។

លោកបាននិយាយនៅលើ ABC កាលពីថ្ងៃទី ២២ ខែមិថុនាថា​ “សេណារីយ៉ូតែមួយគត់ដែលចូលក្នុងក្បាលរបស់ខ្ញុំគឺការផ្ទុះ។ រលក​ឆក់​មានកម្លាំងខ្លាំង ដែលវាបានបំផ្លាញប្រព័ន្ធ decompression របស់​កប៉ាល់ និង​ការ​ផ្គត់ផ្គង់​ថាមពល​ផ្ទាល់​របស់វា ដើម្បីរក្សា transponder ដែល​ជួយ​តាមដាន​ទីតាំង​របស់​កប៉ាល់”។

លោក Cameron ក៏បាន​និយាយផងដែរថា សោកនាដកម្ម Titan គឺស្រដៀង​ទៅនឹង​សោកនាដកម្ម​ទីតានិច​ដែល​មនុស្ស​ពាក់ព័ន្ធ​មិនអើពើនឹងការព្រមាន។ ត្រលប់មកវិញជាងមួយសតវត្ស នៅពេល​ដែលកប៉ាល់ទីតានិកចាប់ផ្តើមផ្លាស់ទី មនុស្សដែលពាក់ព័ន្ធមិនអើពើ​នឹងការព្រមាននោះទេ។ កប៉ាល់ទីតានិកនៅ​តែអាចឆ្លងកាត់មហា​សមុទ្រអាត្លង់ទិក​ក្នុងរាត្រីដែលគ្មាន​ព្រះច័ន្ទ ទោះបីជាត្រូវបានព្រមានអំពីផ្ទាំងទឹកកកធំៗក៏ដោយ។ ឥឡូវនេះ ជាងមួយសតវត្សក្រោយមក គ្រោះមហន្តរាយស្រដៀងគ្នា​កំពុងកើតឡើងម្តងទៀតនៅកន្លែងដដែល៕

ប្រែសម្រួល៖ សាង ស្រីល័ក្ខ

ប្រភព៖ABC

ចុចអាន៖អ្នកដឹកនាំរឿងកប៉ាល់ Titanic ប្រាប់រយៈពេលដែលយាន Titan ផ្ទុះក្នុង​សមុទ្រ

The post លោក James Cameron ថា ការផ្ទុះយាន Titan គឺដូចគ្នាបេះបិតនឹងសោកនាដកម្មលិចកប៉ាល់ Titanic appeared first on Kampuchea Thmey Daily.

យោងទៅតាមទស្សនាវដ្ដី EW បានឲ្យដឹងថាឈុតដែលលោក James Cameron ចូលចិត្តជាងគេគឺឈុតដែល Rose អាក្រាតកាយ ពាក់ខ្សែកបេះដូងនិងជាម៉ូដដែលឲ្យ Jack គូររូប។ ក្នុងឈុតមនោសញ្ចេតនានៃភាពស្រស់ស្អាត Rose បានបង្ហាញសេចក្តីស្រឡាញ់ដែលរីកដុះដាលរវាង Rose – Jack ធ្វើឱ្យឈុតនេះល្បីនៅក្នុងរោងកុនជុំវិញពិភពលោក ។ ជាពិសេសរូបគំនូរអាក្រាតកាយរបស់ Rose ត្រូវបានគូរដោយលោក James Cameron ផ្ទាល់ ។

ទោះជាយ៉ាងណាក៏ដោយក្នុងឆ្នាំ ២០១៧ ក្នុងឱកាសខួបលើកទី ២០ នៃខ្សែភាពយន្តនេះតារាសម្តែង Kate Winslet បានដើរតួអង្គ Rose បាននិយាយថានាងស្លៀកឈុតហែលទឹកមិនមែនស្រាតដូចរូបគំនូរដែលបានគូរនៅក្នុងរឿងនោះទេ។ ប៉ុន្តែតារាស្រីរូបនេះបានទទួលស្គាល់ថា រូបគំនូរនៅតែលងបន្លាច និងមិនអាចបំភ្លេចរូបអាក្រាតទាំងនោះ។

ជាមួយគ្នានេះ នៅក្នុងរឿង “Titanic” អ្នកដឹកនាំរឿង James Cameron មិនត្រឹមតែគូររូបអាក្រាតកាយរបស់ Rose ប៉ុណ្ណោះទេ លោកថែមទាំងបានគូររូបទាំងមូលនៅក្នុងសៀវភៅគំនូរដែលតួអង្គ របស់ Jack កាន់ផងដែរ ៕

ប្រែសម្រួល៖នាងតូច

ចុចអាន៖ហេតុផល ៤ យ៉ាង BLACKPINK ទំនងជាចាកចេញពី YG ពិតប្រាកដ

The post លាតត្រដាងក្រោយឆាកនៃឈុតឆាកក្តៅសាច់ក្នុងរឿង Titanic ក្រោយកន្លងទៅ ២៦ ឆ្នាំ appeared first on Kampuchea Thmey Daily.