លោក កែវ រតនៈ បានលើកឡើងនៅក្នុងពិធីប្រកាសលុបចោលអាជ្ញាបណ្ណរ៉ែថ្មកំបោរនៅខេត្តកំពត កាលពីថ្ងៃទី ០៩ ខែមករា ឆ្នាំ ២០២៥។

លោក កែវ រតនៈ បន្តថា រោងចក្រស៊ីម៉ងត៍ដែលមានទំហំទុនវិនិយោគជាង ១ ពាន់លានដុល្លារ ក្នុងខេត្តកំពត អាចនឹងបិទទ្វារប្រសិនបើមិនមានការគាំទ្រពីរដ្ឋាភិបាល។

លោក កែវ រតនៈ បញ្ជាក់ថា៖«ប្រសិនបើរដ្ឋាភិបាលមិនយកចិត្តទុកដាក់ ហើយមិនជួយគាំទ្រតាម​រយៈ​គោល​នយោបាយផ្សេងៗ រោងចក្រនេះ នឹងរលាយទៅវិញ ហើយជាពិសេស​ក្នុងស្ថាន​ភាព​បច្ចុ​ប្បន្ននេះ ដែលសេដ្ឋកិច្ចមានការលំបាក ដោយសារវិស័យសំណង់ក៏រងការលំបាក ការលក់ផ្ទះ ធ្វើអាគារថមថយ ដោយសារសេដ្ឋកិច្ច​សកល មិនមែនតែយើងទេ ប្រទេសណាក៏ប៉ះពាល់ដែរ ដូច្នេះ វាដាក់សម្ពាធ​ទៅលើ​ការ​ទិញ​ស៊ីម៉ង់តិ៍​ ដោយសារការទិញស៊ីម៉ង់តិ៍តិចជាងមុន ដោយសារសំណង់​វាថយជាងមុន»។

លោក កែវ រតនៈបញ្ជាក់ថា ប្រសិនបើរដ្ឋាភិបាលមិនប្រឹងជួយទេ រោងចក្រទាំងអស់នេះ នឹងបិទទ្វារទៅវិញ ខណៈការបាត់បង់រោងចក្រ នឹងប៉ះពាល់ដល់ការបាត់បង់ការ​ងារដល់ប្អូនៗ ទី២ ប្រសិនបើយើងបាត់រោងចក្រស៊ីម៉ងត៍ យើងមិនប្រឹងជួយ​គ្នាក្នុង​ពេល​នេះ ដល់ពេលសេដ្ឋកិច្ច​ងើបប៉ុន្មានឆ្នាំក្រោយទៀត យើងទៅទិញស៊ីម៉ង់ត៍ពីគេមកវិញ ហើយ​កម្ពុជា​មិនឱ្យមាន​ស្ថានភាពហ្នឹងទេ នៅតែបន្តរក្សារោងចក្រស៊ីម៉ង់ត៍ដើម្បីការងារ និងក៏ជាគ្រឹះ​នៃការ​កសាងជាតិដែរ៕

The post រដ្ឋាភិបាលប្ដេជ្ញាបន្តការពារឧស្សាហកម្មផលិតស៊ីម៉ងត៍ គ្រាដែលតម្រូវការសំណង់ធ្លាក់ចុះ appeared first on Kampuchea Thmey Daily.