អំណោយដែលចែកជូនពេលនេះ មានចង្ក្រានសន្សំសំចៃថាមពលចំនួន២៧៣គ្រឿង​ បានមកពីការឧបត្ថម្ភរបស់សមាគមនារីកម្ពុជាដើម្បីសន្តិភាព និងអភិវឌ្ឍន៍ថ្នាក់កណ្តាល និងសារុងចំនួន២៧៣សារុង បានមកពីការឧបត្ថម្ភផ្ទាល់របស់លោកស្រី ឃួន ឃុនឌី។​

ការចែកចង្ក្រានសន្សំសំចៃថាមពលពេលនេះ លោកស្រី ឃួន ឃុនឌី លេខាធិការគណៈកម្មការទី៨ព្រឹទ្ធសភា និងជាអនុប្រធានកិត្តិយសសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តកំពង់ធំ បានគូសបញ្ជាក់ថា ដើម្បីឱ្យទាំងអស់គ្នាចូលរួមសន្សំសំចៃថាមពល និងការការពារបរិស្ថាន ការពារសុខមាលភាព និងចូលរួមចំណែកក្នុងការកាត់បន្ថយនូវការចំណាយរបស់ប្រជាពលរដ្ឋនៅក្នុងមូលដ្ឋាន។

ឆ្លៀតក្នុងឱកាសនោះ លោកស្រីសមាជិកព្រឹទ្ធសភា ក៏បានលើកឡើងពីបញ្ហាតាមខ្សែបន្ទាត់ព្រំដែនកម្ពុជាជាមួយប្រទេសជិតខាងផងដែរ ដោយលោកស្រី បានអំពាវនាវឱ្យប្រជាពលរដ្ឋទាំងអស់តស៊ូ អត់ធ្មត់ រួមសាមគ្គីគ្នាផ្តល់ការគាំទ្រជឿទុកចិត្តទៅលើសម្តេចតេជោ ហ៊ុន សែន ប្រធានព្រឹទ្ធសភា និងសម្តេចធិបតី ហ៊ុន ម៉ាណែត នាយករដ្ឋមន្រ្តី ជាធ្លុងមួយឱ្យបានរឹងមាំ ក្នុងគ្រាដែលប្រទេសជាតិកំពុងជួបប្រទះសង្រ្គាមឈ្លានពានពីប្រទេសជិតខាង៕  

The post សមាជិកព្រឹទ្ធសភាចែកចង្ក្រានសន្សំសំចៃថាមពលជូនពលរដ្ឋស្រុកសន្ទុក appeared first on Kampuchea Thmey Daily.

លោកជំទាវ ឃួន ឃុនឌី ប្រធានក្រុមការងារចុះជួយស្រុក កំពង់ស្វាយ អញ្ជើញជួបសំណេះសំណាលជាមួយប្រជាពលរដ្ឋ លោកគ្រូ អ្នកគ្រូ និងសិស្សានុសិស្ស នៅវិទ្យាល័យទួលក្បិលស្ថិតក្នុងភូមិទាមចាស់ ឃុំកំពង់ស្វាយ។

ក្នុងឱកាសនោះដែរ លោកជំទាវ អំពាវនាវដល់ដល់ សិស្សាទាំងអស់ ត្រូវបន្តការខិតខំសិក្សាទ្វេរដង ដើម្បីក្លាយជាកោសិកាសង្គម។ យុវជនគ្រប់រូបចាំបាច់បំផុតនូវការបណ្តុះបណ្តាលឲ្យបានច្រើនបំផុតតាមដែលអាចធ្វើទៅបាន ដើម្បីឲ្យយុវជនបន្តវេណ ក្លាយជាទំពាំងស្នងឬស្សី ក្នុងយុគ្គសម័យឌីជីថល ក្រោមការដឹកនាំរបស់ប្រកបដោយសុខសន្តិភាព របស់ប្រមុខរាជរដ្ឋាភិបាលនាពេលបច្ចុប្បន្ន ដែលថ្នាក់ដឹកនាំរាជរដ្ឋាភិបាល ជាពិសេសពីសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលតែងតែគិតគូរលើវិស័យអប់រំ លើការបណ្តុះបណ្តាលធនធានមនុស្ស ធ្វើឲ្យធនធានមនុស្សកាន់តែមានចំណេះដឹងទូលំទូលាយ។

ហើយយុវជនទាំងអស់ ក៏ជំនាន់ក្រោយរបស់ ប្រទេសជាតិ និងបានឃើញជាក់ស្តែងនូវការខិតខំប្រឹងប្រែងរបស់រាជរដ្ឋាភិបាល លើការបង្កើនទំនាក់ទំនង ជាតិ និងអន្តរជាតិលើពិភពលោក។

ការបង្កើនកិច្ចការទំនាក់ទំនងទាំងអស់នេះ មិនសម្រាប់តែលើវិស័យអប់រំ ប៉ុណ្ណោះនោះទេ ប៉ុន្តែក៏បង្កើតទំនាក់ទំនងសេដ្ឋកិច្ច ធ្វើឲកម្ពុជាត្រូវបានប្រទេសនៅលើពិភពលោក ទទួលស្គាល់ថាជាប្រទេសកំពុងមានការអភិវឌ្ឍន៍គ្រប់ផ្នែក ក្រោមដំបូលសន្តិភាព។

លោកជំទាវក៏បានថ្លែងអំណរគុណដល់លោកគ្រូអ្នកគ្រូដែលបានខិតខំលះបង់ទាំងកម្លាំងកាយប្រាជ្ញាស្មារតីបង្ហាត់បង្ហាញសិស្សានុសិស្ស ថែមទាំងបានផ្ដាំផ្ញើ សិស្សានុសិស្សត្រូវខិតខំប្រឹងប្រែងរៀនសូត្របន្តទៀត ដើម្បីទទួលបានលទ្ធផលទៅថ្ងៃអនាគត សម្រាប់ខ្លួនឯង គ្រួសារ និងសង្គមជាតិ៕

អត្ថបទ៖ ឈាង មករា

The post ប្រធានក្រុមការងារចុះជួយស្រុកកំពង់ស្វាយ​អំពាវនាវដល់សិស្សានុសិស្ស​បង្កើនការ​សិក្សាទ្វេដង appeared first on Kampuchea Thmey Daily.