លោកបឺត សំរេច នឹងទទួលបានវិឡាភ្លោះមួយខ្នង ពីក្រុមហ៊ុនបុរី HM Lucky Home

Kang Tola — Wed, 05 Jul 2023 15:52:05 +0000

ភ្នំពេញ ៖ បន្ទាប់ពីផ្ទុះការវែកញែកជាច្រើនពាក់ព័ន្ធនឹង លោកបឺត សំរេច ថាជាកូនប្រុសបង្កើតរបស់អធិរាជសំឡេងមាសលោកតា ស៊ិន ស៊ីសាមុត រួចមក ក្រុមហ៊ុនបុរី HM Lucky Home បានសម្រេចប្រគល់ផ្ទះវិឡាភ្លោះមួយខ្នងជូនលោក បឺត សំរេច។

ដំណឹងដ៏សែនរីករាយនេះ បានកើតឡើង នារសៀលថ្ងៃទី៥ ខែកក្កដា ឆ្នាំ២០២៣នេះ ដោយលោកបឺត សំរេច បានអញ្ជើញទៅទស្សនាផ្ទះពិត ផ្ទាល់នៅទីតាំងបុរី HM Lucky Home ផ្ទាល់តែម្ដង។

បើតាមប្រសាសន៍របស់ប្រធានរដ្ឋបាល HM Lucky Home បានឲ្យដឹងថា ក្រុមហ៊ុនបានប្រគល់ផ្ទះ គ្រែគេង ម៉ាស៊ីនត្រជាក់គ្រប់បន្ទប់ ព្រមទាំងធានារ៉ាប់រងលើការរៀបចំពិធីឡើងគេហដ្ឋានជាផ្លូវការជូនលោកបឺត សំរេចថែមទៀតផង។

គួររំលឹកផងដែរថា កាលពីថ្មីៗកន្លងមកនេះ បន្ទាប់ពីលោក បឺត សំរេច បានអះអាងថា ជាកូនប្រុសបង្កើតអធិរាជសំឡេងមាសលោកតា ស៊ិន ស៊ីសាមុត នោះ ក៏មានប្រជាជនមួយចំនួនបានបញ្ចេញមតិរិះគន់ និងស្តីបន្ទោសដល់លោក បឺត សំរេច ថាបង្កើតព័ត៌មានចលាចលដល់សង្គម ព្រមទាំងឱ្យលោកទៅពិនិត្យ DNA ដើម្បីបញ្ជាក់ពីការពិតផងដែរ។

លោកក៏បានបញ្ជាក់ថា លោកនឹងធ្វើតេស្ត DNA និងផ្ញើសារជូនទៅអ្នកដែលចោទប្រកាន់លោកថា បានបំពុលសង្គមនោះ ឱ្យមកជួបលោកផ្ទាល់ ដើម្បីទៅធ្វើតេស្តឈាមរកការពិតទាំងអស់គ្នា។ លោកបន្ថែមទៀតថា បើសិនជាការធ្វើតេស្តនេះ រកឃើញថាលោកពិតជាកូនបង្កើតរបស់លោក ស៊ិន ស៊ីសាមុត មែនឬមិនមែនក៏ដោយ ក៏សូមឱ្យប្រើប្រាស់ភាសាសមរម្យបន្តិចទៅ ព្រោះលោកក៏ជាមនុស្សដែរ។

ពាក់ព័ន្ធនឹងការធ្វើតេស្ដDNA នេះ ភរិយាទី២របស់លោក ស៊ីន ស៊ីសាមុត គឺអ្នកស្រី ខាវ ថងញ៉ុត បដិសេធមិនព្រមឱ្យពិនិត្យឡើយ ព្រមទាំងបដិសេធមិនទទួលស្គាល់លោក បឺត សំរេច ជាកូនបង្កើតរបស់លោក ស៊ីន ស៊ីសាមុត ថែមទៀត៕

ដោយ ៖ នាគព័ន្ធ

The post លោកបឺត សំរេច នឹងទទួលបានវិឡាភ្លោះមួយខ្នង ពីក្រុមហ៊ុនបុរី HM Lucky Home appeared first on Kampuchea Thmey Daily.

ដឹងទេ? ថ្ងៃនេះខួបកំណើត៨៨ឆ្នាំរបស់អធិរាជសំឡេងមាសលោកតា ស៊ីន ស៊ីសាមុត

Kang Tola — Mon, 23 Aug 2021 10:45:00 +0000

ភ្នំពេញ ៖ ពេលរម្លឹកដល់ឈ្មោះតារាចម្រៀងជើងចាស់ដ៏ល្បីល្បាញលោកតា ស៊ីន ស៊ីសាមុត មហាជនពិតជានៅស្គាល់និងចងចាំបានយ៉ាងច្បាស់ទោះបីជាលោកបានចែកឋានទៅហើយក្តី ប៉ុន្តែអ្វីដែលមិនអាចបំភ្លេចបាននោះគឺកេរ្តិ៍ឈ្មោះនិងទឹក ដមសំនៀងដ៏ផ្អែមពីរោះតែម្តង។

តារាចម្រៀងលោកតា ស៊ីន ស៊ីសាមុត គឺជាអ្នកនិពន្ធបទចម្រៀង និង អ្នកចម្រៀងខ្មែរដ៏ល្បីល្បាញនាអំឡុងទសវត្ស ៥០ ដល់ ៧០។ គាត់មានរហស្សនាមថា អធិរាជសំឡេងមាស។ យ៉ាងណាមិញថ្ងៃនេះក៏ត្រូវបានគេដឹងថា ជាថ្ងៃគម្រប់ខួបកំណើត៨៨ឆ្នាំ របស់លោកតា ស៊ីន ស៊ីសាមុត។

ទន្ទឹមគ្នានៃការរម្លឹកដល់ថ្ងៃកំណើតរបស់លោកតា ស៊ិន ស៊ីសាមុត នេះដែរគេឃើញមានទស្សនិកជននិងអ្នកគាំទ្រជាច្រើនបានបង្ហោះភ្ជាប់រូបភាពអបដោយសំណេរនឹករលឹកដល់អធិរាជសំឡេងមាសលោកតា ស៊ិន ស៊ីសាមុត ផងដែរ។

តួយ៉ាងនៅលើគណនីហ្វេសប៊ុករបស់អ្នកនិពន្ធវ័យ ក្មេង ស៊ូ ដាណេ បានសរសេរថា ជាថ្ងៃខួបកំណើតអធិរាជសំឡេងមាស ស៊ីន ស៊ីសាមុត (២៣ សីហា ១៩៣៣ )រូបកាយឃ្លាតបាត់តែសំឡេងនៅរស់ជានិច្ចក្នុងសង្គមបច្ចុប្បន្ន។ សូមសំឡេងរបស់លោកនៅតែបន្តរស់រានមានជីវិតជារៀងដ៏រាបនៅក្នុងសោតិន្ទ្រិយមនុស្សលោក បើទោះជាមានការកែច្នៃ បំភ្លៃយ៉ាងណាក៏ដោយ។

សូមជម្រាបដែរថា លោកតា ស៊ីន ស៊ីសាមុត ត្រូវបានក្រុមខ្មែរក្រហមសម្លាប់គាត់នៅថ្ងៃទី១៨ខែ ឧសភាឆ្នាំ១៩៧៦។ លោកតា ស៊ិន ស៊ីសាមុត ជាវរជនតែមួយគត់ដែលបានបន្សល់ទុកនូវកេរ្តិ៍ឈ្មោះដ៏ល្អសម្រាប់ជាតិខ្មែរនៅសតវត្សទី២០។ វិស័យសិល្បៈសម្លេងចម្រៀងសមជាអធិរាជសម្លេងមាស ស្ថិតដក់ជាប់ក្នុងអារម្មណ៍អ្នកចម្រៀងខ្មែរក្រោយៗមក៕

ដោយ ៖ ចាន់រ៉ា

The post ដឹងទេ? ថ្ងៃនេះខួបកំណើត៨៨ឆ្នាំរបស់អធិរាជសំឡេងមាសលោកតា ស៊ីន ស៊ីសាមុត appeared first on Kampuchea Thmey Daily.

លោកតា ស៊ី ស៊ីសាមុត Archives - Kampuchea Thmey Daily

លោកបឺត សំរេច នឹង​ទទួល​បាន​វិឡាភ្លោះមួយខ្នង ពី​ក្រុមហ៊ុន​បុរី​ HM Lucky Home

ដឹង​ទេ​? ថ្ងៃនេះ​ខួបកំណើត​៨៨​ឆ្នាំ​របស់​អធិរាជ​សំឡេង​មាស​លោកតា ស៊ីន ស៊ី​សាមុត​

លោកបឺត សំរេច នឹងទទួលបានវិឡាភ្លោះមួយខ្នង ពីក្រុមហ៊ុនបុរី HM Lucky Home

ដឹងទេ? ថ្ងៃនេះខួបកំណើត៨៨ឆ្នាំរបស់អធិរាជសំឡេងមាសលោកតា ស៊ីន ស៊ីសាមុត