បណ្ឌិត គិន ភា បានសរសេរសំណេរនៅថ្ងៃទី២៨ នេះថា៖ “ព្រឹត្តិការណ៍សោកសៅនេះ គឺជា​ដំបៅប្រវត្តិសាស្ត្រ​ដ៏ឈឺចាប់ដែលប្រជាជាតិខ្មែរត្រូវតែរួមគ្នាចងចាំ ​និងភ្ញាក់រលឹកជានិច្ច”។ លោកបន្ថែមទៀតថា៖ “សកម្មភាពឈ្លានពានរបស់សត្រូវតាមរយៈការរំលោភបទឈប់បាញ់ ការដាក់កុងតឺន័រ ការរាយលួសបន្លាបិទខ្ទប់ផ្ទះសម្បែង​និងស្រែចម្ការ ការបង្កវិបត្តិមនុស្សធម៌ដែលប្រជាពលរដ្ឋស៊ីវិលខ្មែរជាងកន្លះលាននាក់ត្រូវភៀសខ្លួន និងការប្រើវោហាសាស្ត្រក្រអឺតក្រទមបែប​រដ្ឋទំនើង​របស់លោក អានុទីន នាយកដ្ឋមន្ត្រីថៃ គឺជាការអនុវត្តយុទ្ធសាស្ត្របង្កើតអង្គហេតុជាក់ស្តែងនៅលើដី (Fait Accompli) ក្នុងបំណងលេបត្របាក់ទឹកដីកម្ពុជាទាំងបំពាន”។  

ចំពោះការឈ្លានពាន ល្បិចកិច្ចកល ដែលថៃបានធ្វើមកលើកម្ពុជា លោកបណ្ឌិត គិន ភា បានផ្តាំទៅកូនខ្មែរគ្រប់រូបថា ត្រូវតែរួបរួមគ្នា ពង្រឹងសាមគ្គីភាព និងឯកភាពផ្ទៃក្នុងប្រទេសឱ្យរឹងមាំដើម្បីការពារជាតិមាតុភូមិ។ ជាមួយគ្នានេះ ក៏ត្រូវគាំទ្រជំហររបស់រាជរដ្ឋាភិបាលដែលប្រកាន់ខ្ជាប់ច្បាប់អន្តរជាតិ និងដំណោះស្រាយដោយសន្តិវិធី។ កូនខ្មែរត្រូវចូលរួមតស៊ូលើសមរភូមិព័ត៌មាន ប្រឆាំងអំពើពុករលួយ និងរួមគ្នាពហិការផលិតផលពីប្រទេសឈ្លានពាន ដើម្បីការពារអធិបតេយ្យភាព និងបូរណភាពទឹកដីកម្ពុជាឱ្យស្ថិតស្ថេរ។

រយៈពេល ១ឆ្នាំ ដែលថៃឈ្លានពានកម្ពុជា បណ្ឌិត ជ័យ តិច បានលើកឡើងថា៖ “ថ្ងៃនេះ គម្រប់ខួប១ឆ្នាំដែលថៃបើកការឈ្លានពានលើកម្ពុជា៖ ថ្នាក់ដឹកនាំ អ្នកនយោបាយ និងប្រជាជនទាំងអស់បានភ្ញាក់ខ្លួន បានពង្រឹងសាមគ្គីភាព ស្រឡាញ់គ្នា ជួយគ្នា សន្តោសប្រណីគ្នា បង្កើនមនសិការជាតិ បង្កើនការផលិត-ការគាំទ្រផលិតផលក្នុងស្រុក កម្ចាត់ចោលអាជីវកម្មខ្មៅ-ប្រផេះនិងអ្នកពាក់ព័ន្ធ ពង្រឹងវិស័យយោធា និងកំណែទម្រង់។ល។” ។

សូមជម្រាបថា កាលពីថ្ងៃទី២៨ ខែឧសភា ឆ្នាំ២០២៥ ភាគីថៃបានបាញ់មកលើ ព្រឹន្ទបាលឯក សួន រ៉ោន ដែលកំពុងតួនាទីការពារព្រំដែននៅតំបន់មុំបី ខេត្តព្រះវិហារ។ ក្រោយមកក៏ឈានដល់ការតានតឹងផ្នែកការទូត សង្គ្រាមពាណិជ្ជកម្ម ដែលនាំឱ្យមានភាពតានតឹងពីមួយថ្ងៃទៅមួយថ្ងៃ រហូតធ្វើឱ្យផ្ទុះសង្គ្រាមទ្រង់ទ្រាយធំនៅថ្ងៃទី២៤ ខែកក្កដា ឆ្នាំ២០២៥។ ថៃ បានបាញ់ប្រហារមកកម្ពុជាប្រដាប់ដោយអាវុធទំនើបៗ ធ្វើឱ្យប៉ះពាល់ដល់ជនស៊ីវិល បំផ្លាញទ្រព្យសម្បត្តិពលរដ្ឋកម្ពុជា កម្ទេចហេដ្ឋារចនាសម្ព័ន្ធ ប្រាសាទបុរាណ សាលារៀន វត្តអារាម មន្ទីរពេទ្យ រហូតមកដល់បច្ចុប្បន្ន ពលរដ្ឋកម្ពុជារាប់ម៉ឺននាក់តាមតំបន់ព្រំដែននៅបន្តភៀសសឹក មិនទាន់អាចវិលត្រឡប់ទៅកាន់ផ្ទះរបស់ពួកគេវិញបាននៅឡើយទេដោយសារតំបន់រស់នៅខ្លះមិនទាន់មានសុវត្ថិភាព និងមានការរារាំងពីកងកម្លាំងថៃតាមរយៈការដាក់ពង្រាយបន្លាលួស និងទូរកុងតឺន័រ៕

The post ខួប១ឆ្នាំនៃការឈឺចាប់៖ អ្នកជំនាញផ្តាំកូនខ្មែររក្សាសាមគ្គីភាព និងចងចាំទង្វើដែលថៃឈ្លានពានកម្ពុជា appeared first on Kampuchea Thmey Daily.

តាមរយៈសំណេរលើគណនីបណ្តាញទំនាក់ទំនងសង្គម លោកបានរៀបរាប់ថា រំភើចិត្ត ពេលឃើញសុខភាពលោកគ្រូបានប្រសើរ និងត្រឡប់មកដល់មាតុប្រទេសវិញដោយសុវត្ថិភាព។

លោកថា លោកគ្រូនៅតែគិតគូដល់ការងារទាំងឡាយទាំងពួង…លោកគ្រូប្រាប់ថា «សូមរវល់តាមភារកិច្ចរៀងៗខ្លួនចុះ» សិស្សក៏ជម្រាបវិញ សូមសម្រាកថែសុខភាព លោកគ្រូមានកម្លាំងសិស្សនឹងលេងលោកគ្រូទៀត។

គួររម្លឹកថា លោកបណ្ឌិត ជ័យ​ ចាប​ ឈឺធ្ងន់​ ត្រូវសង្គ្រោះបន្ទាន់នៅប្រទេសវៀតណាម កាលពីជាង ២សប្តាហ៍មុន។ យ៉ាងណា ដេីម្បីរួមចំណែកចែករំលែកទទួលបន្ទុកជាមួយគ្រួសារកវីនិពន្ធល្បីឈ្មោះរូបនេះ លើថ្លៃព្យាបាល សមាជិកសមាគមអ្នកនិពន្ធ​ខ្មែរ​ ក៏ដូចជាសប្បុរស ក៏បានរួមចំណែកជាថវិកាទៅតាមលទ្ធភាពដល់គ្រួសារលោក ខណៈក្រុមការងារសមាជិកង្នកនិពន្ធខ្មែរ ក៏បានទៅសួរសុខទុក្ខដោយផ្ទាល់ដល់មន្ទីរពេទ្តនៅវៀតណាមផងដែរ។

The post កវីឯក ជ័យ ចាប វិលមកកម្ពុជាវិញហើយ ក្រោយស្ថានភាពជំងឺធូរស្រាល appeared first on Kampuchea Thmey Daily.