លោកស្រី Natasa Pirc Musar គឺជាអ្នកកាសែត និងជាមេធាវី ដែលបានឈរឈ្មោះបោះឆ្នោតដោយមានការគាំទ្រពីរដ្ឋាភិបាលឆ្វេងនិយមរបស់ ស្លូវេនី។

លោកស្រី បានយកឈ្នះអតីតរដ្ឋមន្ត្រីការបរទេស Anze Logar ដែលជាអ្នកនយោបាយអភិរក្សនិយមជើងចាស់។

គណៈកម្មការរៀបចំការបោះឆ្នោតបានប្រកាសថា លោកស្រី Pirc Musar បានឈ្នះសំឡេងជិត ៥៤% នាំមុខលោក Logar ដែលទទួលបានត្រឹមតែជាង ៤៦% ប៉ុណ្ណោះ។

ក្នុងការឡើងកាន់តំណែងជាប្រធានាធិបតី លោកស្រី Pirc Musar នឹងក្លាយជាមេបញ្ជាការនៃកងកម្លាំងប្រដាប់អាវុធ ហើយថែមទាំងតែងតាំងមន្ត្រីកំពូលមួយចំនួន រួមទាំងអភិបាលធនាគារកណ្តាលផងដែរ។

លោកស្រី Pirc Musar ធ្លាប់ត្រូវ​បាន​ជួល​ជា​មេធាវី​ការពារ​ក្តីឲ្យ​លោកស្រី Melania Trump ដែល​កើត​ក្នុង​ប្រទេស​ស្លូវេនី អំឡុង​ពេល​ស្វាមី​លោកស្រី Melania ​កាន់​តំណែង​ជា​ប្រធានាធិបតីសហរដ្ឋអាមេរិក។

ក្នុងឆ្នាំ២០១៦ អ្នកស្រី Pirc Musar និងកូនក្តីរបស់គាត់ បានប្តឹងទស្សនាវដ្តី Suzy ក្នុងប្រទេសស្លូវេនី សម្រាប់ការលើកឡើងថា លោកស្រី Melania បានធ្វើការជាអ្នកហែហមលំដាប់ខ្ពស់ ទាំងខ្លួនកំពុងបន្តអាជីពជាតារាបង្ហាញម៉ូដអន្តរជាតិ៕

ប្រែសម្រួល៖ Vann Vann

ប្រភព៖ BBC

ចុចអាន៖ រុស្ស៊ី បន្ថែមប្រទេសចំនួន ៥ ទៀត ចូលក្នុងបញ្ជី “រដ្ឋអមិត្ត”

The post ប្រទេសស្លូវេនី ទទួលបានប្រធានាធិបតីស្រ្តីទី១ ក្នុងប្រវត្តិសាស្រ្ត appeared first on Kampuchea Thmey Daily.