តុលាការបានប្រាប់ជនជាប់ចោទដែលឈរនៅក្នុងរង្វង់ក្រចកសេះថា តុលាការបានចោទប្រកាន់ឈ្មោះ ខេង យ័ន អតីតអភិបាលក្រុងកែប ពីបទរំលោភអំណាច និងបទសម្អាតប្រាក់ តាមមាត្រា ៣៥ នៃច្បាប់ស្តីពីការប្រឆាំងអំពេីពុករលួយ និងមាត្រា ៣ និងមាត្រា ៣៨ នៃច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម។

នៅចំពោះមុខតុលាការ ជនជាប់ចោទ ខេង យ័ន បានសារភាពចំពោះបទចោទប្រកាន់នេះ ហើយសំណូមពរសុំឱ្យតុលាការបន្ធូរបន្ថយទោស។

យ៉ាងណា តុលាការមិនទាន់កំណត់ពេលវេលាជាក់លាក់ដើម្បីប្រកាសសាលក្រមទេ។

បុគ្គល ខេង យ័ន ត្រូវបាន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ចេញអនុក្រឹត្យបញ្ចប់តំណែងអភិបាលក្រុងកែប នៅថ្ងៃទី១២ ខែមករា ឆ្នាំ២០២៤ ដោយសារតែប្រើប្រាស់អំណាចនៃតួនាទីរបស់ខ្លួន ប្រព្រឹត្តអំពើប៉ះពាល់ ដល់ផលប្រយោជន៍រដ្ឋ និងផលប្រយោជន៍របស់ប្រជាពលរដ្ឋនៅមូលដ្ផានរបស់ខ្លួនគ្រប់គ្រង។

មួយថ្ងៃបន្ទាប់ ថ្ងៃទី១៣ ខែមករា ឆ្នាំ២០២៤ បុគ្គល ខេង យ័ន ត្រូវបានអង្គភាពប្រឆាំងអំពើពុករលួយឃាត់ខ្លួន ហើយបញ្ជូនទៅតុលាការ ហើយត្រូវបានតំណាងអយ្យការចោទប្រកាន់២បទល្មើស គឺបទ រំលោភអំណាច និងបទសម្អាតប្រាក់ តាមមាត្រា ៣៥ នៃច្បាប់ស្តីពីការប្រឆាំងអំពេីពុករលួយ និងមាត្រា ៣ និងមាត្រា ៣៨ នៃច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម ។

ចៅក្រមស៊ើបសួរ នៃសាលាដំបូងរាជធានីភ្នំពេញ លោក ទិត្យសុធី បូរ៉ាឆាត នៅព្រឹកថ្ងៃទី១៤ ខែមករា ឆ្នាំ២០២៤ បានសម្រេចឃុំខ្លួន លោក ខេង យ័ន អតីតអភិបាលក្រុងកែប ក្រោមការចោទប្រកាន់លើបទ រំលោភអំណាច និងបទសម្អាតប្រាក់ ដោយឃុំខ្លួននៅក្នុងពន្ធនាគារព្រៃស។

អត្ថបទ៖ មករា

The post អតីតអភិបាលក្រុងកែប ខេង យ័ន  សារភាពទទួលស្គាល់កំហុស និងសុំតុលាការបន្ធូរបន្ថយទោស appeared first on Kampuchea Thmey Daily.

លោក ខេង យ័ន អភិបាលក្រុងកែបបានថ្លែងបញ្ជាក់ឱ្យដឹងថា នៅពេលនេះព័ត៌មាននៃការលក់ស៉ីភ្នែកជញ្ជីងរបស់បងប្អូនអាជីវករនៅផ្សារក្តាមស្ថិតនៅក្នុងក្រុងកែបខេត្តកែប បន្ទាប់ពីអាជ្ញាធរបានណែនាំនិងចំណាត់ការដល់បងប្អូនក្រុមអាជីវករបន្តបន្ទាប់គឺលែងមានកើតឡើងទៀតហើយ។

លោក ខេង យ័ន អភិបាលក្រុងកែបអំពាវនាវដល់បងប្អូនជាភ្ញៀវទេសចរជាតិនិង​អន្តរជាតិ បើសិនជួបប្រទះមានករណីមានអាជីវករដែលមានការលក់បន្លំភ្នែកជញ្ជីងសូមមេត្តារាយការណ៍មកអាជ្ញាធរភ្លាមៗ កុំចាំបាច់ឱ្យក្រុមអាជីវករទាំងនោះទៅដល់ផ្ទះវិញទើបរាយការណ៍មកអាជ្ញាធរនិងពិបាកនឹងចាត់វិធានការណាស់។

លោក ខេង យ័ន អភិបាលក្រុងកែប បានបញ្ជាក់ឲ្យដឹងថា ខណៈពេលពិធីព្រឹត្តិការណ៍បុណ្យសមុទ្រលើកទី១០ នៅខេត្ត​កែប​កាន់តែកៀកជិតមកដល់បានចាប់ផ្ដើមពីថ្ងៃទី ១ រហូតដល់ថ្ងៃទី ៣ ធ្នូ ឆ្នាំ២០២៣ខាងមុខនេះ លោកអភិបាលក្រុងបាន​ណែនាំ ចំពោះក្រុមអាជីវករដែលបានកាក់ហៅភ្ញៀវនៅតាមផ្លូវវិញនោះ ត្រូវបានកាត់បន្ថយច្រើនហើយ ប៉ុន្តែអាជ្ញាធរ ត្រូវការពេលវេលាដើម្បីសម្រេចនៃការ ការងារទាំងនោះ ដោយសារទម្លាប់របស់អាជីវករចាយូរណាស់មកហើយនោះក៍ដោយ៕

អត្ថបទ៖ សឹង រ៉ាត់

The post រាយការណ៍មកអាជ្ញាធរភ្លាមៗ បញ្ឈប់​អាជីវករលក់គ្រឿងសមុទ្រសុីភ្នែកជញ្ជីងនៅខេត្តកែប appeared first on Kampuchea Thmey Daily.