រាយការណ៍មកអាជ្ញាធរភ្លាមៗ បញ្ឈប់​អាជីវករលក់គ្រឿងសមុទ្រសុីភ្នែកជញ្ជីងនៅខេត្តកែប

លោក ខេង យ័ន អភិបាលក្រុងកែបបានឱ្យដឹងថា ខណៈក្រុមអាជីវករដែលបានហៅកាក់ភ្ញៀវនៅតាមផ្លូវបានកាត់បន្ថយច្រើន កន្លងមកតែងតែមានលេចឮអំពីការលក់ដូរគ្រឿងសមុទ្ររបស់អាជីវករមួយចំនួនតូចនៅផ្សារក្តាមខេត្តកែបលក់អត់គ្រប់គីឡូ និងស៉ីភ្នែកជញ្ជីងហើយកើតឈានដល់អាជ្ញាធរក្រុងកែប ចុះធ្វើកិច្ចសន្យាឱ្យបញ្ឈប់ធ្វើសកម្មភាពរបៀបនេះបន្ត​ទៀតផងដែរ។

លោក ខេង យ័ន អភិបាលក្រុងកែបបានថ្លែងបញ្ជាក់ឱ្យដឹងថា នៅពេលនេះព័ត៌មាននៃការលក់ស៉ីភ្នែកជញ្ជីងរបស់បងប្អូនអាជីវករនៅផ្សារក្តាមស្ថិតនៅក្នុងក្រុងកែបខេត្តកែប បន្ទាប់ពីអាជ្ញាធរបានណែនាំនិងចំណាត់ការដល់បងប្អូនក្រុមអាជីវករបន្តបន្ទាប់គឺលែងមានកើតឡើងទៀតហើយ។

លោក ខេង យ័ន អភិបាលក្រុងកែបអំពាវនាវដល់បងប្អូនជាភ្ញៀវទេសចរជាតិនិង​អន្តរជាតិ បើសិនជួបប្រទះមានករណីមានអាជីវករដែលមានការលក់បន្លំភ្នែកជញ្ជីងសូមមេត្តារាយការណ៍មកអាជ្ញាធរភ្លាមៗ កុំចាំបាច់ឱ្យក្រុមអាជីវករទាំងនោះទៅដល់ផ្ទះវិញទើបរាយការណ៍មកអាជ្ញាធរនិងពិបាកនឹងចាត់វិធានការណាស់។

លោក ខេង យ័ន អភិបាលក្រុងកែប បានបញ្ជាក់ឲ្យដឹងថា ខណៈពេលពិធីព្រឹត្តិការណ៍បុណ្យសមុទ្រលើកទី១០ នៅខេត្ត​កែប​កាន់តែកៀកជិតមកដល់បានចាប់ផ្ដើមពីថ្ងៃទី ១ រហូតដល់ថ្ងៃទី ៣ ធ្នូ ឆ្នាំ២០២៣ខាងមុខនេះ លោកអភិបាលក្រុងបាន​ណែនាំ ចំពោះក្រុមអាជីវករដែលបានកាក់ហៅភ្ញៀវនៅតាមផ្លូវវិញនោះ ត្រូវបានកាត់បន្ថយច្រើនហើយ ប៉ុន្តែអាជ្ញាធរ ត្រូវការពេលវេលាដើម្បីសម្រេចនៃការ ការងារទាំងនោះ ដោយសារទម្លាប់របស់អាជីវករចាយូរណាស់មកហើយនោះក៍ដោយ៕

អត្ថបទ៖ សឹង រ៉ាត់