តារាចម្រៀងអ្នកនាង ខាត់ សុឃីម បានបង្ហោះឱ្យដឹងថា “លោកពូ ជាង សារ៉ាត់ (ពូមុឹង solo) ពូនៅមាំណាស់ ឥឡូវបានដំណឹងថា ពូឈឺធ្ងន់នៅពេទ្យវៀតណាមក្មួយជូនពរពូពីចម្ងាយឱ្យពូឆាប់ជា”។ ចំណែកនៅលើគណនីហ្វេសប៊ុករបស់លោកគ្រូ ជាង សារ៉ាត់ ត្រូវបានកូនរបស់លោកគ្រូផ្ទាល់បានឱ្យដឹងដែរថាពេលនេះ តន្ត្រីករជើងចាស់លោកគ្រូ ជាង សារ៉ាត់ កំពុងមានជំងឺដាច់សរសៃឈាមខួរក្បាល ឬ Stroke និងកំពុងព្យាបាលនៅប្រទេសវៀតណាម។

តាមរយ:ការបង្ហោះកូនរបស់លោកគ្រូជាងសារ៉ាត់បានរៀបរាប់ថា “សូមអធ្យាស្រ័យពីសំណាក់បងប្អូនអ៊ុំពូមីងទាំងអស់ជាទីគោរពស្រលាញ់ដោយហេតុតែលោកប៉ារបស់នាងខ្ញុំមានបញ្ហាសុខភាពធ្ងន់ធ្ងរ (Stroke) ត្រូវមកសម្រាកព្យាបាលនៅ ឯមន្ទីរពេទ្យប្រទេសវៀតណាមសូមគោរពលាសិល្ប:មួយរយៈ ព្រោះមិនដឹងថា រយៈពេលប៉ុន្មានខែធូរស្បើយនោះទេ”។

កូនស្រីលោកគ្រូបន្តថា “ដោយហេតុដូច្នេះហើយនាងខ្ញុំសូមខន្តីអភ័យទោស ចំពោះការអវត្តមាន ទៅចូលរួមកម្មវិធីគ្រប់យ៉ាង ក៏ដូចជាបម្រើការងារជូនបងប្អូនអ៊ុំពូមីងដូចកាលពីមុន។ ជាចុងក្រោយ សូមគោរពថ្លែងអំណរអរគុណយ៉ាងជ្រាលជ្រៅពីសំណាក់បងប្អូនអ៊ុំពូមីងដែលស្រលាញ់រាប់អាន ដែលបានផ្ញើរជាថវិកា និងមកសួរសុខទុក្ខប៉ានាងខ្ញុំផ្ទាល់ ឬតាមរយ:ឆាតក្តីនាង ខ្ញុំពិតជារំភើបយ៉ាងក្រៃលែងរកពាក្យអ្វីមកប្រដូចពុំបាននៅក្នុងគ្រានេះ”៕ ចាន់រ៉ា

The post តន្ត្រីករជើងចាស់លោកគ្រូ ជាង សារ៉ាត់ សង្គ្រោះបន្ទាន់នៅវៀតណាម ដោយសារជំងឺដាច់សរសៃឈាមខួរក្បាល appeared first on Kampuchea Thmey Daily.