សារលិខិតខាមទោសលោកសរសេរថា៖ «ខ្ញុំព្រះករុណា ខ្ញុំបាទ សូមគោរពតាមអនុសាសន៍ ដ៍ខ្ពង់ខ្ពស់របស់សម្ដេច តេជោ ហ៊ុន សែន នាយករដ្ឋមន្ត្រីកម្ពុជា ដែលសម្ដេចពុក មានគតិដ៍មានតម្លៃក្នុងការប្រើប្រាស់ពាក្យពេចន៍ទៅកាន់មហាជន។ សម្ដេចពុកពិតជាមានគតិបណ្ឌិតដែលត្រូវគោរពប្រតិបត្តិ»៕

លិខិតខមាទោសខាងក្រោម៖

The post លោក ឌិន សុមេធារិទ្ធ សុំខមាទោសចំពោះកំហុសពាក្យសម្ដីកន្លងមក appeared first on Kampuchea Thmey Daily.

ថ្លែងនៅក្នុងវេទិការសាធារណៈ ស្តីពីការគ្រប់គ្រងម៉ាក្រូសេដ្ឋកិច្ច និងច្បាប់ថវិកាឆ្នាំ ២០២២ កាលពីថ្ងៃទី ១៨ ខែកុម្ភៈ ឆ្នាំ ២០២២ លោក ឈាង វណ្ណារិទ្ធ បានឲ្យដឹងថា «សម្រាប់វិស័យសណ្ឋាគារ និងភោជនីយដ្ឋាន ដែលឆ្លុះបញ្ចាំងពីវិស័យទេសចរណ៍ បានធ្លាក់ចុះក្នុងអត្រាដក ៤០%ក្នុងឆ្នាំ ២០២១ បើធៀបនឹងឆ្នាំ ២០២០ ដក ៣២% ការធ្លាក់ចុះយ៉ាងគំហុក ដោយសារបន្តអូសបន្លាយនៃព្រឹត្តិការណ៍សហគមន៍ បូកនិងការកើតឡើងវីរុសបំប្លែងថ្មីក្នុងតំបន់ និងលើសកលលោក»។

ជាក់ស្តែង នៅឆ្នាំ ២០២១ កម្ពុជា ទទួលបានភ្ញៀវទេសចរអន្តរជាតិ ត្រឹមតែ ២០ម៉ឺននាក់ប៉ុណ្ណោះ គឺធ្លាក់ចុះដក ៨៥% ធៀបនឹងដក ៨០% ក្នុងរយៈពេលដូចគ្នាឆ្នាំ ២០២០។ ទន្ទឹមនឹងនេះ ភ្ញៀវទេសចរជាតិសម្រេចបានជិត ៥លាននាក់ ធៀបនឹងជាង ៧លាននាក់ នាឆ្នាំកន្លងទៅ។

ពាក់ព័ន្ធនឹងការរំពឹងទុករបស់ក្រសួងសេដ្ឋកិច្ចក្នុងវិស័យសណ្ឋាគារនេះ លោក ឌិន សុមេធារិទ្ធ ប្រធានសមាគមសណ្ឋាគារ បានលើកឡើងថា ការរំពឹងទុករបស់ក្រសួងត្រឹម ១២% នៅមានកម្រិតតិចតួចនៅឡើយ។ លោក សុមេធារិទ្ធ បន្តដូច្នេះ « ខ្ញុំគិតថា តួលេខនេះ នៅតិចតួច ដោយសារវិស័យនេះធ្លាក់ចុះដល់ចំណុចសូន្យ…ហើយបច្ចុប្បន្នគឺងើបឡើងខ្ទង់ ១០%ទៅ ១៥%រួចហើយ បើយើងនិយាយដល់ចុងឆ្នាំ ខ្ញុំគិតថា ការប្រមើលនេះទាប ព្រោះការរកស៊ីសណ្ឋាគារកាលណាត្រឹម ១០% ទៅ ២០% ដឹងតែស្លាប់ហើយ ដើម្បីរស់បានសណ្ឋាគារ ត្រូវរំពឹង ៥០% ទើបអ្នករកស៊ីក្នុងវិស័យនេះ អាចទប់ចំណាយទូទៅបាន»។

ប្រធានសមាគមសណ្ឋាគារ បានលើកឡើងថា ដើម្បីជំរុញឲ្យវិស័យសណ្ឋាគារ ឲ្យបន្តងើបឡើងវិញ ថ្នាក់ដឹកនាំគ្រប់ប្រទេស ត្រូវសម្រួលដល់ភ្ញៀវទេសចរ ដែលបានចាក់វ៉ាក់សាំង និងពិនិត្យឃើញអវិជ្ជមាន គួរតែអនុញ្ញាតឲ្យធ្វើដំណើរចេញចូលបានដោយងាយស្រួល នោះស្ថានភាពនឹងត្រឡប់ទៅប្រក្រតីភាពឡើងវិញ ប៉ុន្តែមកដល់ពេលនេះប្រទេសខ្លះនៅតែបិទ។ លោកបន្តថា« ដូចជាចិន ក៏នៅតែបិទ…ភ្ញៀវទេសចរចិន១ឆ្នាំ ចូលកម្ពុជាជាង ២លាននាក់ ស្មើជាង ៣០% ឬ១ភាគ៣ នៃភ្ញៀវទេសចរអន្តរជាតិ ៦លាននាក់ កាលមុនកូវីដ…ហើយបើសិនចិន នៅតែបិទ យើងនៅតែបាត់បង់ភ្ញៀវបរទេស ២លាននាក់មកពីចិន…ហើយភ្ញៀវទេសចរ ១ភាគ៣ទៀត មកពីអាស៊ាន ក្នុងនោះមានថៃ វៀតណាម សាំងហ្កាពួ ម៉ាឡេស៊ី»។

លោក ឌិត សុមេធារិទ្ធ បានសង្កត់ធ្ងន់ថា កម្ពុជា បានរៀបចំគោលនយោបាយសម្រួលដល់ភ្ញៀវទេសចរអន្តរជាតិ បានយ៉ាងល្អប្រសើរ មិនស្មុគស្មាញដូចប្រទេសខ្លះ ដែលមានការតឹងរឹងចំពោះភ្ញៀវទេសចរបរទេស។ លោកគូសបញ្ជាក់ថា ប្រសិនប្រទេសផ្សេងៗ អនុវត្តតាមគោលនយោបាយដូចកម្ពុជា យើងនឹងឈានរកប្រក្រតីភាពក្នុងពេលឆាប់ៗ៕

អត្ថបទ៖ ទួន សុផល

The post មន្រ្តីជាន់ខ្ពស់សេដ្ឋកិច្ចថា វិស័យសណ្ឋាគារ នឹងងើបឡើងវិញក្នុងកំណើន ១២% ក្រោយជាប់គាំងពីរឆ្នាំ appeared first on Kampuchea Thmey Daily.

ក្នុងចំណោមសហគ្រិនជាច្រើន ក្នុងនោះមានលោក ឌិន សុមេធារិទ្ធ ស្ថាបនិកភូមិផ្កាត្រកួន និងជាប្រធានសមាគមសណ្ឋាគារ បានខាតបង់ប្រាក់អស់មួយចំនួនធំផងដែរ នៅក្នុងវិបត្តិសកលនេះ។

លោក ឌិន សុមេធារិទ្ធ បានឲ្យដឹងថា ក្នុងវិបត្តិកូវីដ-១៩នេះ លោកខាតបង់អស់ថវិកាប្រមាណជិត ១លានដុល្លារ ប៉ុន្តែលោកមិនបានជម្រុះបុគ្គលិកណាម្នាក់ឡើយ ដោយសារតែនៅមានហិរញ្ញវត្ថុសម្រាប់ទប់ទល់។ លោកបញ្ជាក់ដូច្នេះថា« ខ្ញុំខាតអស់ជិត១លានដុល្លារចេះតែទប់ទៅ ព្រោះខ្ញុំមានថវិកាគ្រាន់ទប់ ប៉ុន្តែពេលដែលខ្ញុំទប់លែងជាប់ខ្ញុំក៏ទម្លាក់ចោលដែរ ហ្នឹងដូចយើងទម្លាក់ដុំថ្មចោលពីខ្លួន…ជាធម្មតាជីវិតរកស៊ី ដូចជាជីវិតយើងដែរ មានកើតចាស់ឈឺស្លាប់ធម្មតាទេ របស់ដែលមិនបង្កើតចំណូលឲ្យយើង យើងកុំរវីរល់ច្រើន»។ លោកថ្លែងនេះ នៅក្នុងកិច្ចពិភាក្សាភាគទី១០ ក្នុងក្របខណ្ឌ​នៃកម្មវិធីមគ្គុទេសក៍​ស្តារអាជីវកម្មក្នុងបរិបទកូវីដ-១៩ ក្រោមប្រធានបទ «មគ្គុទេសក៍ស្តារអាជីវកម្មពីវិស័យបដិសណ្ឋារកិច្ច» កាលពីថ្ងៃទី ២៥ ខែវិច្ឆិកា។

លោកបន្តទៀតថា« ខ្ញុំមានមោទនភាពមួយ បុគ្គលិកខ្ញុំ ខ្ញុំមិនជម្រុះអ្នកណាមួយចោលទេ…ធម្មតាយើងរកស៊ីដំបូងក៏គ្មានលុយដែរ រកស៊ីខ្លះចំណេញខ្លះខាតខ្លះ ជារឿងធម្មតា»។

លោក សុមេធារិទ្ធ សង្កត់ធ្ងន់ថា លោកមិនចង់ស្តារលុយ១លានដុល្លារដែលខាតបង់នោះទេ គឺលោកអះអាងថា នឹងយកមកវិញលើសពី១លានដុល្លារ ៥ដង។

លោក សុមេធារិទ្ធ បានបិទសណ្ឋាគាររបស់លោកនៅខេត្តសៀមរាប មិនអាចប្រឈមនឹងការខាតច្រើន ដោយសារមិនបានសិក្សាពីទីផ្សារច្បាស់លាស់។ តាមពិតទៅ លោកបិទតាំងពីមុនជំងឺកូវីដ-១៩ រាតត្បាតទៅទៀត។

កន្លងមកប្រធានសមាគមសណ្ឋាគាររូបនេះ ធ្លាប់ប្រាប់កម្ពុជាថ្មី ក្នុងវិបត្តិកូវីដ-១៩ វិស័យសណ្ឋាគារធ្លាក់ចុះភ្ញៀវទេសចរយ៉ាងគំហុក ដោយសារតែវិស័យនេះពឹងផ្អែកលើភ្ញៀវបរទេសទាំងស្រុង ចំណែកភ្ញៀវជាតិគឺបន្តិចបន្តួចប៉ុណ្ណោះ។ ជាក់ស្តែងជំងឺកូវីដ បានរាតត្បាតខ្លាំងកន្លងទៅ គ្មានចរាចរណ៍ភ្ញៀវបរទេសចេញចូល ជាហេតុនាំឲ្យវិស័យសណ្ឋាគាររង់គ្រោះធ្ងន់ធ្ងរ។

ទោះយ៉ាងណា បច្ចុប្បន្នការងារស្នូលរបស់លោក ឌិន សុមេធារិទ្ធ គឺអភិវឌ្ឍរមណីយដ្ឋាន ភូមិផ្កាត្រកួនរបស់លោកនៅជាយរាជធានីភ្នំពេញ ​ស្ថិតនៅភូមិ​ផ្កាត្រកួន ឃុំ​ស្វាយ​ប្រទាល ​ស្រុក​ស្អាង ខេត្តកណ្តាល៕

អត្ថបទ៖ ទួន សុផល

The post លោក ឌិន សុមេធារិទ្ធ ខាតប្រាក់ជិត១​លានដុល្លារលើវិស័យសណ្ឋាគារ​ក្នុងវិបត្តិកូវីដ appeared first on Kampuchea Thmey Daily.

សម្តេចតេជោ ហ៊ុន សែន បានប្រកាសសម្រួលដល់ការចេញចូលរបស់ភ្ញៀវទេសចរបរទេស ដោយមិនចាំបាច់ធ្វើចត្តាឡីស័ក ក្រោយធ្វើតេស្តម៉ាស៊ីនធំ PCR លទ្ធផលអវិជ្ជមានកូវីដ-១៩ អាចធ្វើដំណើរបានគ្រប់ទីកន្លែងក្នុងប្រទេសកម្ពុជា សម្រាប់អ្នកដែលបានចាក់វ៉ាក់សាំងគ្រប់ដូស(២ដូសឡើង)។ សម្តេចតេជោ នាយករដ្ឋមន្ត្រី សង្កត់ធ្ងន់ថា អ្នកដែលមិនទាន់បានចាក់វ៉ាក់សាំងត្រូវធ្វើចត្តាឡីស័ករយៈពេល ១៤ ថ្ងៃដដែល។

ពាក់ព័ន្ធការសម្រួលដល់ភ្ញៀវទេសចរទាំងជាតិ និងអន្តរជាតិចូលកម្ពុជានេះ រដ្ឋលេខាធិការ និងជាអ្នកនាំពាក្យក្រសួងទេសចរណ៍ លោក តុប សុភ័ក ណបានថ្លែងថា នេះគឺជាដំណឹងរីករាយមួយចំពោះការសម្រេចរបស់រាជរដ្ឋាភិបាល ដែលជាសញ្ញាណល្អថ្មីមួយទៀត សម្រាប់វិស័យទេសចរណ៍។ លោកបន្ថែមថា« ចំណុចនេះ ខ្ញុំគិតថា អាចទាក់ទាញភ្ញៀវទេសចរបានច្រើន ប៉ុន្តែក្នុងកម្រិតណាមួយនោះ មិនទាន់អាចវាយតម្លៃបានទេ ដោយសារស្ថានភាពបច្ចុប្បន្ន ប្រទេសជិតខាងរបស់យើង នៅប្រឈមនឹងបញ្ហានៃការឆ្លងរាលដាលកូវីដ-១៩ ដូច្នេះការធ្វើដំណើររបស់ទេសចរ នៅមានលក្ខណៈស្ទាបស្ទង់ ដែលធ្វើឲ្យទីផ្សាររបស់យើងនៅតូចចង្អៀតក្នុងដំណាក់កាលនេះ អ្វីដែលសំខាន់ទេសចរ គឺធ្វើដំណើរទៅកាន់ទីកន្លែងណាដែលមានសុវត្ថិភាព»។

អ្នកនាំពាក្យក្រសួងទេសចរណ៍បានគូសបញ្ជាក់ថា នៅក្នុងដំណាក់កាលកូវីដនេះ ទាំងភ្ញៀវទេសចរជាតិ និងអន្តរជាតិ គឺឆ្ពោះទៅគោលដៅណាដែលមានសុវត្ថិភាព និងទំនុកចិត្ត ដែលចំណុចនេះ ក្រសួងទេសចរណ៍កំពុងធ្វើការរាល់ថ្ងៃ ទាំងការបណ្តុះបណ្តាលធនធានមនុស្ស ការពង្រឹងគុណភាពផលិតផលទេសចរណ៍ និងសេវាកម្មទេសចរណ៍ ធ្វើយ៉ាងណាឲ្យសមស្របទៅតាមបរិបទថ្មី ឬគន្លងប្រក្រតីភាពថ្មី ដើម្បីធានាបាននូវសុវត្ថិភាពជូនភ្ញៀវ។

លោក តុប សុភ័ក បានឲ្យដឹងទៀតថា បច្ចុប្បន្នកំណើនភ្ញៀវទេសចរជាតិ និងអន្តរជាតិផ្ទៃក្នុង(ជនបរទេសរស់នៅកម្ពុជា) កើនឡើងជារៀងរាល់សប្តាហ៍ បន្ទាប់ពីកម្ពុជា បានគ្រប់គ្រងការរីករាលដាលកូវីដ-១៩ បានល្អប្រសើរ។

លោក សុភ័ក បន្ថែមថា ផែនការយុទ្ធសាស្រ្ត ដែលចង្អុលបង្ហាញវិស័យទេសចរណ៍ ក្នុង និងក្រោយពេលវិបត្តិកូវដី-១៩ ដែលរដ្ឋាភិបាលបានអនុម័តកន្លងទៅ បានព្យាករណ៍ថា វិស័យទេសចរណ៍ អាចប្រើពេលរហូតដល់ចុងឆ្នាំ ២០២៤ ឬដើមឆ្នាំ ២០២៥ ទើបអាចត្រឡប់មកស្ថានភាពដូចដើមវិញ និងយ៉ាងយូរបំផុតត្រឹមឆ្នាំ ២០២៧ ប្រសិនបើស្ថានភាពប្រែប្រួលដោយប្រការណាមួយ។

លោក ឌិន សុមេធារិទ្ធិ ប្រធានសមាគមសណ្ឋាគារ បានលើកឡើងថា ការបញ្ចប់ការធ្វើចត្តាឡីស័ក គឺជាជំហានមួយនៃក្តីសង្ឃឹមដ៏ធំ របស់វិស័យទេសចរណ៍ តែក៏នឹងត្រូវការពេលយ៉ាងតិច៦ខែ ដើម្បីរៀបរយ។

លោក ឌិន សុមេធារិទ្ធិ ធ្លាប់បានប្រាប់កម្ពុជាថ្មីថា មុនរីករាលដាលជំងឺកូវីដ-១៩ នៅឆ្នាំ ២០១៩ ភ្ញៀវទេសចរបរទេស មកកម្សាន្តនៅកម្ពុជា មានចំនួនជាង ៦លាននាក់ ក្នុងនោះភ្ញៀវទេសចរចិនមានចំនួនជាង ២លាននាក់ ប្រទេសអាស៊ានជាង ២លាននាក់ និងជាង ២លានទៀតមកពីប្រទេសប៉ែកអឺរ៉ុប។ ចំណែកប្រទេសនៅក្នុងតំបន់អាស៊ាន ដែលចូលមកកម្សាន្តនៅកម្ពុជា មានដូចជា ប្រទេសថៃ ម៉ាឡេស៊ី និងសិង្ហបុរីជាដើម។

លោកថា រយៈពេល២ឆ្នាំ នៃវិបត្តិកូវីដ-១៩ អ្នកប្រកបអាជីវកម្មក្នុងវិស័យសណ្ឋាគារខាតបង់ប្រាក់អស់រាប់លានដុល្លារ ដោយសារការបិទភ្ញៀវទេសចរអន្តរជាតិ។ «បើទោះបីជានៅពេលនេះកម្ពុជា បើកប្រទេសឡើងវិញក្តី ក៏មិនទាន់មានភ្ញៀវអន្តរជាតិមកលេងច្រើនដែរ ដោយសារប្រទេសរបស់ពួកគេនៅជួបវិបត្តិកូវីដនៅឡើយ»។

ធនាគារពិភពលោក បានឲ្យដឹងថា វិស័យទេសចរណ៍​មានចំណែក ១៧ភាគរយនៃផលិតផលក្នុងស្រុកសរុប (ផ.ស.ស) ប្រចាំឆ្នាំរបស់​កម្ពុជា ហើយ​មាន​ការ​កើនឡើងជាលំដាប់ចាប់​តាំង​ពី​ឆ្នាំ​២០១០​មក។ ទោះជាយ៉ាងនេះក្តី ការធ្លាក់ចុះនូវកំណើនក្នុងវិស័យទេសចរណ៍ក្នុងពេលថ្មីៗនេះ ជា​សញ្ញាប្រាប់អំពីភាពចាំបាច់ឱ្យកម្ពុជាជំរុញការធ្វើ​ពិពិធកម្មវិស័យនេះថែមទៀត។

នៅ​ក្នុង​ឆ្នាំ​២០១៩ ផ្នែក​ទេសចរណ៍ធម្មជាតិ​មាន​ទំហំ១​៦ភាគរយ នៃចំនួនភ្ញៀវទេសចរសរុប ហើយ​ចំនួន​ទស្សនកិច្ច​ទៅកាន់​រមណីយដ្ឋាន​ទេសចរណ៍ធម្មជាតិ​បាន​កើនទ្វេដង​ រវាងឆ្នាំ​២០១៤ និងឆ្នាំ​២០១៩៕

អត្ថបទ៖ ទួន សុផល

The post កម្ពុជាប្រើរយៈពេលយូរប៉ុណ្ណា ទើបអាចស្តារ​វិស័យទេសចរណ៍ឡើងវិញបាន appeared first on Kampuchea Thmey Daily.

វិស័យសណ្ឋាគារ គឺរស់បានរំពឹងលើភ្ញៀវទេសចរបរទេស។ ប៉ុន្តែបច្ចុប្បន្នប្រទេសកម្ពុជា មិនទាន់បើកចំហឱ្យបានទូលំទូលាយសម្រាប់ភ្ញៀវទេសចរ​ក្រៅស្រុកចូលមកកម្សាន្តនៅឡើយ ដែលនេះជាហេតុនាំឱ្យវិស័យសណ្ឋាគារនៅទ្រឹង។

លោក ឌិន សុមេធារិទ្ធិ ប្រធានសមាគមសណ្ឋាគារ បានឱ្យកម្ពុជាថ្មីដឹងថា វិស័យសណ្ឋាគារមានស្ថានភាពល្អប្រសើរឡើងវិញបាន លុះត្រាតែកម្ពុជា បើកចំហទទួលភ្ញៀវទេសចរបរទេស ដោយមិនមានការធ្វើចត្តាឡីស័ក។ លោក បញ្ជាក់ដូច្នេះ« កម្ពុជា ទាល់តែដកលក្ខខណ្ឌមួយចំនួន ដូចជា អ្នកដែលចាក់វ៉ាក់សាំងគ្រប់ចំនួន និងធ្វើតេស្តអវិជ្ជមាន មិនចាំបាច់ធ្វើចត្តាឡីស័កនោះវិស័យនេះ(សណ្ឋាគារ) នឹងដំណើរការសន្សឹមៗល្អឡើងវិញ»។

ប្រធានសមាគមសណ្ឋាគារ គូសបញ្ជាក់ថា មុនរីករាលដាលជំងឺកូវីដ-១៩ នៅឆ្នាំ ២០១៩ ភ្ញៀវទេសចរបរទេស មកកម្សាន្តនៅកម្ពុជា មានចំនួនជាង ៦លាននាក់ ក្នុងនោះភ្ញៀវចិនមានចំនួនជាង ២លាននាក់ ប្រទេសអាស៊ានជាង ២លាននាក់ និងជាង ២លានទៀតមកពីប្រទេសប៉ែកអឺរ៉ុប។ ចំណែកប្រទេសនៅក្នុងតំបន់អាស៊ាន ដែលចូលមកកម្សាន្តនៅកម្ពុជា មានដូចជា ប្រទេសថៃ ម៉ាឡេស៊ី និងសិង្ហបុរីជាដើម។

 លោក ឌិន សុមេធារិទ្ធិ បានសង្កត់ធ្ងន់ថា វិស័យសណ្ឋាគាររីកចម្រើនទៅបាន គឺពឹងផ្អែកទៅលើភ្ញៀវទេសចរបរទេស ចំណែកភ្ញៀវទេសចរក្នុងស្រុក គឺភាគតិចប៉ុណ្ណោះដែលស្នាក់នៅសណ្ឋាគារ។

ក្រោយរាជរដ្ឋាភិបាលបន្ធូរបន្ថយ បើកឱ្យគ្រប់វិស័យទាំងអស់ដំណើរការឡើងវិញ ភ្ញៀវទេសចរជាតិបានកើននៅតាមតំបន់ទេសចរណ៍នានា មានដូចជា ខេត្តព្រះសីហនុ ខេត្តសៀមរាប និងកំពតជាដើម។ ប៉ុន្តែភ្ញៀវទេសចរទាំងនោះ ភាគច្រើនស្នាក់នៅផ្ទះសំណាក់ ដោយឡែកអ្នកដែលស្នាក់នៅសណ្ឋាគារមានតិចតួចប៉ុណ្ណោះ។

លោក ឌិន សុមេធារិទ្ធិ បានឱ្យដឹងថា រយៈពេល២ឆ្នាំ នៃវិបត្តិកូវីដ-១៩ អ្នកប្រកបអាជីវកម្មក្នុងវិស័យសណ្ឋាគារខាតបង់ប្រាក់អស់រាប់លានដុល្លារ ដោយសារការបិទភ្ញៀវទេសចរអន្តរជាតិ។ លោកបន្ថែមទៀតថា បើទោះបីជានៅពេលនេះកម្ពុជា បើកប្រទេសឡើងវិញក្តី ក៏មិនទាន់មានភ្ញៀវអន្តរជាតិមកលេងច្រើនដែរ ដោយសារប្រទេសរបស់ពួកគេនៅជួបវិបត្តិកូវីដនៅឡើយ។ លោកបានសន្និដ្ឋានថា ទំនងជាដើមឆ្នាំក្រោយ ទើបវិស័យសណ្ឋាគារមានស្ថានភាពល្អប្រសើរឡើងវិញ៕

អត្ថបទ៖ ទួន សុផល

The post សមាគមសណ្ឋាគារ៖ ភ្ញៀវទេសចរជាតិ​កើន​ឡើងតែវិស័យ​សណ្ឋាគារ​នៅទ្រឹង appeared first on Kampuchea Thmey Daily.