តាមរយៈសារភ្ជាប់នឹងលិខិតបំភ្លឺជាសាធារណៈ នាយប់ថ្ងៃទី២០ ខែមករានេះ តំណាងឱ្យលោក ម៉ុង ម៉ានិត តារាចម្រៀង អ្នកនិពន្ធសៀវភៅ និងជាម្ចាស់គ្រឹះស្ថានបោះពុម្ពស្រលាញ់សៀវភៅ បានបកស្រាយ និងបដិសេធជាសាធារណៈចំពោះការចោទប្រកាន់ និងប្រមាថមើលងាយលោក និងក្រុមគ្រួសារ កាលពីថ្ងៃទី១៧ ខែមករា ឆ្នាំ២០២៦ ជាសាធារណៈ តាមរយៈគណនីហ្វេសប៊ុក ឈ្មោះ Bratty But Pretty (Fake Profile) និង who tf is this @shethenicestbaddie (Fake Profile) ។

តាមរយៈលិខិតមេធាវីបញ្ជាក់ទៀតថា ម្ចាស់គណនីទាំងពីររូបខាងលើ បានបង្ហោះជាសាធារណៈនូវខ្លឹមសារប្រមាថ និងចែកចាយសារសំឡេងនិយាយបំភ្លៃធ្វើឱ្យប៉ះពាល់យ៉ាងខ្លាំងដល់កេរ្តិ៍ឈ្មោះ កិត្តិយស សេចក្តីថ្លៃថ្នូរ ប្រជាប្រិយភាព និងការងាររបស់លោក ម៉ុង ម៉ានិត ។

ទន្ទឹមនឹង មេធាវីតំណាងក៏បានគូសបញ្ជាក់ដែរថា បើបុគ្គលទាំងពីរមិនបញ្ឈប់សកម្មភាពខាងលើទេនោះ ខាងភាគីលោក ម៉ុង ម៉ានិត នឹងបន្តផ្ដល់ដំណឹង និងពាក្យបណ្ដឹងជូនសមត្ថកិច្ច និងនាយកដ្ឋានប្រឆាំងបទល្មើសបច្ចេកវិទ្យា ដើម្បីស្វែងរកជនទាំងនេះឱ្យឃើញឈ្មោះពិតរូបពិតឱ្យចូលខ្លួនយកមកដោះស្រាយតាមផ្លូវច្បាប់ រួមទាំងអតីតបុគ្គលិកដែលបានចូលដៃពាក់ព័ន្ធ ដើម្បីបញ្ជាក់ពីភាពស្អាតស្អំរបស់លោក ម៉ុង ម៉ានិត និងក្រុមគ្រួសារ។

The post ម៉ានិត ចេញបញ្ជាក់ភាពស្អាតស្អំ និងដាស់តឿនអ្នកបរិហារកេរ្តិ៍លោក បើមិនបញ្ឈប់សកម្មភាព នឹងប្រគល់ឱ្យច្បាប់ដោះស្រាយ appeared first on Kampuchea Thmey Daily.

«Never Be Yours» មិនត្រឹមតែទទួលបានពេញចិត្តពីអ្នកគាំទ្រនោះទេ ថែមទាំងបានដាស់អារម្មណ៍អ្នកគាំទ្រ ឱ្យនឹកដល់បទមនោសញ្ចេតនាចាក់ដោតជាច្រើន ដែលតារាចម្រៀងស្រីល្បីឈ្មោះ ទេព បូព្រឹក្ស ធ្លាប់បង្ហើរសំនៀងកំដេរអារម្មណ៍អ្នកស្តាប់កន្លងមក។

មិនតែប៉ុណ្ណោះ មួយបទនេះបានធ្វើឱ្យមហាជនអ្នកគាំទ្រ មានការសំណូមពរច្រើន ខណៈមានមតិលើកឡើងថា “Tep Boprek តាមពិតបទមនោសញ្ចេតនាច្រៀងពីរោះសឹងអី ដូចបទ មិនជឿថាបងមិនស្រឡាញ់អូនទេ និងបទ right here waiting for you”។ ខ្លះទៀត អះអាងថា ខ្លួនបានស្តាប់បទនេះមិនតិចជាង ៥០លើកឡើយ។

ទន្ទឹមនឹងការចេញចម្រៀងច្រៀងរួមគ្នាលើកដំបូងនេះ តារាចម្រៀងឯករាជ្យ ម៉ុង ម៉ានិត បានបញ្ជាក់ដូច្នេះថា “ខ្ញុំកម្រfeaturingជាមួយតារាស្រីណាស់ ដោយសារតែ range vocal ខ្ញុំនិងអ្នកចម្រៀងស្រី យកមកច្រៀង melody របស់ខ្ញុំអត់សូវត្រូវគ្នា (melody លោតចុះឡើងច្រើន) តែចម្លែកអីច្រៀងជាមួយអ្នកព្រឹក្ស ដាក់ត្រូវម៉ាច់”។

គួរឱ្យដឹងដែរថា តារាចម្រៀងដ៏មានប្រជាប្រិយទាំង ២ដួងនេះ បានចាប់ដៃគ្នាជាលើកដំបូង ក្នុងការនាំយកភាពភ្ញាក់ផ្អើលជូនអ្នកគាំទ្ររបស់ខ្លួន ដោយបង្ហើបថាក្រៅពីបទ «Never Be Yours» នៅមានចម្រៀង feat រួមគ្នាមួយបទទៀត ដែលត្រៀមចេញផងដែរ៕

The post «Never Be Yours» ធ្វើឱ្យអ្នកគាំទ្រ ទេព បូព្រឹក្ស នឹកនាបទមនោសញ្ចេតនាចាស់ៗ មុនតារារូបនេះប្រឡូកចម្រៀងរ៉េប appeared first on Kampuchea Thmey Daily.