ភ្ញៀវ​ទេសចរ​ទៅ​លេង​កម្សាន្ត​ខេត្ត​ភាគ​ឦសានក្នុង​ខែកញ្ញា ឆ្នាំ២០២៤ មាន​ការ​កើន​ឡើង​ ៤០៣,២០% បើ​ធៀប​​ខែ​កញ្ញា ឆ្នាំ​២០២៣។ នេះ​បើ​តាម​ប្រធាន​មន្ទីរ​ទេសចរណ៍​ខេត្ត​មណ្ឌលគិរី។

លោក សាន សឿន បាន​បញ្ជាក់​ឱ្យ​ដឹងទៀត​​ថា ក្នុង​ចំណោម​ភ្ញៀវ​ទេសចរ​ចំនួន​ ២៩ ៥៥៣ នាក់ ទៅលេង​ខេត្ត​មណ្ឌលគិរី​ក្នុងអំឡុង​ខែ​កញ្ញា​ ក្នុង​នោះ​មាន​ទេសចរ​ជាតិ​ប្រមាណ​ ២៩ ១៥៥ នាក់ និង​ទេសចរបរទេស​ប្រមាណ​ ៣៩៨ នាក់។ ធៀបខែកញ្ញា ឆ្នាំ២០២៣ មាន​សរុបចំនួន​ប្រមាណ ៥ ៨៧៣ នាក់ ក្នុងនោះទេសចរជាតិ​​ប្រមាណ ៥ ៧៥៤នាក់ ទេសចរ​បរទេស​ចំនួន ១១៩ នាក់ សរុបរួមកើនឡើង ៤០៣,២០% ទេសចរជាតិកើនឡើង ៤០៦,៦៩% និង​ទេសចរបរទេស​កើនឡើង ២៣៤,៤៥%។

លោក​ប្រធាន​មន្ទីរ​ ក៏​បាន​ចង្អុល​បង្ហាញ​ទីតាំង​ទេសចរណ៍ ៥​ កន្លែង​បន្ថែម ដែល​ទេសចរ​ជាតិ និង​អន្តរជាតិ គួរ​ទៅ​លេង​កម្សាន្ត ក្នុង​នោះ​រួម​មាន​ រមណីយដ្ឋាន​ទឹក​ជ្រោះ​ប៊ូស្រា, រមណីយដ្ឋាន​ទេសចរណ៍​វប្បធម៌-ធម្មជាតិ និង​ប្រវត្តិសាស្ត្រ​មាន​ ភ្នំ​ដោះ​ក្រមុំ, ភ្នំ​ណាម​លៀរ, រមណីយដ្ឋាន​សមុទ្រ​ឈើ​ និង​តំបន់​ទេសភាព​ធម្មជាតិ​ស្រុក​អូររាំង ដូច​ជា​ភ្នំ​អណ្ដូង​ស្នេហ៍​ជា​ដើម​៕

The post ទេសចរទៅលេងខេត្តមណ្ឌលគិរី កើន​ឡើង​ជាង ៤០០% ​ធៀប​ខែកញ្ញា ឆ្នាំ២០២៤ និង​ឆ្នាំ​២០២៣ appeared first on Kampuchea Thmey Daily.