លោក អនុស្សាវរីយ៍ Archives - Kampuchea Thmey Daily

អនុស្សាវរីយ៍ បញ្ចេញឈ្មោះអ្នកនិពន្ធឆ្នើមម្នាក់នៅពីក្រោយភាពល្បីល្បាញ

Sokhom Khon — Sat, 28 Aug 2021 07:12:42 +0000

មួយរយៈនេះគេសង្កេតឃើញថា បទចម្រៀងថ្មីៗរបស់តារាចម្រៀងសាន់ដេលោក យឿន សូត្រអនុស្សាវរីយ៍ គឺមានសន្ទុះលេចធ្លោនិងការគាំទ្រខ្លាំងលើទីផ្សាចម្រៀងបច្ចុប្បន្ន។

សម្រាប់បទចម្រៀងដែលទទួលបានការគាំទ្រខ្លាំងពីទស្សនិកជនរបស់តារាចម្រៀងប្រុស អនុស្សាវរីយ៍នោះត្រូវបានគេកត់សម្គាល់ថា ជាបទបែបមនោសញ្ចេតនា ជាពិសេសបទបែបស្រុកស្រែ គឺលោកច្រៀងបានពីរោះនិងមានទឹកដមសម្លេងស្រទល់ខ្លាំង។

ដោយឡែកទន្ទឹមគ្នានឹងការទទួលបាននូវភាពល្បីល្បាញហើយការគាំទ្រនេះដែរ លោក អនុស្សាវរីយ៍ ក៏បានបញ្ចេញឈ្មោះអ្នកនិពន្ធឆ្នើមប្រចាំខ្លួន និងបង្ហើបថា បុគ្គលម្នាក់នេះជាបងប្អូនល្អទៀតផង។ ជាក់ស្តែងលោកបានលើកឈ្មោះអ្នកនិពន្ធលោក សុន រដ្ឋា មកបង្ហាញអ្នកគាំទ្រជាសាធារណ:។

លោកអនុស្សាវរីយ៍ បានសរសេររៀបរាប់នៅក្នុងហ្វ៊េសប៊ុកដោយសរសើរពីលោក សុន រដ្ឋា ថា មិនត្រឹមតែជាបងប្រុសឬជាអ្នកនិពន្ធប្រចាំខ្លួនលោកដ៏ឆ្នើមទេ គាត់ថែមទាំងជាទីប្រឹក្សាដ៏ពូកែប្រចាំខ្លួនលោកផ្ទាល់ទៀតផង មិនថា ការងារសិល្បៈ ឬការងារក្រៅពីអាជីពសិល្បៈទេ។

ជាការពិត បើរំលឹកដល់ឈ្មោះអ្នកនិពន្ធលោក សុន រដ្ឋា អ្នកគាំទ្រច្បាស់ជាស្គាល់ពីស្នាដៃអ្នកនិពន្ធរបស់លោកហើយគឺមានច្រើន។ តួយ៉ាងបទចម្រៀងស្នាដៃថ្មីៗរបស់លោក សុន រដ្ឋា តែងតែមានខ្លឹមសារលេចធ្លោរនិងមានតិចនិចប្លែកពីអ្នកនិពន្ធដទៃទៀតនាពេលបច្ចុប្បន្ន ។

បទល្បីៗដែលលោក សុន រដ្ឋា និពន្ធឲ្យ អនុស្សាវរីយ៍ នោះមានដូចជា,ទីងមោង, ឆ្នាំងណាគ្របហ្នឹង ឬបទស្រមោច ដែលកំពុងល្បីល្បាញខ្លាំងជាដើម។ រាល់បទចម្រៀងលេចធ្លោជាច្រើនរបស់លោកអនុស្សាវរីយ៍ គឺតែងតែមានវត្តមានអ្នកនិពន្ធ សុន រដ្ឋា ជានិច្ច។ អ្នកនិពន្ធរូបនេះតែងតែមានបទចម្រៀងថ្មីៗប្លែកៗមិនច្រំដែលទេសម្រាប់លោក អនុស្សាវរីយ៍ គឺតែងតែមានប្លែករហូតសម្រាប់អ្នកគាំទ្រ៕

អត្ថបទ៖ ចាន់រ៉ា

The post អនុស្សាវរីយ៍ បញ្ចេញឈ្មោះអ្នកនិពន្ធឆ្នើមម្នាក់នៅពីក្រោយភាពល្បីល្បាញ appeared first on Kampuchea Thmey Daily.

អ្នកនិពន្ធ សុន រដ្ឋា បង្ហើបស្នាដៃល្បីៗដែលធ្វើឲ្យ អនុស្សាវរីយ៍ សាងកេរ្តិ៍ឈ្មោះដល់បច្ចុប្បន្ន

Sorn Phanith — Tue, 02 Feb 2021 03:21:59 +0000

ជាការពិតសម្រាប់មហាជននិងយុវវ័យខ្មែរ ដែលនិយមតាមដានរឿងរ៉ាវតារាក្នុងស្រុកច្បាស់ជាស្គាល់តារាប្រុសល្បីឈ្មោះ ប្រចាំផលិតកម្មសាន់ដេ លោក យឿង សូត្រអនុស្សាវរីយ៍។ អនុស្សាវរីយ៍ ជាតារាចម្រៀង ដែលប្រចេញពីការប្រឡងកម្មវិធីពេជ្រកំពង់ច្នៃរបស់ទូរទស្សន៍អាស៊ីអាគ្នេយ៍។

ដោយសារមានឱកាសគួបផ្សំនិងទឹកដមសំឡេងល្អផងនោះ អនុស្សាវរីយ៍ទោះបីមិនបានក្លាយជាម្ចាស់ពានក្នុងកម្មវិធីខាងលើក្តី តែលោកក៏ត្រូវបានការជួយជ្រោមជ្រែងពីសំណាក់បងធម៌ ដែលជាអ្នកនិពន្ធល្បីឈ្មោះមួយរូប គឺលោក សុន រដ្ឋា ជួយបើកផ្លូវនិងតែងនៅពីក្រោយនៃភាពល្បីល្បាញដល់សព្វថ្ងៃតាមរយៈការនិពន្ធបទល្បីៗឲ្យច្រៀង នៅក្នុងផលិតកម្មសាន់ដេផងនោះ។

តាមការកត់សម្គាល់បទចម្រៀងល្បីៗជាច្រើនរបស់តារាចម្រៀងលោក អនុស្សាវរីយ៍ ដែលត្រូវបានទស្សនិកជនផ្ទុះគាំទ្រខ្លាំងនោះ គឺភាគច្រើនសុទ្ធសឹងជាស្នាដៃនិពន្ធរបស់លោក សុន រដ្ឋា ខណៈដែលកន្លងមកពុំសូវមានទស្សនិកជនឬអ្នកគាំទ្រណាម្នាក់បានដឹងឬចាប់អារម្មណ៍នោះឡើយ។ លោក សុន រដ្ឋា បានបង្ហើបឲ្យដឹងថា បច្ចុប្បន្នលោកកំពុងផលិតបទចម្រៀងប្រចាំផលិតកម្មសាន់ដេ។

ថ្លែងប្រាប់កម្ពុជាថ្មីកវីនិពន្ធលោក សុន រដ្ឋា បានបង្ហើបថា ចំពោះការជ្រោមជ្រែងប្អូនធម៌ គឺលោកអនុស្សាវរីយ៍មិនធ្វើឲ្យខ្ញុំខកបំណងឡើយ ពោលគឺប្រើពេលប្រមាណ២ឆ្នាំប៉ុណ្ណោះ អាចប្រជែងបានកេរ្តិ៍ឈ្មោះល្បីគួរឲ្យកត់សម្គាល់ តាមរយៈស្នាដៃបទមួយចំនួន ដែលលោកបានតាក់តែងនិពន្ធឲ្យស្សាវរីយ៍ច្រៀង។

លោកថា បទចម្រៀងដែលមានស្ទុះគាំទ្រខ្លាំងតាំង ពីដំបូងដល់បច្ចុប្បន្ន ដែលជាស្នាដៃនិពន្ធរបស់ខ្លួននោះ គឺមានដូចជា, បទជើងមេឃពណ៌ខ្មៅ, ទីងមោង, ស្នេហាមេឃនឹងដី, ដង្កូវ, ឃើញដំរីជុះ នឹងដែលកំពុងមានការគាំទ្រខ្លាំងនាអំឡុងប៉ុន្មានថ្ងៃចុងក្រោយនេះ គឺបទ ស្រមោច រួមទាំងបទល្បីៗជាច្រើនទៀតផង ផងដែរ។

សូមជម្រាបថា ចំពោះបទចម្រៀង ដែលអ្នកនិពន្ធ សុន រដ្ឋា បើកកកាយផលិតអំឡុងពេលមួយរយៈចុងក្រោយនេះឃើញថា កំពុងតែទទួលបានការចាប់អារម្មណ៍ពីសំណាក់មហាជនជាច្រើនដោយការលេងឃ្លោងឃ្លាន័យធៀបចាក់ដោតដល់អ្នកស្តាប់ឲ្យចាប់អារម្មណ៍លើស្នាដៃរបស់អ្នកនិពន្ធរូបនេះ។ ជាក់ស្តែងបទ ស្រមោច ដែលកំពុងមានការចែករំលែកនេះជាដើម៕

អត្ថបទ៖ ចាន់រ៉ា

សូមចុចអាន៖ គុយលី ឈានមួយកម្រិតទៀត រហូតនិពន្ធបទឲ្យខេម រាំលេងក្នុងឱកាសឆ្នាំថ្មីខាងមុខ

The post អ្នកនិពន្ធ សុន រដ្ឋា បង្ហើបស្នាដៃល្បីៗដែលធ្វើឲ្យ អនុស្សាវរីយ៍ សាងកេរ្តិ៍ឈ្មោះដល់បច្ចុប្បន្ន appeared first on Kampuchea Thmey Daily.

លោក អនុស្សាវរីយ៍ Archives - Kampuchea Thmey Daily

អនុស្សាវរីយ៍ បញ្ចេញឈ្មោះអ្នកនិពន្ធឆ្នើមម្នាក់នៅពីក្រោយភាពល្បីល្បាញ​

អ្នកនិពន្ធ សុន រដ្ឋា បង្ហើប​ស្នាដៃ​ល្បីៗ​ដែល​ធ្វើ​ឲ្យ អនុស្សាវរីយ៍ សាង​កេរ្តិ៍ឈ្មោះ​ដល់​បច្ចុប្បន្ន​

អនុស្សាវរីយ៍ បញ្ចេញឈ្មោះអ្នកនិពន្ធឆ្នើមម្នាក់នៅពីក្រោយភាពល្បីល្បាញ

អ្នកនិពន្ធ សុន រដ្ឋា បង្ហើបស្នាដៃល្បីៗដែលធ្វើឲ្យ អនុស្សាវរីយ៍ សាងកេរ្តិ៍ឈ្មោះដល់បច្ចុប្បន្ន