លោក Duque បាននិយាយថា ឧប្បត្តិហេតុនេះ បានកើតឡើងខណៈឧទ្ធម្ភាគចក្ររបស់លោកប្រធានាធិបតី កំពុងហោះហើរឆ្លងកាត់តំបន់ Catatumbo របស់ប្រទេសកូឡុំប៊ី ឆ្ពោះទៅទីក្រុង Cucuta របស់ខេត្ត Norte de Santander។

លោក Duque និយាយថា “អ្វីដែលច្បាស់គឺថា នេះគឺជាការវាយប្រហារដ៏កំសាកមួយ”។

ក្រៅពីលោក Duque, ឧទ្ធម្ភាគចក្រនេះក៏ដឹក មន្ត្រីផ្សេងទៀតផងដែរ រួមមានរដ្ឋមន្រ្តីការពារជាតិ Diego Molano, រដ្ឋមន្រ្តីក្រសួងមហាផ្ទៃ Daniel Palacios និងអភិបាលខេត្ត Norte de Santander លោក Silvano Serrano។

ទោះបីជាយ៉ាងណាក៏ដោយ អ្នកនាំពាក្យប្រធានាធិបតីបាននិយាយថា គ្មាននរណាម្នាក់រងរបួសនៅក្នុងឧប្បត្តិហេតុនេះទេ។

បុគ្គលិកសន្តិសុខ ត្រូវបានបញ្ជាឲ្យស្វែងរកអ្នកដែលនៅពីក្រោយការវាយប្រហារលើឧទ្ធម្ភាគចក្រនេះ។

តំបន់ Catatumbo ដែលមានបញ្ហានៅតាមព្រំប្រទល់ប្រទេសកូឡុំប៊ីជាមួយវេណេស៊ុយអេឡា គឺជាតំបន់ដាំដុះដំណាំកូកាយ៉ាងទូលំទូលាយ។ វាជាកន្លែងដែលក្រុមឧទ្ទាម នៃកងទ័ពរំដោះជាតិឆ្វេងនិយម (ELN) ជួញដូរគ្រឿងញៀនប្រឆាំងរដ្ឋាភិបាល ធ្វើប្រតិបត្តិការ៕

ប្រែសម្រួល៖ Vann Vann

ប្រភព៖ CNA

ចុចអាន៖ រកឃើញអ្នកស្លាប់បន្ថែមទៀតក្នុងហេតុការណ៍បាក់អគារនៅ Florida ខណៈបាត់ខ្លួនកើនដល់ ១៥៩នាក់

The post ឧទ្ធម្ភាគចក្រដឹកប្រធានាធិបតី និងមន្ត្រីជាន់ខ្ពស់ កូឡុំប៊ី រងការបាញ់ប្រហារ appeared first on Kampuchea Thmey Daily.