រកឃើញអ្នកស្លាប់បន្ថែមទៀតក្នុងហេតុការណ៍បាក់អគារនៅ Florida ខណៈបាត់ខ្លួនកើនដល់ ១៥៩នាក់

មនុស្សចំនួនបួននាក់ ត្រូវបានគេអះអាងថា ស្លាប់ខណៈ ចំនួនអ្នកបាត់ខ្លួន បានកើនឡើងដល់ ១៥៩ នាក់ បន្ទាប់ពីអគារលំនៅដ្ឋានកម្ពស់ ១២ ជាន់ បានបាក់រលំកាលពី ថ្ងៃព្រហស្បតិ៍ ក្នុងតំបន់ Miami-Dade នៃរដ្ឋ Florida សហរដ្ឋអាមេរិក។

អភិបាលតំបន់ Miami-Dade លោកស្រី Daniella Levine Cava បាននិយាយកាលពីព្រឹកថ្ងៃសុក្រថា មនុស្សចំនួន៣នាក់ទៀត ត្រូវបានរកឃើញនៅក្នុងគំនរបាក់បែកទាំងយប់។

អគារអាផាតមិន Champlain Towers South ដែលត្រូវបានសាងសង់ក្នុងឆ្នាំ ១៩៨១ បានបាក់រលំដោយផ្នែកខ្លះនៅប្រហែលម៉ោង ១ និង ៣០ នាទីរំលងអាធ្រាត្រថ្ងៃព្រហស្បតិ៍ នៅឯឆ្នេរ Surfside ដែលមានចម្ងាយប្រហែល ៦ ម៉ាយល៍ ភាគខាងជើងឆ្នេរ Miami។

ផ្ទះប្រហែល ៧០ ក្នុងចំណោម ១៣០ របស់អគារនេះ ត្រូវបានបំផ្លាញឬខូចខាតទាំងស្រុង។

មនុស្សយ៉ាងតិច២៧នាក់មកពីបណ្តាប្រទេសអាមេរិកឡាទីន រួមមានកូឡុំប៊ី គុយបា ឈីលី ប៉ារ៉ាហ្គាយ ព័រតូរីកូនិងអាហ្សង់ទីន គឺស្ថិតក្នុងចំណោមអ្នកដែលត្រូវបានរាយការណ៍ថា បាត់ខ្លួនបន្ទាប់ពីអគារបាក់៕

ប្រែសម្រួល៖ Vann Vann

ប្រភព៖ Xinhua

ចុចអាន៖​ ទម្លាយវីដេអូ បាក់អគារនៅ ទីក្រុង ម៉ៃអាមី សហរដ្ឋអាមេរិក