ល្បាត Archives - Kampuchea Thmey Daily

ស្នងការនគរបាលខេត្ត ផ្តាំផ្ញើឱ្យកងកម្លាំងឈរជើងការពារតាមខ្សែបន្ទាត់ព្រំដែន បង្កើនការយកចិត្តទុកដាក់ដើរល្បាតឱ្យបានជាប្រចាំ

Kang Tola — Fri, 07 Feb 2025 11:05:30 +0000

ឧត្ដរមានជ័យ ៖ នៅព្រឹកថ្ងៃទី០៧ ខែកុម្ភៈ ឆ្នាំ ២០២៥ លោកឧត្តមសេនីយ៍ទោ ខូវ លី ស្នងការនគរបាលខេត្តឧត្ដរមានជ័យ ដឹកនាំ សហការី បានអញ្ជើញចុះសំណេះសំណាល សួរសុខទុក្ខ កងកម្លាំងនៅប៉ុស្ដិ៍នគរបាលការពារព្រំដែនគោកចុងព្រិច នៃវរសេនាតូចនគរបាលការពារព្រំដែនគោកលេខ៩០៥ និងបន្តចុះត្រួតពិនិត្យភូមិសាស្ត្រតាមខ្សែបន្ទាត់ព្រំដែន ត្រួតពិនិត្យចំណុចទីតាំងបង្គោលព្រំដែន ការកសាងអង្គភាព អគារស្នាក់ការ សម្ភារៈមធ្យោយបាយ ការថែរក្សាទុកដាក់សម្ភារះប្រើប្រាស់អាវុធ គ្រាប់ និងណែនាំបំពេញបន្ថែមនូវការងារចាំបាច់មួយចំនួន។

ក្នុងឱកាសនោះផងដែរ លោក ឧត្តមសេនីយ៍ទោ ស្នងការ បានមានប្រសាសន៍ផ្តាំផ្ញើឱ្យកងម្លាំងទាំងអស់ បង្កើនការយកចិត្តទុកដាក់ដើរល្បាតឱ្យបានជាប្រចាំ ត្រូវមានកិច្ចសហការល្អប្រសើរជាមួយអង្គភាពយោធា ក៏ដូចជាកងកម្លាំងដែលនៅទល់មុខគ្នា បន្តខិតខំបំពេញទួនាទី ភារកិច្ចប្រកបដោយការទទួលខុសត្រូវ និងបង្កើនស្មារតីសាមគ្គីភាព ពិសេសណែនាំឱ្យកងកម្លាំងទាំងអស់ត្រូវថែរក្សាសុខភាព និងអនាម័យឱ្យបានជាប់ជាប្រចាំ និងនាំយកនូវថវិកាឧបត្ថម្ភជូនដល់កម្លាំងដែលប្រចាំការឈរជើងតាមខ្សែបន្ទាត់ព្រំដែន មួយចំនួនដើម្បីជាការលើកទឹកចិត្តផងដែរ។

ឆ្លៀតក្នុងឱកាសនោះផងដែរ លោកឧត្ដមសេនីយ៍ទោ ស្នងការ ក៏បាននាំនូវគ្រឿងឧបភោគបរិភោគ និងថវិកា ដែលជាអំណាយដ៏ថ្លៃថ្លារបស់ លោកនាយឧត្ដមសេនីយ៍ ស ថេត អគ្គស្នងការនគរបាលជាតិ រួមមាន ថវិកា ចំនួន ៨០០,០០០រៀល មីចំនួន ១៥កេស ភេសជ្ជៈចំនួន ២០កេស ការ៉ុងច្រកដីសម្រាប់ធ្វើវាយ៉ូ ចំនួន ១៥០០ ការ៉ុង ជូនដល់កម្លាំងឈរជើងតាមខ្សែបន្ទាត់ព្រំដែនគោក៕

ដោយ ៖ ចាន់ ធី

The post ស្នងការនគរបាលខេត្ត ផ្តាំផ្ញើឱ្យកងកម្លាំងឈរជើងការពារតាមខ្សែបន្ទាត់ព្រំដែន បង្កើនការយកចិត្តទុកដាក់ដើរល្បាតឱ្យបានជាប្រចាំ appeared first on Kampuchea Thmey Daily.

កម្លាំងនគរបាលខណ្ឌ នៅតែបន្តល្បាតការពារសន្តិសុខ សុវត្ថិភាពជូនប្រជាពលរដ្ឋ បើទោះរដូវបុណ្យភ្ជុំ

Sorn Phanith — Tue, 01 Oct 2024 02:17:41 +0000

បើទោះជារដូវបុណ្យទានក៏ដោយ ក៏នគរបាលខណ្ឌនៅតែបន្ដធ្វើសកម្មភាពល្បាតការពារសន្តិសុខ សុវត្ថិភាពជូនប្រជាពលរដ្ឋក្នុងរាជធានីភ្នំពេញជាធម្មតា នេះបើតាមផេក ស្នងការនគរបាលរាជធានីភ្នំពេញ។

តាមរយៈសំណេររបស់ស្នងការនគរបាលរាជធានីភ្នំពេញ បានលើកឡើងថា សកម្មភាពកម្លាំងតាមបណ្តាអធិការដ្ឋាននគរបាលខណ្ឌ បានចេញល្បាតការពារសន្តិសុខ សុវត្ថិភាពជូនប្រជាពលរដ្ឋ ជាពិសេសបង្ការទប់ស្កាត់ បង្ក្រាបបទល្មើសផ្សេងៗ មិនឱ្យកើតមានកើតឡើងក្នុងមូលដ្ឋាន នៅថ្ងៃទី៣០ ខែកញ្ញា ឆ្នាំ២០២៤។ នេះសបញ្ជាក់ពីការលះបង់ជូនចំពោះប្រជាជន និងជាតិក្នុងការថែរក្សាសន្ដិសុខ សុវត្ថិភាព បើទោះបីជាស្ថិតក្នុងពិធីបុណ្យភ្ជុំបិណ្ឌ គ្រប់ក្រុមគ្រួសារតែងតែជួបគ្នាសប្បាយរីករាយ ធ្វើបុណ្យធ្វើទានជុំគ្នា ប៉ុន្តែកម្លាំងនៅតែបន្តធ្វើការងារទាំងយប់ទាំងថ្ងៃដើម្បីតែសង្គមជាតិមួយនេះ៕

The post កម្លាំងនគរបាលខណ្ឌ នៅតែបន្តល្បាតការពារសន្តិសុខ សុវត្ថិភាពជូនប្រជាពលរដ្ឋ បើទោះរដូវបុណ្យភ្ជុំ appeared first on Kampuchea Thmey Daily.

យប់មិញគណៈបញ្ជាការឯកភាពរាជធានីចែកកម្លាំងជាពីរក្រុមដើរល្បាតក្នុងភូមិសាស្ត្រ

Sokhom Khon — Mon, 19 Aug 2024 00:33:12 +0000

បើទោះបីគម្រោងនៃការធ្វើបាតុកម្មផ្តួលរំលំរាជរដ្ឋាភិបាលស្របច្បាប់ របស់ក្រុមប្រឆាំងជ្រុលនិយម លើហេតុផលប្រឆាំង នឹងកិច្ចសហប្រតិបត្តិការតំបន់អភិវឌ្ឍន៍ត្រីកោណនាថ្ងៃទី១៨សីហានេះ ទទួលនូវភាពបរាជ័យយ៉ាងណាក្តី ប៉ុន្តែដើម្បីរក្សាបាននៅសន្តិសុខ សុវត្ថិភាពជូនប្រជាពលរដ្ឋក្នុងរាជធានីភ្នំពេញ គណៈបញ្ជាការឯកភាពរដ្ឋបាលរាជធានីភ្នំពេញ ដឹកនាំដោយលោក ឃួង ស្រេង អភិបាលរាជធានីភ្នំពេញ នារាត្រីថ្ងៃទី១៨សីហានេះ បានចាត់ចែងកម្លាំងមានសមត្ថកិច្ចជាទ្រង់ទ្រាយធំចំនួន២ក្រុម បន្តតាមដានសភាពការណ៍សន្តិសុខ សុវត្ថិភាព និងសណ្តាប់ធ្នាប់របៀបរៀបរយសាធារណៈក្នុងភូមិសាស្ត្ររាជធានីភ្នំពេញ។

ជាក់ស្តែងនៅព្រឹកថ្ងៃអាទិត្យ១៨ សីហា លោក ឃួង ស្រេង អភិបាលរាជធានីភ្នំពេញ បានចុះពិនិត្យលើកទឹកចិត្តដល់កងកម្លាំងប្រចាំនៅតាមគោលដៅក្នុងរាជធានីភ្នំពេញ ជាមួយនឹងការជំរុញឱ្យកងកម្លាំង និងអាជ្ញាធរខណ្ឌ បន្តយកចិត្តទុកដាក់បន្ថែមទៀតលើការពង្រឹងសន្តិសុខសុវត្ថិភាព និងសណ្ដាប់ធ្នាប់ជូនបងប្អូនប្រជាពលរដ្ឋ បើទោះបីទន្ឌិត សម រង្ស៊ី បន្តបរាជ័យក្នុងផែនការផ្តួលរំលំរាជរដ្ឋាភិបាលស្របច្បាប់តាមរយៈការបំផុសយុវជនឱ្យងើបបះបោរក្រោមហេតុផលប្រឆាំង នឹងកិច្ចសហប្រតិបត្តិការតំបន់អភិវឌ្ឍន៍ត្រីកោណក្តី៕

អត្ថបទ៖ ស្រីរ័ត្ន

The post យប់មិញគណៈបញ្ជាការឯកភាពរាជធានីចែកកម្លាំងជាពីរក្រុមដើរល្បាតក្នុងភូមិសាស្ត្រ appeared first on Kampuchea Thmey Daily.

សមត្ថកិច្ចក្រុងប៉ោយប៉ែត ចេញល្បាតឃាត់ខ្លួនបានក្មេងទំនើងប្រុសស្រី១៥នាក់ មាន៧នាក់ប្រើប្រាស់គ្រឿងញៀន

Kang Tola — Tue, 12 Sep 2023 14:10:19 +0000

បន្ទាយមានជ័យ ៖ លោកវរសេនីយ៍ឯក សៅ សារឿន អធិការនៃអធិការដ្ឋាននគរបាលក្រុងប៉ោយប៉ែត អនុវត្តតាមការណែនាំនិងបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការ នៃស្នងការដ្ឋាននគរបាលខេត្តបន្ទាយមានជ័យ ឱ្យលុបបំបាត់ទាំងអស់រាល់បទល្មើសទាំងឡាយ ពិសេសបទល្មើសព្រហ្មទណ្ឌ និងក្មេងទំនើង តាមមូលដ្ឋាន។

ជាលទ្ធផលលោកបានដឹកនាំកម្លាំងនគរបាលសហការជាមួយកម្លាំងកងរាជអាវុធហត្ថក្រុងប៉ោយប៉ែត បានចុះល្បាត និងត្រួតពិនិត្យក្នុងភូមិសាស្ត្រ ស្មុគស្មាញ ទីប្រជុំជន ដើម្បីទប់ស្កាត់បទល្មើសផ្សេងៗ បានឃាត់ខ្លួនក្មេងទំនើងបានចំនួន១៥នាក់ កាលពីយប់ថ្ងៃទី១២ ខែកញ្ញា ឆ្នាំ ២០២៣។

បន្ទាប់ពីឃាត់ត្រួតពិនិត្យកម្លាំងជំនាញផ្នែកប្រឆាំងគ្រឿងញៀន បានធ្វើតេស្តទឹកនោមស្វែងរកសារធាតុញៀន ឃើញវិជ្ជមាន(+) ចំនួន០៧នាក់ ស្រីម្នាក់។ ក្នុងនោះសម្ភារៈ និង វត្ថុតាងចាប់យករួមមានៈ

១-ម៉ូតូចំនួន ០៧គ្រឿង ២-កាំបិតខ្វែវ ០១ដើម ៣-ពូថៅ ០១ ដើម ៤-ថ្នាំគ្រាប់គ្រាប់ពណ៌ក្រហម មាន អក្សរ(wy)ចំនួន០៨គ្រាប់ ៥-បំពង់កែវមួយកំណាត់ ០១។ ក្មេងស្ទាវទាំង៧នាក់ ដែលជាប់ពាក់ព័ន្ធសារធាតុញៀនរួមមានឈ្មោះដូចខាងក្រោម ១-ឈ្មោះ រ៉ា វីត ភេទប្រុស អាយុ២០ឆ្នាំ ជនជាតិខ្មែរ ។

២-ឈ្មោះ គុយ គីណាល់ ភេទប្រុស អាយុ១៦ឆ្នាំ ជនជាតិខ្មែរ។ ៣-ឈ្មោះ វ៉ាយ វុធ ភេទប្រុស អាយុ១២ឆ្នាំ ជនជាតិខ្មែរ។ ៤-ឈ្មោះ ថោង ចំរើន ភេទប្រុស អាយុ១៦ឆ្នាំ ជនជាតិខ្មែរ។ ៥-ឈ្មោះ លៀប ចន្តា ភេទប្រុស អាយុ២០ឆ្នាំ ជនជាតិខ្មែរ។ ៦-ឈ្មោះ ញឹម ចាន់ ភេទប្រុស អាយុ១៦ឆ្នាំ ជនជាតិខ្មែរ ។ ៧-ឈ្មោះ រី នីង ភេទប្រុស អាយុ២០ឆ្នាំ ជនជាតិខ្មែរ។

បច្ចុប្បន្នក្មេងដែលមានសារធាតុញៀន ត្រូវបាននគរបាលបន្តនីតិវិធីឃាត់ខ្លួនបណ្តោះអាសន្ន ដើម្បីសួរនាំនិងចាត់ការតាមច្បាប់។ ចំពោះក្មេង៨នាក់ផ្សេងទៀត ដែលមិនពាក់ព័ន្ធសារធាតុញៀន ត្រូវបានធ្វើការអប់រំណែនាំ និង អនុញ្ញាតឱ្យឪពុកម្តាយ ឬ អាណាព្យាបាលមកទទួលយកទៅអប់រំបន្តនៅមូលដ្ឋាន៕

ដោយ ៖ អពៅ

The post សមត្ថកិច្ចក្រុងប៉ោយប៉ែត ចេញល្បាតឃាត់ខ្លួនបានក្មេងទំនើងប្រុសស្រី១៥នាក់ មាន៧នាក់ប្រើប្រាស់គ្រឿងញៀន appeared first on Kampuchea Thmey Daily.

តំបន់ប្រតិបត្តិការសឹករងឧត្ដរមានជ័យ ចេញយាមតាមប៉ុស្ដិ៍សង្កេតការណ៍ និងល្បាតត្រួតពិនិត្យ បង្គោលសីមាខ្សែបន្ទាត់ព្រំដែនកម្ពុជា-ថៃ

Kang Tola — Thu, 01 Jun 2023 10:40:08 +0000

ឧត្ដរមានជ័យ ៖ នៅថ្ងៃទី០១ ខែមិថុនា ឆ្នាំ២០២៣ ក្រោមការដឹកនាំរបស់លោកឧត្ដមសេនីយ៍ទោ តន់ ញាន មេបញ្ជាការ តំបន់ប្រតិបត្តិការសឹករងឧត្ដរមានជ័យ បានដាក់ចេញបទបញ្ជាយ៉ាងម៉ឺងម៉ាត់ ទៅគ្រប់បណ្តាកងឯកភាពចំណុះទាំងអស់ត្រូវបន្តចាត់តាំងកម្លាំងសហការជាមួយអង្គភាពជាមិត្ត ចេញយាម ល្បាតត្រួតពិនិត្យបង្គោលសីមា និងបណ្ដាចំណុចគោលដៅផ្សេងៗទៀត ដែលបានកំណត់ទុក ដើម្បីតាមដាន និងក្តាប់ឱ្យជាប់រាល់សភាពការណ៍ប្រែប្រួលតាមខ្សែបន្ទាត់ព្រំដែន។

លោកមេបញ្ជាការ មានប្រសាសន៍ថា ការដឹកនាំកម្លាំង ចុះពិនិត្យតាមខ្សែបន្ទាត់ព្រំដែនកម្ពុជា-ថៃ ជារៀងរាល់ថ្ងៃ គឺដើម្បីអនុវត្តតាម ផែនការបទបញ្ជា របស់ថ្នាក់លើ ដើម្បីពង្រឹងដល់កងកម្លាំងប្រចាំការ លោកមេបញ្ជាការក៏បានដាក់បញ្ជាយ៉ាងតឹងរ៉ឹងដល់កងកម្លាំងត្រូវសហការ សាមគ្គីគ្នាទៅវិញទៅមកឱ្យបានល្អថែមទៀត។

ជាមួយនឹងកម្លាំងតាមគោលដៅផ្សេងទៀត ពិសេសត្រូវថែរក្សាបង្កើនប្រព័ន្ធលេណដ្ឋានឱ្យបានរឹងមាំ ដើម្បីរក្សាសុខសន្តិភាពស្ថេរភាពជូន ប្រជាពលរដ្ឋ និងទប់ស្កាត់រាល់សកម្មភាពបទល្មើសឆ្លងដែន ខុសច្បាប់៕

ដោយ ៖ ចាន់ ធី

The post តំបន់ប្រតិបត្តិការសឹករងឧត្ដរមានជ័យ ចេញយាមតាមប៉ុស្ដិ៍សង្កេតការណ៍ និងល្បាតត្រួតពិនិត្យ បង្គោលសីមាខ្សែបន្ទាត់ព្រំដែនកម្ពុជា-ថៃ appeared first on Kampuchea Thmey Daily.

កងការពារព្រំដែនគោកលេខ៤០៣ យោធភូមិភាគទី៤ បន្តចាត់តាំងកម្លាំងល្បាតការពារតាមខ្សែបន្ទាត់ព្រំដែនក្នុងភូមិសាស្ត្រទទួលខុសត្រូវ

Kang Tola — Sat, 20 May 2023 12:42:07 +0000

ឧត្តរមានជ័យ ៖ ព្រឹកថ្ងៃទី២០ ខែឧសភា ឆ្នាំ២០២៣ លោកវរសេនីយ៍ឯក ជឹម សំអោ មេបញ្ជាការកងការពារព្រំដែនគោកលេខ៤០៣ បានបន្តចាត់តាំងកម្លាំង កងអនុសេនាធំល្បាតទាំង៦ ដឹកនាំកម្លាំងដើរល្បាត ត្រួតពិនិត្យភូមិសាស្ត្រ តាមខ្សែបន្ទាត់ព្រំដែនកម្ពុជា-ថៃ ភូមិសាស្ត្រដែលអង្គភាពទទួលខុសត្រូវ ដើម្បីតាមដាន និងក្តាប់ឱ្យជាប់នូវរាល់សភាពការណ៍ប្រែប្រួលតាមព្រំដែន ព្រមទាំងទប់ស្កាត់រាល់បទល្មើសផ្សេងៗដែលអាចកើតមានឡើង ជាលទ្ធផល សភាពការណ៍នៅលើខ្សែបន្ទាត់ព្រំដែន ដែលអង្គភាពទទួលខុសត្រូវគ្មានអ្វីប្រែប្រួលឡើយ។

ក្នុងនោះដែរ លោកវរសេនីយ៍ឯក ជឹម សំអោ មេបញ្ជាការ បានជំរុញអោយគ្រប់បណ្តាកងល្បាតទាំងអស់ត្រូវបង្កើនការដើរល្បាតឲ្យបានជាប់ជាប្រចាំ និងបានដាក់ចេញនូវបទបញ្ជា ដល់មេបញ្ជាការគ្រប់កងឯកភាពចំណុះ កងការពារព្រំដែនគោកលេខ៤០៣ ត្រូវអនុវត្តតាមបទបញ្ជារបស់ថ្នាក់លើ ក៏ដូចជាយុទ្ធសាស្ត្ររបស់រាជរដ្ឋាភិបាល ក្នុងការកសាងព្រំដែន ជាព្រំដែនសន្តិភាព មិត្តភាព កិច្ចសហប្រតិបត្តិការល្អ និងការអភិវឌ្ឍ៕

ដោយ ៖ ចាន់ ធី

The post កងការពារព្រំដែនគោកលេខ៤០៣ យោធភូមិភាគទី៤ បន្តចាត់តាំងកម្លាំងល្បាតការពារតាមខ្សែបន្ទាត់ព្រំដែនក្នុងភូមិសាស្ត្រទទួលខុសត្រូវ appeared first on Kampuchea Thmey Daily.

កងកម្លាំងកងការពារព្រំដែនគោកលេខ៤០៣ បន្តចាត់កម្លាំងល្បាតតាមខ្សែបន្ទាត់ព្រំដែន ក្នុងភូមិសាស្ត្រទទួលខុសត្រូវ

Kang Tola — Tue, 25 Apr 2023 12:48:21 +0000

ឧត្តរមានជ័យ ៖ ព្រឹកថ្ងៃទី២៥ ខែមេសា ឆ្នាំ២០២៣ កងការពារព្រំដែនគោកលេខ ៤០៣ យោធភូមិភាគទី៤ បានបន្តចាត់តាំងកម្លាំងដើរល្បាតសហការត្រួតពិនិត្យភូមិសាស្ត្រ និងល្បាតត្រួតពិនិត្យបង្គោលសីមា តាមខ្សែបន្ទាត់ព្រំដែនកម្ពុជា-ថៃ ភូមិសាស្ត្រដែលអង្គភាពទទួលខុសត្រូវគ្រប់ចំណុចគោលដៅដែលបានកំណត់ទុក ដើម្បីតាមដានសភាពការណ៍ និងទប់ស្កាត់ការលួចឆ្លងដែនខុសច្បាប់បទល្មើសផ្សេងៗ ស្ថិតក្នុងភូមិសាស្ត្រដែលទទួលខុសត្រូវ។

លោកមេបញ្ជាការ បានមានប្រសាសន៍ថា ការដឹកនាំកម្លាំងចុះពិនិត្យតាមខ្សែបន្ទាត់ព្រំដែនកម្ពុជា-ថៃនេះ គឺអនុវត្តតាមបទបញ្ជា របស់ថ្នាក់លើ ដើម្បីពង្រឹងដល់កងកម្លាំងជាប្រចាំការ។

លោកមេបញ្ជាការ កងការព្រំដែនលេខ៤០៣ បានដាក់បញ្ជាយ៉ាងតឹងរ៉ឹងឱ្យកម្លាំង សហការគ្នាឱ្យបានល្អថែមទៀត ជាមួយកម្លាំងប្រចាំការនីមួយៗ ដើម្បីរក្សាសុខសន្តិភាពស្ថិរភាពជូនប្រជាពលរដ្ឋ និងទប់ស្កាត់រាល់សកម្ម ភាពបទល្មើសឆ្លងដែនខុសច្បាប់៕

ដោយ ៖ ចាន់ ធី

The post កងកម្លាំងកងការពារព្រំដែនគោកលេខ៤០៣ បន្តចាត់កម្លាំងល្បាតតាមខ្សែបន្ទាត់ព្រំដែន ក្នុងភូមិសាស្ត្រទទួលខុសត្រូវ appeared first on Kampuchea Thmey Daily.

កងកម្លាំងកងពលតូចថ្មើរជើងលេខ៤២ បន្តចាត់កម្លាំងល្បាតតាមខ្សែបន្ទាត់ព្រំដែន ក្នុងភូមិសាស្ត្រទទួលខុសត្រូវ

Kang Tola — Fri, 21 Apr 2023 15:02:52 +0000

ឧត្តរមានជ័យ ៖ ថ្ងៃ២១ ខែមេសា ឆ្នាំ២០២៣ កងពលតូចថ្មើរជើងលេខ ៤២ យោធភូមិភាគទី៤ បានបន្តចាត់តាំងកម្លាំងដើរល្បាតសហការត្រួតពិនិត្យភូមិសាស្ត្រ និងល្បាតត្រួតពិនិត្យបង្គោលសីមា តាមខ្សែបន្ទាត់ព្រំដែនកម្ពុជា-ថៃ ភូមិសាស្ត្រដែលអង្គភាពទទួលខុសត្រូវគ្រប់ចំណុចគោលដៅដែលបានកំណត់ទុក ដើម្បីតាមដានសភាពការណ៍ និងទប់ស្កាត់ការលួចឆ្លងដែនខុសច្បាប់បទល្មើសផ្សេងៗ ស្ថិតក្នុងភូមិសាស្ត្រដែលទទួលខុសត្រូវ។

លោកមេបញ្ជាការកងពល បានដាក់បញ្ជាយ៉ាងតឹងរ៉ឹងឱ្យកម្លាំង សហការគ្នាឱ្យបានល្អថែមទៀត ជាមួយកម្លាំងប្រចាំការនីមួយៗ ដើម្បីរក្សាសុខសន្តិភាពស្ថិរភាពជូនប្រជាពលរដ្ឋ និងទប់ស្កាត់រាល់សកម្មភាពបទល្មើសឆ្លងដែនខុសច្បាប់៕

ដោយ ៖ ចាន់ ធី

The post កងកម្លាំងកងពលតូចថ្មើរជើងលេខ៤២ បន្តចាត់កម្លាំងល្បាតតាមខ្សែបន្ទាត់ព្រំដែន ក្នុងភូមិសាស្ត្រទទួលខុសត្រូវ appeared first on Kampuchea Thmey Daily.