ជាក់ស្ដែងនៅព្រឹកថ្ងៃទី២៦ ខែកុម្ភៈ ឆ្នាំ២០២៦នេះ កម្លាំងនគរបាលប៉ុស្តិ៍រដ្ឋបាលវាលវង់នៃអធិការដ្ឋាននគរបាលខណ្ឌ៧មករា បានចុះត្រួតពិនិត្យ ទីតាំងស្ថិតនៅបុរីកីឡា ក្រោមអាគារទី២ ជាន់ផ្ទាល់ដី ភូមិ១២ សង្កាត់វាលវង់ ខណ្ឌ៧មករា ពុំឃើញមានអ្វីពាក់ព័ន្ធ ល្បែងស៉ីសងដូចដែលបណ្ដាញសង្គម បានចុះផ្សព្វផ្សាយនោះឡើយ។

មន្រ្តីនគរបាលបានបញ្ជាក់បន្ថែមថា ទីតាំងរូបភាពដែលបណ្ដាញសង្គមបានផ្សព្វផ្សាយជារូបភាពចាស់ ដែលកន្លងទៅ អាជ្ញាធរប៉ុស្តិ៍និងខណ្ឌបានចុះបង្ក្រាប់។

សូមបញ្ជាក់ផងដែរ បច្ចុប្បន្នរដ្ឋបាលរាជធានីភ្នំពេញកំពុង មានវិធានការយ៉ាងមុតមាំក្នុងយុទ្ធនាការ បោសសម្អាតល្បែងស៉ីសងគ្រប់ប្រភេទ ក្នុងភូមិសាស្រ្តរាជធានីភ្នំពេញ ហើយឯកឧត្តម ឃួង ស្រេង អភិបាលរាជធានីភ្នំពេញក៏បានណែនាំឱ្យខណ្ឌទាំង១៤ ត្រូវម្ចាស់ការក្នុងការបោសសម្អាត និងប្រយុទ្ធប្រឆាំងបទល្មើសឆបោកតាមប្រព័ន្ធបច្ចេកវិទ្យា ល្បែងស៊ីសងគ្រប់ប្រភេទ និងគ្រឿងញៀនផងដែរ ពោលគឺត្រូវអនុវត្តគោលនយោបាយភូមិ សង្កាត់មានសុវត្ថិភាពឱ្យបានល្អ៕ អត្ថបទ៖ សុភា

The post អាជ្ញាធរខណ្ឌ៧មករា ចុះត្រួតពិនិត្យទីតាំងសង្ស័យលួចលាក់លេងល្បែងស៊ីសងនៅតំបន់បុរីកីឡា appeared first on Kampuchea Thmey Daily.

ប្រតិបត្តិការនេះបានធ្វើឡើងកាលពីវេលាម៉ោង៣រសៀល ថ្ងៃទី២១ ខែមករា ឆ្នាំ២០២៥ នៅចំណុចទីតាំងផ្ទះមួយកន្លែងតាមបណ្តោយផ្លូវលេខ ៤៧៤ ក្នុងសង្កាត់បឹងត្របែក ខណ្ឌចំការមន រាជធានីភ្នំពេញ។

ប្រភពពីសមត្ថកិច្ចបានអោយដឹងថា ការចុះបង្ក្រាបទីតាំងបង្កប់ល្បែងស៊ីសងនេះ គឺអនុវត្តតាមបទបញ្ជារបស់ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការដ្ឋាននគរបាលរាជធានីភ្នំពេញ ដឹកនាំដោយប្រធានការិយាល័យព្រហ្មទណ្ឌកម្រិតធ្ងន់ឆ្មក់ចុះបង្ក្រាបជាក់ស្ដែងឃាត់ខ្លួនមនុស្សសរុប៣៣នាក់ ក្នុងនោះមានបុគ្គលិក៣នាក់។

ក្រោយឃាត់ខ្លួន មនុស្សប្រុសស្រីទាំង ៣៣នាក់ និងវត្ថុតាងត្រូវបានកម្លាំងនគរបាលបញ្ជូនទៅស្នងការដ្ឋាននគរបាលរាជធានីភ្នំពេញដើម្បីចាត់ការតាមនីតិវិធី៕

អត្ថបទ៖ រដ្ឋា

The post បង្រ្កាបទីតាំងល្បែងសុីសងខុសច្បាប់ឃាត់ខ្លួនមនុស្សប្រុសស្រីសរុប ៣៣នាក់ appeared first on Kampuchea Thmey Daily.

ប្រតិបត្តិការខាងលើបានធ្វើឡើងកាលពីវេលាម៉ោង៤និង៣០នាទីរសៀល ថ្ងៃទី២២ ខែតុលា ឆ្នាំ២០២៤ នៅក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

តាមអាជ្ញាធរបានឱ្យដឹងថា បន្ទាប់ពីទទួលបាននូវសភាពការណ៍ក្នុងមូលដ្ឋានទីតាំងខាងលើលួចបើកលេងល្បែងសុីសងតាមអនឡាញ ឆ្នោតឡូតូ ជល់មាន់ ទើបនៅរសៀលថ្ងៃទី២២ ខែតុលា ឆ្នាំ២០២៤ កម្លាំងអាជ្ញាធរខណ្ឌ ចុះទៅពិនិត្យជាក់ស្តែង ឈានដល់ការឃាត់ខ្លួនស្ត្រីម្ចាស់ទីតាំង២នាក់ និងដកហូតសម្ភារមួយចំនួន។

ស្ត្រីម្ចាស់ទីតាំង២នាក់ ត្រូវបានប្រគល់ឱ្យនគរបាលនាំយកទៅធ្វើការអប់រំនៅប៉ុស្តិ៍ រីឯសម្ភារដកហូតយកទៅរក្សាទុកនៅសាលាខណ្ឌ៕

អត្ថបទ៖ សុខា

The post អាជ្ញាធរខណ្ឌពោធិ៍សែនជ័យបង្ក្រាបទីតាំងលួច​បើក​​ល្បែងសុីសងអនឡាញនៅសង្កាត់ចោម​ចៅ​ទី​៣​ appeared first on Kampuchea Thmey Daily.

កិច្ចប្រជុំនេះបានធ្វើឡើងនារសៀលថ្ងៃទី៣ ខែកក្កដា ដោយមានការចូលរួមពីលោក លោកស្រីអភិបាលរងខណ្ឌ លោកនាយក នាយករងរដ្ឋបាលសាលាខណ្ឌលោក អធិការ លោកមេបញ្ជាការកងរាជអាវុធហត្ថខណ្ឌ លោកចៅសង្កាត់ លោកមេប៉ុស្តិ៍ ចំណុះឲ្យសាលាខណ្ឌ។

លោកអភិបាលខណ្ឌស្តីទីបានបញ្ជាក់យ៉ាងច្បាស់ថា រាល់បណ្តាទីតាំងបនល្បែងទាំងអស់ គឺមិនអាចគេចផុតពីអាជ្ញាធរ​មូលដ្ឋាន និងនគរបាលប៉ុស្តិ៍នោះទេ ប៉ុន្តែយើងមិនធ្វើព្រោះសំអាងថា វាតិចតួចតែវាអាចបំផ្លាញទ្រព្យសម្បត្តិបងប្អូនប្រជាពលរដ្ឋយើងជារៀងរាល់ថ្ងៃរហូតកើតមានទំនាស់ក្នុងគ្រួសារទៀតផង។ ដូច្នេះតាមបណ្តាសង្កាត់ត្រូវពង្រឹងការងារបង្ក្រាប​បនល្បែងនេះឲ្យអស់ទើបប្រជាពលរដ្ឋបានរស់នៅសុខសាន្តពិសេសលុបបំបាត់អំពើចោរកម្មទៀតផង។

បន្ទាប់ពីបញ្ចប់កិច្ចប្រជុំរួចមកគេសង្កេតឃើញតាមបណ្តាសង្កាត់បានចុះទៅដល់ទីតាំងដែលធ្លាប់លួចលេងល្បែងឲ្យមកធ្វើកិច្ចសន្យាដោយផ្តិតមេដៃនៅចំពោះមុខលោកចៅសង្កាត់ លោកនាយប៉ុស្តិ៍ លោកមេភូមិ មិនឲ្យកើតមានតទៅទៀតហើយបើនៅបន្តទៀត គឺអាជ្ញាធរនឹងបញ្ជូនសំណុំរឿងទៅសាលាដំបូងចាត់ការទៅតាមផ្លូវច្បាប់។

ជាក់ស្តែងនៅសង្កាត់ចាក់អង្រែក្រោម លោក ជា សុខៃ ជាចៅសង្កាត់បានដឹកនាំមន្ត្រីអាជ្ញាធរតាមបណ្តាភូមិត្រូវផ្សព្វផ្សាយពីការបង្រ្កាបល្បែងសុីសងនេះឲ្យអស់មិនឲ្យកើតមានតទៅទៀតឡើយ។ បើនៅតែរឹងទទឹង គឺអាជ្ញាធរ​លែងយោគយល់ឡើយ៕

អត្ថបទ៖ នរា

The post អភិបាលស្ដីទីខណ្ឌមានជ័យ ជំរុញឲ្យបណ្តាសង្កាត់ត្រូវបិទទីតាំងល្បែងសុីសងឲ្យអស់ក្នុងមូលដ្ឋានរបស់ខ្លួន appeared first on Kampuchea Thmey Daily.