​

ចំពោះ​​ការ​បង្រ្កាប​នេះ​ គេ​ឃើញ​មាន​ការចាប់ខ្លួន​កាល​ពី​ពេលថ្មីៗ​ ​ទៅ​លើ​បុគ្គលមានឥទ្ធិពលលើ​បណ្ដាញ​សង្គម​ តារាល្បី​ៗ និងសិស្ស​និស្សិតជាច្រើន​នាក់ ដែលរង​ការ​ចោទ​ប្រកាន់​ពី​បទ​ផ្សព្វផ្សាយគេហទំព័រលេង​ល្បែងស៊ីសង​នៅលើបណ្ដាញ​សង្គម​។​

ក្នុងអំឡុងសម័យប្រជុំពេញអង្គគណៈរដ្ឋមន្ត្រីនៅវិមានរដ្ឋកាលពីថ្ងៃពុធ លោក ប្រាបូវូ បានរំឭកឡើងវិញនូវការប្តេជ្ញាចិត្តរបស់លោកក្នុងការកម្ចាត់ល្បែងស៊ីសង ដោយបន្តវិធានការតឹងរ៉ឹង​ពី​មេដឹកនាំ​ឥណ្ឌូណេស៊ី​ចាស់​ គឺ​លោក ចូកូ​ វីដូដូ​ ដែល​បានបញ្ជាឱ្យបិទទីតាំងល្បែងទាំងអស់។

​កន្លង​មក​ផង​ដែរ​ ប្រធានាធិបតី​ថ្មី​ដដែល​បាន​បញ្ជាក់​ហើយ​ថា​ ​លោកនឹងមិនអត់ឱនឱ្យមន្ត្រីរដ្ឋាភិបាល ឬសមាជិកនៃកងកម្លាំងសន្តិសុខណា ដែលប្រើឥទ្ធិពលរបស់​ខ្លួន​ដើម្បីការពារប្រតិបត្តិការល្បែងស៊ី​សង​អនឡាញនោះទេ។

បើ​តាម​កាសែត​ Jakarta Globe ការ​លេង​ល្បែងស៊ីសង​​តាម​អ៊ិនធឺណិត​បាន​រីក​រាល​ដាល​យ៉ាង​ខ្លាំង​ក្នុង​ប្រទេស​ឥណ្ឌូណេស៊ី ដោយ​​សូម្បី​តែ​សមាជិក​សភាខ្លះ​​ក៏​បាន​​ចូល​រួម​ដែរ។ ថ្មីៗនេះ មជ្ឈមណ្ឌលរបាយការណ៍ និងវិភាគប្រតិបត្តិការហិរញ្ញវត្ថុ (PPATK) បានបង្ហាញឱ្យឃើញថា សមាជិក​សភាតំណាងជាតិ និងមូលដ្ឋាន​ ជាង​ ១ ០០០ នាក់​ បានចូលរួម​លេង​ល្បែងអនឡាញ ដោយមានការភ្នាល់គ្នា​សរុបគិត​ជា​លុយ​ដល់​ ១,៥ លាន​ដុល្លារ​។ អត្តសញ្ញាណ​​សមាជិក​ទាំង​នោះ​ មិន​ទាន់​ត្រូវ​បាន​គេ​បង្ហាញ​ឱ្យ​ដឹង​នោះ​ទេ​។ ​

ល្បែងស៊ីសង​ គឺ​ជា​ឧក្រិដ្ឋកម្ម​ក្រោម​ច្បាប់​ឥណ្ឌូណេស៊ី ដែល​អាច​ផ្តន្ទាទោស​ដាក់​ពន្ធនាគារ​រហូត​ដល់​ ៦ ​ឆ្នាំ៕

The post ឥណ្ឌូណេស៊ី​បង្រ្កាប​លើ​គ្រប់​បុគ្គល ដែល​ផ្សព្វផ្សាយ​ល្បែងស៊ីសងអនឡាញ​ appeared first on Kampuchea Thmey Daily.