បើតាមគណៈកម្មការបណ្តុះបណ្តាល នៃសមាគមអ្នកនិពន្ធខ្មែរ សម្រាប់វគ្គបណ្តុះបណ្តាលលើមុខជំនាញនេះ នឹងចាប់ផ្តើមសិក្សាពីថ្ងៃទី ១០ ខែមិថុនា ឆ្នាំ២០២៤ តទៅ នៅសហសាល រីម គីន ជាន់ទី១ នៃអគារសមាគមអ្នកនិពន្ធខ្មែរ ស្ថិតនៅក្នុងបរិវេណវត្តបទុមវតី សង្កាត់ចតុមុខ ខណ្ឌដូនពេញ រាជធានីភ្នំពេញ។ ដោយឡែក សម្រាប់ប្រាក់ឧបត្ថម្ភសិក្សា គឺចំនួន ៦០ដុល្លារ ឯចំពោះពេលវេលាសិក្សា រៀនចាប់ពីថ្ងៃចន្ទ ដល់ថ្ងៃព្រហស្បតិ៍ វេលាម៉ោង ៥:៣០នាទីល្ងាច ដល់ម៉ោង ៧:៣០នាទីយប់ រៀងរាល់សប្តាហ៍ (សុរប ៣០ម៉ោង) ។

ទន្ទឹមនឹងការផ្តល់ឱកាសសម្រាប់សិក្ខាកាម ២០រូបនេះ គណៈកម្មការបណ្តុះបណ្តាល បញ្ជាក់ដែរថា ចំពោះអតីតសិក្ខាកាមជំនាន់ទី ៣៤ និង ៣៥ ដែលមានបំណងបន្ត ឬបំពេញបន្ថែមជំនាញនេះ គឺត្រូវបានលើកទឹកចិត្ត និងផ្តល់អទិភាពជូន។

សម្រាប់អ្នកដែលមានបំណងចង់ដាក់ពាក្យសិក្សា អាចស្វែងរកដាក់ពាក្យនៅទីស្នាក់ការសមាគមអ្នកនិពន្ធខ្មែរ ដែលស្ថិតក្នុងបរិវេណវត្តបទុមវតីបាន ឬអាចផ្ញើតាមរយៈ​អុីម៉ែលសមាគម khmerwriterkwa@gmail.com ឬ ទំនាក់ទំនងទៅកាន់ ០១៦ ៧៤០ ៦៥៩ (Telegram) ០៩២/០៨៦ ៧៨៨ ៩៩០ (Telegram) ៕

The post សមាគមអ្នកនិពន្ធខ្មែរ ប្រកាសបើកវគ្គសិក្សាជំនាញ “សរសេរអត្ថបទភាពយន្ត” កំណត់យកសិក្ខាកាមត្រឹម ២០រូប appeared first on Kampuchea Thmey Daily.