វណ្ណា ស័ក្តិ ប្រាប់មូលហេតុចេញពីផលិតកម្មចាស់ ចូលទ្រនំថ្មី ខណៈត្រៀមនាំកូនស្រីទៅជាមួយដែរ

Sorn Phanith — Thu, 09 Sep 2021 08:25:33 +0000

ទស្សនិកជន ពិតជាបានស្គាល់គ្រប់គ្នាហើយ នូវតារាចម្រៀងសំនៀងមនោសញ្ចេតនាលោក វណ្ណា ស័ក្តិ ដែលត្រូវជាកូនប្រុសបង្កើតរបស់លោក យាយ ណយ សំណាង វីរសិល្បករផ្នែកកំប្លែង និងអាយ៉ៃ។

លោក វណ្ណា ស័ក្តិ កន្លងមក គឺជាតារាចម្រៀងដែលទទួលបានការគាំទ្រ និងប្រជាប្រិយភាពច្រើន ដោយមិនចាញ់តារាចម្រៀងរួមជំនាន់ឡើយ។ មិនតែប៉ុណ្ណោះ លោកក៏បានបញ្ចេញស្នាដៃបទចម្រៀងល្បីៗមួយចំនួន គ្រាឈរឈ្មោះប្រចាំផលិតកម្មអ៊ឹម(M)។ ប៉ុន្តែក្រោយមកអាជីពសិល្បៈ លោក វណ្ណា ស័ក្តិ ហាក់ស្ងប់ស្ងាត់ទៅវិញ ក្រោយលេចឮដំណឹងចាក់ចេញពីទ្រនំចាស់(ផលិតកម្ម)។ ម្យ៉ាងទៀតថ្មីៗនេះ ក៏មានការលើកឡើងថា វណ្ណា ស័ក្តិ បានហក់ចូលផលិតកម្មថ្មី ដោយមានស្នាដៃបទចម្រៀងចេញជាបន្តបន្ទាប់ផងដែរ។

ជុំវិញព័ត៌មាននេះដែរ សាមីខ្លួនលោក វណ្ណា ស័ក្តិ បានថ្លែងប្រាប់ឲ្យដឹងថា ជាការពិតបច្ចុប្បន្នលោកបានចាកចេញពីផលិតកម្មអ៊ឹមហើយ ដោយពេលនេះ មានវត្តមានថ្មីនៅផលិតកម្មHB។លោកបញ្ជាក់ថា ការចាកចេញពីទ្រនំចាស់អ៊ឹម គឺពុំមានបញ្ហាអ្វីទេ ព្រោះចប់កុងត្រា(កិច្ចសន្យា)។

លោក វណ្ណា ស័ក្តិ និយាយបន្តទៀតថា ការបង្ហាញវត្តមាននៅក្នុងផលិតកម្មថ្មីនេះ លោកបានចេញចម្រៀង៣បទហើយ ខណៈក៏មានបទថ្មីត្រៀមចេញបន្តបន្ទាប់ នាពេលខាងមុខ។ដោយឡែក ទាក់ទងការសួរនាំរឿងនាំកូនស្រីចូលច្រៀង នៅផលិតកម្មជាមួយ ត្រូវបានលោកបញ្ជាក់ដោយខ្លីថា កំពុងចរចាជាមួយថៅកែផលិតកម្ម៕

អត្ថបទ៖ ចាន់រ៉ា

The post វណ្ណា ស័ក្តិ ប្រាប់មូលហេតុចេញពីផលិតកម្មចាស់ ចូលទ្រនំថ្មី ខណៈត្រៀមនាំកូនស្រីទៅជាមួយដែរ appeared first on Kampuchea Thmey Daily.

វណ្ណា ស័ក្តិ ថ្លែងអំណរគុណសម្ដេចតេជោ និងក្រុមគ្រូពេទ្យដែលព្យាបាលម្ដាយ និងខ្លួនបានជាសះស្បើយពីជំងឺកូវីដ-១៩

Sokhom Khon — Mon, 31 May 2021 02:08:16 +0000

ជាការពិត តារាជើងចាស់លោកយាយ ណយ សំណាង និងកូនប្រុសគឺលោក វណ្ណា ស័ក្តិ បានប្រកាសជាសះស្បើយពីជំងឺកូវីដ-១៩ហើយ ខណៈក្រុមគ្រូពេទ្យក៏អនុញ្ញាតឲ្យវិលត្រឡប់ទៅផ្ទះវិញ តែបន្តធ្វើចត្តាឡីស័ក១៤ថ្ងៃទៀត។

តារាចម្រៀងលោក វណ្ណា ស័ក្តិ គេសង្កេតឃើញគ្រាន់តែដឹងថា អ្នកម្តាយជាសះស្បើយពីកូវីដ ហើយត្រូវបានអនុញ្ញាតឲ្យវិលត្រឡប់ទៅផ្ទះវិញទាំង២នាក់ម្តាយកូននោះ លោកបានបង្ហាញអារម្មណ៍ត្រេកអរ និងរំភើបខ្លាំង។ មិនតែប៉ុណ្ណោះលោកក៏បានថ្លែងពាក្យទាំងនេះទៅកានមហាជន ក្រុមគ្រូពេទ្យនិងប្រមុខរាជរដ្ឋាភិបាលផងដែរ។

លោក វណ្ណា ស័ក្តិ បានលើកឡើងដូច្នេះថា លោកនិងអ្នកម្តាយ ពិតជាអរគុណដល់បងប្អូនពូមីងពុកម៉ែតាយាយដែលតែងតែជូនពរដល់លោក និងម៉ែឆាប់ជាសះស្បើយ ហើយឆាប់បានត្រឡប់ទៅផ្ទះវិញអរគុណខ្លាំងណាស់។ «ខ្ញុំបាទក៏សូមអរគុណដល់ប្រមុខរាជរដ្ឋាភិបាល ដែលមានសម្តេចពុកជាប្រមុខថ្នាក់ដឹកនាំកំពូល ដែលលោកតែងតែគិតគូរដល់ប្រជាជនទូទាំងប្រទេសយ៉ាងមមាញឹក និងយកចិត្តទុកដាក់បំផុត រួមទាំងបងប្អូនពូមីងពុកម៉ែ ដែលកំពុងតែសម្រាកព្យាបាលជំងឺកូវីដ-១៩នៅគ្រប់មន្ទីរពេទ្យតូចធំនៅក្រុងភ្នំពេញ និងតាមបណ្តាខេត្តផ្សេងៗទៀតផង»។

លោក វណ្ណា ស័ក្តិ បន្ថែមទៀតថា លោកក៏អរគុណដល់ថ្នាក់ដឹកនាំមន្ទីរពេទ្យ”មិត្តភាពខ្មែរសូវៀត”និងក្រុមគ្រូពេទ្យប្រចាំនៅមន្ទីរពេទ្យ”មិត្តភាពខ្មែរសូវៀត” ដែលពួកគាត់តែងតែយកចិត្តទុកដាក់មើលថែព្យាបាលអ្នកជំងឺយ៉ាងញាប់ដៃញាប់ជើង មិនគិតពីការហត់នឿយឡើយរួមទាំងម្តាយរបស់លោក និងរូបលោកបានយ៉ាងល្អណាស់៕

អត្ថបទ ៖ ចាន់រ៉ា

The post វណ្ណា ស័ក្តិ ថ្លែងអំណរគុណសម្ដេចតេជោ និងក្រុមគ្រូពេទ្យដែលព្យាបាលម្ដាយ និងខ្លួនបានជាសះស្បើយពីជំងឺកូវីដ-១៩ appeared first on Kampuchea Thmey Daily.

វណ្ណា ស័ក្តិ Archives - Kampuchea Thmey Daily

វណ្ណា ស័ក្តិ ប្រាប់មូលហេតុចេញពីផលិតកម្មចាស់ ចូលទ្រនំថ្មី ខណៈត្រៀមនាំកូនស្រីទៅជាមួយដែរ