ជីវិតកម្សាន្ដ

វណ្ណា ស័ក្តិ ប្រាប់មូលហេតុចេញពីផលិតកម្មចាស់ ចូលទ្រនំថ្មី ខណៈត្រៀមនាំកូនស្រីទៅជាមួយដែរ

បានផុស

៥ years មុន

នៅ

ថ្ងៃព្រហស្បតិ៍ ៩ កញ្ញា ២០២១

ដោយ

ទស្សនិកជន ពិតជាបានស្គាល់គ្រប់គ្នាហើយ នូវតារាចម្រៀងសំនៀងមនោសញ្ចេតនាលោក វណ្ណា ស័ក្តិ ដែលត្រូវជាកូនប្រុសបង្កើតរបស់លោក យាយ ណយ សំណាង វីរសិល្បករផ្នែកកំប្លែង និងអាយ៉ៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វណ្ណា ស័ក្តិ កន្លងមក គឺជាតារាចម្រៀងដែលទទួលបានការគាំទ្រ និងប្រជាប្រិយភាពច្រើន ដោយមិនចាញ់តារាចម្រៀងរួមជំនាន់ឡើយ។ មិនតែប៉ុណ្ណោះ លោកក៏បានបញ្ចេញស្នាដៃបទចម្រៀងល្បីៗមួយចំនួន គ្រាឈរឈ្មោះប្រចាំផលិតកម្មអ៊ឹម(M)។ ប៉ុន្តែក្រោយមកអាជីពសិល្បៈ លោក វណ្ណា ស័ក្តិ ហាក់ស្ងប់ស្ងាត់ទៅវិញ ក្រោយលេចឮដំណឹងចាក់ចេញពីទ្រនំចាស់(ផលិតកម្ម)។ ម្យ៉ាងទៀតថ្មីៗនេះ ក៏មានការលើកឡើងថា វណ្ណា ស័ក្តិ បានហក់ចូលផលិតកម្មថ្មី ដោយមានស្នាដៃបទចម្រៀងចេញជាបន្តបន្ទាប់ផងដែរ។

ជុំវិញព័ត៌មាននេះដែរ សាមីខ្លួនលោក វណ្ណា ស័ក្តិ បានថ្លែងប្រាប់ឲ្យដឹងថា ជាការពិតបច្ចុប្បន្នលោកបានចាកចេញពីផលិតកម្មអ៊ឹមហើយ ដោយពេលនេះ មានវត្តមានថ្មីនៅផលិតកម្មHB។លោកបញ្ជាក់ថា ការចាកចេញពីទ្រនំចាស់អ៊ឹម គឺពុំមានបញ្ហាអ្វីទេ ព្រោះចប់កុងត្រា(កិច្ចសន្យា)។

លោក វណ្ណា ស័ក្តិ និយាយបន្តទៀតថា ការបង្ហាញវត្តមាននៅក្នុងផលិតកម្មថ្មីនេះ លោកបានចេញចម្រៀង៣បទហើយ ខណៈក៏មានបទថ្មីត្រៀមចេញបន្តបន្ទាប់ នាពេលខាងមុខ។ដោយឡែក ទាក់ទងការសួរនាំរឿងនាំកូនស្រីចូលច្រៀង នៅផលិតកម្មជាមួយ ត្រូវបានលោកបញ្ជាក់ដោយខ្លីថា កំពុងចរចាជាមួយថៅកែផលិតកម្ម៕