វត្តច្បារអំពៅ Archives - Kampuchea Thmey Daily

អាជ្ញាធរសង្កាត់ច្បារអំពៅទី២ ចុះរុះរើការសង់រោងអនាធិបតេយ្យនៅច្រកទ្វារចូលវត្តច្បារអំពៅ

Sokhom Khon — Mon, 10 Jun 2024 04:21:59 +0000

លោក ជូ វ៉ាន់នី សមាជិកក្រុមប្រឹក្សាសង្កាត់ច្បារអំពៅទី២ បានឲ្យដឹងថា នៅព្រឹកថ្ងៃទី១០ ខែមិថុនានេះ លោក យុិន វុធ ចៅសង្កាត់ច្បារអំពៅទី២ បានបញ្ជាឲ្យកម្លាំងគណបញ្ជាការឯកភាពសង្កាត់ចុះរុះរើរោងអានាធិបតេយ្យដែលសាងសង់លើដីសាធារណៈ។

លោក ជូ វ៉ាន់នី បានបន្តថា ទីតាំងដែលត្រូវចុះរុះរើនេះ គឺស្ថិតនៅច្រកទ្វារចូលវត្តច្បារអំពៅ ប៉ែកខាងក្រោយក្នុងភូមិសាស្ត្រសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។ លោកបន្តថា ក្រុមមនុស្សមួយចំនួនគឺពួកគាត់ដើរតែសង់រោងរស់នៅលើដីសាធារណៈដោយគ្មានការខ្លាចរអានឹងច្បាប់ឡើយ។ ហើយពួកគាត់គឺពុំមានលំនៅដ្ឋានពិតប្រាកដឡើយ។ ដោយឡែកអាជ្ញាធរក៏មិនបណ្តែតបណ្តោយឲ្យក្រុមអានាធិបតេយ្យសង់រោងរស់នៅខុសច្បាប់ឡើយ៕

អត្ថបទ៖ នរា

The post អាជ្ញាធរសង្កាត់ច្បារអំពៅទី២ ចុះរុះរើការសង់រោងអនាធិបតេយ្យនៅច្រកទ្វារចូលវត្តច្បារអំពៅ appeared first on Kampuchea Thmey Daily.

ព្រះសង្ឃវត្តច្បារអំពៅ និមន្តស្រោចទឹកដល់ប្រជាពលរដ្ឋ

អ៊ិន ពិសី — Mon, 17 Apr 2023 03:37:28 +0000

កាលពីថ្ងៃទី ១៦ ខែមេសា ដែលជាថ្ងៃបុណ្យចូលឆ្នាំប្រពៃណីខ្មែរ ថ្ងៃបង្ហើយនោះ ព្រះសង្ឃវត្តពោធិព្រះបាត ហៅវត្តច្បារអំពៅ ស្ថិតក្នុងសង្កាត់ច្បារអំពៅទី ២ ខណ្ឌច្បារអំពៅ រាជធានីភ្នំពេញ បាននិមន្តស្រោចទឹក ប្រោះព្រំដល់អ្នកធ្វើដំណើរ និងប្រជាពលរដ្ឋតាមភូមិ ដើម្បីសុំសេចក្ដីសុខ សេចក្ដីចម្រើន ចូលមានដល់កូនខ្មែរទាំងអស់។

យោងតាមប្រភពពីលោក យិន វុធ ចៅសង្កាត់ច្បារអំពៅ បានឲ្យដឹងថា នេះជាទំនៀមទម្លាប់របស់ព្រះសង្ឃគង់នៅវត្តពោធិព្រះបាត ហៅ វត្តច្បារអំពៅ ដែលតែងប្រារព្ធធ្វើឡើងជារៀងរាល់ឆ្នាំមិនដែលខកខានឡើយ លើកលែងតែក្នុងអំឡុងឆ្នាំ ២០២១ ឆ្នាំ ២០២២ ជំងឺកូវីដ-១៩ កំពុងរាតត្បាតខ្លាំង។

លោកចៅសង្កាត់ បានបញ្ជាក់ថា ចំពោះទំនៀមទម្លាប់របស់ព្រះសង្ឃ ធ្វើឲ្យប្រជាពលរដ្ឋជួបតែនឹងសេចក្ដីសុខ សេចក្ដីចម្រើន ជារៀងរហូតមក៕

អត្ថបទ ៖ នរា

The post ព្រះសង្ឃវត្តច្បារអំពៅ និមន្តស្រោចទឹកដល់ប្រជាពលរដ្ឋ appeared first on Kampuchea Thmey Daily.