អ្នកសាធារណរដ្ឋចំនួន១០រូប បានងាកទៅគាំទ្រគណបក្សប្រជាធិបតេយ្យដើម្បីចោទប្រកាន់ប្រធានាធិបតីជាមួយសំឡេងឆ្នោត ២៣២ទល់នឹង១៩៧ ។

លោកគឺជាប្រធានាធិបតីទីមួយក្នុងប្រវត្តិសាស្ត្រអាមេរិក ដែលត្រូវបានប្តឹងចោទប្រកាន់ចំនួនពីរដងឬត្រូវបានចោទប្រកាន់ពីបទឧក្រិដ្ឋ ដោយសភា។

ពេលនេះ លោក Trump នឹងត្រូវប្រឈមមុខនឹងការកាត់ក្តីមួយនៅក្នុងព្រឹទ្ធសភា។ ប្រសិនបើលោកត្រូវបានផ្តន្ទាទោសមែននោះ លោកអាចប្រឈមមុខនឹងការហាមឃាត់មិនឲ្យកាន់តំណែងជាថ្មីម្តងទៀត។

ប៉ុន្តែលោកនឹងមិនចាំបាច់លាឈប់ពីសេតវិមាន មុនអាណត្តិត្រូវបញ្ចប់ក្នុងរយៈពេលមួយសប្តាហ៍ទៀតនោះទេ ព្រោះព្រឹទ្ធសភានឹងមិនកោះប្រជុំឡើងវិញទាន់ពេលឡើយ។

លោក Trump នឹងត្រូវចុះចេញពីតំណែងនៅថ្ងៃទី២០ខែមករា បន្ទាប់ពីបរាជ័យក្នុងការបោះឆ្នោតកាលពីខែវិច្ឆិកាក្រោមស្នាដៃរបស់លោក Joe Biden។

លោកប្រធានាធិបតី ត្រូវបានសភាចោទប្រកាន់ពីបទញុះញង់ឲ្យមានចលាចលនៅវិមានកាពីតូល ជាមួយនឹងសុន្ទរកថាថ្ងៃ៦ខែមករារបស់លោកទៅកាន់បាតុកម្ម នៅខាងក្រៅសេតវិមាន។

លោកបានជំរុញឲ្យអ្នកគាំទ្ររបស់លោក ធ្វើដោយសន្តិវិធីនិងប្រកបដោយភាពស្នេហាជាតិប៉ុន្តែក៏ជំរុញឲ្យប្រយុទ្ធខ្លាំងក្លា ប្រឆាំងនឹងការបោះឆ្នោតមួយដែលលោកនិយាយទាំងមិនពិតថា ត្រូវបានគេលួចបន្លំផងដែរ។

បន្ទាប់ពីការលើកឡើងរបស់លោក Trump, អ្នកគាំទ្ររបស់លោកបានចូលអុកឡុកវិមានកាពីតូល ដោយបង្ខំឲ្យសមាជិកសភាផ្អាកការបញ្ជាក់លទ្ធផលនៃការបោះឆ្នោត និងរត់រកកន្លែងសុវត្ថិភាព។ អគារនេះត្រូវបានបិទ ហើយមនុស្ស៥នាក់បានស្លាប់៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ អាមេរិកបើកការស៊ើបអង្កេតពាក់ព័ន្ធអំពើភេរវកម្មក្នុងប្រទេស២៥ករណី បន្ទាប់ពីកុបកម្មនៅវិមាន កាពីតូល

The post Trump ក្លាយជាប្រធានាធិបតីទី១ក្នុងប្រវត្តិសាស្រ្តអាមេរិក ដែលត្រូវប្តឹងចោទប្រកាន់ពីរដង appeared first on Kampuchea Thmey Daily.

ក្រសួងយុត្តិធម៌ក៏បាននិយាយផងដែរថា បុរសពីរនាក់ទៀតត្រូវបានចាប់ខ្លួនពាក់ព័ន្ធនឹងកុបកម្មនោះ។

លោក Jason Crow សមាជិកគណៈកម្មាធិការសេវាប្រដាប់អាវុធតំណាងរាស្ត្របាននិយាយថា លោក McCarthy បានប្រាប់គាត់ថា មន្ទីរបញ្ចកោណដឹងអំពីការគំរាមកំហែងដែលអាចកើតមានបន្ថែមទៀត ដែលបង្កឡើងដោយក្រុមភេរវករក្នុងរយៈពេលប៉ុន្មានថ្ងៃខាងមុខ និងនៅថ្ងៃនៃការស្បថចូលកាន់តំណែង របស់ប្រធានាធិបតីជាប់ឆ្នោតលោក Joe Biden នៅថ្ងៃទី២០ខែមករា។

លោក Crow បាននិយាយនៅក្នុងសេចក្តីសង្ខេបជាមួយលោក McCarthy ថា “កាំភ្លើងវែង, គ្រាប់បែក Molotov, ឧបករណ៍ផ្ទុះនិងខ្សែរឺតត្រូវបានរកឃើញ ដែលនេះបង្ហាញថា គ្រោះមហន្តរាយកាន់តែធំត្រូវបានជៀសផុត”។

លោក McCarthy បានធានាចំពោះគាត់ថា មន្ទីរបញ្ចកោណកំពុងធ្វើការជាមួយមន្ត្រីអនុវត្តច្បាប់ក្នុងតំបន់និងសហព័ន្ធ ដើម្បីសម្របសម្រួលការត្រៀមលក្ខណៈផ្នែកសន្តិសុខ បន្ទាប់ពីអ្វីដែលគាត់បានពិពណ៌នាថាជា ការខ្វះចន្លោះផ្នែកសន្តិសុខមុនកុបកម្មថ្ងៃ៣ខែមករា។

សមាជិកព្រឹទ្ធសភាអាមេរិកគណបក្សសាធារណរដ្ឋម្នាក់ទៀត បានអំពាវនាវកាលពីថ្ងៃអាទិត្យ ឲ្យលោក Trump លាលែងពីតំណែងដោយនិយាយថា ប្រធានាធិបតីផុតអាណត្តិរូបនេះអាចប្រឈមនឹងការទទួលខុសត្រូវខាងព្រហ្មទណ្ឌ បន្ទាប់ពីការអុកឡុកវិមានកាពីតូលដោយអ្នកគាំទ្ររបស់លោក ភ្លាមៗបន្ទាប់ពីលោកបានជំទាស់នឹងលទ្ធផលនៃការបោះឆ្នោតថ្ងៃទី៣ខែវិច្ឆិកាហើយបានដាស់តឿនពួកគេឲ្យប្រយុទ្ធ។

មនុស្សចំនួន៥នាក់បានស្លាប់ក្នុងការវាយប្រហារនោះ រួមទាំងមន្រ្តីប៉ូលិសម្នាក់ផងដែរ។ មន្រ្តីប៉ូលិសទី២ដែលឆ្លើយតបនឹងការវាយប្រហារនេះ ក្រោយមកបានស្លាប់ប៉ុន្តែមូលហេតុមិនទាន់ត្រូវបានគេបញ្ចេញជាផ្លូវការទេ៕

ប្រែសម្រួលដោយ៖ Vann Vann

ប្រភព៖ CNA

The post អាមេរិកបើកការស៊ើបអង្កេតពាក់ព័ន្ធអំពើភេរវកម្មក្នុងប្រទេស២៥ករណី បន្ទាប់ពីកុបកម្មនៅវិមាន កាពីតូល appeared first on Kampuchea Thmey Daily.

ដោយដកស្រង់សម្តីមន្ត្រីម្នាក់នៅគណៈកម្មាធិការជាតិគណបក្សសាធារណរដ្ឋ កាសែត New York Times បានរាយការណ៍ថា គ្រាប់បែកបំពង់ហើយត្រូវបានបំផ្លាញដោយជោគជ័យដោយក្រុមដោះគ្រាប់បែក។

កាសែតនេះបានរាយការណ៍ថា គ្រាប់បែកនេះត្រូវបានគេរកឃើញនៅទីស្នាក់ការកណ្តាលរបស់គណៈកម្មាធិការជាតិគណបក្សសាធារណរដ្ឋ (RMC) ក្នុងទីក្រុងវ៉ាស៊ីនតោនហើយមនុស្សក្នុងទីស្នាក់ការកណ្តាលរបស់គណៈកម្មាធិការជាតិគណបក្សប្រជាធិបតេយ្យ (DMC) ដែលនៅក្បែរនោះ ត្រូវបានជម្លៀសចេញ។

RNC និង DMC សុទ្ធតែមានទីស្នាក់ការកណ្តាលនៅតាមដងផ្លូវជិតវិមាន Capitol អាមេរិកដែលត្រូវបានវាយប្រហារដោយហ្វូងអ្នកគាំទ្រលោក Trump។ ពួកគេបានស្រែកតវ៉ាដោយគ្មានភស្តុតាងអំពីការលួចបន្លំសន្លឹកឆ្នោតកាលពីថ្ងៃពុធទី៦ខែមករា។

ទូរទស្សន៍ NBC បានរាយការណ៍ថា ឧបករណ៍នោះគឺពិតមែនហើយត្រូវបានបំផ្ទុះដោយក្រុមដោះគ្រាប់បែកប៉ុន្តែមិនបង្កគ្រោះថ្នាក់ដល់នរណាម្នាក់ឡើយ។

គួរបញ្ជាក់ថា អ្នកគាំទ្រហិង្សារបស់លោកប្រធានាធិបតី Donald Trump បានសម្រុកចូលវិមាន Capitol ក្នុងទីក្រុងវ៉ាស៊ីនតោនខណៈសមាជិកសភាបានជួបគ្នាដើម្បីបញ្ជាក់ពីជ័យជម្នះនៃការបោះឆ្នោតរបស់ប្រធានាធិបតីជាប់ឆ្នោតលោក Joe Biden។

សម័យប្រជុំសភាត្រូវបានផ្អាកនិងបង្ខំឲ្យលើកទៅពេលក្រោយ។

មានរបាយការណ៍អំពីការបាញ់កាំភ្លើងនៅក្នុងអគារហើយមនុស្សម្នាក់បានស្លាប់ខណៈប៉ូលិសជាច្រើននាក់បានរងរបួស៕

ប្រែសម្រួលដោយ៖ Vann Vann

ប្រភព៖ Daily Star

The post រកឃើញគ្រាប់បែកដែលត្រៀមបំផ្ទុះអំឡុងកុបកម្មនៅវិមាន Capitol​ អាមេរិក appeared first on Kampuchea Thmey Daily.