ថវិកាមួយចំនួន ត្រូវ​បានទៅផ្តល់ជា​ជំនួយហិរញ្ញវត្ថុសម្រាប់ការអប់រំរបស់សិស្សចំនួន ២១,១ លាន​នាក់​ ​ដែល​មក​ពី​គ្រួសារ​មាន​ប្រាក់ចំណូល​ទាប​ ខណៈ​មួយ​ចំនួន​ត្រូវ​បាន​ដាក់​បញ្ជូល​ទៅក្នុង​កម្មវិធី​ជួយ​និស្សិត​សាកលវិទ្យាល័យ​ និង​ជា​ប្រាក់​ឧបត្ថម្ភ​សម្រាប់​គ្រូ ​និង​សាស្ត្រាចារ្យ​សាកលវិទ្យាល័យ ​ដែល​មិន​មែន​ជា​មន្ត្រី​រាជការ។

លោក Suahasil បាន​និយាយ​កាល​ពី​ចុង​សប្ដាហ៍​ថា​៖ «​ការ​ប្រើ​ប្រាស់​ថវិការដ្ឋ​មួយ​ចំំណែក​សម្រាប់ការអប់រំ គឺជាផ្នែកមួយនៃការវិនិយោគសាធារណៈ ពីព្រោះវាគាំទ្រដល់ការប្រកួតប្រជែង [របស់ឥណ្ឌូណេ​ស៊ី]»។ ​

ក្រៅតែ​ពី​ការ​ជួយ​សិស្សក្រីក្រ និស្សិត​ ក៏ដូចជា​គ្រូសាស្រ្តាចារ្យ ថវិកា​របស់​រដ្ឋាភិបាល​ក៏​ត្រូវ​បាន​ប្រើ​ប្រាស់​ដើម្បី​រៀបចំ​ ឬកែលម្អសាលារៀន ក៏ដូចជា​បរិក្ខារពាក់ព័ន្ធ​ផ្សេង​ៗ​​ផងដែរ​។

កន្លង​មក ប្រធានាធិបតីឥណ្ឌូណេស៊ី​ លោក​ ប្រាបូវូ ស៊ូប៊ីយ៉ានតូ បាន​និយាយផងដែរ​ថា វិស័យអប់រំនឹងនៅតែជាអាទិភាពក្នុងការ​ចំណាយ​ថវិការបស់រដ្ឋាភិបាលសម្រាប់ឆ្នាំ ២០២៥។ លោកបានបន្ថែមថា៖ «សុខាភិបាល​ និងការអប់រំ គឺជាផ្លូវចេញពីភាពក្រីក្ររបស់យើង»។

The post រដ្ឋាភិបាលឥណ្ឌូណេស៊ី ចំណាយ​ថវិកាជាង ៣០ ប៊ីលាន លើ​វិស័យ​អប់រំ​នៅ​ឆ្នាំ​នេះ​ appeared first on Kampuchea Thmey Daily.