ព័ត៌មានអន្ដរជាតិ

រដ្ឋាភិបាលឥណ្ឌូណេស៊ី ចំណាយថវិកាជាង ៣០ ប៊ីលាន លើវិស័យអប់រំនៅឆ្នាំនេះ

បានផុស

១ ខែ មុន

នៅ

ថ្ងៃចន្ទ ១៦ ធ្នូ ២០២៤

ដោយ

អនុរដ្ឋមន្ត្រីក្រសួងហិរញ្ញវត្ថុឥណ្ឌូណេស៊ី លោក Suahasil Nazara បានឱ្យដឹងថា រដ្ឋាភិបាលឥណ្ឌូណេស៊ីបានចំណាយថវិកាប្រហែល ៥០៤ ទ្រីលានរូពៀ (ប្រហែល ៣១,៤ ប៊ីលានដុល្លារអាមេរិក) លើវិស័យអប់រំ នៅឆ្នាំនេះគិតត្រឹមចុងខែវិច្ឆិកា។ នេះបើតាមការចុះផ្សាយរបស់ទីភ្នាក់ងារសារព័ត៌មាន Antara។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថវិកាមួយចំនួន ត្រូវបានទៅផ្តល់ជាជំនួយហិរញ្ញវត្ថុសម្រាប់ការអប់រំរបស់សិស្សចំនួន ២១,១ លាននាក់ ដែលមកពីគ្រួសារមានប្រាក់ចំណូលទាប ខណៈមួយចំនួនត្រូវបានដាក់បញ្ជូលទៅក្នុងកម្មវិធីជួយនិស្សិតសាកលវិទ្យាល័យ និងជាប្រាក់ឧបត្ថម្ភសម្រាប់គ្រូ និងសាស្ត្រាចារ្យសាកលវិទ្យាល័យ ដែលមិនមែនជាមន្ត្រីរាជការ។

លោក Suahasil បាននិយាយកាលពីចុងសប្ដាហ៍ថា៖ «ការប្រើប្រាស់ថវិការដ្ឋមួយចំំណែកសម្រាប់ការអប់រំ គឺជាផ្នែកមួយនៃការវិនិយោគសាធារណៈ ពីព្រោះវាគាំទ្រដល់ការប្រកួតប្រជែង [របស់ឥណ្ឌូណេស៊ី]»។

ក្រៅតែពីការជួយសិស្សក្រីក្រ និស្សិត ក៏ដូចជាគ្រូសាស្រ្តាចារ្យ ថវិការបស់រដ្ឋាភិបាលក៏ត្រូវបានប្រើប្រាស់ដើម្បីរៀបចំ ឬកែលម្អសាលារៀន ក៏ដូចជាបរិក្ខារពាក់ព័ន្ធផ្សេងៗផងដែរ។

កន្លងមក ប្រធានាធិបតីឥណ្ឌូណេស៊ី លោក ប្រាបូវូ ស៊ូប៊ីយ៉ានតូ បាននិយាយផងដែរថា វិស័យអប់រំនឹងនៅតែជាអាទិភាពក្នុងការចំណាយថវិការបស់រដ្ឋាភិបាលសម្រាប់ឆ្នាំ ២០២៥។ លោកបានបន្ថែមថា៖ «សុខាភិបាល និងការអប់រំ គឺជាផ្លូវចេញពីភាពក្រីក្ររបស់យើង»។