វីជេ ដាដា ប្រកាសបញ្ចប់រឿងជាមួយលោក អ៊ិន សុភិន ក្រោយទទួលសំណង

Din Thary — Thu, 20 Jul 2023 06:24:31 +0000

ដូចប្រិយមិត្តបានដឹងហើយថា ថ្មីៗនេះ ពិធីករ វីជេ ដាដា បានទម្លាយរឿងអាស្រូវដ៏រសើប និងអាម៉ាស់ថ្មីមួយចំពោះលោក អ៉ិន សុភិន ដែលជាម្ចាស់ផលិតកម្ម មហាហង្ស ដែលជំពាក់លុយមិនព្រមសងបង្កការភ្ញាក់ការផ្អើលដល់មហាជនព្រមទាំងអ្នកប្រប្រាស់បណ្តាញសង្គមហ្វេសប៊ុក។

យ៉ាងណាមិញ បន្ទាប់ពីទម្លាយរឿងអាស្រូវលុយប្រមាណ ១ពាន់ដុល្លារ ពីសំណាក់ វីជេ ដាដា ទាមទារឱ្យលោក អ៉ិន សុភិន ធ្វើការដោះស្រាយសំណងនេះបានមួយរយៈខ្លី ទីបំផុតដំណោះស្រាយត្រូវបានបញ្ចប់ទៅវិញដោយសន្តិវិធីក្រោយពេលលោក អ៉ិន សុភិន បានទទួលដោះស្រាយលុយទៅឱ្យលោក វីជេ ដាដា។ នេះបើតាមការបញ្ជាក់ពីពិធីកររូបនេះ។

វីជេ ដាដា បញ្ជាក់ឱ្យដឹងថា “រឿងខ្ញុំជាមួយលោក អ៉ិន សុភិន គឺបានដោះស្រាយរួចហើយបងប្អូន អរគុណបងប្អូនទាំងអស់គ្នាដែបានខមិនលើកទឹកចិត្តខ្ញុំ”។

លោកបានប្រាប់ «កម្ពុជាថ្មី» ថា បញ្ហារឿងលុយកាក់ជាមួយលោក អ៉ិន សុភិន ត្រូវបានដោះស្រាយគ្នារួចរាល់ហើយបន្ទាប់ពីខាងគណនីរបស់លោក អ៉ិន សុភិន បានទាក់ទងមកដើម្បីទូទាត់សំណង។

វីជេ ដាដា បាននិយាយទៀតថា លោកក៏អគុណរាល់ការលើកទឹកចិត្តរបស់អ្នកគាំទ្រហើយលោកបញ្ជាក់ជាថ្មីថា រឿងដែលបានកើតឡើងនេះពុំមែនជាការសម្តែងទេ ដូច្នេះសូមកុំមានការយល់ច្រឡំ ព្រោះនេះជារឿងដែលប៉ះពាល់ដល់កិត្តិយសរបស់គេ។ សម្រាប់វីដេអូចេញកាលពីមុន លោកបានលុបចោលផងដែរ ដើម្បីកុំឱ្យមានការយល់ច្រឡំគ្នាបន្តទៀត ខណៈលោក អ៊ិន សុភិន បានទូទាត់លុយរួចរាល់អស់ហើយ៕

អត្ថបទ៖ ចាន់រ៉ា

The post វីជេ ដាដា ប្រកាសបញ្ចប់រឿងជាមួយលោក អ៊ិន សុភិន ក្រោយទទួលសំណង appeared first on Kampuchea Thmey Daily.

វីជេ ដាដា ប្រកាសឱ្យថៅកែមហាហង្សលោក អ៊ិន សុភិន ចូលខ្លួនដោះស្រាយរឿងបំណុល

Din Thary — Mon, 17 Jul 2023 08:52:54 +0000

រឿងរ៉ាវអាស្រូវដ៏រសើប និងអាម៉ាស់ថ្មីមួយទៀតហើយ ដែលកំពុងកើតឡើងចំពោះលោក អ៉ិន សុភិន ម្ចាស់ផលិតកម្ម មហាហង្ស ខណៈសុខៗស្រាប់តែត្រូវបានពិធីករប្រុសល្បីឈ្មោះលោក វីជេ ដាដា ចេញមុខទម្លាយយ៉ាងភ្ញាក់ផ្អើលនូវរឿងរ៉ាវជួលធ្វើការមិនទាន់បើកលុយឱ្យ។

ខ្លឹមសារយ៉ាងក្ដៅគគុកដែលពិធីករប្រុសសង្ហាលោក វីជេ ដាដា បង្ហោះភ្ជាប់ជាមួយឃ្លីបវីដេអូដំបូងបានបញ្ជាក់ថា ផ្ញើជូនលោក អ៉ិន សុភិន ចូលខ្លួនដោះស្រាយរឿងលុយរបស់ខ្លួន។ លោក ដាដា ថា បន្ទាប់ពីលោកចេញវីដេអូនេះទៅ សង្ឃឹមលោក អ៉ិន សុភិន ចេញមុខដោះស្រាយរឿងលុយរបស់ខ្លួនប្រមាណ ១ពាន់ដុល្លារ ដែលជំពាក់តាំងពីដើមខែមេសា ឆ្នាំ២០២៣ មកដល់ពេលនេះ នៅពុំទាន់មានដំណោះស្រាយ។

លោកបន្តថា នេះជាសារមួយដើម្បីផ្ញើជូនរម្លឹកទៅកាន់លោក អ៉ិន សុភិន ព្រោះលោកធ្លាប់លេងខូចគេច្រើនហើយសម្រាប់អ្នកស្ថិតនៅក្នុងចង្កោមសិល្បៈ (ដូចជាករណីធ្វើការអត់បើកលុយឲ្យគេ) ប៉ុន្តែលោកមិននិយាយសំដៅទៅលើអ្នកសិល្បៈផ្សេងទេ គឺសុំនិយាយត្រឹមតែរឿងរូបលោកដោយផ្ទាល់ប៉ុណ្ណោះ។ ម្យ៉ាងវិញទៀត លោក អ៉ិន សុភិន ត្រូវបានគេដឹងហើយថា លោក គឺជាចាងហ្វាងផលិតកម្ម មហាហង្ស ហើយពីមុនមកក៏ធ្លាប់ជាអ្នកគ្រប់គ្រងកម្មវិធី «Miss Grand Cambodia» និងធ្វើកម្មវិធីច្រើនទៀត ដូច្នេះថាតើលុយទៅណាអស់។

លោក វីជេ ដាដា បញ្ជាក់ថា “ខ្ញុំនិយាយនេះគឺជាសារមួយជូនទៅលោក អ៉ិន សុភិន ចូលខ្លួនមកដោះស្រាយលុយខ្ញុំផង ព្រោះពេលវេលា ៣-៤ខែ ខ្ញុំតេទៅតាមរយ:ឆាតអត់លើក ខ្ញុំផ្ញើសារទៅអត់មើល ខ្ញុំខមិន មិនតប ខ្ញុំតេតាមលេខទូរស័ព្ទមិនទទួល វាច្រើនដង ហើយក៏យូរដែរ ពោលចាប់តាំងពីថ្ងៃទី២ ខែមេសា រហូតខ្ញុំចេញវីដេអូនេះ។ អញ្ចឹងហើយលោក អ៉ិន សុភិន គួរតែភ្ញាក់ខ្លួនហើយថាគួរធ្វើ អ្វី…..? ព្រោះដំណឹងខ្ញុំក៏បានជូនហើយដែរ ហើយវីដេអូក៏កំពុងចេញដែរ ដូច្នេះមិនមែនថាខ្ញុំមិនទុកពេលឱ្យទេតែលោក សុភិន ទៅវិញទេដែលជាមនុស្សធ្វើការហើយបោះបង់គេចោល”។

លោក ដាដា បានបន្តថា មានអ្នកសិល្បៈច្រើនហើយរងគ្រោះដែលធ្វើការជាមួយ ប៉ុន្តែត្រូវបានលោក អ៉ិន សុភិន មិនបើកលុយឱ្យគេ។ លោកថា មិនចង់ចេញវីដេអូនេះទេ ព្រោះមិនចង់ឱ្យផ្ទុះនៅក្នុងសង្គមហ្វេសប៊ុក តែមកពីលោក អ៉ិន សុភិន ខ្លួនឯងដែលបង្ខំលោកឱ្យចេញវីដេអូបែបនេះ។

វីជេ ដាដា ផ្តាំផ្ញើបន្ថែមថា «លោក អ៉ិន សុភិន គួរតែដឹងខ្លួន កុំឱ្យថ្ងៃក្រោយ ខ្ញុំជួបតាមទីសាធារណៈ តាមផ្លូវ ឬតាមផ្សាអី កុំឱ្យខ្ញុំតាមទារលុយនៅមុខគេហើយមកថាខ្ញុំមិនទុកមុខ ទុកមាត់ឱ្យសោះ ព្រោះខ្ញុំទៅធ្វើពិធីករឱ្យតាំងពីថ្ងៃទី០២ មេសា នៅក្នុងកម្មវិធីប្រឡងវិស័យ Miss and Mister Supranational Cambodia»។

ជុំវិញរឿងអាស្រូវដ៏រសើបខាងលើនេះ លោក អ៉ិន សុភិន ដែលជាថៅកែផលិតកម្មមហាហង្ស រហូតមកដល់ពេលនេះ មិនទាន់ឃើញមានប្រតិកម្មឆ្លើយតបណាមួយនៅឡើយទេ។ កម្ពុជាថ្មី នៅព្រឹកថ្ងៃទី១៧ ខែកក្កដា ឆ្នាំ២០២៣នេះ ក៏មិនទាន់អាចស្វែងរកការបកស្រាយពាក់ព័ន្ធរឿងរ៉ាវខាងលើនេះដែរ៕

អត្ថបទ ៖ ចាន់រ៉ា

The post វីជេ ដាដា ប្រកាសឱ្យថៅកែមហាហង្សលោក អ៊ិន សុភិន ចូលខ្លួនដោះស្រាយរឿងបំណុល appeared first on Kampuchea Thmey Daily.

វីជេ ដាដា Archives - Kampuchea Thmey Daily

វីជេ ដាដា ប្រកាសបញ្ចប់រឿងជាមួយលោក អ៊ិន សុភិន ក្រោយទទួលសំណង

វីជេ ដាដា ប្រកាសឱ្យថៅកែមហាហង្សលោក អ៊ិន សុភិន ចូលខ្លួនដោះស្រាយរឿងបំណុល