តាមរយៈ​ទិដ្ឋភាព​ជាក់ស្តែង​ដែល​ផ្តល់​ដោយ​ព័​ត៌​មាន​មួយចំនួន​ដែល​បាន​ចុះទៅ​Live​ផ្ទាល់​នៅក្បែរ​ចំ ណុ​ច​ទីតាំង​ផ្ទះ​លោក ហួរ ឡា​វី​ គឺ​គេ​សង្កេតឃើញ​លោកគ្រូ ហួរ ឡាវី បានឈរនៅមុខ​ផ្ទះ​ជាមួយនឹង​កូនចៅ​រង់ចាំ​ទទួល​ធាតុ​ភរិយា​ដោយ​មើលទៅ​ពិតជា​សោកសង្រេង​ខ្លាំងណាស់​។​

ស្រប​ពេលដែល​ធាតុ​ភរិយា​លោកគ្រូ ហួរ ឡា​វី ត្រូវបាន​បញ្ជូន​ដល់​គេហដ្ឋាន​នៅ​រសៀល​ថ្ងៃនេះ​ដែរ​គឺ​គេបានឮ​សម្រែក​ទ្រហោយំ​ពេញមុខ​ផ្ទះ​តែម្ដង​។ ​ខណៈកូនស្រី​ម្នាក់ទៀត​ដែល​មិន​ឆ្លង​កូ​វីដ​-១៩​បាន​ត្រឹម​អង្គុយ​យំ​នៅមុខ​ផ្ទះ​ដោយ​មិនអាច​ចូល​ទទួល​ធាតុ​ម្តាយ​បានឡើយ​ព្រោះ​លោកគ្រូ ហួរ ឡា​វី និង​សមាជិក​ក្នុងផ្ទះ​ក៏​កំពុង​ធ្វើ​ច​ត្តា​ឡី​ស័ក​ផង​នោះ​។​

លោកស្រី ងឿ​ន សុថា​នី​ជនជាតិខ្មែរ​អាយុ​៦២​ឆ្នាំ​ដែល​ត្រូវជា​ភរិយា​របស់​តារាចម្រៀង​ជើងចាស់​លោក ហួរ ឡាវី និង​ជា​ម្តាយ​តារាចម្រៀង​ប្រចាំ​ផលិត កម្ម​មាសក​ញ្ញា វី ឌី​ណែ​ត​បាន​ស្លាប់​ដោយសារ​ជំងឺ​កូ​វីដ​-១៩ នៅវេលា​ម៉ោង​១១​និង​៥០​នាទី​ថ្ងៃទី​១៩ ខែមីនា​ឆ្នាំ​២០២១​បន្ទាប់ពី​ចូល​សម្រាក​ព្យាបាល បាន​ប៉ុន្មាន​ថ្ងៃ​៕

អត្ថបទ​ ៖ ចាន់​រ៉ា​

The post សង្វេគ​ណាស់ ! លោក ហួរ ឡា​វី ឈរ​ចាំ​ទទួល​ធាតុ​ភរិយា​ជាមួយ​សម្រែក​ទ្រហោយំ​ពេញមុខ​ផ្ទះ​ appeared first on Kampuchea Thmey Daily.