កាលប៉ះ​គ្នា​លើក​ទី១​

វ៉ាន់​ វឿន​ បាន​លើក​ឡើង​ក្នុង​កិច្ចសម្ភាស​កន្លង​ទៅ​ថា​ ការ​ប៉ះ​គ្នា​ជា​មួយ​ អាទិទេព​ លើក​ទី ២​នេះ​ប្រកួត​លក្ខណៈ​ហ្គង់​តូច ឬ​ធំ​ មិន​ជា​បញ្ហា​សម្រាប់​រូប​គេ​ឡើយ​ ពោល​ចេះ​វាយ​ទាំង​អស់។​ អ្នក​លេង​គុន​ខ្មែរ​រូប​នេះ​បាន​អរគុណ​ចំពោះ​ការ​បារម្ភ​របស់​អ្នក​គាំទ្រ​ ប៉ុន្តែ​មិន​ថ្វី​ទេ​សម្រាប់​ខ្លួនវាយ​ហ្គង់​អ្វី​ក៏​បាន​ដែរមិន​ចេះ​ខ្លាច​ទេ។​

កីឡាករ វ៉ាន់​ វឿន​

សិស្ស​គុន​មក​ពី​ក្លឹប​ឃ្លាំងមឿង​រូប​នេះ​បន្ថែម​ទៀត​ថា​ បន្ទាប់​ពី​ប៉ះ​គ្នា​បាន​ម្ដង​រួច​មក​អាច​ដឹង​ពី​ចំណុច​ខ្វះខាត​របស់​ខ្លួន​ និង​បាន​កែប្រែ​ផង​ដែរ​ដើម្បី​ត្រៀម​ការប្រកួត​នៅ​លើក​ទី២​ ខាង​មុខ​នេះ។​ ចំពោះ​រឿង​ថា​ ១-២​ ដៃ​បើក​លុយ​នោះ​ វ៉ាន់​ វឿន​ ថា​មិន​ងាយ​ទេ​លើក​នេះ​ អាច​ថា​រូប​គេ​មើល​ឃើញ​ពី​ចំណុច​ខ្លាំង​ និង​ចំណុច​ខ្សោយ​របស់​ អាទិទេព រួច​ហើយ​ទើប​ឆ្លើយតប​បែប​នេះ។​

អាទិទេព ពេលឈ្នះ​ វ៉ាន់​ វឿន​

បញ្ជាក់​ដែរ​ថា​ កាល​ប៉ះ​គ្នា​លើក​ទី១​ រវាង​ វ៉ាន់​ វឿន​ និង​ ពេជ្រ​ អាទិទេព​ នោះ​គឺ​នៅ​​វគ្គ​ម៉ារ៉ាតុង​ផ្ដាច់ព្រ័ត្រ​ដណ្ដើម​ខ្សែក្រវាត់​អូដ្ឋ​នៅ​សង្វៀន​បាយ័ន​ កាល​ពី​ថ្ងៃ​ទី១៤​ ខែ​មិថុនា​ ឆ្នាំ​២០២៥។​ កាល​នោះ​ វ៉ាន់​ វឿន​ ចាញ់​ពិន្ទុ​ អាទិទេព​ និង​ត្រូវ​អាជ្ញាកណ្ដាល​រាប់​ដល់​ទៅ ​២ដង​ទៀត​ផង​ក្នុង​ទឹក​ទី១។​ ជំនួប​ លើក​ទី២​ នេះ​នឹង​ធ្វើ​នៅ​ថ្ងៃ​ទី២៦​ ខែ​កក្កដា​ ឆ្នាំ​២០២៥​ នៅ​សង្វៀន​ហង្សមាស៕​

អត្ថបទដោយ៖ នួន ស៊ីណា

The post អ្នក​លេង​គុន​ខ្មែរ​ វ៉ាន់​ វឿន​ អាច​សងសឹក​ ពេជ្រ​ អាទិទេព​ បាន​ទេ​ក្នុង​ជំនួប​លើក​ទី២​នេះ​ appeared first on Kampuchea Thmey Daily.