កីឡា

អ្នកលេងគុនខ្មែរ វ៉ាន់ វឿន អាចសងសឹក ពេជ្រ អាទិទេព បានទេក្នុងជំនួបលើកទី២នេះ

បានផុស

៣ នាទីutes មុន

នៅ

ថ្ងៃពុធ ២៣ កក្កដា ២០២៥

ដោយ

អ្នកលេងគុនខ្មែរ វ៉ាន់ វឿន អាចសងសឹកកីឡាករ ពេជ្រ អាទិទេព បានទេក្នុងជំនួបលើកទី២ នៅថ្ងៃទី២៦ ខែកក្កដា ឆ្នាំ២០២៥ ខណៈការជួបគ្នាលើកមុនភ្លាត់ចាញ់របូតខ្សែក្រវាត់ ១ខ្សែ អមដោយប្រាក់រង្វាន់ ៥០លានរៀល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលប៉ះគ្នាលើកទី១

វ៉ាន់ វឿន បានលើកឡើងក្នុងកិច្ចសម្ភាសកន្លងទៅថា ការប៉ះគ្នាជាមួយ អាទិទេព លើកទី ២នេះប្រកួតលក្ខណៈហ្គង់តូច ឬធំ មិនជាបញ្ហាសម្រាប់រូបគេឡើយ ពោលចេះវាយទាំងអស់។ អ្នកលេងគុនខ្មែររូបនេះបានអរគុណចំពោះការបារម្ភរបស់អ្នកគាំទ្រ ប៉ុន្តែមិនថ្វីទេសម្រាប់ខ្លួនវាយហ្គង់អ្វីក៏បានដែរមិនចេះខ្លាចទេ។

កីឡាករ វ៉ាន់ វឿន

សិស្សគុនមកពីក្លឹបឃ្លាំងមឿងរូបនេះបន្ថែមទៀតថា បន្ទាប់ពីប៉ះគ្នាបានម្ដងរួចមកអាចដឹងពីចំណុចខ្វះខាតរបស់ខ្លួន និងបានកែប្រែផងដែរដើម្បីត្រៀមការប្រកួតនៅលើកទី២ ខាងមុខនេះ។ ចំពោះរឿងថា ១-២ ដៃបើកលុយនោះ វ៉ាន់ វឿន ថាមិនងាយទេលើកនេះ អាចថារូបគេមើលឃើញពីចំណុចខ្លាំង និងចំណុចខ្សោយរបស់ អាទិទេព រួចហើយទើបឆ្លើយតបបែបនេះ។

អាទិទេព ពេលឈ្នះ វ៉ាន់ វឿន

បញ្ជាក់ដែរថា កាលប៉ះគ្នាលើកទី១ រវាង វ៉ាន់ វឿន និង ពេជ្រ អាទិទេព នោះគឺនៅវគ្គម៉ារ៉ាតុងផ្ដាច់ព្រ័ត្រដណ្ដើមខ្សែក្រវាត់អូដ្ឋនៅសង្វៀនបាយ័ន កាលពីថ្ងៃទី១៤ ខែមិថុនា ឆ្នាំ២០២៥។ កាលនោះ វ៉ាន់ វឿន ចាញ់ពិន្ទុ អាទិទេព និងត្រូវអាជ្ញាកណ្ដាលរាប់ដល់ទៅ ២ដងទៀតផងក្នុងទឹកទី១។ ជំនួប លើកទី២ នេះនឹងធ្វើនៅថ្ងៃទី២៦ ខែកក្កដា ឆ្នាំ២០២៥ នៅសង្វៀនហង្សមាស៕

អត្ថបទដោយ៖ នួន ស៊ីណា