ទោះបីជាយ៉ាងណាបន្ទាប់ពីមានការចែករំលែក និងរិះគន់ពីសំណាក់មហាជនជុំវិញការមិនឱ្យតម្លៃសិល្បកររូបនេះ ទីបំផុតគេបានឃើញសមាជិកគណៈកម្មការរៀបចំកម្មវិធីលោកគ្រូ សៀង សន បានចេញមកបង្ហោះសារសុំទោសជំនួសដល់សិល្បកររូបនេះផងដែរ។

នៅលើគណនីហ្វេសប៊ុកលោកគ្រូ សៀង សន បានរៀបរាប់ខ្លឹមសារថា ក្នុងនាមខ្ញុំជាសមាជិកគណៈកម្មការរៀបចំកម្មវិធីសង្ក្រាន្ត និងជាអ្នកអញ្ជើញតារាចម្រៀងកិត្តិយស និងអតីតសិស្ស ដើម្បីមកចូលរួមសម្ដែងនិងផ្សព្វផ្សាយពីវឌ្ឍនភាពរបស់សាលា ពិតជាសោកស្ដាយនិងសុំអភ័យទោសពីប្អូនប្រុស Taa Zvet និងក្រុមការងាររបស់ប្អូនចំពោះរឿងដែលបានកើតឡើងជាយថាហេតុ នៅពេលដែលប្អូនកំពុងតែសម្ដែង ដែលធ្វើឱ្យប៉ះពាល់យ៉ាងធ្ងន់ដល់កិត្តិយសរបស់ប្អូន។

លោកគ្រូ សៀង សន បានបញ្ជាក់បន្ថែមថា លោកសុំការយោគយល់ និងអធ្យាស្រ័យពីប្អូនចំពោះរឿងដែលបានកើតឡើងនេះ។ សូមប្អូនទទួលយកនូវការរាប់អានដោយស្មោះ។

ដោយឡែកភ្លាមៗបន្ទាប់ពីកើតរឿងរ៉ាវនេះឡើងសាមុីខ្លួនលោក Ah Por ក៏បានចេញមកបង្ហោះសាររៀបរាប់ថា “អរគុណ លោកគ្រូនាយកសាលា និង អ្នករៀបចំកម្មវិធី ក៏ដូចជាមានប្អូនៗ ដែលស្រលាញ់ និងជាហ្វេនខ្ញុំបាទទទួលយ៉ាងកក់ក្ដៅ។ បញ្ជាក់: ​រឿងកើតជារឿងបុគ្គលតែម្នាក់អសីលធម៌បង្កឱ្យខូចកិត្តិយស និងជាក្ដីអាម៉ាស់ដល់ខ្ញុំបាទ វិ.ប.ស /សូមអរគុណ!” ៕ អត្ថបទ៖ ចាន់រ៉ា

The post អ្នករៀបចំសង្ក្រាន្តវិទ្យាល័យបរសេដ្ឋ ចេញមុខសុំទោសតារាចម្រៀងម្នាក់ រឿងដេញឱ្យឈប់ច្រៀងកណ្តាលទី appeared first on Kampuchea Thmey Daily.

មានស្ដង់ជាច្រើនរបស់សិស្សនៃថ្នាក់នីមួយៗបង្ហាញស្នាដៃរបស់ខ្លួននាថ្ងៃទី៤ ខែមេសា ស្របគ្នាជាមួយនឹងការលេងល្បែងប្រជាប្រិយ និងរាំលេងផងដែរ។

យុវតី រួម សិរីរ័ត្ន អាយុ១៥ឆ្នាំ ជាសិស្សថ្នាក់ទី១០ បានឱ្យដឹងថាសាលាតម្រូវឱ្យសិស្សានុសិស្សតាមថ្នាក់នីមួយៗ​ត្រូវច្នៃប្រឌិតអ្វីដែលជាស្នាដៃផ្ទាល់ខ្លួនដើម្បីដាក់តាំងបង្ហាញ ខណៈក្រុមរបស់សិរីរ័ត្ន នាំគ្នាច្នៃប្រេងដូងដើម្បីមកបង្ហាញ។

នៅពេលដែលកាន់តែកៀកនឹងពិធីបុណ្យចូលឆ្នាំប្រពៃណីជាតិខ្មែរឃើញមានការរៀបចំសង្ក្រាន្តនៅតាមភូមិ សាលា វិទ្យាល័យ​ជាច្រើននៅកម្ពុជាតាមវិធីសាស្ត្ររបស់អ្នករៀបចំរៀងខ្លួន។ ទោះជាយ៉ាងណាការរៀបចំ​ឱ្យសិស្សបង្ហាញនូវស្នាដៃច្នៃប្រឌិតរបស់ខ្លួន​ក្នុងឱកាសនេះបានបង្កើតឱ្យមានចាប់អារម្មណ៍មួយផងដែរ៕

The post លើសពីការធ្វើសង្ក្រាន្ត វិទ្យាល័យ ហ៊ុន សែន មណ្ឌលគិរី ឱ្យសិស្សកែច្នៃអ្វីថ្មីមកតាំងបង្ហាញ appeared first on Kampuchea Thmey Daily.

យុវតី រួម សិរីរ័ត្ន បានឱ្យភ្នាក់ងារកម្ពុជាថ្មីដឹងនៅថ្ងៃទី៤ ខែមេសា ក្នុងពិធី​សង្ក្រានវិទ្យាល័យ​ថា រូបគេចេះឆ្នៃចម្រាញ់ប្រេងដូងនេះស្របពេលដែលលោកគ្រូអ្នកគ្រូតម្រូវសិស្សានុសិស្ស តាមថ្នាក់នីមួយនីមួយត្រូវតែចេះច្នៃប្រឌិត អ្វីដែលជាស្នាដៃផ្ទាល់របស់ខ្លួន ដើម្បីដាក់តាំងបង្ហាញ នៅថ្ងៃសង្ក្រាន្តឆ្នាំនេះ។ ហើយក្រុមពួកគេបាននាំគ្នាគិត ក៏បានសម្រេចចិត្តច្នៃជាប្រេងដូងនេះឡើងដើម្បីដាក់តាំងបង្ហាញទៅដល់សិស្សានុសិស្សក៏ដូចជាលោកគ្រូអ្នកគ្រូនិងប្រជាពលរដ្ឋដែលបានចូលរួមនៃកម្មវិធីសង្ក្រាន្តនៅពេលនេះឲ្យស្គាល់ពីស្នាដៃ ថាពួកគេពិតជាអាចចម្រាញ់ប្រេងពីដូងទុំដែលអាចប្រើប្រាស់បានតាមតម្រូវការផ្សេងៗផងដែរ។

គេបន្ថែមថា ដោយការយល់ឃើញពីអាកាសធាតុនៅក្នុងខេត្តមណ្ឌលគិរីមានការខ្យល់ចុះត្រជាក់ខ្លាំងហើយ ធ្វើឲ្យស្បែកមានការស្ងួតបែកស្រការទើបនាំគ្នាសម្រេចបង្កើតចម្រាញ់ប្រេងដូងដើម្បីអាចផលិតកែច្នៃ និងសង្ឃឹមថាផ្គត់ផ្គង់នៅលើទីផ្សារនៅថ្ងៃអនាគត។

យុវតីទើបតែមានអាយុ១៥ឆ្នាំរូបនេះបានលើកឡើងថា ប្រេងដែលចម្រាញ់ពីដូងទុំនេះមានអត្ថប្រយោជន៍ច្រើនណាស់ សម្រាប់រាងកាយមនុស្សមានដូចជាយកទៅលាបស្បែក តាមដៃជើងកុំឲ្យស្ងួតបែស្រការ នឹងអាចប្រើលាបលើសក់ ធ្វើឲ្យខ្មៅរលើបរលោង។លើសពីនោះអាចថែមទាំងយកប្រើប្រាស់ដូចជា ជូត របស់របរគ្រឿងសម្ភារៈ នឹងគ្រឿងសង្ហារិមផ្សេងៗជាដើម .ល.។

ហើយការច្នៃប្រឌិតប្រេងដូងនេះឡើយបើសិនជាមានការលើកទឹកចិត្តនិងមានការគាំទ្រពីមហាជន ទៅថ្ងៃអនាគតបើសិនជាអាចមានលទ្ធភាពនិងមានឧបករណ៍គ្រប់គ្រាន់ពួកគេនឹងអាច ផលិត ដើម្បីផ្គត់ផ្គង់ទីផ្សារនៅក្នុងស្រុក

គេបញ្ជាក់ថា ទម្រាំពួកគេអាចចម្រាញ់ប្រេងដូងនេះឡើងគឺត្រូវប្រើពេលយូរដោយសារការធ្វើ តាមបែបធម្មជាតិសុទ្ធសាធមិនមានប្រើប្រាស់ឧបករណ៍ម៉ាស៊ីន អ្វីផ្សេងដើម្បីឆ្នៃនោះទេ ហើយទម្រាំបានបរិមាណប៉ុន្នេះគឺចំណាយរយៈពេលរហូតទៅដល់ពីរថ្ងៃឯណោះ។

ទៅថ្ងៃអនាគតរូបគេចង់មានសិប្បកម្មកែច្នៃប្រេងដូងផ្ទាល់ខ្លួននៅក្នុងស្រុកមួយ ហើយយើងអាចកែច្នៃផលិតបានច្រើន នឹងមានការគាំទ្រពីអតិថិជន នឹងអាចនាំចេញទៅក្រៅប្រទេសផងដែរ ដើម្បីបង្ហាញថាកូនខ្មែរអាចធ្វើបានដើម្បីបង្កើនសេដ្ឋកិច្ចជាតិ មួយផ្នែកទៀត។

ជាចុងក្រោយ យុវតីរូបនេះក៏សូមផ្ដាំផ្ញើទៅដល់សិស្សានុសិស្ស ផ្សេង ដែលឋិតនៅក្នុងវ័យសិក្សា ដែលទំនេរពីការសិក្សា គួរងាកមកចេះច្នៃប្រឌិតចេញ ផលិតផលផ្សេងៗដើម្បីបង្ហាញទៅដល់ប្រទេសដទៃថាកូនខ្មែរអាចធ្វើបាន មិនថាជាផលិតផលប្រេងដូងនេះផ្ទាល់ឬក៏ជាផលិតផលបច្ចេកវិទ្យាផ្សេងផ្សេងទៀតដែលបង្កើតដោយស្នាដៃកូនខ្មែរផ្ទាល់ ដើម្បីឲ្យប្រជាពលរដ្ឋមានការងារធ្វើនៅក្នុងស្រុក អាចរកចំណូលបាន បង្កើនសេដ្ឋកិច្ចជាតិបន្ថែម ៕

អត្ថបទ៖រៀម សុខហេង

The post យុវតីមួយរូបច្នៃប្រេងដូងមកតាំងបង្ហាញនៅសង្រ្កាន្តវិទ្យាល័យហ៊ុនសែនមណ្ឌលគិរី appeared first on Kampuchea Thmey Daily.