ឈាម និងសំណាកយកពីច្រមុះពីសត្វក្តាន់ចំនួន១៣១ក្បាលនៅលើកោះ Staten នៃទីក្រុងញូវយ៉ក បានបង្ហាញថា​ ជិត១៥ភាគរយមានអង់ទីគ័រប្រឆាំងមេរោគ។

ក្រុមអ្នកស្រាវជ្រាវដែលដឹកនាំដោយក្រុមអ្នកវិទ្យាសាស្ត្រនៃសាកលវិទ្យាល័យរដ្ឋ Pennsylvania បាននិយាយថា ការរកឃើញនេះបានបង្ហាញថា សត្វទាំងនោះមានការឆ្លងមេរោគកូវីដ-១៩ ពីមុន និងងាយរងគ្រោះក្នុងការឆ្លងមេរោគប្រភេទបំប្លែងខ្លួន ថ្មីទៀត។

លោក Suresh Kuchipudi អ្នកជំនាញខាងសត្វពាហនៈក្នុងរដ្ឋ Pennsylvania បានឲ្យដឹងថា “ការចរាចរណ៍នៃមេរោគនៅក្នុងហ្វូងសត្វ តែងតែបង្កើនលទ្ធភាពនៃការឆ្លងមកមនុស្ស ប៉ុន្តែអ្វីដែលសំខាន់ជាងនេះទៅទៀតគឺថា វាផ្តល់ឱកាសកាន់តែច្រើនសម្រាប់មេរោគ ក្នុងការវិវត្តទៅជាប្រភេទបំប្លែងថ្មី។ នៅពេលដែលវីរុសផ្លាស់ប្តូរទាំងស្រុង នោះវាអាចគេចផុតពីការការពារពីវ៉ាក់សាំងបច្ចុប្បន្ន។ ដូច្នេះយើងត្រូវតែផ្លាស់ប្តូរវ៉ាក់សាំងម្តងទៀត”។

គួរបញ្ជាក់ថា ការរកឃើញនេះកើតឡើងចំពេលដែល ករណីឆ្លងមេរោគកូវីដ១៩ ដែលជំរុញដោយវីរុសបំប្លែងខ្លួនប្រភេទ អូមីក្រុង កំពុងថយចុះក្នុងចំណោមប្រជាជនអាមេរិក។

ថ្វីបើមិនមានភ័ស្តុតាងបង្ហាញថា សត្វកំពុងចម្លងវីរុសមកមនុស្សក៏ដោយ ប៉ុន្តែការឆ្លងមេរោគភាគច្រើន ត្រូវបានរាយការណ៍នៅក្នុងប្រភេទសត្វដែលមានទំនាក់ទំនងជិតស្និទ្ធជាមួយមនុស្សផ្ទុកកូវីដ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ អ្នកវិទ្យាសាស្រ្តព្រមាន៖ មនុស្សអាចឆ្លងវីរុសកូវីដបំប្លែងខ្លួន ថ្មីដ៏សាហាវ ៣ប្រភេទ ពីសត្វក្តាន់

The post លើកនេះ អាមេរិកបារម្ភខ្លាំង វីរុសកូវីដបំប្លែងខ្លួនប្រភេទថ្មីទៀត អាចផ្ទុះចេញពីសត្វក្តាន់ (មានវីដេអូ) appeared first on Kampuchea Thmey Daily.

យ៉ាងហោចណាស់មានវីរុសបំប្លែងខ្លួន៣ប្រភេទ ត្រូវបានរកឃើញនៅក្នុងសត្វក្តាន់កន្ទុយស។

ឥឡូវនេះការសិក្សាមួយនៅរដ្ឋ Ohio សហរដ្ឋអាមេរិកបានកំណត់សត្វនេះថា ជាកន្លែងស្តុកដ៏មានសក្តានុពលសម្រាប់ការរីករាលដាលនៃមេរោគសាហាវ ដល់មនុស្ស។

សាស្ត្រាចារ្យ Andrew Bowman អ្នកនិពន្ធជាន់ខ្ពស់នៃការសិក្សានៅសាកលវិទ្យាល័យរដ្ឋ Ohio បាននិយាយថា “ផ្អែកលើភស្តុតាងពីការសិក្សាផ្សេងទៀត យើងបានដឹងថា ពួកគេកំពុងត្រូវបានលាតត្រដាងនៅក្នុងព្រៃ ហើយនៅក្នុងបន្ទប់ពិសោធន៍ យើងអាចឆ្លងពួកវា។ មេរោគអាចចម្លងពី សត្វក្តាន់ទៅសត្វក្តាន់។ ក៏មានប្រភពសក្តានុពលផងដែរថា វីរុស SARS-CoV-2 ប្រភេទថ្មី នឹងចម្លងមកមនុស្ស”។

វីរុសបំប្លែងខ្លួនចំនួន៣ប្រភេទ ត្រូវបានរកឃើញក្នុងជាងមួយភាគបីនៃសត្វចំនួន៣៦០ក្បាល នៅទីតាំងចំនួនប្រាំមួយផ្សេងគ្នា។

សំណាកពីច្រមុះសត្វក្តាន់ ត្រូវបានប្រមូលនៅចន្លោះខែមករា ដល់ខែមីនាឆ្នាំ២០២១ ពោលគឺកើតឡើងមុនពេលវីរុសបំប្លែងខ្លួន Delta វាយលុកពិភពលោក។

លំដាប់ហ្សែនបានបង្ហាញពីវីរុសបំប្លែងខ្លួន ដែលដូចគ្នាទៅនឹងប្រភេទដែលមាននៅក្នុងខ្លួនអ្នកជំងឺកូវីដ។ វត្តមានជាបន្តរបស់វីរុសទាំងនេះ អាចបញ្ជាក់ថា មេរោគអាចបង្កបង្កើត និងរស់រាននៅក្នុងសត្វក្តាន់ព្រៃ។

វាមិនត្រូវបានគេដឹងទេថាតើសត្វក្តាន់ឆ្លងមេរោគនេះដោយរបៀបណា ឬថាតើពួកវាអាចឆ្លងទៅមនុស្ស និងប្រភេទសត្វដទៃទៀតដោយរបៀបណា ឬមេរោគវិវត្តយ៉ាងដូចម្តេចនៅក្នុងខ្លួនរបស់សត្វទាំងនោះ៕

ប្រែសម្រួល៖ Vann Vann

ប្រភព៖ Daily Star

ចុចអាន៖ កុំបារម្ភ! ការចាក់វ៉ាក់សាំងលាយគ្នា បង្កើតប្រព័ន្ធភាពស៊ាំខ្លាំងក្លាប្រឆាំង វីរុស

The post អ្នកវិទ្យាសាស្រ្តព្រមាន៖ មនុស្សអាចឆ្លងវីរុសកូវីដបំប្លែងខ្លួន ថ្មីដ៏សាហាវ ៣ប្រភេទ ពីសត្វក្តាន់ appeared first on Kampuchea Thmey Daily.