ការ​យកចិត្តទុកដាក់ និង​កិច្ច​ខិតខំ​ប្រឹងប្រែង​អស់​រយៈពេល​ជាង​សាមសិប​ឆ្នាំ​កន្លងមកនេះ រាជរដ្ឋាភិបាល​ក្នុង​នីតិកាល កន្លងមក ក្រោម​ការ​ដឹកនាំ​ដ៏​ខ្ពង់ខ្ពស់​បំផុត​របស់ សម្តេច​អគ្គ​មហា​សេនា​បតី​តេ​ជោ ហ៊ុន សែន និង​រាជរដ្ឋាភិបាល​នីតិកាល​ទី ៧ ក្រោម​ការ​ដឹកនាំ​ប្រកប​ដោយ​ភាព​ឈ្លាសវៃ​បំផុត​របស់ សម្តេច​មហា​បវរ​ធិបតី បាន​ធ្វើ​ឲ្យ​ព្រះរាជាណាចក្រ​កម្ពុជា ជាពិសេស​រាជធានី​ភ្នំពេញ មាន​ការ​អភិវឌ្ឍ​យ៉ាង​ឆាប់រហ័ស និង​សម្រេច​បាន​នូវ​ស្នាដៃ និង​សមិទ្ធផល​ជា​ប្រវត្តិសាស្ត្រ​ជាច្រើន។

មុន​ពិធី​បិទ​សន្និបាត​បូកសរុប​លទ្ធផល​ការងារ​ប្រចាំ​ឆ្នាំ​ ២០២៥ និង​លើក​ទិសដៅ​ការងារ​ឆ្នាំ ​២០២៦ របស់​រដ្ឋបាល​រាជធានី​ភ្នំពេញ លោក ឃួង ស្រេង អភិបាល​រាជធានី​ភ្នំពេញ​ បាន​ជម្រាបជូន លោក ស៊ុន ចាន់ថុល ឧបនាយករដ្ឋមន្ត្រី ទទួលបន្ទុក​ជា​អនុប្រធាន​ទី ​១ នៃ​ក្រុមប្រឹក្សា​អភិវឌ្ឍន៍​កម្ពុជា និង​ជា​ប្រធាន​ក្រុមការងារ​រាជរដ្ឋាភិបាល​ចុះ​មូលដ្ឋាន​រាជធានី​ភ្នំពេញ​ និង​គណៈប្រតិភូ​ចូលរួម ​ពី​រូបភាព​ជាច្រើន​ផ្ទាំង​ខាងលើ​ បានបង្ហាញ​ពី​សមិទ្ធផល​នានា និង ការងារ​អភិវឌ្ឍន៍​ទីក្រុង​ភ្នំពេញ​លើ​គ្រប់​វិស័យ ក្នុង​សម័យ​តេ​ជោ-​ធិបតី និង​រឿងរ៉ាវ​ប្រវត្តិសាស្ត្រ​ជាច្រើន​របស់​រាជធានី​ភ្នំពេញ បាន​បំប្លែង​ខ្លួន​ពី​ទីក្រុង​គ្មាន​មនុស្ស​នៅ ទៅជា​ទីក្រុង​ដែល​ជា​បណ្ដុំ នៃ​ការ​រស់នៅ​ប្រកប​ដោយ​ប្រណិត​ភាព តំបន់ ទេសចរណ៍​ដ៏​រស់​រវើក មាន​ការ​អភិវឌ្ឍ​សេដ្ឋកិច្ច និង​សង្គម បាន​យ៉ាង​ឆាប់រហ័ស​គួរ​ឲ្យ​កត់សម្គាល់។

ទន្ទឹម​នោះ លោក ស៊ុន ចាន់ថុល បាន​កោតសរសើរ​ចំពោះ លោក ឃួង ស្រេង និង​គណៈ​អភិបាល ព្រមទាំង​ថ្នាក់ដឹកនាំ​រាជធានី​ បាន​ខិតខំ​ប្រឹងប្រែង​បំពេញ​ការងារ​អភិវឌ្ឍន៍​ទីក្រុង​ភ្នំពេញ​លើ​គ្រប់​វិស័យ​ទទួល​បាន​ផ្លែផ្កា​ដូច​សព្វថ្ងៃ​នេះ៕

អត្ថបទ ៖ ស្រីរ័ត្ន

The post រូបថតជាច្រើនផ្ទាំង បង្ហាញពីសមិទ្ធផលនានា និងការងារអភិវឌ្ឍន៍ទីក្រុងភ្នំពេញ លើគ្រប់វិស័យ ក្នុងសម័យតេជោ-ធិបតី appeared first on Kampuchea Thmey Daily.

ដោយមានការទទួលស្គាល់តាមរយៈលិខិតផ្លូវការពីក្រសួងមហាផ្ទៃចុះថ្ងៃទី១២ ខែមីនា ឆ្នាំ២០២៥ សមាគមទីភ្នាក់ងារប្រព័ន្ធផ្សព្វផ្សាយពាណិជ្ជកម្មកម្ពុជា មានគោលការណ៍ចូលរួមសហការក្នុងការជួយដល់រាជរដ្ឋាភិបាល ដើម្បីរៀបចំរបៀបរៀបរយទាំងការផ្សព្វផ្សាយតាមផ្ទាំងអាហ្វីស ប៉ាណូ បដា និងស្លាកសញ្ញាផ្សព្វផ្សាយផ្សេងៗ ក៏ដូចជាការពង្រីកផ្នែកផ្សព្វផ្សាយឌីជីថលទាំងក្នុង និងក្រៅប្រទេស ព្រម​ទាំងជំរុញ​ឱ្យមានការបង្កើតស្តង់ដារក្រមសីលធម៌ក្នុងវិស័យនេះឱ្យកាន់តែប្រសើរឡើង។

ក្រោមការដឹកនាំរបស់លោក គៀន សាន ប្រធានសមាគម បានផ្ដោតការពិភាក្សាលើបញ្ហាប្រឈមសំខាន់ៗក្នុងវិស័យផ្សព្វផ្សាយពាណិជ្ជកម្ម បម្រែបម្រួលក្នុងបរិបទឌីជីថល និងការពង្រឹងទំនុកចិត្តរបស់អតិថិជន។ ព្រឹត្តិការណ៍នេះជាសក្ខីភាពនៃការចាប់ផ្ដើមប្រវត្តិសាស្រ្តថ្មីក្នុងវិស័យផ្សព្វផ្សាយពាណិជ្ជកម្មនៅកម្ពុជា ដើម្បីជាការត្រួសត្រាយផ្លូវទៅកាន់នវានុវត្តន៍ និងកិច្ចសហប្រតិបត្តិការឱ្យកាន់តែជិតស្និត ក៏ដូចជាជួយដល់សមាជិកសមាគមទាំងអស់ឱ្យមានការរីកចម្រើនទាំងអស់គ្នា៕

The post សមាគម​ទីភ្នាក់ងារ​ប្រព័ន្ធ​ផ្សព្វផ្សាយ​ពាណិជ្ជកម្មកម្ពុជា (ស.ភ.ប.ផ.ក) បើកសន្និបាតលើកទី១ ជាប្រវត្តិសាស្រ្តថ្មីនៃវិស័យផ្សព្វផ្សាយពាណិជ្ជកម្មនៅកម្ពុជា appeared first on Kampuchea Thmey Daily.

ពិធីនេះមានការអញ្ជេីញចូលរួមពីឧត្តមសេនីយ៍ទោស្នងការនៃស្នងការដ្ឋាននគរបាលខេត្តស្វាយរៀង ឧត្តមសេនីយ៍ត្រី មេបញ្ជាការតំបន់ប្រតិបត្តិការសឹករងស្វាយរៀង លោកវរសេនីយឯកមេបញ្ជាការរងនៃបញ្ជាការដ្ឋានកងរាជអាវុធហត្ថខេត្តស្វាយរៀង លោកអនុប្រធានគណៈកម្មការរៀបចំការបោះឆ្នោតខេត្ត លោកប្រធានលេខាធិការដ្ឋាននៃគណៈកម្មការរៀបចំការបោះឆ្នោតខេត្ត និងលោក លោកស្រី ជាសមាជិក សមាជិកានៃអង្គសន្និបាតនេះជាច្រេីនរូបទៀត។

មានប្រសាន៍ទៅកាន់ពិធីនេះ អភិបាលខេត្ត និងក្នុងនាមប្រធានគណៈបញ្ជាការឯកភាពរដ្ឋបាលខេត្ត បានសម្ដែងនូវការកោតសរសើរដោយស្មោះ និងវាយតម្លៃខ្ពស់ចំពោះគណៈកម្មាធិការជាតិរៀបចំការបោះឆ្នោត (គ.ជ.ប) គណៈកម្មការរៀបចំការបោះឆ្នោតខេត្តស្វាយរៀង និងមន្ត្រីបោះឆ្នោតគ្រប់លំដាប់ថ្នាក់ អាជ្ញាធរគ្រប់លំដាប់ថ្នាក់ កម្លាំងមានសមត្ថកិច្ច គណបក្សនយោបាយ សមាគម អង្គការមិនមែនរដ្ឋាភិបាល អ្នកសង្កេតការណ៍ជាតិ  និងអ្នកពាក់ព័ន្ធនានា ព្រមទាំងអង្គបោះឆ្នោតអ្នកបោះឆ្នោតទាំងអស់ ដែលបានចូលរួមសហការអនុវត្ត និងប្រតិបត្តិយ៉ាងខ្ជាប់ខ្ជួន ស្របតាមច្បាប់បោះឆ្នោត បទបញ្ជា និងនីតិវិធី និងក្រមសីលធម៌សម្រាប់ការបោះឆ្នោត ប្រកបដោយស្មារតីទទួលខុសត្រូវ និងភាពថ្លៃថ្នូរ ក្នុងនាមជាប្រជាជាតិខ្មែរ ដើម្បីផលប្រយោជន៍ខ្មែរ ជាហេតុធ្វើឱ្យដំណើរការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ និងការបោះឆ្នោតជ្រើសរើសក្រុមប្រឹក្សាអាណត្តិទី៤ ឆ្នាំ២០២៤ នៅក្នុងក្របខ័ណ្ឌខេត្តស្វាយរៀង ទទួលបាននូវលទ្ធផលដ៏ល្អប្រសើរ ទាំងលើទិដ្ឋភាពច្បាប់ និងទិដ្ឋភាពបច្ចេកទេស ក្នុងដំណើរការបោះឆ្នោតអសកលទាំងពីរនេះ។

លោកបន្តែមថា ឆ្លងតាមការបោះឆ្នោតដោយផ្ទាល់ និងមិនផ្ទាល់តាមគោលការណ៍នៃលទ្ធិប្រជាធិបតេយ្យ សេរីពហុបក្ស ទាំងនៅថ្នាក់ជាតិ (សម្រាប់ការបោះឆ្នោតជ្រើសតាំងតំណាងរាស្ត្រ និងសមាជិកព្រឹទ្ធសភា) និងថ្នាក់ក្រោមជាតិ (សម្រាប់ការបោះឆ្នោត ជ្រើសរើសក្រុមប្រឹក្សាឃុំ សង្កាត់ និងជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ) បានផ្ដល់មេរៀន និងបទពិសោធន៍ជាច្រើនសម្រាប់យើងទាំងអស់គ្នា នោះគឺ “សន្តិភាព លទ្ធិប្រជាធិបតេយ្យ ការបោះឆ្នោត និងការអភិវឌ្ឍសង្គម” ជាដំណើរការមួយដែលមានទំនាក់ទំនងផ្សារភ្ជាប់គ្នា និងជះឥទ្ធិពលឱ្យគ្នាទៅវិញទៅមក មិនអាចកាត់ផ្ដាច់ពីគ្នាបានឡើយ សម្រាប់សេចក្ដីថ្លៃថ្នូរ ភាពរុងរឿង និងផលប្រយោជន៍ដ៏ឧត្តុង្គឧត្តមនៃប្រជាជាតិ និងប្រជាជន៕

ដោយ៖ភក្ដី

The post ខេត្តស្វាយរៀងធ្វើសន្និបាតបូកសរុបការងារបោះឆ្នោតជ្រើសតាំងសមាជិកព្រឹទ្ធសភា និងក្រុមប្រឹក្សាខេត្ត-ក្រុងឆ្នាំ២០២៤ appeared first on Kampuchea Thmey Daily.

ពិធីបើកមហាសន្និបាតវិស័យយុត្តិធម៌ នាព្រឹកថ្ងៃនេះ បានរៀបចំឡើងក្រោមអធិបតីភាពលោក កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ លោក ជីវ កេង ប្រធានតុលាការកំពូល និងលោកស្រី ជា លាង អគ្គព្រះរាជអាជ្ញានៃមហាអយ្យការអមតុលាការកំពូល ដោយមានវត្តមានចូលរួមពីថ្នាក់ដឹកនាំក្រសួងយុត្តិធម៌ ចៅក្រម ព្រះរាជអាជ្ញា មកពីសាលាជម្រះក្តី និងអង្គការអយ្យការអមសាលាជម្រះក្តីគ្រប់ជាន់ថ្នាក់នៅទូទាំងប្រទេស។

មហាសន្និបាតបូកសរុបលទ្ធផលការងារវិស័យយុត្តិធម៌ទូទាំងប្រទេស ប្រព្រឹត្តទៅរយៈពេល៣ថ្ងៃ ចាប់ពីថ្ងៃទី២៧ ដល់ថ្ងៃទី២៩ ខែមីនា ឆ្នាំ២០២៤ នៅសណ្ឋាគារ Garden City។ ជាមួយគ្នា សម្រាប់ពិធីបិទមហាសន្និបាតនេះ គ្រោងធ្វើឡើងក្រោមអធិបតីភាពរបស់សម្ដេចធិបតីនាយករដ្ឋមន្រ្តី ហ៊ុន ម៉ាណែត នៅរសៀលថ្ងៃទី២៩ ខែមីនា។

មហាសន្និបាតលើកទី១ សម្រាប់វិស័យយុត្តិធម៌នេះ នឹងរៀបចំឡើងក្នុងគោលបំណងពិនិត្យ វាយតម្លៃ និងបូកសរុបលទ្ធផលការងារដែលវិស័យយុត្តិធម៌សម្រេចបានក្នុងឆ្នាំ២០២៣ ពិនិត្យ និងដោះស្រាយបញ្ហាប្រឈមក្នុងវិស័យយុត្តិធម៌ និងកំណត់ទិសដៅការងារជាអាទិភាពបន្ត ដើម្បីលើកកម្ពស់ប្រសិទ្ធភាពនៃការអនុវត្តច្បាប់ និងប្រសិទ្ធភាពនៃការងារកែទម្រង់ប្រព័ន្ធយុត្តិធម៌នៅកម្ពុជា ស្របតាមគោលនយោបាយ និងទិសដៅយុទ្ធសាស្ត្របញ្ចកោណ របស់រាជរដ្ឋាភិបាល នីតិកាលទី៧ និងវិធានការគន្លឹះទី៥ របស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។

បន្ទាប់ពីមហាសន្និបាតនេះ នឹងត្រូវបិទបញ្ចប់ នៅល្ងាចថ្ងៃទី២៩ ខែមីនា ឆ្នាំ២០២៤ អ្នកនាំពាក្យក្រសួងយុត្តិធម៌ នឹងធ្វើសន្និសីទសារព័ត៌មាន ដើម្បីបង្ហាញអំពីលទ្ធផលនៃមហាសន្និបាត រយៈពេល ៣ថ្ងៃនេះផងដែរ៕

អត្ថបទ៖ ធឿន វ៉ាន់សុង

The post នៅថ្ងៃនេះ ក្រសួងយុត្តិធម៌ បានរៀបចំមហាសន្និបាតវិស័យយុត្តិធម៌ទូទាំងប្រទេស រយៈពេល៣ថ្ងៃ appeared first on Kampuchea Thmey Daily.

ថ្លែង​ក្នុង​ពិធី​បិទ​សន្និបាត​បូក​សរុប​ការងារ និង​លើក​ទិសដៅ​បន្ត​របស់​មូលនិធិ​ជន​ពិការ កាលពី​ថ្ងៃ​ទី ១៨ មីនា លោក ខុម ផលលឿន ប្រតិភូ​រាជរដ្ឋាភិបាល​ទទួល​បន្ទុក​ជា​នាយក​មូលនិធិ​ជន​ពិការ​លើក​ឡើង​ថា ក្រសួង​ស្ថាប័នរដ្ឋ​ក្នុង​ពេល​បច្ចុប្បន្ន បាន​អនុវត្ត​យ៉ាង​ខ្ជាប់ខ្ជួន​ទៅ​តាម​អនុក្រឹត្យ​កំណត់។ ជាក់ស្ដែង ក្រសួង​ស្ថាប័នរដ្ឋ សម្រេច​បាន​ការ​ជ្រើសរើស​ជន​មាន​ពិការភាព​រហូតដល់​ជិត ៣ ភាគរយ ឱ្យ​ចូល​បម្រើ​ការងារ។ រីឯ​ក្រុមហ៊ុន រោងចក្រ ស្ថាប័ន​ឯកជន ហាក់​ពុំ​ទាន់​អនុវត្ត​បាន​ខ្ជាប់ខ្ជួន​នោះ​ទេ តែ​បច្ចុប្បន្ន​យើង​ពុំ​ទាន់​មាន​ការ​ផាក​ពិន័យ​ជា​កំហិត​នោះ​ទេ គឺ​ស្ថិត​នៅ​លើ​ការ​ចូលរួម​ជា​ការ​ស្ម័គ្រចិត្ត​នៅ​ឡើយ។

លោក​បាន​បន្ត​ថា ក្នុង​ឆ្នាំ ២០២៣ កន្លងទៅ ក្រុមហ៊ុន​ចំនួន ៨០ ដែល​មិន​បាន​ជ្រើសរើស​ជន​មាន​ពិការភាព​ចូល​បម្រើ​ការងារ បាន​បង់​ភាគទាន​ដោយ​ស្ម័គ្រ​ចិត្ត​ជា​សាច់ប្រាក់​ចំនួន​ជិត ១៣០០ លាន​រៀល។ កន្លងមក រាជរដ្ឋាភិបាល បាន​ចេញ​អនុក្រឹត្យ​កំណត់​ឱ្យ​ទាំង​ស្ថាប័នរដ្ឋ និង​ស្ថាប័ន​ឯកជន ត្រូវ​ជ្រើសរើស​ជន​មាន​ពិការភាព​ឱ្យ​ចូល​បម្រើ​ការងារ​ក្នុង​ស្ថាប័ន​របស់​ខ្លួន។ សម្រាប់​ស្ថាប័នរដ្ឋ គឺ​ត្រូវ​ជ្រើសរើស​ជន​មាន​ពិការភាព​ចូល​បម្រើ​ការងារ​ឱ្យ​បាន ២ ភាគរយ នៃ​ចំនួន​មន្ត្រី​សរុប។ ចំណែក ក្រុមហ៊ុន រោងចក្រ សហគ្រាស​ឯកជន ត្រូវ​ជ្រើសរើស​ជន​មាន​ពិការភាព​ឱ្យ​ចូល​បម្រើ​ការងារ ១ ភាគរយ នៃ​ចំនួន​បុគ្គលិក​សរុប​របស់​ខ្លួន។

យោង​តាម​របាយការណ៍​អង្កេត​សេដ្ឋកិច្ច សង្គម​កម្ពុជា​ឆ្នាំ ២០២១ របស់​វិទ្យាស្ថាន​ជាតិ​ស្ថិតិ នៃ​ក្រសួង​ផែនការ បាន​បញ្ជាក់​ថា អត្រា​ជន​មាន​ពិការភាព កម្ពុជា មាន​ប្រមាណ ៥.៣% (​ប្រមាណ ៨៧២,៥២៧ នាក់​) នៃ​ចំនួន​ប្រជាជន​សរុប​ប្រមាណ​ជាង ១៦ លាន​នាក់៕

អត្ថបទ ៖ សំអឿន

The post រដ្ឋ ប្រមូលវិភាគទានបានជាង ១ ពាន់លានរៀល ពីក្រុមហ៊ុនដែលមិន​ជ្រើសរើសជនមានពិការភាពចូលធ្វើការ appeared first on Kampuchea Thmey Daily.

នៅ​ក្នុង​ពិធី​សន្និបាត​ការងារ​របស់​ក្រសួង លោក ហេង សួរ រដ្ឋមន្ត្រី​ក្រសួង​ការងារ និង​បណ្ដុះ​បណ្ដាល​វិជ្ជាជីវៈ នឹង​ថ្លែង​សន្ទរកថា​អំពី​សមិទ្ធផល​ការងារ​ប្រចាំ​ឆ្នាំ​របស់​ក្រសួង រួម​ទាំង លោក​រដ្ឋលេខាធិការ ប្រធាន​នាយកដ្ឋាន និង​អគ្គនាយកដ្ឋាន នៃ​ក្រសួង​ការងារ និង​បណ្ដុះបណ្ដាល​វិជ្ជាជីវៈ​ផង​ដែរ។

ដោយឡែក​នៅ​ថ្ងៃ​ចុងក្រោយ សម្ដេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នឹង​ថ្លែង​សន្ទរកថា​បិទ និង​ប្រកាស​ដាក់​ឱ្យ​អនុវត្ត​«ផែនការ​យុទ្ធសាស្ត្រ​អភិវឌ្ឍន៍​វិស័យ​ការងារ សន្តិសុខ​សង្គម និង​បណ្ដុះបណ្ដាល​វិជ្ជាជីវៈ ២០២៤-២០២៨ និង​ពិធី​ប្រគល់​សៀវភៅ​«​ផែនការ​យុទ្ធសាស្ត្រ​អភិវឌ្ឍន៍ វិស័យ​ការងារ សន្តិសុខ​សង្គម និង​បណ្ដុះបណ្ដាល​វិជ្ជាជីវៈ ២០២៤-២០២៨ រួម​ទាំង​ពិធី​បំពាក់​គ្រឿង​ឥស្សរិយយស មេដាយ​ការងារ និង​ថតរូប​អនុស្សាវរីយ៍៕

The post ស្អែកនេះ ក្រសួងការងារ នឹងធ្វើសន្និបាតបូកសរុបសមិទ្ធផលការងារ ឆ្នាំ ២០២៣ និងលើកទិសដៅការងារឆ្នាំ ២០២៤ appeared first on Kampuchea Thmey Daily.

អង្គសន្និបាតនេះ បានលើកយកប្រធានបទចំនួន៥ មកបង្ហាញ ទី១.ការលើកកម្ពស់គុណភាព និងប្រសិទ្ឋភាពក្នុងការពង្រឹងការងារសន្តិសុខ សណ្តាប់ធ្នាប់ និងសុវត្ថិភាពក្នុងខេត្ត។ ទី២.ការគ្រប់គ្រងបញ្ហាសំណង់ ការដោះស្រាយបញ្ហាដីធ្លី និងការចុះបញ្ជីដីធ្លី។ ទី៣.ការផ្តល់សេវាសាធារណៈតាមរយៈយន្តការច្រកចេញចូលតែមួយ។ ទី៤.ការលើកកម្ពស់ និងជំរុញការអភិវឌ្ឍវិស័យទេសចរណ៍ក្នុងខេត្ត និងទី៥.ការកសាងហេដ្ឋារចនាសម្ព័ន្ឋរូបវ័ន្ត ការចូលរួមនិងបញ្ហាប្រឈម។

លោក ប្រាក់ សោភ័ណ អភិបាលខេត្តសៀមរាប បានកោតសរសើរ និងវាយតម្លៃខ្ពស់ដល់ថ្នាក់ដឹកនាំ មន្ត្រីរាជការ និងកងកម្លាំងប្រដាប់អាវុធ គ្រប់មន្ទីរ អង្គភាពក្នុងខេត្ត និងអង្គការសង្គមស៊ីវិល វិស័យឯកជនទាំងអស់ ដែលបានខិតខំប្រឹងប្រែងអស់ពីកម្លាំងកាយចិត្ត ក្នុងរយៈពេលពេញមួយឆ្នាំ សម្រាប់ការដឹកនាំ និងអនុវត្តតាមតួនាទីភារកិច្ច។ ជាពិសេស បានចូលរួមចំណែកយ៉ាងសកម្ម ដើម្បីបម្រើឱ្យបុព្វហេតុនៃការអភិវឌ្ឍរីកចម្រើនគ្រប់វិស័យរបស់ខេត្តសៀមរាប ក៏ដូចជា បានលើកទឹកចិត្តឱ្យរដ្ឋបាលខេត្ត បានបំពេញនូវកាតព្វកិច្ចទាំងឡាយដែលច្បាប់ និងលិខិតបទដ្ឋានគតិយុត្តិនានាបានកំណត់ជាធរមាន។

លោកបន្តថា នៅក្នុងឆ្នាំ២០២៣នេះ ជាដំណាក់កាលថ្មីមួយនៃការអនុវត្តយុទ្ឋសាស្ត្រចតុកោណដំណាក់កាលទី៤ របស់រាជរដ្ឋាភិបាលនីតិកាលទី ៦នៃរដ្ឋសភា និងជាការចាប់ផ្តើមអនុវត្តនូវយុទ្ឋសាស្ត្របញ្ចកោណដំណាក់កាលទី១ នីតិកាលទី ៧នៃរដ្ឋសភា សម្រាប់រដ្ឋបាលខេត្តសៀមរាប ក្នុងការអនុវត្តមុខងាររបស់ខ្លួនប្រកបដោយស្មារតីទទួលខុសត្រូវខ្ពស់។

អង្គសន្និបាតនេះ នឹងដំណើរការទៅក្នុងរយៈពេលពីរថ្ងៃ គឺចាប់ពីថ្ងៃទី២៥-២៦ ខែធ្នូ ឆ្នាំ២០២៣ តាមរយៈបទអន្តរាគមន៍របស់មន្ទីរអង្គភាព រដ្ឋបាលក្រុង/ស្រុក និងឃុំ/សង្កាត់ និងកំណត់ខ្លឹមសារទៅលើបញ្ហាប្រឈម ដំណោះស្រាយ ឬលទ្ឋផលការងារ និងសំណូមពរផ្សេងៗ៕

អត្ថបទ៖ គឿន វេត

The post អភិបាលខេត្តសៀមរាប បើកសន្និបាតបូកសរុបលទ្ធផលការងារប្រចាំឆ្នាំ២០២៣ និងទិសដៅអនុវត្តបន្តឆ្នាំ២០២៤ appeared first on Kampuchea Thmey Daily.

សន្និបាតនេះ ធ្វើឡើងក្រោមអធិបតីភាព លោកស្រីបណ្ឌិតសភាចារ្យ ភឿង សកុណា រដ្ឋមន្ត្រី ព្រមទាំង រដ្ឋលេខាធិការ អនុរដ្ឋលេខាធិការ អគ្គនាយក ព្រមទាំងថ្នាក់ដឹកនាំមន្ត្រីរាជការក្រសួងជាច្រើនរូប ចាប់ពីថ្ងៃទី២៦ ដល់ថ្ងៃទី២៧ ខែមករា ឆ្នាំ២០២៣ នៅសាលសន្និសិទចតុម្មុខ។

លោកស្រីបណ្ឌិតសភាចារ្យ ភឿង សកុណា បានថ្លែងថា សមិទ្ធផលសម្រេចបានដ៏ត្រចះត្រចង់ក្នុងឆ្នាំ២០២២កន្លងទៅ អង្គសន្និបាតបានកំណត់ទិសដៅការងារអាទិភាពសរុបចំនួន ១ ៨៦៧ សកម្មភាព សម្រាប់អនុវត្តនៅក្នុងឆ្នាំ២០២៣នេះ ដោយក្នុងនោះក្រសួងត្រូវត្រៀមរៀបចំ និងសហការរៀបចំព្រឹត្តិការណ៍ធំៗជាច្រើនទៀត ដូចជា ទិវាវប្បធម៌ជាតិ ដែលមានពិធីជួបជុំរវាងសិល្បករសិល្បការិនីចំនួន ៤ពាន់នាក់ ជាមួយ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៅក្នុងខែមីនា, ព្រឹត្តិការណ៍អង្គរសង្ក្រាន្ត ក្នុងខែមេសា, ព្រឹត្តិការណ៍ស៊ីហ្គេម, ការស្នើចុះរមណីយដ្ឋានប្រាសាទកោះកេរជាបេតិកភណ្ឌពិភពលោក, និងព្រឹត្តិការណ៍ធំៗជាច្រើនផ្សេងទៀត។

លោកស្រីបណ្ឌិតសភាចារ្យ ភឿង សកុណា មានប្រសាសន៍បន្ថែមថា៖ “ខ្ញុំក៏សូមបញ្ជាក់ដែរថា ចំនួនសកម្មភាពការងារដែលបានគ្រោងទាំង ១ ៨៦៧នេះ គឺនៅមិនទាន់រាប់បញ្ចូលទិសដៅការងាររបស់ក្រុមការងារសំខាន់ៗដែលបង្កើតឡើងតាមការចាំបាច់របស់ក្រសួង ពិសេសក្រុមការងារកំណែទម្រង់ការគ្រប់គ្រងហិរញ្ញវត្ថុសាធារណៈ, ក្រុមការងារកំណែទម្រង់តាមបែបប្រជាធិបតេយ្យនៅថ្នាក់ក្រោមជាតិ, និងក្រុមការងារកំណែទម្រង់រដ្ឋបាលសាធារណៈ។ ទន្ទឹមគ្នានេះ ក្រសួងក៏មានយុទ្ធសាស្រ្តគាំទ្រ និងសហការជាមួយដៃគូជាតិ-អន្តរជាតិផងដែរ។ អាស្រ័យហេតុនេះ ទំហំការងារឆ្នាំ២០២៣របស់ក្រសួងនឹងមានការកើនឡើងលើសពីចំនួនសកម្មភាពដែលបានគ្រោងទុកខាងលើ”។

លោកស្រីបណ្ឌិតសភាចារ្យ ភឿង សកុណា បានបញ្ជាក់ថា នៅក្នុងបរិបទបច្ចុប្បន្នដែលមានភាពអំណោយផលដល់ការអនុវត្តការងារ ដោយសារកត្តាសុខសន្តិភាព ស្ថេរភាព នយោបាយ ស្ថានភាពជំងឺកូវីដ-១៩ មានភាពល្អប្រសើរ និងដំណើរវិលត្រឡប់ទៅគន្លងប្រក្រតីភាពដើមឡើងវិញជាបណ្ដើរៗ ក្រសួងវប្បធម៌ និងវិចិត្រសិល្បៈ ពិតជាមានសុទិដ្ឋិនិយមខ្ពស់ក្នុងការបន្តសម្រេចបាន នូវលទ្ធផលការងារល្អប្រសើរក្នុងឆ្នាំ២០២៣នេះ ស្របទៅតាមចក្ខុវិស័យនៃគោលនយោបាយជាតិស្តីពី វិស័យវប្បធម៌ និងកម្មវិធីនយោបាយសំខាន់ៗរបស់រាជរដ្ឋាភិបាលកម្ពុជា ក្រោមការដឹកនាំប្រកបដោយ គតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា៕

The post ក្រសួងវប្បធម៌ កំណត់ការងារអាទិភាពចំនួន ១ ៨៦៧ សម្រាប់អនុវត្តនៅឆ្នាំ២០២៣ appeared first on Kampuchea Thmey Daily.