យោងតាមរបាយការណ៍បានឲ្យដឹងទៀតថា កូរ៉េខាងជើងបានបាញ់កាំភ្លើងធំចំនួន ១៣០ គ្រាប់ឆ្ពោះទៅសមុទ្រលឿង និង ៤០ គ្រាប់ទៀតឆ្ពោះទៅសមុទ្រជប៉ុន ហើយគ្រាប់ផ្លោងទាំងនោះបានធ្លាក់នៅខាងក្រៅតំបន់សេដ្ឋកិច្ចផ្តាច់មុខរបស់កូរ៉េខាងត្បូង ។

នៅព្រឹកថ្ងៃដដែលនេះ កូរ៉េខាងជើងក៏បានបាញ់មីស៊ីលផ្លោងរយៈចម្ងាយខ្លីឆ្ពោះទៅកាន់សមុទ្រជប៉ុនផងដែរ ។ សារព័ត៌មានក្យូដូបានរាយការណ៍ថា មីស៊ីលនេះបានធ្វើដំណើរប្រហែល ៦៥០ គីឡូម៉ែត្រក្នុងរយៈកម្ពស់អតិបរមា ៥០ គីឡូម៉ែត្រ មុនពេលធ្លាក់នៅខាងក្រៅតំបន់សេដ្ឋកិច្ចផ្តាច់មុខរបស់ប្រទេសជប៉ុន ដែលមានចម្ងាយប្រហែល ៣៧០ គីឡូម៉ែត្រពីឆ្នេរសមុទ្ររបស់ប្រទេសនេះ ។

ប្រទេសកូរ៉េខាងជើងបានសង្កត់ធ្ងន់ថា ការបាញ់សាកល្បងមីស៊ីលរបស់ខ្លួនកំពុងត្រូវបានអនុវត្តជាការឆ្លើយតបទៅនឹងការបដិសេធរបស់សហរដ្ឋអាមេរិក និងកូរ៉េខាងត្បូងក្នុងការបញ្ឈប់សមយុទ្ធយោធារួមគ្នា ដែលទីក្រុងព្យុងយ៉ាងជឿថា គំរាមកំហែងដល់ស្ថិរភាពក្នុងតំបន់ ។

គួរបញ្ជាក់ថា កូរ៉េខាងជើង​បាន​ធ្វើ​ការ​បាញ់​សាកល្បងមីស៊ីល​ចំនួន ៨ ​ដង​ហើយ ចាប់​តាំង​ពី​ថ្ងៃ​ទី ២៥ ខែ​កញ្ញា និង​ជាង ២៥ ដង​តាំង​ពី​ដើម​ឆ្នាំ ២០២២ នេះ​មក ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោក គីម ជុងអ៊ុន ប្រកាស ត្រៀមខ្លួនរួចស្រេចអស់ហើយ សម្រាប់ធ្វើសង្គ្រាម

The post កូរ៉េខាងជើង បាញ់ផ្លោងកាំភ្លើងធំប្រមាណ ១៧០ គ្រាប់ទៅសមុទ្រជប៉ុន និងសមុទ្រលឿង appeared first on Kampuchea Thmey Daily.

យោងតាមសេចក្តីរាយការណ៍នេះ ឆ្មាំសមុទ្រជប៉ុនក៏បានចេញការព្រមានដល់កប៉ាល់នៅសមុទ្រ ចំពោះការបាញ់មីស៊ីលផ្លោងដែលអាចកើតមានឡើងផងដែរ ។

ទន្ទឹមនោះ ទីភ្នាក់ងារ Yonhap ក៏បានព្រមាននាវានេសាទនៅតំបន់សមុទ្រ អំពីហានិភ័យនៃការធ្លាក់កម្ចេចកម្ទីណាមួយជាយថាហេតុ ។

ស្របពេលជាមួយគ្នានេះ ប៉ុន្មាននាទី បន្ទាប់ពីការបាញ់នោះត្រូវបានរាយការណ៍ សារព័ត៌មាន Reuters បាននិយាយដោយដកស្រង់សម្តីឆ្មាំសមុទ្រថា គ្រាប់មីស៊ីលដែលគេប្រទះឃើញនោះហាក់ដូចជាបានចុះចតនៅតំបន់សមុទ្រជប៉ុន ។

កូរ៉េខាងជើងបាននិយាយកាលពីដើមខែនេះថា ខ្លួនបានបាញ់សាកល្បងដោយជោគជ័យនូវមីស៊ីលប្រឆាំងយន្តហោះជំនាន់ថ្មី ខណៈកាលពីពេលថ្មីៗ រដ្ឋឯកោរមួយនេះបានធ្វើការបាញ់សាកល្បងជាច្រើននូវប្រព័ន្ធអាវុធដែលបានអភិវឌ្ឍន៍ថ្មីនៅក្នុងតំបន់សមុទ្រជប៉ុនផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ មើលវីដេអូនេះហើយទើបដឹងថា ទាហាន កូរ៉េខាងជើង មានសមត្ថភាពខ្លាំងក្លាប៉ុនណា

The post មិនទាន់អស់គ្រាប់ទេ កូរ៉េខាងជើង បាញ់មីស៊ីលផ្លោងគ្មានអ្នកស្គាល់ប្រភេទទៅ សមុទ្រជប៉ុន appeared first on Kampuchea Thmey Daily.

ក្រសួងបាននិយាយថា “យន្តហោះចម្បាំងធុន MiG-31 មួយគ្រឿងបានប្រញាប់ប្រញាលដើម្បីកំណត់គោលដៅពីលើអាកាស និងការពារកុំឲ្យយន្តហោះទម្លាក់គ្រាប់បែកអាមេរិកបំពានព្រំដែនរដ្ឋរុស្ស៊ី” ។

សេចក្តីថ្លែងការណ៍របស់ក្រសួងត្រូវបានចេញតែប៉ុន្មានថ្ងៃប៉ុណ្ណោះ បន្ទាប់ពីឧបទ្ទវហេតុមួយទៀតនៅសមុទ្រជប៉ុន នៅពេលដែលនាវាពិឃាត Chafee (DDG-90) របស់កងទ័ពជើងទឹកអាមេរិកបានចូលទៅជិតទឹកដីរុស្ស៊ី ហើយព្យាយាមឆ្លងដែន ។

ទោះយ៉ាងណា នាវាប្រយុទ្ធប្រឆាំងនឹងនាវាមុជទឹកដ៏ធំមួយឈ្មោះ Admiral Tributs នៃកងនាវាចរប៉ាស៊ីហ្វិករបស់រុស្ស៊ីបានគ្រប់គ្រង ហើយបានបណ្ដេញនាវាឈ្លានពាននោះផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោក ពូទីន ព្រមានថា ប្រទេសក្រៅតំបន់កុំជ្រៀតជ្រែកបញ្ហាជម្លោះនៅ សមុទ្រចិនខាងត្បូង

The post រុស្ស៊ី បណ្ដេញយន្តហោះទម្លាក់គ្រាប់បែក អាមេរិក ចេញពីសមុទ្រជប៉ុន appeared first on Kampuchea Thmey Daily.

ទីក្រុងមូស្គូបានចោទប្រកាន់នាវា USS John S McCain ថាបានធ្វើដំណើរឆ្លងកាត់ព្រំដែនសមុទ្ររបស់ខ្លួនចម្ងាយ ២ គីឡូម៉ែត្រនៅឯឈូងសមុទ្រ Peter The Great ហើយនិយាយថា ពួកគេបានគំរាមបុកនាវានោះ ខណៈដែលបន្ទាប់មកនាវាចម្បាំងអាមេរិកបានចាកចេញពីតំបន់នោះ ។

ទោះយ៉ាងណាកងទ័ពជើងទឹកសហរដ្ឋអាមេរិកបានបដិសេធរាល់ការធ្វើខុសណាមយយ ហើយបាននិយាយថា នាវារបស់ខ្លួនមិនត្រូវបានបណ្តេញចេញនោះទេ ។ ឧប្បត្តិហេតុនេះបានកើតឡើងកាលពីថ្ងៃអង្គារនៅសមុទ្រជប៉ុនដែលត្រូវបានគេស្គាល់ផងដែរថា សមុទ្រខាងកើត ដែលជាដែនទឹកជាប់ព្រំដែនដោយប្រទេសជប៉ុន រុស្ស៊ី និងកូរ៉េ ។

យោងតាមក្រសួងការពារជាតិរុស្ស៊ីបានឲ្យដឹងថា កងនាវាចរប៉ាស៊ីហ្វិកនៃនាវាចម្បាំង Admiral Vinogradov បានប្រើបណ្តាញទំនាក់ទំនងអន្តរជាតិដើម្បីព្រមានដល់នាវាអាមេរិកអំពីលទ្ធភាពនៃការប្រើនាវាដើម្បីបុក និងបណ្ដេញសត្រូវចេញពីដែនទឹកនៃទឹកដីរបស់ខ្លួន” ។

អ្នកនាំពាក្យកងនាវាចរទី ៧ នៃទ័ពជើងទឹកអាមេរិកលោកអនុសេនីយ៍ឯក Joe Keiley បាននិយាយថា “សេចក្តីថ្លែងការណ៍របស់សហព័ន្ធរុស្ស៊ីអំពីបេសកកម្មនេះគឺមិនពិតនោះទេ ។ នាវា USS John S McCain មិនត្រូវបានបណ្តេញចេញពីទឹកដីរបស់ប្រទេសណាមួយឡើយ” ។

លោកបាននិយាយថា “សហរដ្ឋអាមេរិកនឹងមិនឱនក្បាលចំពោះការបំភិតបំភ័យ ឬបង្ខំឲ្យទទួលយកការទាមទារដែនសមុទ្រខុសច្បាប់ដូចជាអ្វីដែលធ្វើឡើងដោយសហព័ន្ធរុស្ស៊ីនោះទេ” ។

ឧប្បត្តិហេតុបែបនេះនៅលើសមុទ្រគឺកម្រណាស់ ទោះបីជានាវាចម្បាំង Admiral Vinogradov ធ្លាប់ជាប់ទាក់ទងនឹងការប៉ះទង្គិចគ្នាជាមួយនាវាអាមេរិកនៅសមុទ្រចិនខាងកើតកាលពីឆ្នាំមុនក៏ដោយ ។

ទាំងរុស្ស៊ី និងអាមេរិកបានស្តីបន្ទោសចំពោះឧប្បត្តិហេតុនោះ ។ ប្រទេសទាំង ២ តែងតែចោទប្រកាន់គ្នាទៅវិញទៅមកនូវឧបាយកលយោធាដែលមានគ្រោះថ្នាក់ដូចជានៅតាមសមុទ្រ និងលើអាកាសជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ BBC

The post រុស្ស៊ីគំរាមបុកនាវាចម្បាំងអាមេរិកនៅសមុទ្រជប៉ុន appeared first on Kampuchea Thmey Daily.