ពិធីប្រគល់ផ្ទះ និងដីឡូត៍លំនៅដ្ឋាន ជូនគណៈយុទ្ធមិត្តបម្រើកងទ័ពឆ្នាំ១៩៧៨ ចំនួន១២៦ខ្នងផ្ទះនេះ មានការអញ្ជើញចូលរួមពីសំណាក់ ឯកឧត្តម លោកជំទាវ សមាជិក សមាជិការដ្ឋសភា សមាគមអតីតយុទ្ធជន និងនិវត្តជនកម្ពុជា ក្រុមប្រឹក្សាខេត្ត អភិបាលខេត្ត និងថ្នាក់ដឹកនាំខេត្ត ក្រុង ស្រុក មន្ទីរ-អង្គភាពពាក់ព័ន្ធ កងកម្លាំងទាំងបី រួមនឹងគ្រួសារ គណៈយុទ្ធមិត្តបម្រើកងទ័ពឆ្នាំ១៩៧៨ ទាំង១២៦គ្រួសារ៕

The post សម្តេច ម៉ែន សំអន អញ្ជើញប្រគល់ផ្ទះ និងដីឡូត៍លំនៅដ្ឋានជូនគណៈយុទ្ធមិត្តបម្រើកងទ័ពឆ្នាំ១៩៧៨ appeared first on Kampuchea Thmey Daily.

បើ​តាម​ការ​ VNA ការ​លើក​ឡើង​នេះ​គឺ​ក្នុង​ពេល​ដែល​លោក តូ ឡាំ ជួប​ពិភាក្សា​ការងារ​ជាមួយ​អនុប្រធាន​គណបក្សប្រជាជន​កម្ពុជា និង​ជា​ប្រធាន​ក្រុម​ប្រឹក្សា​រណសិរ្ស​សាមគ្គី​អភិវឌ្ឍន៍​មាតុភូមិ​កម្ពុជា សម្ដេច​សង្គហបណ្ឌិត ម៉ែន សំអន រដ្ឋធានី​​ហាណូយ កាល​ពី​ថ្ងៃ​ទី​២៣ ខែ​មីនា​ ឆ្នាំ​២០២៦ ដោយ​​អគ្គលេខាធិការ​បាន​អបអរ​សាទរ​ចំពោះ​ការ​ចុះ​ហត្ថលេខា​លើ​កិច្ច​ព្រមព្រៀង​សហប្រតិបត្តិការ​គ្នា​រវាង​រណសិរ្ស​សាមគ្គី​អភិវឌ្ឍន៍​មាតុភូមិ​កម្ពុជា និង​គណៈកម្មាធិការ​មជ្ឈិម​រណសិរ្ស​មាតុភូមិ​វៀតណាម​ ដែល​បាន​អះអាង​ពី​ការ​ផ្ដល់​អាទិភាព​ខ្ពស់​ចំពោះ​ទំនាក់ទំនង​មិត្ត​ភាព​ពី​វៀតណាម​ចំពោះ​កម្ពុជា លោក​ជឿ​ជាក់​ថា​ស្ថាប័ន​ទាំង​ពី​នឹង​អនុវត្ត​ប្រកប​ដោយ​ប្រសិទ្ធភាព​នូវ​ការ​សន្យា​ដែល​បាន​ព្រមព្រៀង​ឱ្យ​កាន់​តែ​ជិត​ស្និត​ថែម​ទៀត​។

រណសិរ្ស​សាមគ្គី​អភិវឌ្ឍន៍​មាតុភូមិ​កម្ពុជា បាន​ចុះ​ហត្ថលេខា​លើ​កិច្ច​ព្រមព្រៀង​សហប្រតិបត្តិការ​រវាង​រណសិរ្ស​មាតុភូមិ​វៀតណាម​ ធ្វើ​ឡើង​នៅ​រដ្ឋធានី​ហាណូយ​ កាល​ពី​ថ្ងៃទី​២៣ ខែ​មីនា ឆ្នាំ​២០២៦។ ​

​​​ប្រធាន​ក្រុម​ប្រឹក្សា​រណសិរ្ស​សាមគ្គី​អភិវឌ្ឍន៍​មាតុភូមិ​កម្ពុជា សម្ដេច​សង្គហបណ្ឌិត ម៉ែន សំអន បាន​បញ្ជាក់​ថា​ ក្រុម​ប្រឹក្សា​រណសិរ្ស​សាមគ្គី​អភិវឌ្ឍន៍​មាតុភូមិ​កម្ពូជា​បាន​ផ្ដោត​ខ្លាំង​លើ​ការ​អប់រំ​យុវជន​ជំនាន់​ក្រោយ​អំពី​តម្លៃ​ប្រវត្តិសាស្ត្រ​នៃ​ទំនាក់ទំនង​កម្ពុជា-វៀតណាម។ សម្ដេច​បន្ថែម​ថា​ក្នុង​បរិបទ​នៃ​ពិភព​លោក​កំពុង​វិវត្តន៍​ស្មុគស្មាញ និង​មិន​ប្រាកដ​ប្រជា​ភាព​ជា​អ្នក​ជិត​ខាង​ល្អ និង​ចំណង​មិត្តភាព​កម្ពុជា-វៀតណាម​ មិន​អាច​កាត់​ផ្ដាច់​ពី​គ្នា​បាន​ឡើយ​ និង​នៅ​តែ​បន្ត​រឹង​មាំ​ថែម​ទៀត​។

សម្ដេច​បន្ថែម​ថា​សច្ចភាព​​នៃ​ការ​ជួយគាំទ្រគ្នាវិញទៅមក ដើម្បីការអភិវឌ្ឍ សន្តិភាព ស្ថិរភាព និងវិបុលភាពរួម បានបង្ហាញច្បាស់តាមរយៈទិដ្ឋភាពចម្បង០៣ គឺ​ប្រវត្តិ​សាស្ត្រ សេដ្ឋកិច្ច និង​សង្គម​វប្បធម៌ ដែល​ប្រទេស​ទាំង​ពីរ​បាន​ជួយ​គ្នា​ទៅ​វិញ​មក​ក្នុង​សង្គ្រាម​បង្រួប​បង្រួម​ទឹក​ដី ការ​រំដោះ​ពី​របប​ប្រល័យ​ពូជ​សាសន៍ គាំទ្រ​សេដ្ឋកិច្ច​គ្នា​ទៅ​វិញ​ទៅមក​ និង​ការ​ផ្លាស់​ប្ដូរ​វប្បធម៌ ប្រពៃណី និង​ទំនាក់ទំនង​ប្រជាជន​-ប្រជាជន​៕

អត្ថបទ​ដោយ ហ៊ុន សិរីវឌ្ឍន៍

The post អគ្គលេខាធិការ​បក្ស​កុម្មុយនិស្ត​វៀតណាម​ថា​វៀតណាម​តែងតែ​ផ្ដល់​អាទិភាព​ខ្ពស់​ចំពោះ​មិត្តភាព​របស់​ខ្លួន​ជាមួយ​កម្ពុជា​ appeared first on Kampuchea Thmey Daily.

ជាកិច្ចចាប់ផ្តើម ឯកឧត្តម ហ៊ុន ម៉ានី សមាជិកគណៈអចិន្រ្តៃយ៍គណៈកម្មាធិការកណ្តាល និងជាអគ្គលេខាធិការគណៈចលនាមហាជន នៃគណៈកម្មាធិការកណ្តាលគណបក្សប្រជាជនកម្ពុជា បានថ្លែងសុន្ទរកថាស្វាគមន៍ និងរបាយការណ៍ជូនអង្គពិធី។ ឯកឧត្តមបានលើកឡើងថា វគ្គបណ្តុះបណ្តាលនេះត្រូវបានរៀបចំឡើងដោយអនុវត្តាមអនុសាសន៍ដ៏ខ្ពង់ខ្ពស់របស់សម្តេចប្រធានគណបក្ស ក្នុងពិធីបិទ សន្និបាតបូកសរុបលទ្ធផលការងារឆ្នាំ២០២៤ និងទិសដៅអនុវត្តបន្តរបស់គណៈចលនាមហាជន គណបក្សប្រជាជនកម្ពុជា កាលពីថ្ងៃទី១៧-១៨ ខែធ្នូ ឆ្នាំ២០២៤ ដើម្បីលើកកម្ពស់ គាំទ្រការងារមហាជននៅថ្នាក់ក្រោមជាតិ ឲ្យកាន់តែមានប្រសិទ្ធិភាព តាមរយៈការពង្រឹងបន្ថែមសមត្ថភាពមន្រ្តីគណបក្សដើម្បីមានលទ្ធភាពគ្រប់គ្រងសភាពការណ៍ និងឆ្លើយតបទៅនឹងសមរភូមិនយោបាយសតិអារម្មណ៍ក្នុងស្រទាប់មហាជនឱ្យកាន់តែល្អប្រសើរ។

ជាកិច្ចបន្ទាប់ សម្តេចកិត្តិសង្គហបណ្ឌិត ម៉ែន សំអន អនុប្រធានគណបក្ស និងជាប្រធានគណៈចលនាមហាជន នៃគណៈកម្មាធិការកណ្តាលគណបក្សប្រជាជនកម្ពុជា បាន បានសម្តែងនូវសមានទុក្ខដ៏ក្រៀមក្រំបំផុត ចំពោះវីរកងទ័ពកម្ពុជាដែល បានពលីក្នុងបេសកកម្មការពារទឹកដី ក្នុងព្រឹត្តិការណ៍ឈ្លានពានរបស់កងទ័ពថៃ នាពេលកន្លងមក។ ជាមួយគ្នានេះ សម្តេចកិត្តិសង្គហបណ្ឌិត ម៉ែន សំអន បានផ្តល់អនុសាសន៍ណែនាំ ដល់សិក្ខាកាម សូមបន្តអនុវត្តឱ្យបានខ្ជាប់ខ្ជួននូវចំណុចមួយចំនួនដូចជា ទី១) គណៈចលនាមហាជនរាជធានី-ខេត្ត យកចិត្តទុកដាក់អនុវត្តឱ្យមាន ប្រសិទ្ធភាពខ្ពស់ ក្នុងការរៀបចំវគ្គបណ្តុះបណ្តាលជនបង្គោលលើការងារមហាជនក្រុង ស្រុក ខណ្ឌ ឃុំ សង្កាត់ ឆ្នាំ២០២៦-២០២៨។

 ទី២)អគ្គលេខាធិការដ្ឋាន បន្តយកចិត្តទុកដាក់ និងគាំទ្រដល់៖ការបណ្តុះបណ្តាលបន្តរបស់គណៈចលនាមហាជនរាជធានី-ខេត្ត។ ដោយផ្អែកតាមបរិបទ និងសភាពការណ៍សង្គម សេដ្ឋកិច្ច និងនយោបាយ ជាក់ស្តែងនៅកម្ពុជា ដែលបម្រើឱ្យប្រៀបឈ្នះរបស់គណបក្ស និងទី៣) សិក្ខាកាម ដែលនឹងក្លាយជាគ្រូបង្គោល លើការបណ្តុះបណ្តាលបន្តនៅតាម រាជធានី-ខេត្ត យកចិត្តទុកដាក់ និងតាមដានជាប់ជាប្រចាំលើការងារ នយោបាយ និងសង្គមជាតិ ក៏ ដូចជានៅតាមមូលដ្ឋានរៀងៗខ្លួន។

សូមជម្រាបជូនថា វគ្គបណ្តុះបណ្តាលនេះ មានសិក្ខាកាមសរុបចំនួន ២២២ រូប ដោយបែងចែកជា ៥វគ្គ សម្រាប់ ២៥ រាជធានី-ខេត្ត។ ក្នុងនោះ វគ្គនីមួយៗ បានប្រព្រឹត្តទៅរយៈពេល ២ថ្ងៃ កន្លះ ដោយសិក្ខាកាមនៃវគ្គនីមួយៗ បានទទួលនូវមេរៀនសំខាន់ៗពាក់ព័ន្ធនឹង ទី១. តួនាទី ភារកិច្ច និងរចនាសម្ព័ន្ធគណៈចលនាមហាជន ទី២. វិធីសាស្រ្តគោលក្នុងការប្រឈម និងគ្រប់គ្រងសមរភូមិសតិអារម្មណ៍ ទី៣. ការគ្រប់គ្រងប្រព័ន្ធផ្សព្វផ្សាយ និងវិធីសាស្ត្រផ្សព្វផ្សាយ និង ទី៤. យុទ្ធសាស្ត្របញ្ចកោណ ដំណាក់កាលទី១ និងសមិទ្ធផលសម្រេចបានរបស់ រាជរដ្ឋាភិបាល។ គ្រូបង្គោលដែលបានទទួលវគ្គបណ្តុះបណ្តាលនាពេលនេះ នឹងទទួលបានសម្បទាគ្រប់គ្រាន់សម្រាប់បើកវគ្គបណ្តុះបណ្តាលការងារចលនាមហាជនដល់រចនាសម្ព័ន្ធគ្រប់ជាន់ថ្នាក់នៅមូលដ្ឋានរៀងៗខ្លួន៕

The post សម្ដេច ម៉ែន សំអន បិទវគ្គបណ្ដុះបណ្ដាលពង្រឹងសមត្ថភាពមន្រ្តីគណបក្សឆ្លើយតបសមរភូមិនយោបាយសតិអារម្មណ៍ appeared first on Kampuchea Thmey Daily.

សម្ដេច ម៉ែន សំអន បង្ហាញការគាំទ្រដូច្នេះ ក្នុងពេលអញ្ជើញទស្សនាផ្ទះកំណើតរបស់ សម្ដេចតេជោ ហ៊ុន សែន ស្ថិតក្នុងភូមិពាមក្រៅ ឃុំពាមកោះស្នា ស្រុកស្ទឹងត្រង់ ខេត្តកំពង់ចាម កាលពីរសៀលថ្ងៃទី១១ ខែឧសភា  ដោយមាន លោក ហួត ហាក់ រដ្ឋមន្ត្រីក្រសួងទេសចរណ៍ និងអភិបាលខេត្តកំពង់ចាម លោក អ៊ុន ចាន់ដា និងក្រុមការងារជាច្រើនរូបអមដំណើរ។

តាមរយៈអតីតសមាជិកព្រឹទ្ធសភានីតិកាលទី៤ លោក ច្រឹង គឹមស្រ៊ាន បច្ចុប្បន្នជាទីប្រឹក្សាសម្តេចតេជោ ហ៊ុន សែន បានបញ្ជាក់ឱ្យដឹងថា កាលពីអំឡុង ខែមករា ឆ្នាំ១៩៨៨ ដោយឃើញថាផ្ទះនេះចាស់ មានសភាពទ្រុឌទ្រោមខ្លាំង ទើបសុំការឯកភាពពីឯកឧត្ដម ហ៊ុន នាង ត្រូវជាឳពុករបស់សម្ដេចតេជោ ហ៊ុន សែន ដើម្បីរុះរើផ្ទះចាស់នោះចេញ ជំនួសដោយផ្ទះថ្មី ដែលសង់អំពីឈើប្រក់ក្បឿង ទំហំ ៦ម×១៤ម ដែលមានអ្នកស្រី សុន ជូ និងស្វាមី ជាអ្នកមើលថែទាំរហូតដល់សព្វថ្ងៃនេះ។

បើតាមតាមការបង្ហើបឲ្យដឹងពី លោក ហួត ហាក់ រដ្ឋមន្ត្រីក្រសួងទេសចរណ៍ នាឱកាសនោះ លោកមានគម្រោងកែច្នៃ និងរៀបចំផ្ទះនោះ ទៅជារមណីយដ្ឋានប្រវត្តិសាស្ត្រតេជោសែន ដើម្បីទុកជាកេរ្តិ៍ដំណែលប្រវត្តិសាស្ត្ររបស់សម្តេចតេជោ ហ៊ុន សែន និងជាកំណប់ទ្រព្យរបស់អ្នកស្ទឹងត្រង់, ទុកជាការសិក្សាស្រាវជ្រាវរបស់យុវជនជំនាន់ក្រោយៗទៀត ក៏ដូចជា ការបង្កើនចំណូលសេដ្ឋកិច្ចគ្រួសារ ដែលពឹងផ្អែកទៅលើវិស័យទេសចរណ៍ និងលើកស្ទួយមុខមាត់ខេត្តកំពង់ចាមឲ្យកាន់តែមានភាពរីកចម្រើនប្រកបដោយ សក្តានុពល និងភាពទាកទាញ។

ជាការឆ្លើយតប សម្តេចកិត្តិសង្គហបណ្ឌិត ក៏បាន សម្តែងនូវការកោតសសើរ ពេញចិត្ត និងគាំទ្រទាំងស្រុងចំពោះគំនិតផ្តួចផ្តើមក្នុងប្រែក្លាយផ្ទះនៅស្រុកកំណើតសម្តេចតេជោ ទៅជារមណីយដ្ឋានប្រវត្តិសាស្ត្រតេជោសែន និងបានជម្រុញឲ្យ លោក ហួត ហាក់ និង លោក អ៊ុន ចាន់ដា រួមសហការគ្នាសិក្សាអំពីនីតិវិធីក្នុងរៀបចំ។

ទំព័រហ្វេសប៊ុកសម្ដេច ម៉ែន សំអន ចាត់ទុកថា នេះជាដំណើរជាប្រវត្តិសាស្ត្រលើកដំបូង របស់សម្តេចកិត្តិសង្គហបណ្ឌិត ម៉ែន សំអន ដែលអញ្ជើញទស្សនាដោយផ្ទាល់ នៅផ្ទះកំណើតសម្តេចតេជោ ហ៊ុន សែន ដោយបានទទួល បដិសណ្ឋារកិច្ចយ៉ាងកក់ក្តៅពី លោក អ៊ុន ចាន់ដា អភិបាលខេត្តកំពង់ចាម អាជ្ញាធរមូលដ្ឋាន និងប្រជាពលរដ្ឋដែលរស់នៅម្តុំនោះ និងបានធ្វើការសំណេះសំណាល រួចហូបផ្លែឈើប្រចាំគ្រួសារ ជុំគ្នាស្ថិតក្នុងបរិយាកាសសប្បាយរីករាយ និងស្និទ្ធស្នាលក្រៃលែង៕

The post សម្តេច ម៉ែន សំអន គាំទ្រគំនិតប្រែក្លាយផ្ទះនៅស្រុកកំណើតសម្តេចតេជោ ទៅជារមណីយដ្ឋានប្រវត្តិសាស្ត្រតេជោសែន appeared first on Kampuchea Thmey Daily.

សម្ដេច សាយ ឈុំ វាយតម្លៃបែបនេះ បន្ទាប់ពីស្ដាប់របាយការណ៍របស់សម្ដេចកិត្តិសង្គហបណ្ឌិត ម៉ែន សំអន ដែលបានរាយការណ៍អំពីសមិទ្ធផលដែលគណៈចលនាមហាជន ទូទាំងប្រទេស និងគណៈចលនានានា សម្រេចបាន។

បើតាមរបាយការណ៍សម្ដេច ម៉ែន សំអន បានឱ្យដឹងថា សមិទ្ធផលដែលគណៈចលនាមហាជន ទូទាំងប្រទេស និងគណៈចលនានានា សម្រេចបាន រួមគ្នាសម្រេចកិច្ចការធំៗគួរឱ្យកត់សម្គាល់លើការងារយុវជន ការងារស្រ្តី ការងារសហជីព និងការងារចលនាអង្គការ សមាគម និងដៃគូអភិវឌ្ឍន៍ រួមមាន ការពង្រឹង និងពង្រីករចនាសម្ព័ន្ធ ព្រមទាំង ក្តាប់បានសភាពការណ៍នយោបាយ ការគ្រប់គ្រងសតិអារម្មណ៍មហាជន ការផ្សព្វផ្សាយ ការងារអប់រំ បណ្តុះបណ្តាល ការងារបោះឆ្នោត ព្រមទាំងការងារសង្គម និងមនុស្សធម៌ដែលផ្សារភ្ជាប់យ៉ាងស្អិតរមួតជាមួយការងារនយោបាយ សតិអារម្មណ៍ និងចាត់តាំងមហាជន។

ថ្លែងក្នុងពិធីបើកសន្និបាត សម្ដេច សាយ ឈុំ ថ្លែងដូច្នេះ៖«តាមរយៈការរួមចំណែកដ៏សំខាន់របស់គណៈចលនាគណចលនាមហាជនក្នុងការនាំមកនូវជ័យជំនះជូនគណបក្ស គណៈចលនាមហាជនបាន និងកំពុង ដើរតួនាទីយ៉ាងសំខាន់ ជាសេនាធិការជូនគណៈកម្មាធិការគណបក្សគ្រប់កម្រិត ក្នុងការគ្រប់គ្រង សមរភូមិសតិអារម្មណ៍សាធារណៈ ដែលជាកម្លាំងនយោបាយមិនអាចខ្វះបានក្នុងការធានាជ័យជម្នះ របស់គណបក្សក្នុងគ្រប់ការបោះឆ្នោត ជាពិសេសការប្រមូលផ្តុំកម្លាំងគណបក្សក្នុងចំណោមមហាជនទូទៅផងដែរ។»។

សម្ដេច​ សាយ ឈុំ អនុប្រធានគណបក្សប្រជាជនកម្ពុជា ក៏បានថ្លែងកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែង របស់គណៈចលនាមហាជន ក្នុងការអនុវត្តការងារកន្លងទៅប្រកបដោយការយកចិត្តទុកដាក់ និងទំនួលខុសត្រូវខ្ពស់។ 

គួរឱ្យដឹងថា សន្និបាតបូកសរុបលទ្ធផលការងារនេះ  ធ្វើឡើងរយៈពេលពីរថ្ងៃ ពីថ្ងៃទី១៧ ដល់ថ្ងៃទី១៨ ខែធ្នូ។ នៅថ្ងៃស្អែក សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា នឹងអញ្ជើញបិទសន្និបាត។ គោលបំណងសំខាន់នៃសន្និបាត នេះ គឺដើម្បីបូកសរុប លទ្ធផលការងារក្នុងរយៈពេល ១ឆ្នាំកន្លងទៅ ក្នុងតួនាទីជាស្ថាប័នជំនួយការឲ្យគណៈកម្មា ធិការកណ្តាល លើការងារដឹកនាំ តម្រង់ទិស និងសម្របសម្រួលការងារចលនាមហាជន របស់គណបក្ស ក្នុងស្រទាប់មហាជន រួមមាន យុវជន ស្ត្រី កម្មករនិយោជិត និងអង្គការសង្គមនានា សំដៅរៀបចំទិសដៅការងារបន្ត ដែលឆ្លើយតបទៅនឹងតម្រូវការ និងសំណូមពររបស់ មហាជន ស្របតាមបរិបទនៃការវិវឌ្ឍថ្មីៗរបស់សង្គម៕

The post សម្ដេច សាយ ឈុំ៖ គណៈចលនាមហាជនបក្សប្រជាជនកម្ពុជា ជាកម្លាំងនយោបាយមិនអាចខ្វះបាន ក្នុងការជួយឱ្យបក្សឈ្នះឆ្នោត appeared first on Kampuchea Thmey Daily.

សម្តេចកិត្តិសង្គហបណ្ឌិត ម៉ែន សំអន ថ្លែងបែបនេះនាឱកាសអញ្ជើញជាអធិបតី នៃពិធីប្រកាសទទួលស្គាល់គណៈកម្មាធិការរណសិរ្សសាមគ្គី អភិវឌ្ឍន៍មាតុភូមិកម្ពុជា ខេត្តស្វាយរៀង នៅសាលាខេត្ត នារសៀលថ្ងៃសៅរ៍ ១៥រោច ខែកត្តិក ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី៣០ ខែវិច្ឆិកា ឆ្នាំ២០២៤។

សម្តេចកិត្តិសង្គហបណ្ឌិត ម៉ែន សំអន បានរំឭកថា រណសិរ្សសាមគ្គីសង្គ្រោះជាតិកម្ពុជា ដែលបច្ចុប្បន្នប្តូរឈ្មោះថា « ក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា » ត្រូវបានបង្កើតឡើង នៅថ្ងៃទី២ ធ្នូ ១៩៧៨ នៅភូមិជើងឃ្លូ ឃុំ២ធ្នូ ស្រួលស្នួល ខេត្តក្រចេះ ដោយមានការឧបត្ថម្ភគាំទ្រស្មារតី និងសម្ភារៈទៅវិញទៅមក រវាងបណ្តាប្រទេសជាមិត្ត ហើយជាថ្ងៃដែលខ្មែរអ្នកស្នេហាជាតិមួយក្រុម បានប្រមូលផ្តុំគ្នា ដើម្បីដាក់ចេញនូវផែនការរំដោះជាតិ សិទ្ធិសេរីភាព និងអាយុជីវិតរបស់ប្រជាពលរដ្ឋកម្ពុជា ចេញពីរបបកម្ពុជាប្រជាធិបតេយ្យ បនប្រល័យពូជសាសន៍ ប៉ុល ពត ក្រោមការដឹកនាំរបស់សម្តេច ជា ស៊ីម សម្តេច ហេង សំរិន និងសម្តេច ហ៊ុន សែន ព្រមទាំងឥស្សរជនស្នេហាជាតិជាច្រើនរូបទៀត ។

រណសិរ្សនេះ គឺជាអង្គការសាមគ្គីភាពប្រជាជនកម្ពុជាដ៏ទូលំទូលាយ ទាំងក្នុង និងក្រៅប្រទេស ដោយមិន ប្រកាន់សាសនា វណ្ណៈ និន្នាការនយោបាយ ប្រមូលផ្ដុំរាល់កម្លាំងស្នេហាជាតិ ស្រឡាញ់សន្តិភាព ប្រជាធិបតេយ្យ និងសេរីភាព ស្ម័គ្រចិត្តចូលរួមកសាង និងអភិវឌ្ឍន៍ប្រទេសជាតិ ឈានទៅសម្រេចការកាត់បន្ថយភាពក្រីក្រ ដើម្បី វិបុលភាព ភាពសុខដុមរមនា និងសុភមង្គលជូនប្រជាជនកម្ពុជា។

សម្ដេចកិត្តិសង្គហបណ្ឌិត ម៉ែន សំអន បន្តថា រណសិរ្សនេះ យកចិត្តទុកដាក់ការពារសិទ្ធិសេរីភាព និងផលប្រយោជន៍ត្រឹមត្រូវរបស់ប្រជាជន ដោយគោរព រដ្ឋធម្មនុញ្ញ និងច្បាប់បញ្ញត្តិជាធរមានរបស់រដ្ឋ ប្រមូលផ្តុំគំនិតយោបល់ និងសំណូមពរពីប្រជាជន ដើម្បីលើកសំណើជូនស្ថាប័នមានសមត្ថកិច្ចពិនិត្យ និងដោះស្រាយ។ រណសិរ្ស ចូលរួមកសាង និងពង្រឹងពង្រីកទំនាក់ទំនងសាមគ្គី មិត្តភាព និងកិច្ចសហប្រតិបត្តិការល្អ រវាងប្រជាជនកម្ពុជា ជាមួយប្រជាជនបណ្តាប្រទេសនៅក្នុងតំបន់ និងពិភពលោក។

សម្ដេចកិត្តិសង្គបណ្ឌិត បាន​រំឭក​ដល់​កម្មវិធីអំពីភារកិច្ចទាំង ៧ ចំណុច របស់រណសិរ្សសាមគ្គី អភិវឌ្ឍន៍មាតុភូមិកម្ពុជា ហើយជាចុងក្រោយសម្ដេចកិត្តិសង្គហបណ្ឌិត បានសង្កត់ធ្ងន់ថា សុខសន្តិភាព រយៈពេលជាង ២៥ឆ្នាំមកនេះ កើតឡើងពីការ ខិតខំ តស៊ូ លះបង់ ព្យាយាមដោយភាពអត់ធ្មត់ និង​ទប់ទល់​នឹងកត្តាអវិជ្ជមានច្រើនក្រោមការដឹកនាំប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាអតីតនាយករដ្ឋមន្ត្រីនៃព្រះរាជាណាកម្ពុជា និង​ការ​ចូលរួមគាំទ្រពីសំណាក់ប្រជាជនកម្ពុជាទាំងអស់។ ហេតុនេះ យើង​ត្រូវ​អរគុណ​សន្តិភាព ត្រូវរួមគ្នាការពារសន្តិភាពឱ្យបានឋិតថេរគង់វង្សរឹងមាំជានិច្ច។

មុននឹងបញ្ចប់ សម្ដេច ម៉ែន សំអន សង្កត់ធ្ងន់ថា « មានសន្តិភាពទើបមានការអភិវឌ្ឍប្រកបដោយចីរភាព យើងមិនអនុញ្ញាតដាច់ខាតឱ្យពួកអ្នកនយោបាយជ្រុលនិយមមួយក្ដាប់តូចមកបំផ្លាញសន្តិភាព ។ ក្នុងន័យនេះខ្ញុំសូមអំពាវនាវដល់ប្រជាពលរដ្ឋកម្ពុជាចូលរួមលើកកម្ពស់ស្មារតីជាតិនិយម និងបន្តជ្រោងទង់មហាសាមគ្គីជាតិក្រោមដំបូលរដ្ឋធម្មនុញ្ញនិងបាវចនាជាតិ សាសនា ព្រះមហាក្សត្រ ប្រឆាំងដាច់ខាតនូវរាល់សកម្មភាពណាដែលធ្វើឱ្យសាមគ្គីភាពត្រូវចុះខ្សោយ។ ការបែកបាក់ជាតិពីអតីតកាលបានផ្ដល់ឱ្យយើងនូវមេរៀនដ៏ឈឺចាប់បំផុត ដែលយើងត្រូវតែចងចាំជានិច្ច មិនត្រូវឱ្យស្ថានភាពដ៏អាក្រក់នេះអាចកើតមានជាថ្មីបានឡើយ » ៕

ដោយ ៖ វិមាន

The post សម្ដេច ម៉ែន សំអន សាទរ​ការ​ប្រកាស​ទទួល​ស្គាល់គណៈកម្មាធិការរណសិរ្សសាមគ្គី អភិវឌ្ឍន៍​មាតុភូមិកម្ពុជា សម្រាប់ខេត្តស្វាយរៀង appeared first on Kampuchea Thmey Daily.

ជាមួយគ្នានេះ សម្ដេចតេជោប្រធានគណបក្ស ក៏បានថ្លែងអំណរគុណដល់បណ្ដាថ្នាក់ដឹកនាំទាំងអស់ដែលបានចូលរួមនៅក្នុងអង្គកឋិនទាន ដែលធ្វើឲ្យអង្គកឋិនទានដង្ហែទៅកាន់វត្តខ្មែរក្រោមទទួលបាននូវភាពជោគជ័យ។

កាលពីថ្ងៃទី០៣ ដល់ថ្ងៃទី០៥ ខែវិច្ឆិកា សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ព្រមទាំងមន្ត្រី ថ្នាក់ដឹកនាំនៃរាជរដ្ឋាភិបាលកម្ពុជា បានដង្ហែអង្គកឋិនទានមហាសាមគ្គីគ្រួសារខ្មែរ ដង្ហែទៅដល់វត្តពោធិគិរីវង្សារាម ខេត្តត្រាវិញ ប្រទេសវៀតណាម។

អង្គកឋិនទាននេះទទួលបានការជួយជ្រោមជ្រែង គាំទ្រយ៉ាងខ្លាំងពីសំណាក់ សម្តេចបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង ក្រោមការដឹកនាំរៀបចំដោយផ្ទាល់របស់ សម្តេច ម៉ែន សំអន ព្រមទាំងមានការចូលរួមយ៉ាងច្រើនកុះករ ពីថ្នាក់ដឹកនាំគ្រប់ជាន់ថ្នាក់ នៃព្រះរាជាណាចក្រកម្ពុជា និងមហាពុទ្ធបរិស័ទខ្មែរ គ្រប់ទិសទី ប្រកបដោយមហាសទ្ធាជ្រះថ្លា។

អង្គកឋិនទានមហាសាមគ្គីគ្រួសារខ្មែរ ទទួលបានបច្ច័យសរុបចំនួន៦០ប៊ីលានដុង ដែលគិតជាដុល្លារគឺប្រមាណ២លាន៣សែនដុល្លារ។

បើតាមប្រសាសន៍របស់សម្ដេចកត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានឱ្យដឹងថា ព្រះមហាក្សត្រ នៃព្រះរាជាណាចក្រកម្ពុជា ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ជាទីគោរពសក្ការៈដ៏ខ្ពង់ខ្ពស់ ក៏បានប្រទានព្រះរាជទ្រព្យ ចូលរួមបុណ្យអង្គកឋិនទានមហាសាមគ្គីគ្រួសារខ្មែរចំនួន ១ ម៉ឺនដុល្លារអាម៉េរិកស្មើនឹង ២៥១ លាន

ដុង និង សម្តេចម៉ែ នរោត្តម មុនិនាថ សីហនុ ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់ក៏បានសព្វព្រះរាជហឫទ័យ ប្រទានព្រះរាជទ្រព្យ ចូលរួមអង្គកឋិនទាននេះ ចំនួន ១ ម៉ឺនដុល្លារអាម៉េរិកស្មើនឹង ២៥១ លានដុងផងដែរ។ បច្ច័យរបស់ សម្តេចតេជោ ហ៊ុន សែន និងសម្ដេច ព្រមទាំងក្រុមគ្រួសារ និងបច្ច័យទទួលបានពីសទ្ធាជ្រះថ្លារបស់មហាពុទ្ធបរិស័ទខ្មែរពីគ្រប់ទិសទី ដែលសង្កត់ត្រៃ នៃអង្គកឋិនទានមហាសាមគ្គីគ្រួសារខ្មែរ គឺសម្រាប់ប្រគេនដល់ព្រះសង្ឃ និងវត្តនានា ដើម្បីព្រះចៅអធិការ និងគណៈកម្មការវត្ត ប្រើប្រាស់ជាប្រយោជន៍ ក្នុងវិស័យព្រះពុទ្ធសាសនា រួមមាន៖ ទី១) ប្រគេនបច្ច័យសង្កត់ត្រៃអង្គកឋិនទានដង្ហែមកវត្តពោធិគិរីវង្សារាម ២៣ ប៊ីលាន ៨៤២ លានដុង។

ទី២) បច្ច័យសង្កត់ត្រៃធំ៥០ លានដុង។ទី៣) បច្ច័យសង្កត់ត្រៃសូត្រស្តាំ ២៥ លានដុង។ ទី៤) បច្ច័យសង្កត់ត្រៃសូត្រឆ្វេង ២៥ លានដុង។ ទី៥) ប្រគេនបច្ច័យព្រះសង្ឃចំនួន ៥៧ អង្គ គង់នៅ វត្តេពោធិគិរីវង្សារាម ក្នុងមួយអង្គបច្ច័យចំនួន ១២ លាន ៥ សែនដុង។ ទី៦) ជូនគណៈកម្មការ អាចារ្យ យាយជីតាជីចំនួន ១០៤ នាក់ក្នុងម្នាក់ៗ ២លាន៥ សែនដុង និងទី៧) ប្រគេនបច្ច័យដល់វត្តចំនួន ១៤២ វត្តក្នុងខេត្តត្រាវិញ ក្នុង ១ វត្ត បច្ច័យចំនួន២៥១ លានដុង៕

ដោយ៖ ង៉ិល ណារ៉ាត់

The post សម្ដេចតេជោ អរគុណសម្ដេច ម៉ែន សំអន ដែលបានរៀបចំដង្ហែអង្គកឋិនទានទៅវត្តខ្មែរក្រោមប្រកបដោយជោគជ័យ appeared first on Kampuchea Thmey Daily.

សម្តេច​កិត្តិ​សង្គហ​បណ្ឌិត​ក៏បាន​មានប្រសាសន៍​ថ្លែង​នូវ​ការ​កោត​ស​រសើរ ចំពោះ​ការខិតខំ​របស់ ឯកឧត្តម លោកជំទាវ លោក លោកស្រី​  ដែល​បាន​ចំណាយ​ពេលវេលា និង​គោរព​បាន​នូវ​បទបញ្ជា​របស់​វគ្គ ដែល​បាន​ចូលរួម​ក្នុង​វគ្គ​សិក្សា​នេះ ដោយ​ការយកចិត្ត​ទុក្ខ​ដាក់ និង​ការទទួលខុសត្រូវ​ខ្ពស់​។

​សម្តេច​កិត្តិ​ស​ង្គហ​បណ្ឌិត បាន​បន្ត​ទៀត​ថា ឆ្លងកាត់​តាមរយៈ​ការបណ្តុះបណ្តាល​រយៈពេល ១​សប្តាហ៍​នេះ គឺ​ពិតជា​ធ្វើ​ឲ្យ​សិក្ខាកាម​គ្រប់រូប​ទទួល​បាន​នូវ​ធាតុ​ចូល​ដ៏​សំខាន់ ជាពិសេស តាមរយៈ ការធ្វើជា​មន្ត្រី​ដ៏​ល្អ ប្រពៃ​របស់​គណបក្ស គឺ​ទាមទារ​ឲ្យ​មាន​ទាំង​សមត្ថភាព ទាំង​គុណធម៌ មានគុណ​ធម៌ គឺមាន​អត្តចរិត សីលធម៌​ល្អ​ប្រពៃ ស្រប​នឹង​លក្ខន្តិកៈ​គណបក្ស ហេតុនេះ​ទើប​គណបក្ស​បានរៀបចំ​ឲ្យ​មាន​វគ្គ​បណ្តុះបណ្តាល​នេះ​ឡើង ក្នុងន័យ​ពង្រឹង និង​បង្កើន​សមត្ថភាព​មន្ត្រី​គណបក្ស ហើយ​សិក្ខា កាម​ដែល​បាន​ឆ្លងកាត់​វគ្គ​អប់រំ​នយោបាយ​របស់​គណបក្ស មិន​គ្រាន់តែ​ជា​កម្លាំង​ដ៏​សកម្ម​ក្នុង​ការកសាង និង​ការពារ​មាតុភូមិ​បច្ចុប្បន្ននេះ​ប៉ុណ្ណោះ​ទេ តែ​ក៏​ជា​កម្លាំង​បន្តវេន ដើម្បី​រក្សា​ការពារ​នូវ​បុព្វហេតុ​ដ៏​ឧត្តុង្គឧត្តម​របស់​គណ​បក្ស​នាពេល​អនាគត​ថែមទៀត​។

សម្តេច​កិត្តិ​សង្គហ​បណ្ឌិត ក៏បាន​សំណូមពរ​ឲ្យ​សិក្ខាកាម​ក្នុង​ជំនា​ន់ទី​៨២​នេះ សូម​ចូលរួម​ចែករំលែក​បទពិសោធន៍ ដែល​ទទួល​ពី​វគ្គ​នេះ ត្រូវធ្វើ​ការផ្សព្វផ្សាយ​បន្ត ដើម្បី​បន្ត​ចូលរួមចំណែក​ក្នុងការ​អភិវឌ្ឍ​មូលដ្ឋាន​រៀង​របស់ខ្លួន​៕

ដោយ ៖ វិមាន

The post សម្តេច ម៉ែន សំអន ៖ សិក្ខាកាម​ត្រូវតែ​ចែករំលែក​បទពិសោធន៍​ដែល​ទទួលបាន​ពី​វគ្គ​សិក្សា​ឲ្យ​ទៅដល់​មូលដ្ឋាន appeared first on Kampuchea Thmey Daily.