លោក សុឹម ហីមប្រធានសហគមន៍នេសាទត្រពាំងសង្កែ ស្ថិតនៅក្នុងឃុំត្រពាំងសង្កែ ស្រុកទឺកឈូ ខេត្តកំពត បានលើក​ឡើង នាថ្ងៃទី១០ ខែកុម្ភៈ ឆ្នាំ២០២៥ នេះថា លោក សប្បាយ​រីករាយ​ដែល​សហគមន៍​របស់​ខ្លួន​ទទួល​បាន​ការ​យក​ចិត្ត​ទុក​ដាក់​ពី​រាជរដ្ឋាភិបាល ព្រម​ទាំង​ទទួល​បាន​គម្រោង​អភិវឌ្ឍ​លើវិស័យទេសចរណ៍​ឱ្យកាន់តែទាក់ទាញជាងមុន។

លោក សុឹម ហីម ប្រធានសហគមន៍ នេសាទ​ត្រពាំងសង្កែ និងភ្ញៀវទេសចរណ៍បានយល់ឃើញថា ការធ្វើដូច្នេះដើម្បីជួយលើកកម្ពស់ជីវភាពពលរដ្ឋ​ឱ្យកាន់តែប្រសើរ នឹងជាជំហាន​ដើម្បី​ឈានទៅសម្រេចចក្ខុវិស័យឆ្នាំ២០២៥។

លោក​បាន​បន្ត​ថា គម្រោង​មួយ​នេះ​នឹងជួយបង្កើនសេដ្ឋកិច្ចគ្រួសារប្រជានេសាទ ព្រោះ​វា​ជា​ដើម​ទុន​មិនចេះ​រីង​ស្ងួត សម្រាប់​ឱ្យ​ប្រជានេសាទ​អាច​បង្កើត​មុខ​របរ​បន្ថែម ដើម្បី​មានប្រាក់ចំណូលប្រចាំថ្ងៃ។

ភ្ញៀវទេសចរមកពីខេត្តតាកែវ កញ្ញា លី កញ្ញា បានបង្ហាញការយល់ឃើញថា សហគមន៍អេកូទេសចរណ៍ធម្មជាតិត្រពាំងសង្កែ ជាកន្លែងដែលទាក់ទាញស្រាប់ បើមានការជួយឧត្តម្ភគាំទ្រពីរាជរដ្ឋាភិបាលបែបនេះទៀត វាកាន់តែល្ពប្រសើរ។

កញ្ញាយល់ឃើញថា គោលនយោបាយដឹកនាំរបស់រាជរដ្ឋាភិបាលអាណត្តិទី៧នេះពិសេសខ្លាំង ព្រោះពលរដ្ឋគ្រប់ទីកន្លែង​មិនថា តំបន់ជនដាច់ស្រយាល ក៏​បាន​នឹង​កំពុង​ទទួល​នូវ​សមិទ្ធផល​នៃការអភិវឌ្ឍន៍ជាបន្តបន្ទាប់ ដែលអាចឈានទៅសម្រេចចក្ខុវិស័យកម្ពុជាឆ្នាំ២០៥០ ជាប្រទេសមានប្រាក់ចំណូលខ្ពស់។

តាមការបញ្ជាក់ សហគមន៍នេសាទត្រពាំងសង្កែមានតួនាសំខាន់ក្នុងការអភិរក្សធនធានសមុទ្រ ពិសេសដើមកោងកាង និងបានដាំបន្ថែមគិតរហូតមកល់បច្ចុប្បន្ន បានចំនួនជាង៣០ម៉ឺនដើម ហើយជាគោលការណ៍ សហគមន៍នឹងពង្រីកដីដាំដើមកោងកាងឱ្យបាន២១ហិកតាបន្ថែមទៀត ខណៈដែលបែចិញ្ចឹមត្រី នៅឆ្នាំ២០២៥នេះ ត្រូវពង្រីង​ឱ្យបានប្រមាណ៣០០បែ៕

ដោយ ៖ សឹង រ៉ាត់

The post ​សហគមន៍​នេសាទ​ត្រពាំងសង្កែ​សប្បាយចិត្ត​ បន្ទាប់​ពី​រដ្ឋាភិបាល​ផ្តល់​កាដូ​ជា​ផ្លូវបេតុង ចំណតរថយន្ត ​ដើម្បី​ទាក់ទាញ​វិស័យ​ទេសចរណ៍ appeared first on Kampuchea Thmey Daily.

សហគមន៍នេសាទត្រពាំងសង្កែរមណីយដ្ឋានទេសចរណ៍ធម្មជាតិបានបន្តបេសកកម្មក្នុងការអភិរក្សធនធានធម្មជាតិដើមកោងកាងសមុទ្របានល្អប្រសើរ ដើម្បីបង្កើនប្រាក់ចំណូលបន្ថែមជូនដល់សមាជិករបស់សហគមន៍របស់ខ្លួន។ សហគមន៍នេសាទត្រពាំងសង្កែនេះ បានប្រែក្លាយជាតំបន់អេកូរមណីយដ្ឋានទេសចរណ៍ធម្មជាតិមួយនេះភាគច្រើន មានភ្ញៀវជាតិ និងភ្ញៀវអន្តរជាតិប្រហែល៥ភាគរយដែលមកទេសចរ និងអាចទៅសម្រាកលម្ហែ ហើយទទួលកម្មង់គ្រឿងសមុទ្រស្រស់ៗ និងមានទូកជិះដើរលេងកម្សាន្តមើលដើមកោងកាង រហូតដល់មាត់សមុទ្ររបស់សហគមន៍នេសាទត្រពាំងសង្កែ ហើយអាជ្ញាធរនឹងប្តេជ្ញាធ្វើឱ្យសហគមន៍នេសាទត្រពាំងសង្កែនេះកាន់តែមានភាពទាក់ទាញភ្ញៀវទេសចរជាតិ និងអន្តរជាតិឲ្យខ្លាំងបន្ថែមជាងមុនទៅទៀត។

លោក សឹម ហុីម ប្រធានសហគមន៍នេសាទត្រពាំងសង្កែ បានបន្តឱ្យដឹងថា កន្លងមកសហគមន៍របស់លោកបានចុះថយភ្ញៀវក៏ដោយសារវិបត្តិសេដ្ឋកិច្ចនេះក៏ដោយលោកថា កន្លែងសហគមន៍របស់លោក បានបំពេញបេសកកម្មក្នុងការអភិរក្សធនធានដើមកោងកាងធម្មជាតិបៃតង នៅតាមបណ្ដោយឆ្នេរសមុទ្រយ៉ាងល្អ និងធ្វើឱ្យអ្នកមកភោគផលសមុទ្រនៅ​សហគមន៍មានភាពល្អប្រសើរ។ ប៉ុន្តែដើម្បីជំរុញការទប់ស្កាត់បទល្មើសអ្នកកាប់ដែលទន្ទ្រាន និងដើម្បីរកប្រាក់ចំណូលបន្ថែមរបស់សហគមន៍នេសាទត្រពាំងសង្កែបានប្រែក្លាយទៅជាតំបន់អេកូរមណីយដ្ឋានទេសចរណ៍ធម្មជាតិ ដោយបានសង់ខ្ចុះសម្រាប់ភ្ញៀវទេសចរមកទទួលទានអាហារ សម្រាកលម្ហែ ជិះទូកលេងកម្សាន្តស្រូបយកខ្យល់អាកាសបរិសុទ្ធពីសមុទ្រ និងមានការសាងសង់ស្ពានឈើសម្រាប់ដើរលេងកម្សាន្តរហូតដល់មាត់សមុទ្រ។

លោកប្រធានសហគមន៍រូបនេះបានបន្តថា បច្ចុប្បន្នសហគមន៍នៅតែបន្តអភិរក្ស និងអភិវឌ្ឍន៍លើវិស័យទេសចរណ៍ដើម្បីឆ្លើយតបតម្រូវការប្រជាពលរដ្ឋ និងភ្ញៀវទេសចរជាតិនិងអន្តរជាតិ ហើយសហគមន៍ក៏មានកញ្ចប់ទស្សនកិច្ច សម្រាប់ទេសចរតាមរយៈការជិះទូកកម្សាន្តនៅតំបន់ព្រៃកោងកាងសំខាន់ៗសហគមន៍នេសាទត្រពាំងសង្កែនេះមានទំហំផ្ទៃដីព្រៃកោងកាងប្រមាណ ១០គីឡូម៉ែត្រឯណោះ។

ជាមួយគ្នានេះ លោកស្រី សុខ ចាន់ធី មេឃុំ ត្រពាំងសង្កែ  បានឱ្យដឹងដែរថា សហគមន៍នេសាទត្រពាំងសង្កែ បានប្រែក្លាយទៅជាតំបន់អេកូរមណីយដ្ឋានទេចរណ៍ធម្មជាតិមួយកំពុងទាក់ទាញភ្ញៀវជាតិ និងអន្តរជាតិបានមកលេងទស្សនាកម្សាន្តជាច្រើន តែទោះជាយ៉ាងណាក៏ដោយក៏ហេដ្ឋានរចនាសម្ព័ន្ធផ្សេងៗ និងសេវាកម្មទទួលភ្ញៀវទេសចរ នៅមានកម្រិតនៅឡើយ ប៉ុន្តែប្រធានសហគមន៍បានរៀបចំផែនការក្នុងការពង្រីក និងពង្រឹងគុណភាពលើចំណុចទាំងនោះឱ្យបានល្អប្រសើរបន្ថែមទៀត។

បានបញ្ជាក់ថា សហគមន៍នេសាទមានសារៈប្រយោជន៍ច្រើនសម្រាប់ប្រជានេសាទ ហើយទៅថ្ងៃមុខ បើគ្មានការរំខានពីក្រុមហ៊ុនវិនិយោគនោះទេ ប្រជាសហគមន៍ និងពលរដ្ឋក្នុងតំបន់ នឹងមានឱកាសបង្កើតការងារជាច្រើន តាមរយៈការប្រមូលភោគផលសមុទ្រ និងការផ្តល់សេវាកម្មផ្សេងៗទៅឱ្យភ្ញៀវទេសចរណ៍បានប្រសើ៕

អត្ថបទ៖ សឹង រ៉ាត់

The post សហគមន៍នេសាទត្រពាំងសង្កែ ក្លាយទៅជាតំបន់អេកូរមណីយដ្ឋានទេសចរណ៍ធម្មជាតិដ៏ទាក់ទាញរបស់ស្រុកទឹកឈូ appeared first on Kampuchea Thmey Daily.