យើងខ្ញុំពិតជាមានសេចក្តីតក់ស្លុត និងសោកស្តាយយ៉ាងខ្លាំងបំផុតចំពោះមរណភាពរបស់ ឯកឧត្តម អ្នកឧកញ៉ា ឧត្តមមេត្រីវិសិដ្ឋ ដែលនេះគឺជាការបាត់បង់នូវឧត្ដមស្វាមី បិតា បិតាក្មេក និងជីតា ប្រកបដោយព្រហ្មវិហារធម៌ មានគុណូបការៈដ៏ជ្រាលជ្រៅនិងជាទីគោរព ស្រឡាញ់ដ៏ខ្ពង់ខ្ពស់បំផុតរបស់កូនៗ ចៅៗ ដែលកន្លងមក អ្នកឧកញ៉ា ឧត្តមមេត្រីវិសិដ្ឋ បានខិតខំប្រឹងប្រែងយកអស់កម្លាំងកាយ កម្លាំងចិត្ត ប្រាជ្ញាស្មារតី តស៊ូ ពុះពារចិញ្ចឹមបីបាច់ថែរក្សា ផ្គត់ផ្គង់ ទំនុកបម្រុងសព្វបែបសព្វយ៉ាងដល់ក្រុមគ្រួសារ ព្រមទាំងផ្ដល់នូវឱវាទអប់រំទូន្មាន ភាពកក់ក្ដៅ និងសេចក្ដីស្រលាញ់ដ៏ធំធេងមិនអាចកាត់ថ្លៃបានដល់កូនៗ ចៅៗឱ្យបានក្លាយជាបញ្ញវន្តដ៏ប្រពៃ ជាពលរដ្ឋដ៏ល្អ។ លើសពីនេះទៅទៀត មរណភាពរបស់ ឯកឧត្តម អ្នកឧកញ៉ា ឧត្តមមេត្រីវិសិដ្ឋ ហ៊ុន សាន ក៏ជាការបាត់បង់ដ៏ធំធេងឥស្សរជនឆ្នើមមួយរូប ដែលបានខិតខំបំពេញការងារ និងសម្រេចបានលទ្ធផលជាច្រើនជូនជាតិមាតុភូមិ។

ក្នុងឱកាសប្រកបដោយសមានទុក្ខដ៏ក្រៀមក្រំនេះ យើងខ្ញុំទាំងអស់គ្នា សូមចូលរួមរំលែកនូវមរណទុក្ខជាមួយលោកជំទាវ ព្រមទាំងក្រុមគ្រួសារ ដោយសេចក្តីសង្វេគជាទីបំផុត និងសូមឧទ្ទិសបួងសួង សូមឱ្យវិញ្ញាណក្ខន្ធរបស់ ឯកឧត្តម អ្នកឧកញ៉ា ឧត្តមមេត្រីវិសិដ្ឋ ហ៊ុន សាន បានសោយសុខក្នុងសុគតិភព កុំបីឃ្លៀងឃ្លាតឡើយ៕

The post អ្នកឧកញ៉ា ឃុន សៀ សូមផ្ញើសារចូលរួមរំលែកទុក្ខដ៏ក្រៀមក្រំបំផុត ចំពោះមរណភាព ឯកឧត្តម អ្នកឧកញ៉ា ឧត្តមមេត្រីវិសិដ្ឋ ហ៊ុន សាន appeared first on Kampuchea Thmey Daily.

ក្នុងវេលាប្រកបដោយសមានទុក្ខដ៏ក្រៀមក្រំបំផុតនេះ យើងខ្ញុំសូមចូលរួមរំលែកទុក្ខដ៏ក្រៀមក្រំបំផុតជាមួយ លោកជំទាវ ខៀវ ស៊ីណា ព្រមទាំងក្រុមគ្រួសារទាំងអស់ ចំពោះការបាត់បង់រូបឯកឧត្តម ជា ចាន់តូ ដែលជា ស្វាមី ឪពុក ឪពុកក្មេក ជីតា ប្រកបដោយព្រហ្មវិហារធម៌ និងសង្គហធម៌ដ៏ល្អប្រពៃចំពោះក្រុមគ្រួសារ។ ជាពិសេសជាការបាត់បង់នូវឥស្សរជនថ្នាក់ដឹកនាំដ៏ឆ្នើមមួយរូបក្នុងវិស័យធនាគារ និងហិរញ្ញវត្ថុ នៅប្រទេសកម្ពុជា ដែលមានឆន្ទៈ មនសិការ ក្នុងការបម្រើ ជាតិ សាសនា ព្រះមហាក្សត្រ នៅគ្រប់កាលៈទេសៈ ព្រមទាំងបានបូជាកម្លាំងកាយចិត្ត បញ្ញា ស្មារតី និងលះបង់ពេលវេលា ក្នុងការចូលរួមចំណែកជាមួយរាជរដ្ឋាភិបាលកម្ពុជាកន្លងមក ប្រកបដោយឧត្តមគតិខ្ពស់ និងតម្កល់ផលប្រយោជន៍ជាតិជាធំ។

ក្នុងខណៈវេលាដ៏ក្រៀមក្រំបំផុតនេះ សូមឧទ្ទិសបួងសួងដល់ដួងវិញ្ញាណក្ខន្ធ ឯកឧត្តម ជា ចាន់តូ សូមបានចាប់បដិសន្ធិក្នុងសុគតិភព កុំបីឃ្លៀងឃ្លាតឡើយ៕

The post ឯកឧត្តម ឃួង ស្រេង និងលោកជំទាវ ផ្ញើសាររំលែកទុក្ខជូន លោកជំទាវ ខៀវ ស៊ីណា ជា ចាន់តូ និងក្រុមគ្រួសារ ចំពោះមរណភាពរបស់ ឯកឧត្តម ជា ចាន់តូ appeared first on Kampuchea Thmey Daily.

លោកជំទាវបណ្ឌិត បានសរសេរថា៖ “នាងខ្ញុំសូមសម្ដែងនូវការសោកស្ដាយ និងក្ដីសោកសង្រេងជាទីបំផុត ចំពោះដំណឹងមរណភាពរបស់ លោក ខេង ឆៃយុទ្ធ និង លោក ស៊ុន ផល្លា ដែលជាអាកាសយានិកពលី ក្នុងឧប្បទ្ទវហេតុធ្លាក់ឧទ្ធម្ភាគចក្រនៅចំណុចលើខ្នងភ្នំយ៉ាវយ៉ៃ ស្ថិតក្នុងឃុំថ្មដា ស្រុកវាលវែង ខេត្តពោធិ៍សាត់”។ បន្ថែមពីនេះ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ក៏បានចូលរួមរំលែកទុក្ខដ៏ក្រៀមក្រំនេះជាមួយគ្រួសារសព ព្រមទាំងឧទ្ទិសបួងសួងដល់ដួងវិញ្ញាណក្ខន្ធរបស់វីរអាកាសយានិកទាំង ២រូប សូមបានទៅកាន់សុគតិភព និងឋានបរមសុខកុំបីឃ្លៀងឃ្លាតឡើយ។

សូមជម្រាបថា ឧទ្ធម្ភាគចក្រយោធាដែលបាត់ដាន កាលពីថ្ងៃទី១២​ ខែកក្កដា​ ឆ្នាំ២០២៤ មានអាកាសយានិក២រូបនៅក្នុងនោះ គឺ លោក ខេង ឆៃយុទ្ធ និង លោក ស៊ុន ផល្លា ត្រូវបានរកឃើញនៅរសៀលថ្ងៃទី២៩ ខែកក្កដា នៅចំណុចលើខ្នងភ្នំយ៉ាវយ៉ៃ ស្ថិតនៅក្នុងឃុំថ្មដា ស្រុកវាលវែង ខេត្តពោធិ៍សាត់ ក្រោយចំណាយពេលរុករកអស់រយៈពេល១៧ថ្ងៃ។បន្ទាប់ពីរកឃើញឧទ្ធម្ភាគចក្រយោធានោះ ទើបគេទទួលបានដំណឹងថា អាកាសយានិកទាំង២រូបបានបាត់បង់ជីវិតទៅហើយ ដែលជារឿងគួរឱ្យសោកស្តាយពីប្រជាជនខ្មែរទាំងមូលចំពោះការបាត់បង់នេះ៕

The post លោកជំទាវបណ្ឌិត ពេជ ចន្ទមុន្នី សម្តែងការសោកស្តាយចំពោះការបាត់បង់ជីវិតរបស់អាកាសយានិកទាំង២រូប appeared first on Kampuchea Thmey Daily.

The post ឯកឧត្តម ឃួង ស្រេង ផ្ញើសារលិខិតចូលរួមរំលែកទុក្ខចំពោះមរណភាព ឯកឧត្តម ជាវ តាយ appeared first on Kampuchea Thmey Daily.

ស្ថិត​ក្នុង​សមាន មានទុក្ខ វិយោគ​សោកស្ដាយ ស្រណោះ​អាឡោះអាល័យ​ជា​ពន់ពេក រក​អ្វី​ប្រៀបផ្ទឹម​ពុំបាន​នេះ ខ្ញុំព្រះករុណា សូម​ចូលរួម​រំលែក​ទុក្ខ ប្រកបដោយ​សេចក្ដី​ក្ដុកក្ដួល​ជាទីបំផុត ចំពោះ​ការ​បាត់បង់​នូវ​មហា​វីរ​សង្ឃ​កំពូល នៃ​ព្រះរាជាណាចក្រ​កម្ពុជា ដែល​ពេញ​មួយ​ព្រះជន្ម​របស់ សម្តេច បាន​លះបង់​អស់​ព្រះ​កាយពល សាង​ព្រះ​ផ្នួស បូជា ក្នុង​វិស័យ​ព្រះពុទ្ធ ពុទ្ធសាសនា និង​ចូលរួម​លើក​កម្ពស់​ការ​រស់​ឡើងវិញ នៃ​ព្រះពុទ្ធសាសនា​ក្នុង​ប្រទេស​កម្ពុជា ចាប់​តាំងពី​ថ្ងៃ​ជ័យ​ជម្នះ ៧ មករា ឆ្នាំ ១៩៧៩ ជាពិសេស​ព្រះអង្គ​បាន​ធ្វើ​ពលិកម្ម​ដ៏​ខ្ពង់ខ្ពស់ ធ្វើ​ពលិកម្ម​ដ៏​ខ្ពង់ខ្ពស់​បំផុត បូជា​ថ្វាយ ជាតិ សាសនា ព្រះមហាក្សត្រ ដោយ​បាន​បង្កើត​គណៈ​សង្ឃ​កម្ពុជា​ឡើងវិញ រហូតដល់​ពេល​បច្ចុប្បន្ន​នេះ៕

The post អភិបាលរាជធានីភ្នំពេញ ផ្ញើសាររំលែកទុក្ខចំពោះការយាងចូលទិវង្គត​របស់ សម្តេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស appeared first on Kampuchea Thmey Daily.

បើយោងតាមលោក ខៀវ កាញារីទ្ធ រដ្ឋមន្ត្រីក្រសួងព័ត៌មានបានបង្ហោះនៅព្រឹក ថ្ងៃទី៨ ខែឧសភា ឆ្នាំ២០២៣នេះថា ដើម្បីជាតិ សមាជិកក្រុមបាល់ទះក្រុមជម្រើសជាតិកម្ពុជាដែលមានតួនាទីលីប្រូ កីឡាករ ឈាង ភារ័ត្ន បានបាត់បង់អ្នកមានគុណម្នាក់ មុនពេលប្រកួតជាមួយក្រុមជម្រើសជាតិថៃ ប៉ុន្តែត្រូវបានក្រុមគ្រួសារលាក់បាំង។

ការលាក់បាំងនេះបារម្ភធ្វើឲ្យប៉ះពាល់ដល់អារម្មណ៍ និងស្មារតីរបស់កីឡាករ ភារ័ត្ន ដែលកំពុងស្ថិតនៅជាមួយក្រុមជម្រើសជាតិត្រៀមប្រកួត។ ដំណឹងសោកសៅនេះត្រូវបានទម្លាយក្រោយពេល កម្ពុជា បានយកឈ្នះក្រុមថៃដោយលទ្ធផល ៣-២ ដើម្បីឡើងទៅកាន់វគ្គផ្ដាច់ព្រ័ត្រដណ្ដើមមេដាយមាស។

គួររម្លឹកផងដែរថា ការប្រកួតបាល់ទះជម្រើសជាតិកម្ពុជានឹងប្រកួតជាមួយក្រុមជម្រើសជាតិឥណ្ឌូណេស៊ី វេលាម៉ោង៧:៣០នាទីយប់នេះក្នុងវគ្គផ្តាច់ព្រ័ត្រដណ្តើមមេដាយមាស។ នេះជាការជួបគ្នាលើកទី២រវាងក្រុមទាំងពីរក្នុងកីឡាស៊ីហ្គេម ឆ្នាំ២០២៣ បន្ទាប់ពីជួបគ្នាលើកទី១វគ្គសន្សំពិន្ទុក្នុងពូល កម្ពុជាបានចាញ់ឥណ្ឌូណេស៊ីដោយលទ្ធផល ៣-០៕

អត្ថបទ៖ គេន ម៉ាលិះ

The post សមាជិកបាល់ទះកម្ពុជាមួយរូប បាត់បង់អ្នកមានគុណមុនប្រកួតជាមួយថៃ តែត្រូវគ្រួសារលាក់បាំង ខ្លាចប៉ះពាល់ផ្លូវចិត្ត appeared first on Kampuchea Thmey Daily.

លោកស្រី ប៊ុន សុថា ប្អូនស្រីពៅបង្កើតនៃសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានទទួលមរណភាព ក្នុងអាយុ ៦៧ឆ្នាំ ដោយរោគាពាធ កាលពីល្ងាចថ្ងៃទី៣ ខែកុម្ភៈ។ មរណភាពលោកស្រី ប៊ុន សុថា នាពេលនេះ បានបន្សល់នូវក្ដីអាឡោះអាល័យ និងក្ដីសោកស្ដាយបំផុតសម្រាប់ក្រុមគ្រួសារ បងប្អូន កូនក្មួយ និងសាច់ញាតិនៃសព។

ប៉ុន្តែ អ្វីដែលមានការចាប់អារម្មណ៍នោះ នៅថ្ងៃព្រឹកថ្ងៃទី៦ ខែមកុម្ភៈនេះ លោកស្រី តែ ចន្ទមនោ ភរិយាលោក កឹម សុខា អតីតប្រធាននៃអតីតគណបក្សសង្គ្រោះជាតិ បានទៅគោរពវិញ្ញាណក្ខន្ធលោកស្រី ប៊ុន សុថា ដោយផ្ទាល់។ ក្រៅពីភរិយាលោក កឹម សុខា ក៏មានថ្នាក់ដឹកនាំគណបក្សនយោបាយជាច្រើនបានផ្ញើសារចូលរួមរំលែកទុក្ខដ៏ក្រៀមក្រំនេះដែរ។

នៅក្នុងនោះ កាលពីរសៀលថ្ងៃទី៥ ខែកុម្ភៈ លោក ចេប គឹមអ៊ាង អនុប្រធានគណបក្សភ្លើងទៀនបានដឹកនាំថ្នាក់ដឹកនាំគណបក្សចូលរួមគោរពវិញ្ញាណក្ខន្ធលោកស្រី ប៊ុន សុថា និងបាននាំយកសារលិខិតចូលរួមរំលែកទុក្ខរបស់លោក ទាវ វណ្ណុល ប្រធានគណបក្សភ្លើងទៀន ផ្ញើជូនសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន រួមទាំងកម្រងផ្កា និងបច្ច័យមួយចំនួនដែរ។

ដោយឡែក ព្រះអង្គម្ចាស់ នរោត្តម ចក្រាវុធ ព្រះប្រធានគណបក្សហ្វ៊ុនស៊ិនប៉ិច លោក ញឹក ប៊ុនឆៃ ប្រធានគណបក្សខ្មែររួបរួមជាតិ លោក ពេជ្រ ស្រស់ ប្រធានគណបក្សយុវជនកម្ពុជា រួមទាំងគណបក្សសញ្ជាតិកម្ពុជា គណបក្សឯកភាពជាតិខ្មែរ គណបក្សកម្លាំងប្រជាធិបតេយ្យ គណបក្សខ្មែរតែមួយ ក៏ផ្ញើសារលិខិតជូនសម្ដេចតេជោ ហ៊ុន សែន ដោយបានចូលរួមរំលែកទុក្ខ និងសម្ដែងការសោកស្ដាយបំផុតចំពោះមរណភាពលោកស្រី ប៊ុន សុថា។

សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តាំងនាមឲ្យគ្រួសារសព ក៏បានផ្ញើលិខិតថ្លែងអំណរគុណដល់បណ្ដាថ្នាក់ដឹកនាំគណបក្សនយោបាយទាំងអស់ដែលបានផ្ញើលិខិតចូលរួមរំលែកទុក្ខចំពោះមរណភាពប្អូនស្រីពៅបង្កើតរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន៕

ដោយ៖ ធឿន វ៉ាន់សុង

The post ភរិយាលោក កឹម សុខា និងមេបក្សនានាផ្ញើសាររំលែកទុក្ខចំពោះមរណភាពលោកស្រី ប៊ុន សុថា appeared first on Kampuchea Thmey Daily.

យើងខ្ញុំ​ពិតជា​មាន​សេចក្តី​តក់ស្លុត និង​សោកស្តាយ​យ៉ាងខ្លាំងបំផុត​ចំពោះ​មរណភាព​របស់លោក​ជំទាវ ដែល​នេះ​គឺជា​ការបាត់បង់​នូវ​ឧត្ដម​ភរិយា មាតា មាតា​ក្មេក និង​ជីដូន ប្រកបដោយ​ព្រហ្ម​វិហារធម៌ មាន​គុណូបការៈ​ដ៏​ជ្រាលជ្រៅ និង​ជាទីគោរព ស្រឡាញ់​ដ៏​ខ្ពង់ខ្ពស់​បំផុត​របស់​កូនៗ ចៅៗ ដែល​កន្លងមក លោកជំទាវ បាន​ខិតខំ​ប្រឹងប្រែង​យក​អស់​កម្លាំងកាយ កម្លាំងចិត្ត ប្រាជ្ញា​ស្មារតី តស៊ូ ពុះពារ​ចិញ្ចឹម​បីបាច់​ថែរក្សា ផ្គត់ផ្គង់ ទំនុកបម្រុង​សព្វបែបយ៉ាង​ដល់​ក្រុមគ្រួសារ ព្រមទាំង​ផ្ដល់នូវ​ឱវាទ​អប់រំ​ទូន្មាន ភាពកក់ក្ដៅ និង​សេចក្ដី​ស្រលាញ់​ដ៏​ធំធេង​មិនអាច​កាត់ថ្លៃ​បាន​ដល់​កូនៗ ចៅៗ​ឱ្យបាន​ក្លាយជា​បញ្ញវន្ត​ដ៏​ប្រពៃ ជា​ពលរដ្ឋ​ដ៏​ល្អ​។

លើស​ពី​នេះ​ទៅ​ទៀត មរណភាព​របស់​លោក​ជំទាវ ក៏​ជា​ការ​បាត់បង់​ដ៏​ធំធេង​សម្រាប់​សង្គមជាតិ ដែល​លោកជំទាវ​បាន​ខិតខំ​បំពេញការងារ និង​ចូលរួម​អភិវឌ្ឍន៍​ជូន​ជាតិ​មាតុភូមិ​។

ក្នុង​ឱកាស​ប្រកបដោយ​សមាន​ទុក្ខ​ដ៏​ក្រៀមក្រំ​នេះ យើងខ្ញុំ​ទាំងអស់​គ្នា សូម​ចូលរួម​រំលែក​នូវ​មរណទុក្ខ​ជាមួយ​ក្រុម​គ្រួសារ ដោយ​សេចក្តី​សង្វេគ​ជាទីបំផុត និង​សូម​ឧទ្ទិស​បួងសួង សូមឱ្យ​វិញ្ញាណក្ខន្ធ​របស់លោក​ជំទាវ បាន​សោយសុខ​ក្នុង​សុគតិភព កុំបី​ឃ្លៀងឃ្លាត​ឡើយ​។

សូម​បញ្ជាក់​ថា សព​លោកជំទាវ ត្រូវ​តម្កល់ទុក​ធ្វើបុណ្យ​តាម​ប្រពៃណី នៅផ្ទះ​លេខ​៦៦ ផ្លូវ​លេខ​៥២៨ កែង​នឹង​ផ្លូវ​លេខ​២៨៥ សង្កាត់​បឹងកក់​ទី​១ ខណ្ឌទួលគោក រាជធានី​ភ្នំពេញ​។ សព​នឹង​ដង្ហែ ទៅ​បញ្ចុះ​នៅ​វត្ត​បទុម​វ​តី នៅ​ថ្ងៃទី​៧ ខែកុម្ភៈ ឆ្នាំ​២០២៣៕

The post ឯកឧត្តម ឃួ​ង ស្រេង​និង​ឯកឧត្ដម ម៉ប់ សារិន ផ្ញើ​សារ​ចូលរួម​រំលែក​ទុក្ខ​ដ៏​ក្រៀមក្រំ​បំផុត ចំពោះ​មរណភាព​លោកជំទាវ ប៊ុន សុថា ហៅ ប៊ុន សាម​ហ៊ឹង appeared first on Kampuchea Thmey Daily.