ប្រតិបត្តិការបង្ក្រាបនេះកម្លាំងសមត្ថកិច្ចជំនាញបានធើ្វការស្រាវជ្រាវ បទល្មើសចោរកម្មមានស្ថានទម្ងន់ទោសនេះ បានធ្វើឡើងក្នុងរយៈពេល ០២ថ្ងៃជាប់គ្នា (ចាប់ពីថ្ងៃទី០១ ដល់ថ្ងៃទី០២ ខែកក្កដា ឆ្នាំ២០២៦) ក្រោមការដឹកនាំផ្ទាល់ពីលោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង និងមានការចង្អុលបង្ហាញផ្នែកជំនាញពីលោកវរសេនីយ៍ឯក គឹម ឡៃ ស្នងការរងទទួលផែនព្រហ្មទណ្ឌ។ ភ្លាមៗនោះ លោកវរសេនីយ៍ សំ សំអុល អធិការនគរបាលក្រុងបាវិត បានបញ្ជាកម្លាំងជំនាញចុះអន្តរាគមន៍ដល់ទីតាំងកើតហេតុ ដែលជាអគារគ្មានមនុស្សស្នាក់នៅ ស្ថិតក្នុងតំបន់ឧស្សាហកម្ម OP ភូមិបាវិតលើ សង្កាត់បាវិត ក្រុងបាវិត។

នៅចំពោះមុខសមត្ថកិច្ច ជនសង្ស័យទាំង ៧នាក់ បានឆ្លើយសារភាពថា ពួកខ្លួនពិតជាបានសម្រុកចូលទៅក្នុងអគារ ដើម្បីវាយបំផ្លាញយករកដែក និងលួចសម្ភារៈផ្សេងៗយកទៅលក់ ព្រមទាំងមានការផ្សំគំនិតទិញ-លក់ផលចោរកម្មនេះប្រាកដមែន។

នៅក្នុងកិច្ចប្រតិបត្តិការនេះ សមត្ថកិច្ចបានដកហូតវត្ថុតាង និងមធ្យោបាយធ្វើសកម្មភាព រួមមាន៖ រថយន្តកង់បី (ផាសអាប់) ០១គ្រឿង, ម៉ូតូសណ្តោងរ៉ឺម៉ក ០២គ្រឿង, ម៉ូតូ ០៤គ្រឿង, ទូរស័ព្ទដៃ ០៥គ្រឿង, ដែកនិងសម្ភារៈដែលលួចបានមួយចំនួន ព្រមទាំងម្សៅក្រាមពណ៌សថ្លាសង្ស័យជាសារធាតុញៀនចំនួន ០១កញ្ចប់តូច (ជារបស់ជនសង្ស័យឈ្មោះ ស វុទ្ធី)។

បច្ចុប្បន្ន ជនសង្ស័យទាំង ៧នាក់ រួមជាមួយវត្ថុតាង ត្រូវបានសមត្ថកិច្ចជំនាញនៃអធិការដ្ឋាននគរបាលក្រុងបាវិត កសាងសំណុំរឿងបញ្ជូនទៅកាន់សាលាដំបូងខេត្ត ដើម្បីចាត់ការបន្តតាមនីតិវិធីច្បាប់។ ជាមួយគ្នាផងដែល កម្លាំងសមត្ថកិច្ច ក៏បានអំពាវនាវ សូមប្រជាពលរដ្ឋទាំងអស់ កុំចូលទៅបំផ្លាញអាគារ និង វាយកម្ទេចយកដែករឺស៊ុមទ្វារបង្អួចនៅក្នុងអាគារណាមួយអី ព្រោះវាជាបទល្មើសព្រហ្មទណ្ឌនិងការទទួលខុសត្រូវចំពោះមុខច្បាប់៕

The post នគរបាលក្រុងបាវិត ស្រាវជ្រាវបង្ក្រាបក្រុមចោរគាស់អគារលួចសម្ភារៈ និង អ្នកទទួលផលសរុប៧នាក់បញ្ជូនទៅតុលាការ appeared first on Kampuchea Thmey Daily.

ដោយអនុវត្តតាមបទបញ្ជាដ៏ខ្ពង់ខ្ពស់ពី លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងលោក ប៉េង ពោធិ៍សា អភិបាល នៃគណៈអភិបាលខេត្តស្វាយរៀង ដឹកនាំ​បញ្ជា​ផ្ទាល់​ពី​លោក​ឧត្ដមសេនីយ៍​ទោ​ ពេជ្រ​ វីរៈ​ ស្នងការ​នគរបាល​ខេត្ត​ស្វាយរៀង​ ស្តីពីការអនុវត្តយុទ្ធនាការបង្ក្រាបបទល្មើសអនឡាញស្គេមនៅទូទាំងខេត្តស្វាយរៀង កាលថ្ងៃទី០៩ ខែ​មិថុនា​ ឆ្នាំ​២០២៦​ កម្លាំង​គណៈបញ្ជាការឯកភាពរដ្ឋបាលស្រុុក​ចន្ទ្រា​ ដោយមានការសម្របសម្រួលពី​ឯកឧត្ដម​ ខាំ​ សុផារី ព្រះរាជអាជ្ញា​ នៃ​អយ្យការ​អមសាលាដំបូងខេត្ត ចុះ​ធ្វើ​រដ្ឋ​បាល​ ស្រាវជ្រាវ​ និងបង្រ្កាបទីតាំងសង្ស័យលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams)​

នៅចំណុច​ផ្ទះ​ជួល​ ស្ថិតក្នុងភូមិ​ចេក ឃុំ​សំរោង​ ស្រុក​ចន្ទ្រា ដោយ​ឃាត់​ខ្លួន​មនុស្ស​ក្នុង​រង្វង់​ប្រតិបត្តិការ​ចំនួន ១៣នាក់ ស្រី ០៣នាក់ ជាជនជាតិ​វៀតណាម​។ ដកហូតសម្ភារពាក់ព័ន្ធនឹងបទល្មើសរួមមាន÷កំព្យូទ័រលើតុ All-In-One ,​កុំព្យូទ័រ​យួរដៃ​ ,ម៉ូនី​ទ័រ​ ,ធុង​CPU​ , ទូរស័ព្ទដៃ និងសម្ភារប្រើប្រាស់មួយចំនួនទៀត។

បច្ចុប្បន្ន ជនសង្ស័យរួមទាំងវត្ថុតាង ត្រូវបានសមត្ថកិច្ចជំនាញ កំពុងកសាងសំណុំរឿងបញ្ជូនទៅសាលាដំបូងខេត្ត​ ដើម្បីចាត់ការតាមនីតិវិធីច្បាប់ រីឯ​ទីតាំង​ប្រព្រឹត្តិ​បទ​ល្មើស​បានក្រុមការ​ងារបិទ​សុីល​ បិទ​ទីតាំង​បណ្ដោះអាសន្ន​៕

The post បញ្ជូនជនបរទេស១៣នាក់ ទៅតុលាការខេត្តស្វាយរៀង ពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យាOnline Scam នៅ​ស្រុក​ចន្ទ្រា​ appeared first on Kampuchea Thmey Daily.

ដោយអនុវត្តតាមបទបញ្ជាដ៏ម៉ឺងម៉ាត់របស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងលោក ប៉េង ពោធិ៍សា អភិបាល នៃគណៈអភិបាលខេត្តស្វាយរៀង ស្តីពីការអនុវត្តយុទ្ធនាការបង្ក្រាបបទល្មើសអនឡាញស្គេមនៅទូទាំងខេត្តស្វាយរៀង កាលថ្ងៃទី០២ ខែ​មិថុនា​ ឆ្នាំ​២០២៦​ កម្លាំង​នគរបាល​ នៃ​ស្នង​ការ​ដ្ឋាន​នគរបាល​ខេត្ត​ស្វាយរៀង​ ក្រោមការចង្អុលណែនាំពី លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្ត បានសហការ​ជាមួយ​កម្លាំង​នាយកដ្ឋាននគរបាល​ព្រហ្ម​ទណ្ឌ​​ និងគណៈបញ្ជាការឯកភាពរដ្ឋបាលក្រុងបាវិត​ ដោយមានការសម្របសម្រួលពីលោក​ ហួត​ វិចិត្រ​ ព្រះរាជអាជ្ញារង នៃ​អយ្យការ​អមសាលាដំបូងខេត្ត បានបន្តចុះ​ស្រាវជ្រាវ​ និងបង្រ្កាបទីតាំងសង្ស័យលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams)​ នៅចំណុច​បន្ទប់​ជួលយីហោ​ ហេង​ ស៊ុនហេង ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត​។

ដោយក្នុង​រង្វង់​ប្រតិបត្តិការ​នេះ​ឃាត់​ខ្លួន​មនុស្ស​ចំនួន ៧៣នាក់ ស្រី ៣១នាក់ (ជនជាតិ​វៀតណាម​ ៥៦នាក់​ ស្រី​ ២៣នាក់,​ ជនជាតិ​ចិន​ ១៣នាក់​ ស្រី​០៥នាក់​ និង​ជនជាតិ​ខ្មែរ​ ០៤នាក់​ ស្រី​ ០៣នាក់)។ ដកហូតសម្ភារវត្ថុតាងពាក់ព័ន្ធនឹងបទល្មើសរួមមាន ៖ កុំព្យូទ័រលើតុ All-In-One ,​កុំព្យូទ័រ​យួរដៃ​ ,ម៉ូនី​ទ័រ​ ,ធុង​CPU​ , ទូរស័ព្ទដៃ និងសម្ភារប្រើប្រាស់មួយចំនួនទៀត។ បច្ចុប្បន្នជនសង្ស័យរួមទាំងវត្ថុតាង ត្រូវបានសមត្ថកិច្ចជំនាញ កំពុងកសាងសំណុំរឿងបញ្ជូនទៅសាលាដំបូងខេត្ត​ ដើម្បីចាត់ការតាមនីតិវិធីច្បាប់ រីឯ​ទីតាំង​ប្រព្រឹត្តិ​បទ​ល្មើស​ក្រុមការ​ងារបិទ​​ទីតាំង​(Seal Off) បណ្ដោះអាសន្ន​៕

The post បញ្ជូនខ្លួនជនបរទេសប្រុសស្រីជាង៧០នាក់ ទៅសាលាដំបូងខេត្តស្វាយរៀង ពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា appeared first on Kampuchea Thmey Daily.

ដោយអនុវត្តតាមបទបញ្ជាដ៏ខ្ពង់ខ្ពស់ពី លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងលោក ប៉េង ពោធិ៍សា អភិបាលនៃគណៈអភិបាលខេត្តស្វាយរៀង ស្តីពីការអនុវត្តយុទ្ធនាការបង្ក្រាបបទល្មើសអនឡាញស្គេមនៅទូទាំងខេត្តស្វាយរៀង កាលថ្ងៃទី០១ ខែ​មិថុនា​ ឆ្នាំ​២០២៦​ លោក​វរសេនីយ៍ឯក​ គឹម​ ឡៃ​ ស្នង​ការ​រង​នគរបាល​ខេត្ត​ បាន​ដឹកនាំ​កម្លាំង​នគរបាល​ នៃ​ស្នង​ការ​ដ្ឋាន​នគរបាល​ខេត្ត​ស្វាយរៀង​ សហការ​ជាមួយ​កម្លាំង​នាយកដ្ឋាន​ព្រហ្ម​ទណ្ឌ​ក្រសួង​មហាផ្ទៃ​ និងគណៈបញ្ជាការឯកភាពរដ្ឋបាលក្រុងបាវិត​ ដោយមានការសម្របសម្រួលពីលោក​ ដូរ៉ា​ អង្គ​ប្រទាន ព្រះរាជអាជ្ញារង នៃ​អយ្យការ​អមសាលាដំបូងខេត្ត

ចុះ​ស្រាវជ្រាវ​ និងបង្រ្កាបទីតាំងសង្ស័យលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams)​ នៅចំណុច​ផ្ទះ​វីឡា​ជួល ស្ថិតក្នុងភូមិបាវិតលើ សង្កាត់បាវិត ក្រុងបាវិត​ ដោយ​ឃាត់​ខ្លួន​មនុស្ស​ក្នុង​រង្វង់​ប្រតិបត្តិការ​ចំនួន ០៩នាក់ ស្រី ០៣នាក់ (ជនជាតិ​វៀតណាម​ ០៨នាក់​ ស្រី​ ០៣នាក់,​ ជនជាតិ​ចិន​ ០១នាក់​ ប្រុស)។ ដកហូតសម្ភារពាក់ព័ន្ធនឹងបទល្មើសរួមមាន÷កំព្យូទ័រលើតុ All-In-One ,​ ទូរស័ព្ទដៃ និងសម្ភារប្រើប្រាស់មួយចំនួនទៀត។

បច្ចុប្បន្ន ជនសង្ស័យរួមទាំងវត្ថុតាង ត្រូវបានសមត្ថកិច្ចជំនាញ កំពុងកសាងសំណុំរឿងបញ្ជូនទៅសាលាដំបូងខេត្ត​ ដើម្បីចាត់ការតាមនីតិវិធីច្បាប់ រីឯ​ទីតាំង​ប្រព្រឹត្តិ​បទ​ល្មើស​បានក្រុមការ​ងារបិទ​ស៊ីល​ បិទ​ទីតាំង​បណ្ដោះអាសន្ន​៕

The post បញ្ជូនជនបរទេស៩នាក់ ទៅតុលាការក្រោយបង្រ្កាបទី តាំងសង្ស័យលួចលាក់ប្រព្រឹត្ត Online scam ក្នុងផ្ទះវីឡានៅ​ក្រុង​បាវិត appeared first on Kampuchea Thmey Daily.

ដោយអនុវត្តតាមបទបញ្ជាដ៏ខ្ពង់ខ្ពស់ពី លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងលោកប៉េង ពោធិ៍សា អភិបាល នៃគណៈអភិបាលខេត្តស្វាយរៀង ស្តីពីការអនុវត្តយុទ្ធនាការបង្ក្រាបបទល្មើសអនឡាញស្គេមនៅទូទាំងខេត្តស្វាយរៀង កាលថ្ងៃទី៣០ ខែ​ឧសភា​ ឆ្នាំ​២០២៦​ កម្លាំង​នៃ​អធិការ​ដ្ឋាន​នគរបាល​ស្រុក​ចន្ទ្រា​ បាន​សហការ​ជាមួយ​គណៈបញ្ជាការឯកភាពរដ្ឋបាលស្រុក​ចន្ទ្រា​ ដោយមានការសម្របសម្រួលពី​ឯកឧត្ដម​ ខាំ​ សុផារី ព្រះរាជអាជ្ញា នៃ​អយ្យការ​អមសាលាដំបូងខេត្ត

ចុះ​ធ្វើ​រដ្ឋ​បាល​ ស្រាវជ្រាវ​ និងបង្រ្កាបទីតាំងសង្ស័យលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scam)​ នៅចំណុច​ផ្ទះ​ជួល របស់​លោក​ សុខ​ ដាវី  ស្ថិតក្នុងភូមិចេក​ ឃុំ​សំរោង​  ស្រុក​ចន្ទ្រា​ ដោយ​ឃាត់​ខ្លួន​មនុស្ស​ក្នុង​រង្វង់​ប្រតិបត្តិការ​ចំនួន ០៤នាក់ ស្រី ០១នាក់ (ជនជាតិ​ចិន ០១នាក់ ប្រុស, ជនជាតិវៀតណាម​ ០៣នាក់​ ស្រី​ ០១នាក់)។ ក្នុងនោះដកហូតសម្ភារពាក់ព័ន្ធនឹងបទល្មើសរួមមាន÷កំព្យូទ័រយួរដៃ ,​ ទូរស័ព្ទដៃ និងសម្ភារប្រើប្រាស់មួយចំនួនទៀត។

បច្ចុប្បន្ន ជនសង្ស័យរួមទាំងវត្ថុតាង ត្រូវបានសមត្ថកិច្ចជំនាញ កំពុងកសាងសំណុំរឿងបញ្ជូនទៅសាលាដំបូងខេត្ត​ ដើម្បីចាត់ការតាមនីតិវិធីច្បាប់ រី ឯ​ទីតាំង​ប្រព្រឹត្តិ​បទ​ល្មើស​បានក្រុមការ​ងារបិទ​សុីល​ បិទ​ទីតាំង​បណ្ដោះអាសន្ន​៕

The post ស្នងការខេត្តស្វាយរៀង បញ្ជូនជនបរទេសប្រុសស្រី៥នាក់ទៅសាលាដំបូងខេត្ត ពាក់ព័ន្ធបទល្មើស Online Scam appeared first on Kampuchea Thmey Daily.

គួរបញ្ជាក់ថា កាលថ្ងៃទី២២ ខែ​ឧសភា​ ឆ្នាំ​២០២៦ ដោយអនុវត្តតាមបទបញ្ជាដ៏ខ្ពង់ខ្ពស់ ពី លោកនាយឧត្តមសេនីយ៍ ស ថេត អគ្គស្នងការនគរបាលជាតិ​ និង​ដឹក​នាំ​បញ្ជា​ផ្ទាល់​ពី​លោក​ឧត្ដមសេនីយ៍​ទោ​ ពេជ្រ​ វីរៈ​ ស្នងការ​នគរបាល​ខេត្ត​ស្វាយរៀង​ ​ ​ សហការ​ជាមួយ​គណៈបញ្ជាការឯកភាពរដ្ឋបាលក្រុងបាវិត​ កម្លាំង​នាយកដ្ឋាន​សន្តិសុខ​ផ្ទៃក្នុង​ នៃ​អគ្គស្នងការ​ដ្ឋាន​នគរបាល​ជាតិ​ និងដោយមានការសម្របសម្រួលពីលោក​ស្រី ស៊ុន​ យឺត​ ព្រះរាជអាជ្ញារង នៃ​អយ្យការ​អមសាលាដំបូងខេត្ត បានចុះ​ស្រាវជ្រាវ​

និងបង្រ្កាបទីតាំងសង្ស័យលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams)​ នៅចំណុច​ផ្ទះ​ជួល​របស់​លោក​ ពេជ្រ​ វុទ្ធី​ ស្ថិតក្នុងភូមិតាបឹប សង្កាត់បាវិត ក្រុងបាវិត​ ដោយ​ឃាត់​ខ្លួន​មនុស្សប្រុសស្រី​ចំនួន ០៩នាក់ ស្រី ០១នាក់ (ជនជាតិ​ម៉ាឡេស៊ី​ ០៨នាក់ ស្រី ០១នាក់, ជនជាតិ​វៀតណាម​ ០១នាក់​ ប្រុស)។ ដកហូតសម្ភារពាក់ព័ន្ធនឹងបទល្មើសរួមមាន÷កំព្យូទ័រលើតុ All-In-One ,​ ម៉ូនីទ័រ​ , ទូរស័ព្ទដៃ និងសម្ភារប្រើប្រាស់មួយចំនួនទៀត។

បច្ចុប្បន្ន ជនសង្ស័យរួមទាំងវត្ថុតាង ត្រូវបានសមត្ថកិច្ចជំនាញ កំពុងកសាងសំណុំរឿងបញ្ជូនទៅសាលាដំបូងខេត្ត​ ដើម្បីចាត់ការតាមនីតិវិធីច្បាប់ រី ឯ​ទីតាំង​ប្រព្រឹត្តិ​បទ​ល្មើស​ត្រូវបានក្រុមការ​ងារបិទ​ស៊ីល​ជាបណ្ដោះអាសន្ន​៕

The post សមត្ថកិច្ចខេត្តស្វាយរៀង បញ្ជូនជនសង្ស័យជនជាតិបរទេស៩នាក់ទៅសាលាដំបូងខេត្ត ពាក់ព័ន្ធបទល្មើស Online scam appeared first on Kampuchea Thmey Daily.