ទោះយ៉ាងណា ពាក្យនេះមិនមែនចេះតែយកមកប្រើញឹកញាប់តាមតែអ្វីដែលអ្នកចង់និយាយនោះទេ។ ក្នុងនោះមានស្ថានភាពខ្លះអ្នកមិនគួរនិយាយវាចេញឡើយ។ ខាងក្រោមជាកាលៈទេសៈ ៨ យ៉ាង ដែលអ្នកគួរចៀសវាងប្រើពាក្យ “សុំទោស” ៖

១. នៅពេលនិយាយការពិត

អ្នកពិតជាមិនចាំបាច់សុំទោស ខណៈកំពុងប្រាប់ការពិតនោះទេ។ ចិត្តវិទូនិយាយថា ភាពស្មោះត្រង់តែងតែមានអំណាច ដោយសារការពិតមិនបានធ្វើឱ្យប៉ះពាល់ដល់អារម្មណ៍របស់នរណាម្នាក់ឡើយ។ ពេលអ្នកចង់និយាយការពិតប្រាប់គេ អ្នកត្រូវព្យាយាមបង្កើតពាក្យជារបស់ខ្លួនឯង ដោយមិនចាំបាច់ចាប់ផ្តើមជាមួយពាក្យ “ ខ្ញុំសុំទោស” ប៉ុន្តែផ្ទុយពីនេះអ្នកអាចប្រើឃ្លាដូចជា “ ខ្ញុំគិត” ឬ “ តាមគំនិតរបស់ខ្ញុំ” ជំនួសវិញ។

២. នៅពេលរំជួលចិត្តខ្លាំងពេក

ខណៈអ្នកមានអារម្មណ៍មិនល្អដោយរំជួលចិត្តនឹងអ្វីមួយខ្លាំង អ្នកអាចបង្ហាញអារម្មណ៍ខ្លួនដោយពុំចាំបាច់លាក់លៀមទេ។ យ៉ាងណា អ្នកគួរចៀសវាងនិយាយសុំទោសទៅនរណាម្នាក់ ដោយព្រោះតែអារម្មណ៍របស់ខ្លួនឲ្យសោះ។ អ្នកស្រី Donna Flagg អ្នកនិពន្ធសៀវភៅ Surviving Dreaded Conversations និយាយថា ការអនុញ្ញាតឱ្យនរណាម្នាក់ដឹងពីអារម្មណ៍របស់អ្នកគឺកំពុងជួយគេនោះឲ្យយល់ពីអ្ន​ក ហើយរឿងនេះក៏មិនមែនជារឿងអាម៉ាសដែរ។

៣. នៅពេលមើលទៅខ្លួនឯងខុសគេ

ជាសិទ្ធិរបស់អ្នកក្នុងការតុបតែងខ្លួនដើម្បីឲ្យខ្លួនឯងមានផាសុកភាព ហើយវាមិនមែនជាពេលត្រូវនិយាយសុំទោសដោយព្រោះតែអ្នកមើលទៅមិនដូចគេនោះទេ។ លើកលែងតែវាជាឱកាសអ្វីមួយដែលតម្រូវឲ្យអ្នកស្លៀកពាក់តាមការស្នើសុំរបស់ម្ចាស់កម្មវិធី។ ទោះបីអ្នកហាក់ប្លែកពីគេដោយសាររបៀបតែងខ្លួនក៏ដោយ អ្នកមិនត្រូវពោលសុំទោសអ្នកដទៃទេ ព្រោះនេះជាជម្រើសរបស់មនុស្សម្នាក់ៗ។

៤. នៅពេលចង់ក្លាយជាខ្លួនឯង

ពេលខ្លះអ្នកមានបំណងចង់នៅតែម្នាក់ឯង តែមិនមែនមានន័យថា អ្នកជាមនុស្សម្នាក់មានអារម្មណ៍មិនល្អនោះទេ។ តាមពិតការស្រាវជ្រាវបង្ហាញថា ការចំណាយពេលច្រើនម្នាក់ឯងធ្វើឱ្យអ្នកមានការច្នៃប្រតិដ្ឋល្អប្រសើរឡើង។ ដូច្នេះកុំមានអារម្មណ៍សោកស្តាយដែលមិនបានចូលរួមក្នុងសកម្មភាពសង្គមណាមួយ ព្រោះហេតុផលរបស់អ្នកគ្រាន់តែជាតម្រូវការផ្ទាល់ខ្លួន ហើយក៏មិនចាំបាច់ពោលសុំទោសនរណាដែរ ខណៈអ្នកអវត្តមាន។

៥. នៅពេលសួរសំណួរ

ក្នុងករណីជាច្រើនយើងមិនមានអារម្មណ៍ស្រណុកក្នុងការសួរសំណួរទេ ពីព្រោះយើងខ្លាចដោយមើលខ្លួនឯងទៅគួរឲ្យចង់សើច ហើយក៏និយាយសុំទោសជាញឹកញាប់។ ទោះជាយ៉ាងណាក៏ដោយអ្នកឯកទេសរកឃើញថា សកម្មភាពនេះមិនមែនជាអាកប្បកិរិយាត្រឹមត្រូវ ប្រសិនបើអ្នកពិតជាចង់ទទួលបានជោគជ័យ។ កុំសោកស្តាយ និងកុំខ្លាចក្នុងការសុំការបញ្ជាក់ពេលមិនយល់ឬសុំជំនួយបន្ថែម។ ប្រសិនបើមនុស្សផ្សេងទៀតវិនិច្ឆ័យដោយគ្រាន់តែការសួររបស់អ្នក នោះវាជាបញ្ហារបស់គេប៉ុណ្ណោះ។

៦.​នៅពេលមិនឆ្លើយតបនឹងអ្វីមួយភ្លាមៗ

មានមនុស្សមួយចំនួនទាក់ទងមកអ្នកតាមការហៅទូសព្ទ ផ្ញើសារ ឬ អ៊ីម៉ែល ប៉ុន្តែអ្នកពុំមានពេលតបទៅគេវិញភ្លាមៗតាមតម្រូវការរបស់គេឡើយ។ ទោះជាយ៉ាងនេះក្ដី អ្នកពុំគួរសុំទោសដែរ អ្នកគ្រាន់តែឆ្លើយតបនៅពេលដែលអ្នកអាចធ្វើបានក៏គ្រប់គ្រាន់ហើយ។ ត្រង់នេះចង់សម្ដៅដល់ មនុស្សដែលរហ័សរហន់ចង់ឲ្យអ្នកធ្វើអ្វីបន្ទាន់ភ្លាមៗ ស្ទើរតែមិនឲ្យអ្នកដកដង្ហើមទាន់។

៧. នៅពេលមានអ្វីមួយដែលមិនអាចគ្រប់គ្រងបានកើតឡើង

មានស្ថានភាពជាច្រើនដែលអ្នកមិនអាចគ្រប់គ្រងបាន ទោះបីយើងបានគ្រោងទុកយ៉ាងល្អឥតខ្ចោះក៏ដោយ។ មិនថាវាយឺតពេលសម្រាប់ការប្រជុំដោយសារតែចរាចរណ៍ ឬកំហុសបច្ចេកទេសណាមួយនោះទេ ព្រោះថារឿងទាំងនេះតែងតែកើតឡើង ហើយអ្នកមិនគួរទទួលខុសត្រូវលើអ្វីទាំងអស់ដែលកើតឡើង។ ផ្ទុយទៅវិញវាជាការប្រសើរក្នុងការថ្លែងអំណរគុណ ហើយព្យាយាមរកដំណោះស្រាយដើម្បីធ្វើឱ្យអ្នករាល់គ្នាសប្បាយរីករាយវិញ។

៨. នៅពេលដែលមនុស្សម្នាក់ទៀតមានអាកប្បកិរិយាឈ្លើយ

មានស្ថានភាពជាច្រើនដែលអ្នកមិនអាចគ្រប់គ្រងបាន ទោះបីយើងបានគ្រោងទុកយ៉ាងល្អឥតខ្ចោះក៏ដោយ។ មិនថាវាយឺតពេលសម្រាប់ការប្រជុំដោយសារតែចរាចរណ៍ ឬកំហុសបច្ចេកទេសណាមួយនោះទេ ព្រោះថារឿងទាំងនេះតែងតែកើតឡើង ហើយអ្នកមិនគួរទទួលខុសត្រូវលើអ្វីទាំងអស់ដែលកើតឡើង។ ផ្ទុយទៅវិញវាជាការប្រសើរក្នុងការថ្លែងអំណរគុណ ហើយព្យាយាមរកដំណោះស្រាយដើម្បីធ្វើឱ្យអ្នករាល់គ្នាសប្បាយរីករាយវិញ។

មនុស្សយើងភាគច្រើនតែងមានអារម្មណ៍ស្រឡាំងកាំង ឬភ្ញាក់ផ្អើលដោយសារអាកប្បកិរិយារបស់នរណាម្នាក់មិនសមគួរច្រង៉េងច្រង៉ាងដាក់មនុស្សនៅក្បែរ។ ប្រសិនបើអ្នកប្រទះមនុស្សច្រឡើសបើស អ្នកចាំមិនបាច់ទៅទទួលខុសត្រូវសុំទោសជំនួសគេឡើយ ព្រោះនោះជារឿងរបស់គេដែលអ្នកមិនគួររ៉ាប់រង ៕

ប្រែសម្រួល៖ សន្យា

ចុចអាន៖ មានអារម្មណ៍ថា អ្នកជុំវិញបោះបង់ចោល ? អានអត្ថបទសិន ក្រែងធូរស្បើយផ្លូវចិត្តខ្លះ

ចុចអាន៖ សំណាងពិតៗ មិនចាំបាច់មើលហោរ បើបានជួបមនុស្ស ១០ប្រភេទនេះ

The post កាលៈទេសៈប៉ុន្មាននេះ ពុំចាំបាច់ពោល «សុំទោស» ទេ appeared first on Kampuchea Thmey Daily.

បើ​តាម​ ភិក្ខុសង្ឃ​ ហាក់ សៀងហៃ បាន​សរសេរ​នៅ​ក្នុង​បណ្ដាញ​សង្គមថា “ដឹង​ខុស កែខ្លួន ខ្លួន​ល្អ !

​បើ​ដឹង​ខុស​ហើយ នៅតែ​ល្មើស កាន់តែ​មិន​ល្អ”។

លោក​ក៏បាន​មាន​សង្ឃដីកា​ថា “​អាត្មាភាព​មិនបាន​យកទោស​ទណ្ឌ​អ្វី​ទេ គឺ​គ្រាន់តែ​ការពារ​តម្លៃ​សាសនា​របស់​រដ្ឋ​យើង​ប៉ុណ្ណោះ។ ម្យ៉ាង ការណ៍​នេះ អាច​ទាក់ទង​នឹង​ផ្លូវច្បាប់ ដូចនេះ​អាត្មាភាព​មិន​មាន​យោបល់​អ្វី​ទេ តែ​ក៏​អាណិត​ប្អូនៗ​ដែរ បើ​តាម​ស្តាប់ គឺ​ភ្លេច​ស្មារតី​មួយ​ពេល។ ដូចនេះ សូម​សាធារណជន ពិចារណា​លើ​បញ្ហា​នេះ បុគ្គល​ណា​ក៏​ធ្លាប់​ប្រព្រឹត្ត​ខុស​ដែរ បើ​ដឹង​ខុស​ហើយ កែខ្លួន​វិញ គឺ​ខ្លួន​ល្អ។ ព្រះពុទ្ធ​សម្តែង​ថា “​បុគ្គល​ពាល ដឹងខ្លួន​ថា​ពាល គឺជា​បណ្ឌិត រមែង​ញាំង​លោក​នេះ​ឱ្យ​ភ្លឺស្វាង ឧបមា​ដូច​ព្រះ​ចន្ទ​រះ​ផុត​ចាក​ដុំ​ពពក​ខ្មៅ​ដូច្នោះ​ដែរ “។

ទាក់ទង​ករណី​ខាង​លើ​នេះ លោក សេង សុមុនី រដ្ឋលេខាធិការ និង​ជា​អ្នក​នាំពាក្យ​ក្រសួងធម្មការ និងសាសនា មាន​ប្រសាសន៍​ប្រាប់ កម្ពុជា​ថ្មី នៅរសៀលថ្ងៃទី០១ ខែវិច្ឆិកា ឆ្នាំ២០២១នេះថា លោក​ទើប​ទទួល​បាន​ព័ត៌មាន​នេះ ដែល​បញ្ហា​នេះទាក់​ទង​ទៅនឹង​ច្បាប់​ក្រមព្រហ្មទណ្ឌ ដែល​បានចែងអំពី​ការប្រើប្រាស់​ស្បង់ចីពរ មិន​មាន​ការ​អនុញ្ញាត បើ​តាម​ច្បាប់ គឺពួក​គេ​មាន​ទោស។

លោក សេង សុមុនី មាន​ប្រសាសន៍​បន្ត​ថា “បើ​តាម​ន័យ នៃច្បាប់ក្រមព្រហ្មទណ្ឌដែលបានចែង ចាប់​ពីមាត្រា ៥០៨ ដល់មាត្រា ៥១៤ហ្នឹង គឺ​ទាក់ទង​នឹង​ការងារ​សាសនា ព្រះ​ពុទ្ធសាសនា​ដែល​ជា​សាសនា​របស់​រដ្ឋ​តែ​ម្ដង”។

អ្នក​នាំ​ពាក្យ​ក្រសួងធម្មការ និង​សាសនា រូប​នេះ​បាន​ធ្វើ​ការ​អំពាវនាវ ដោយ​លោក​ធ្វើ​ការ សំណូមពរ ទី១​សូម​ឱ្យ​សមត្ថកិច្ច​អនុវត្តច្បាប់​ឱ្យបានម៉ឺងម៉ាត់ មិន​អាច​ជន​ណា​យក​ពុទ្ធសាសនា ដែល​ជា​សាសនា​របស់​រដ្ឋ​យក​ទៅ​បំប្លែង​លេង​ទៅ​តាម​អ្វី​ដែល​ចិត្ត​ចង់ ដោយ​គ្មាន​ច្បាប់​គ្មាន​ទម្លាប់ គ្មាន​ការ​គោរព​អ៊ីចឹងទេ។

លោក សេង សុមុនី មាន​ប្រសាសន៍​បន្ត​ថា “ទី២ សំណូមពរ​ដល់​បរិស័ទ​ទាំងអស់​ក្នុង​សាសនា​ណា​ក៏​ដោយ សូម​កុំ​ឱ្យ​សម្លៀក​បំពាក់​សាសនា មក​ធ្វើ​កំប្លែង​លេង​សើច​អ៊ីចឹង ​គឺ​មិន​ត្រឹមត្រូវ​ទេ ព្រោះ​សម្លៀកបំពាក់​សម្គាល់​សាសនា​ដូចជា ស្បង់ចីពរ របស់​ព្រះសង្ឃអ៊ីចឹង ជា​របស់​សក្ការៈ​របស់​អ្នក​គោរព​បូជា។ អ៊ីចឹងវត្ថុជាទីសក្ការៈយើង​មិន​អាច​យក​មក​លេងសើច សូម​កុំ​ឱ្យ​មាន​ការ​ធ្វើអ៊ីចឹងបន្តទៀត ព្រោះ​ការ​ធ្វើ​ហ្នឹង គឺ​ខុស​ច្បាប់ ហើយ​មាន​ទោស​ទាំងច្បាប់​រដ្ឋ និង​ជំនឿ​សាសនា​គឺ​ការ​មាន​បាប”។

លោក​បាន​បញ្ជាក់​ថា កន្លង​មក​មាន​ការ​ដោះស្រាយ ចំពោះ​បុគ្គល​ដែល​គ្រងស្បង់ចីពរ​ធ្វើ​ជា​សង្ឃ​ក្លែង​ក្លាយ ដែល​មាន​គណៈ​សង្ឃ​ដោះស្បង់​ចីព​រចេញ​ទៅ ហើយ​ប្រគល់​ទៅ​សមត្ថកិច្ច។

គួរ​បញ្ជាក់​ថា បទ​ល្មើល​ប៉ះពាល់​ដល់​ព្រះពុទ្ធសាសនា មាត្រា ៥០៨ “បទ​ស្លៀក​ដណ្ដប់​បែប​ព្រះពុទ្ធសាសនា​ដោយគ្មានសិទ្ធ” ​ចែងថា ត្រូវ​ផ្ដន្ទាទោស​ដាក់​ពន្ធនាគារ​ពី ៦ថ្ងៃ ទៅ ៣ខែ និង​ពិន័យ ជា​ប្រាក់​ពី ១សែនរៀល ទៅ ៥សែនរៀល អំពើ​ស្លៀក​ដណ្ដប់​ជា​សាធារណៈ ដោយ​គ្មាន​សិទ្ធិ​នឹង​ស្លៀក​ដណ្ដប់​នូវស្បង់ ចីពរ សម្រាប់​អ្នក​បួសក្នុង​ព្រះពុទ្ធសាសនា៕

កែសម្រួលដោយ ៖ នាគព័ន្ធ

The post បន្ទាប់​ពីមាន​ការរិះ​គន់​ខ្លាំង​ៗ ករណី​នារី​វ័យ​ក្មេង​រាំ​ជាមួយ​បុរស​ស្បង់​ចីវរ ពេល​នេះ​អ្នក​ទាំង​២​ចេញ​មុខ​សុំទោស​ជាសាធារណៈ appeared first on Kampuchea Thmey Daily.